讚好台灣

營業中

休息中

成日經過，但係今次第一次試屋企人食過三次，話好食兼抵食有台式滷肉便當、四款湯底嘅湯麵、台灣夜市小食等▶️ 香滑牛筋麵 蕃茄湯 ($68)賣相唔係特別吸引，不過湯底紅卜卜，上枱已經聞到好香蕃茄味入面有真番茄同洋蔥粒🍅味道濃郁，鮮甜中帶少許辛辣，絕對唔稀牛筋足足四大條，每條都好粗身🤩晶瑩剔透，口感超似啫喱，充滿骨膠原，軟淋淋黏黏地，好令人回味👍🏻雖然唔係刀削麵，但呢款麵質都煙靭有嚼口，似上海麵，幾好食▶️ 涼拌滷豆腐 ($12)份量比想像中細，一開四件滷得入味又唔會太鹹外皮硬身少少而入面豆腐就軟身上面放上少許芝麻粒同香蔥調味▶️ 逢甲鹽酥雞 (大：$38）一粒粒而唔係雞扒，炸得香脆又唔油膩炸粉好薄，入面啖啖雞肉🐔椒鹽味重，夠惹味，幾出色嘅▶️ 夜市小香腸乾拌麵 ($62)-幾有水準嘅台灣菜👍🏻難怪生存到咁耐，深受學生歡迎，有時仲要排隊等位入面裝修少許文青，用上木枱凳同白燈，有「課室」feel📚不過坐得迫少少，同埋有啲熱 (可能因為坐近門口，成日開住門，吹晒啲熱風入嚟)上菜速度好快，不過落單上面亂咗少少，大家可能要check check單性價比高，我哋四個人，每人叫個麵，再叫三個小食同兩杯飲品，埋單

🙋🏻‍♂️餓底探員今晚去咗紅磡調查呢間台灣菜，佢成日都好多人排隊，諗住去碰下運氣睇下多唔多人排，結果唔使點排就食到，好好彩🥩🍜豐盛牛肉乾拌麵 $75📸表示個乾拌麵有金錢牛腱，牛腩，牛筋，花枝丸同貢丸多種配料，面頭仲有紅蘿蔔，白蘿蔔同青瓜絲，真係好豐盛，果然無改錯名🙋🏻‍♂️表示個乾拌麵口感軟硬適中，金錢牛腱，牛腩同牛筋都好軟腍，花枝丸同貢丸彈牙，配埋個滷水汁，成個麵好好味，豐盛又滿足🍗🍖🍜 綜合湯麵 $60📸表示個綜合湯麵入面有肉燥，牛筋，軟骨，大腸同滷蛋，一上枱見啲湯咁多，蓋過晒啲配料，肉燥同蔥花都散開晒，賣相唔係咁吸引，加上餓底本身想食新竹米粉但係無晒，感覺有少少失望🙋🏻‍♂️表示個湯頭用咗大骨湯，飲落幾清甜，個麵食落彈牙，牛筋軟腍，軟骨肉入口溶化，骨位好有咬口，大腸洗得乾淨無壓味，整體嚟講唔差，係個賣相同無咗新竹米粉減咗啲分🍗逢甲鹽酥雞(大) $35📸表示個鹽酥雞好大份，目測都有十幾嚿，炸到金黃色好吸引🙋🏻‍♂️表示個鹽酥雞食落好香脆，入口唔油膩，肉質鮮嫩，食到停唔到口🍽涼拌滷豆腐 $12📸表示個豆腐得一嚿，的的骰骰咁，面頭淋上 滷水汁同灑上蔥花，上枱前已經切好一開四，方便進食🙋🏻‍♂️表

屋企附近既呢間台灣野長期排曬長龍，呢日兩點幾三點黎到都爆爆地😯佢既下午茶其實幾抵食，包小碗既飯或麵加三個小食同野飲都只係$33，但係👨🏻同我肚餓驚小碗唔夠食既關係，我地呢次都叫左普通餐牌上面既大碗麵🤪▪️ 豐盛牛肉麵 + 鮮蕃茄湯（7/10）💲75呢個豐盛牛肉麵有金錢牛腱、牛腩、牛筋、花枝丸、貢丸☺️金錢牛腱同牛腩都尚算軟腍，牛味唔錯🤔牛筋唔係好滑腍嗰種，而係帶有少少咬口既，係另一番既風味，感覺有住豐富既骨膠原🐮花枝丸同貢丸大粒彈牙，不過白蘿蔔就略為多渣🥕至於麵條係煙煙韌韌，浸耐左都唔會過腍👌🏻蕃茄湯底亦有幾舊新鮮蕃茄係入面，飲落有酸酸地既蕃茄味幾開胃😍▪️ 牛筋腩麵 + 紅燒牛肉湯（6.5/10）💲59牛筋腩同上，分別係在於👨🏻揀個湯底，紅燒牛肉湯比起鮮蕃茄湯遜色，飲落係較為鹹既豉油湯，如果紅燒既辣味同牛肉味濃返啲會更好🤤▪️ 醬油滷大腸（7/10）💲28大腸面頭有蔥花同埋榨菜，醬油亦都滷得入味，係底下既間唔中會有少少鹹🤭▪️ 逢甲鹽酥雞（7/10）💲33 (大)鹽酥雞有大小之分，我地既大份有大約十幾舊🐥炸到熱辣辣咁上檯，都唔會話好油膩，食落椒鹽味足夠，唯獨係雞肉可以更為嫩滑🙃▪️ （左）蜂蜜柚