西班牙海鮮飯

真喺有啲無厘頭，最近收到銀行邀請，可能見我都有丁點基金投資晌度，想搵我做番嘅理財分析，都預佢哋會順便推銷吓啲投資產品，最後又無喎，仲堅送咗張瑰麗酒店「Bayfare Social」西班牙餐廳嘅午餐劵，所以，訂定位去食餐免費飯。雖然話酒店晌K11 Muse上面，但指示牌唔多又唔清晰，都兜咗好耐先搵到。貴為5星級酒店，環境及服務自然有番咁上下，難得感覺卻喺好輕鬆自在。不過，整體地方喺大嘅，但唔明點解部份枱櫈嘅安排會咁貼，唔想聽到隔離講嘢都焗聽。講番個免費餐，喺兩道菜供二人享用，只得一份麵包籃、一份熟食冷肉盤同一份西班牙海鮮飯，份量上因為老婆細食，我哋都OK嘅，如果兩位正常食量嘅男士，就幾敢肯定唔夠喇。因為免費，餐牌就無標價錢，但睇番散點嘅餐牌，推算成個套餐值$670左右。趁得閒，啲嘢又未上枱，所以，順便影影個散點餐牌出嚟俾大家參考個價格。麵包籃先上一份麵包籃，並附上西班牙產嘅雪梨醋同初榨橄欖油，顯得有啲高檔。麵包有兩款，都喺睇番餐牌所知，包括酸種麵包同扁麵包，雖然訂枱時會問你有無咩食物敏感，並一早講咗希望喺無麩質，但嚟到都喺話你知佢哋唔會提供無麩質食物，真喺嘥氣，成份麵包籃就只好由小弟全力處決掉，等老婆食多啲飯。熟食冷肉盤晌餐牌裡面只寫上菜式名「Charcuterie Board」，卻無講包含咩款式風乾肉腸，嚟到一睇共有5款，有啲會拼上唔同嘅芝士、果乾，但今趟就唔見，只喺伴有少少烘脆咗嘅果仁。由於侍應無特別介紹呢5款肉腸，加上小弟對西班牙菜唔在行，所以，俾唔到大家佢哋嘅個別名稱，然而，整體嚟講，各有特色，有啲鹹香有咬口，有啲質感細膩有陣陣肉香，有啲就有油脂香得嚟又唔會覺好肥。西班牙海鮮飯套餐嘅主食喺西班牙菜嘅經典西班牙海鮮飯，都喺按傳統用上大鐵鑊呈上，飯面有大蝦、海蜆、墨魚仔，再加一抹蒜泥蛋黄酱同檸檬角，老實講以一間五星級酒店內嘅餐廳而言，餸料嘅份量確喺偏少，海蜆同墨魚仔都唔喺好有睇頭，還好啲料都夠鮮甜，飯粒軟綿並吸滿湯汁，再唧上檸檬汁，撈埋啲蛋黃醬，味道幾正，不過，成鑊飯得一小抹蛋黃醬感覺又喺偏少。佢哋有另一個角落，喺專賣咖啡、甜點同雪糕，我估兼營外賣生意，針對樓上嘅辦公室客。朱古力蛋糕 $110見個餅櫃嘅朱古力蛋糕幾靚，加上老婆都好鍾情朱古力系嘅嘢，尤其黑朱古力，所以，嗌多一客甜品嚟試試。賣到百幾蚊確喺唔平，但質素真喺高，底層嘅朱古力蛋糕鬆軟富回彈力，上層嘅朱古力慕絲好幼滑，朱古力味濃，而面層嘅鏡面朱古力漿做得富光澤，帶點甘苦餘韻，好食。諗住嚟到咁高檔嘅酒店餐廳，應該會有啲驚喜，不過，跟現實就有啲落差，所謂兩道菜二人餐，份量都只可以講勉強夠，食物嘅質素就唔差，可是亦唔叫好好，尤其假如以實價計，性格比絕對唔高。…查看更多

今次找來在Rosewood 瑰麗酒店的Bayfare Social吃西班牙菜。兩個多星期前在網上預訂兼需用信用卡付每位訂金$500。訂座日子的48小時前可更改/取消。餐廳位於酒店內五樓，室內設計格調時尚。位於低層，幾個倚窗位置可以勉強透過星光大道見到維港，景觀未算一線。今次坐的五人卡位近餐廳入口，遠離窗邊，感覺有點侷促。幸好環境寧靜，座位舒適，迅間忘掉座位景觀的缺點。一行五人揀了Weekend lunch set，一個西班牙經典菜式加小食的精裝版。逢週未及公眾假期12-3時供應。侍應服務態度在初段是積極有禮的。先介紹上碟情況，例如五人的同一碟菜式會放在同一碟上枱以及龍蝦的分配等（餐牌無說明份量）。頭盤- 凍海鮮波士頓龍蝦每二人分一邊，蝦及生蠔每人兩隻。海鮮拼盤色彩鮮紅，五人份放在一大盤，上枱時很壯觀，頓時填補了每人只有1/4隻龍蝦的失落！蝦是虎蝦，相當大隻，鮮甜啖啖肉，好味。1/4隻龍蝦肉質鮮嫩，可惜份量太少。生蠔很新鮮，少少creamy, 非常好味。Scallop Crudo帶子薄切北海道生帶子新鮮，但鮮味被綿密酸中偏甜的Escabeche dressing幾乎蓋過。醬汁做得出色！Tapas 小食三味：1️⃣Ibérico ham croquetas alioli (吉烈西班牙火腿丸配蒜泥蛋黃醬）炸丸上桌時熱騰騰的，外層酥化，內裏沒有用上芝士但仍吃出滑溜感，火腿咸香味並不突出。點上蒜泥蛋黃醬(aioli)減膩，香口炸物無得輸。2️⃣Padrón pepper煎小青椒軟身青椒仔用簡單海鹽調味，青色的椒未成熟轉紅色時是不辣的，加上沒焦香味，整體味道簡單。3️⃣Txipirones鮮魷魚仔流心蛋魷魚仔配上流心蛋蔬菜醬汁，煑法簡單，最重要是魷魚夠新鮮，很快己被清碟。主菜：Cochinillo asado 乳豬乳豬一人只有一塊，外皮香脆肉質鮮嫩多汁。乳豬醬遜中式乳豬醬，但還是要點醬食才更好味。Seafood Paella西班牙海鮮飯蛤蜊，蝦及魷魚三種海鮮配蒜蓉蛋黃醬Aioli。一大隻鑊端上時超期待！鑊中的海鮮有點稀疏，如果可以再多啲餸就會熱鬧啲！有檸檬及aioli醬給客人作調味。飯有點咬勁，但略嫌味道偏咸，滴上檸檬汁及混入aioli才吃出層次感。美中不足是這煱飯沒有足夠火喉迫出飯焦(socarrat)，未能達到西班牙海鮮飯的一個好食指標，有點失望…..但不是難食…..後段的服務就像隨著侍應換更而消失，要主動要求換碟及加水。甜品Churros chocolate dip 西班牙油條配朱古力醬壽星仔似乎不介意用這個普通到不能普通的西班牙小食代替蛋糕！炸油條滾上一層薄薄幼沙糖，吃前再蘸上朱古力醬，甜蜜又滿足地完成了這頓生日飯。試想下$598 的套餐，要海鮮有海鮮、要肉有肉、要甜品有甜品⋯⋯食物質素高又食得飽，還是在五星酒店內享用，真係一次過滿足晒所有願望。推介！…查看更多

上星期日同屋企人去Bayfare 慶生，唔駛諗一於試吓佢哋嘅Weekend Lunch Menu，頭盤有Seafood platter同Scallop Crudo 、三個Tapas 、兩個Main courses 同甜品，$598一位係Rosewood 真係唔算貴了先上嘅Seafood Platter 先聲奪人，望落已經好開心生蠔好新鮮蝦亦鮮甜龍蝦則細咗啲。Scallop Crudo 嘅汁太多，不太食到帶子嘅味道三個Tapas 還可以，令人期待嘅係Main Dishes，西班牙海鮮飯ok嘅但海鮮只係配給每人一隻真係有啲唔夠喉最精彩係Roasted Spanish Suckling Pig 勁脆嘅皮加勁juicy 嘅肉一定要趁熱食呀！甜品普普通通，可惜嘅係飲品另計，一杯Iced tea $80絕對是酒店價錢，不過想坐吓傾吓計飲品是必須吧哈哈…查看更多

🦐西班牙🇪🇸熟食市場風的初體驗🦞適逢今日係慶祝🎊🥳一位移居香港🇭🇰台灣朋友食生日飯，當然要念一念揾間有特色既restaurant🍽來展現比距睇下香港作為美食天堂既魅力所在！😎首先就決定左今次主題係食海鮮🦞🦀，上網一輪眾裏尋他既操作後揾到呢間位於rosewood既西班牙🇪🇸餐廳，睇過介紹後決定一試！Bayfare Social 坐落係瑰麗酒店5樓，同著名美式扒房Henry相伴為鄰，說明級數都有返甘上下。😋由於餐廳座位供應緊張，我地一早就人數book位，值得留意既係人數4位或以上既reservation需要信用卡💳做booking，留位只有15分鐘，如果放飛機就GG人頭位位$500了😆所以食飯當日大家都十分準時😂個reservation係留左high table for four，來到入座後飲住sparking water with lemon slide🍋等換張decent少少既枱，過左10分鐘就有了，效率算快，個waitress都好attentive👍🏻抵贊！換枱後開始點餐，menu before來之前已經睇過，所以入直路make order，跟住同大家講講事晚精選🤩🔱Seafood Platter⚜️首先來既係大大份海鮮拼盤😍，上面全部係超級新鮮冰鎮海鮮！🦐分量十足，美中不足得半邊龍蝦肉🦞紅蝦蝦膏香濃，帶子鮮甜做法清新，生蠔🦪仲帶住淡淡海水味，全部海鮮都唔需要用醬汁去點綴👍🏻🔱Tortilla De Patatas with Iberico Ham⚜️一個傳統西班牙🇪🇸蛋餅🥘，芝士香濃，薯仔軟糯有，面上24月風乾Iberico火腿香氣撲鼻而來🤩🔱Lobster Roll⚜️鮮甜龍蝦肉🦞伴千島醬收藏係微焦香脆法包裏面，chips on side。成個配搭係個chips有d多餘同個roll既份量太少，味道係配合得天衣無縫😋So far 食到呢度realise左一樣野：距地個Boston龍蝦🦞好矜貴，兩個Dish都比得好久就住就住😆🔱Seafood Peallas⚜️來到西班牙🇪🇸海鮮飯，呢道菜都算係每間西班牙restaurant既考試菜目，一試便知龍與鳳😎口感有咬口既，係我馬德里食既味道，唯獨係個portion算細，海鮮唔多😩🔱Clams Tapas⚜️呢個Tapas個份量算係滿意，clams新鮮清甜無overcook。用牛油，火腿同洋蔥🧅去處理提升左clams既層次，個湯底🍲係可以飲，完全無一part係浪費！🔱Gambas Al Agillo⚜️呢道菜都係西班牙🇪🇸菜色裏面既signature Tapas，尤其係本人最愛😍呢度個chief用大大隻既tiger prawn🦐去取代shrimp去做，大大提升左食落個口感，十分滿足！蒜油可謂呢道Tapas既精粹，廚師毫不吝嗇，食住每一啖都有滿載而歸既感覺🤗西班牙上菜個陣仲係彈油💦既，呢度就少左呢樣野，不過味道上大同小異。🔱Apple Crumble⚜️Apple Crumble就唔係第一次食了，呢度個處理唔會好似其他餐廳個餡搞到好似食糖漿甘，基本上都係軟粘粘既蘋果粒🍎，甜度適中，表面微焦香脆，出色精彩！🎉🔱Churros⚜️作為西班牙🇪🇸傳統美食甜品油炸鬼，兩個重點：本體同伴醬。本體來講呢度炸得外脆內軟，係表面砂糖🧂多左少少；伴醬係傳統大路朱古力醬，無其他選擇，不過不失，西班牙個陣就有煉奶同其他特色醬選擇☺️食完餐飯就講下d service，that is another story🤪呢度既員工分兩批，一部分係local香港人，其次係外籍Asian，一種係好service到你覺得加一係比少左，另外一種係會令你不自覺懷疑覺得呢間係咪self service既餐廳😆至於我講邊批人，留返d想象空間比大家💁🏻‍♂️叫左支sparking無refill，餐盤食完無人收，無人上裝shellfish殼既bowl，甚至一早係個reservation 落左reminder既Happy Birthday 牌仔都無準備，臨時先恍然大悟，OMG😅仲有一堆不能盡數...下次visit記得記得坐講英文waitress serve個邊既table😌完！😎…查看更多

今日閨蜜帶我食好嘢，酒店入面的西班牙菜餐廳。本來佢就諗住book位，但係前兩日打去已經full Booking，我哋唯有walk in搏一搏啦，真係好好彩有位，仲要有梳化位。睇餐牌，又係樣樣野都想食，所以就問一問店員有咩推介。店員推介西班牙炒飯，因為每天都不同主題的，我們的那天就係蝦和八爪魚，我哋叫咗個一人份量，但係我哋兩個人share都夠食。再加個二人份量嘅海鮮拼盤，賣相吸引，海鮮新鮮，配埋佢哋自家醬汁，真係超好味😋4 Cheese & Truffle Flat Bread - 新鮮焗好，松露味和芝士配搭得好好👍🏻小食 - Ham Croquettes加上佢加芝士醬，都幾好食。三文魚沙律 - 有少少失望，份量好少，而且冇菜只有青豆。甜品 - today special 無花果Tart，用新鮮無花果做的，幾特別。整體：環境舒服，食物質素高，食菜新鮮，款式特別，價錢合理，仲有銀行的信用卡仲有八折，好抵食。…查看更多