唐坊火鍋私房菜

營業中

休息中

收工約朋友去咗唐坊火鍋私房菜，環境乾淨寧靜，好有私隱度，仲有包廂！啱晒三五知己慢慢傾住食。我地2個人唔算叫左好多野但已經好飽🙈•靈芝椰子雞鍋：湯底用上原個椰青熬製，湯底入口清甜帶少少藥材味，飲落無負擔，仲要即場加埋靈芝粉超足料。雞件份量足，肉質滑唔嚡口，啖啖都吸到湯味。•手切封門柳（小）：牛肉油花靚，手切厚薄適中，淥幾秒就食得，封門柳比較重牛味 ，岩晒鍾意食肉味重既我。•三寶丸：手打丸有三款，造型精緻，入口彈牙，唔會一煮就散晒，咬落去有層次，食得出用料唔馬虎。•白豬仔午餐肉：好靚既擺盤 ，切出嚟心形好靚，煮完保持厚實，食落唔腍唔爛，有鹹香味又唔太油膩，幾有驚喜。•紙豆腐：薄切豆腐皮捲成筒狀，落湯後吸晒湯底精華，軟滑唔爛，賣相特別，隔離枱見到我地order完佢地都即刻試下！•油麥菜：菜夠新鮮，洗得乾淨，落湯煮幾秒已經食得，保持清爽同甘甜。•邪惡魚皮：五星推介⭐️⭐️⭐️⭐️⭐️！！！超好食～炸得香脆，外層包住鹹蛋黃，唔會太油，配鍋前小食一流，食落幾停唔到。Like左佢地社交平台仲有竹蔗茅根送！😍佢呢到有多款唔同嘅湯底，啱晒想食得舒服嘅朋友。服務都幾貼心，可以慢慢食慢慢傾～不過地方唔算大 所以預先b

今日去到一間精品私房菜食火鍋食物質素有保證不用限時，可以慢慢食慢慢傾唐泰北蝦冬蔭湯鍋為什麼選擇這個湯底？ 因為特別囉 雖然係冬陰功湯 但沒有加任何嘅椰漿 ，係清湯冬陰功 ，與一般泰菜不一樣，亦沒有的一層油，雖然酸辣，但湯卻不油膩紙豆腐此豆腐真的很特別 食法就像腐皮 ，先放進湯底，然後轉5圈左右會吸收湯的香味。蟹肉雲吞 韭菜餃韭菜餃同雲吞都皮薄餡靚而且裏面餡很豐富雲吞大大粒手打三寶丸牛丸，花枝丸 蝦丸 每次去手工火鍋店，都很想食自家的丸因為手打丸比，一般現成丸真的不同三款丸都很彈牙牛丸更加係非常爽，又重牛味，仲會爆汁手切封門柳亦都叫了一份牛肉質素很好，執門柳真係好適合火鍋，油份香，好味。邪惡魚皮餐牌上有好有趣嘅有善良魚皮 邪惡魚皮細問之下，發現兩者都係即炸魚皮邪惡魚皮係鮮炸 然後沾上即時炒起嘅鹹蛋沙由於即製，真係要趁熱食。扇貝 好新鮮，好大隻。充滿鮮味一人一隻。而且好夾冬陰湯底亦都叫咗一份油麥菜現在即時like 社交平台立即送果汁OpenRice 訂台又有折仲有甜品 椰汁雪燕

這間火鍋餐廳格局和平日的火鍋餐廳不同，反而像一間西餐廳，閃閃發亮的天花吊燈泡，掛畫裝飾感覺很有情調！之前來過這間火鍋餐廳，感覺今次的食物比起上次還更加好吃呢！而且座位舒適，推介～♡邪惡魚皮$78 🥢必點🥢名副其實，超邪惡唷！魚皮炸得香脆無比，剛剛炸好，放進口時仍然帶有溫度的，而且咸蛋佈滿每一塊魚皮，滋味無窮啊！♡濃蝦湯蕃茄鍋$168 🥢必點🥢職員叫我們先勺一碗湯喝再開始火鍋，我們喝一口都異口同聲說蝦味十分濃郁！而且蝦肉肉質也不錯，感覺很鮮甜。♡豆腐紙$28口感類似腐竹糖水的腐竹，質地很沾醬汁，非常入味唷！♡手打蝦滑$98是餐廳自家打的蝦滑，表面還有些魚籽，口感滑溜，帶有蝦的香味。♡極品牛丸$78想不到吃牛丸都有濃郁的牛味，帶有點肉汁，味道出色！♡特級手切肥牛(小)$248 🥢必點🥢可以看到油花和牛肉色澤新鮮，吃下去肉質軟腍，十分濃郁的牛味～飲品方面，清涼透心的椰子水可以下火和解油膩感，味道清新，配火鍋一流呢！最後還有甜品唷！是椰汁雪燕，不甜不膩，畫上完美句號！.✔️餐廳設加一服務費

喺旺角要搵間坐得舒服，寧靜嘅餐廳唔算容易，而#唐坊火鍋私房菜 既環境舒適，更佔譽發廣場全層，地點方便，由地鐵站走來，5分鐘左右。人圴$400左右，晏奏仲有午餐供應!!✅前菜醬油 送上混醬盤，乾淨企理✅煲冬瓜瑤柱美腿鍋等左陣湯就滾起，先飲啖湯，湯底清甜潤喉，湯料實在豐富，除左有金菇外，仲有細片金華火腿。每人至少飲左兩碗。✅手切雪花牛頸脊（小）靚牛系呢度一大賣點，切片剛剛好，油花分佈均勻，肉質鮮嫩，唔會食到好滯，絕對係牛肉控必選之食。✅韭菜餃拼蟹肉餃脹卜卜，同樣冇水氣，皮薄，蟹肉味道甘甜帶鮮。✅手打花枝滑花滑煮熟浮上面，入口彈牙，表面仲有啲蟹籽做點綴～✅邪惡魚皮系十級邪惡，炸得十分酥脆，超級咸香惹味！✅特長蟹柳✅油麥菜✅椰子水 椰子水夠冰涼，入口清爽，帶有淡淡椰子甘甜，配火鍋一流！✅椰汁雪燕椰汁香濃，口感絲滑微甜。消滯一流!