十三姨 (通菜街)

營業中

休息中

食咗八年了，次次去都鬼死咁多人排隊，人氣不減，喺今時今日嘅香港，一間餐廳可以做到咁真係好難得。講到食物，佢嘅鵝肝煎蛋撈飯真係一絕！鵝肝煎得啱啱好，外脆內滑，撈埋佢個豉油同隻太陽蛋，每一口都好有層次，米飯吸咗鵝肝香味，每一啖都好滿足。再嚟就係炙燒手撕雞伴雞油飯，呢道菜真係唔可以錯過！雞肉外面炙燒得香脆，裡面又嫩，配上雞油飯，味道真係無得輸，食完好滿足。西多雞翼更加係必試！炸雞翼配西多士嘅楓糖醬，估唔到可以咁夾，食到停唔到，一口接一口。最後，爆漿芝士煉奶炸年糕係完美的甜品！外層炸得金黃，咬下去瞬間有芝士同煉奶爆出，口感層次豐富，食完真係令人驚喜。總之，呢間餐廳無論環境定係食物，都令我好滿意。無論同朋友定係家人聚餐，呢度都會帶來一個好難忘的用餐體驗，真係好推介！

一坐低首先有杯色彩繽紛嘅蝦片作爲開胃小食，仲有隻靚靚香檳色嘅杯裝住，成件事即刻好少女 😍😋 十三么 ~ 有炙燒手撕雞配雞叉燒，個湯偏清淡，不過個炙燒手撕雞焦香味好濃，好惹味 🤤😋 十三飛 ~ 有安格斯牛肩胛配牛肋條，味道相對濃厚，牛肋條好淋好入味，湯入面有三條腸粉，但索唔到湯汁，建議連湯食有味道d~😋 西多雞翼 ~ 炸到金黃色剛剛好，而且好夠脆口，如果有多d蜜糖就更加好啦 😍第一次食粉絲拼米粉，口感原來又幾特別，d麵少少淋得嚟又會帶點煙韌 👍🏻 另外個湯入面加咗青檸/檸檬，令個湯清新d無咁膩！下次如果唔駛再排隊嘅話會想試埋個鵝肝煎蛋撈飯！

鵝肝煎蛋撈飯$157本身都覺得鵝肝好香，但有時食得太多覺得好流，但係！佢哋鵝肝撈飯超級好味！超開胃！入面仲有啲XO醬等配料，口感好豐富多元化，食得好滋味十三飛 $85面底有好多選擇，仲可以雙拼，啱晒啲好貪心既人😂即係我。本身佢嘅配搭係粉絲加米粉，已經好合我口味。啲牛唔算超級有味，湯底唔錯，不過冇鵝肝飯咁有驚喜西多雞翼$40蜜糖雞翼啲friend，正常好食，單骨好方便張枱有辣椒醬，喺青椒醬！好惹味，加落面到好正！

餐廳叫十三姨，好容易令人聯想到十三么，十三飛之類的麻雀用語，點知打開menu，餸菜名又真係有大三元，十三么，的確玩味十足又好記呀～店家主打麵食，實是一家非一般的麵店，因為無論你想減肥或增肥都總會迎合到你心意餐廳以中式木系的裝修格局，古色古香的外貌卻有一個玩味十足的menu和一道道是非凡創意的食物，真的看得出店家心思誠意滿滿呀～舖坐低仲會先附上一大杯彩色蝦片，可以食住睇menu🔮花雕啫喱蕃茄餐牌上面有一系列名為‘’最住配角‘’的前菜小食，而這道花雕啫喱蕃茄，實在真的配得起這個最佳配角的名銜。原個新鮮大蕃茄切開薄片，廚師刀功了得，每片切得厚薄一致，平均舖在托盤之上，十分得體；特製的花雕啫喱加入黑糖調味，整成啫喱奶凍的效果，上面灑上金梅片粉，入口酸甜醒胃，鮮蕃茄的爽甜配以花雕啫喱的酒醇香，那種回甘回甜的清爽感覺，絕對係一試難忘呀～🔮西多雞翼雞翼醃得十分入味，先炸再以蜜糖漿炒均勻，外面炸的甘香酥脆，單骨雞翼容易食，肉質嫩滑易離骨，入口味香又甜甜地，十分惹味🔮十三飛 （安格斯牛肩胛，牛肋條，糖心蛋，粉絲+翠肉瓜麵）麵要好食，湯底絕對是靈魂人物，此湯底用料十足，每天以大量的牛肋條和牛骨，與及超過十

🍽炙燒手撕雞伴雞油飯 $54十三飛 $76西多雞翼 $34絲皮春卷 $12🥢👀雖然十三姨有既菜式唔係好多，但無論係雞肉飯、粉麵定西多雞翼都係比較少見。雞肉飯既雞油可以自己調節份量，食落都好香好易入口，瞬間就食曬一碗🤣佢既粉麵除左中間加左腸粉比較特別，重可以轉翠肉瓜麵底，所以就算減肥唔食澱粉質都一樣岩食。西多雞翼就好似充滿糖漿既雞翼咁，但又唔會過味，重係單骨雞翼，超級方便，令人想一隻接一隻咁食。🤤

阿懵當日向公司請了半天假，去了位於旺角通菜街的~~~{{十三姨}}其實有多次經過時{{十三姨}}都必有人流在排隊等候，剛好這次有事要到旺角一敞，便去一嚐究竟…我與懵佬大約1:00pm到達輪侯第3張枱便可！{{十三姨}}的店舖不大，大約8張四人枱左右。幸而快行兩步，轉眼間輪候人數大增，正值午飯時間呢！因為時間關係，我們於等候時已決定了心水菜式一入座立馬下單.-------------------我倆點選了---------------------〉西多雞翼-----超方便進食的單骨雞翼，阿懵很滿意有單骨雞翼的餐廳味道還好不是死甜的〉椒鹽魷魚鬚-----炸粉超薄的，外脆內軟，停不了口. (若然配上啤酒真的一絕了！){{十三姨}}的招牌菜~十三飛&十三么~特色是""米粉併粉絲""！口感得意~重點它的米粉恰到好處，沒有過硬或過軟。與粉絲好一個相映成趣〉十三飛-----安格斯牛肩胛、牛肋條、溏心蛋，肉質入味不韌，湯底濃郁(懵佬大讚)〉十三

之前朋友介紹，想食好耐。不過平時晚市好多人排隊，次次都放棄排🥲咁啱琴日下午茶時段過黎，唔洗排隊入座，終於可以試到😋😋十三飛 $74 (+15翠玉瓜麵)-配菜有安格斯牛肩胛、牛肋條。肉質淋淋地，唔會黐牙👍🏻-湯底濃郁，不過覺得有小小咸🙈-本身以為翠玉瓜麵係用翠玉瓜加麵粉造嘅面，但原來係翠玉瓜切絲，可能因為主食係瓜，食緊嗰陣覺得好似冇咩野落肚，但食完其實都幾飽，不過下次就未必再揀翠玉瓜麵🥺😋十三么 $70 (+15翠玉瓜麵)-配菜有雞叉燒、手撕雞、糖心蛋。-第一次食雞叉燒，幾有趣😆-手撕雞普普通通，冇咩特別。-糖心蛋好好食，非常濃郁。-湯底係雞湯，好清好好飲，忍唔住係咁飲🤣😋西多雞翼 $34-8隻半邊雞翼，分量一般。-蜜糖牛油非常充足，甜而不膩。-雞翼外脆內軟，好juicy😍-食完仲會想繼續食！

上次同朋友第一次去食 食過一次覺得好好食 一定會再食第二次 今次晏晝去食 門口同之前一樣企滿晒人 等位大約等十幾張枱左右 都好快就有位 一坐底店員就會每枱都會俾一份前菜 係脆卜卜既蝦片 好脆口好好味 我地叫左個十三么 即係手撕雞叉燒米粉拼粉絲 份量都幾大份 好足料 個湯同之前一樣咁好味 望落去以為係清湯 但食落係幾重味 手撕雞好嫩滑 叉燒好淋身 另外仲有啲炸蒜同腸粉 成個配搭係好夾好好味仲叫左個老闆娘鵝肝煎蛋飯 又係大大份 有三大舊入口即溶既鵝肝 另外仲有隻蛋 xo醬同其他配料撈埋個飯一齊食 不過今次隻蛋就熟左少少 但最重要既係有個係秘製既豉油撈埋落啲飯到食真係好好味小食叫左個西多雞翼 煎到金黃色 咬落脆卜卜 不過呢個應該係普通既蜜糖雞翼黎 但都整得好好味整體黎講 食物高質 好好味 價錢合理 會再黎食

提起十三姨🍲便會想鐵鍋中熱辣辣的麵線，滿滿的食材配料，還有獨特的菜式名字。聽說十三姨推出了翠玉瓜麵，當然要試一試。每次到十三姨都期待着脆卜卜的蝦片，一坐下侍應便立刻送上枱面，我總是忍不住吃完才看餐牌。今次點了十三么，麵底轉翠玉瓜麵拼四蔬🥬🥦(加$18)。先講配料，有手撕雞、雞叉燒、炸蒜和糖心蛋。湯底清淡，配料重調味。雞肉🐔經過灼燒，滲透淡淡的煙熏味。不要擔心沒有澱粉質吃不飽，翠玉瓜麵和四蔬份量多，絕對飽肚。另外點了十三飛，麵底轉翠玉瓜麵拼粉絲(加$10)。配料包括安格斯牛肩胛、牛肋條、腸粉和糖心蛋。和十三么相反，十三飛湯底香濃，配料保留原有鮮味。牛肩胛肉味濃郁，肉質柔嫩👍翠玉瓜麵爽脆，和彈牙的粉絲成了有趣的對比🤩西多雞翼炸得香脆，配上西多蜜糖，極邪惡😈 十三姨的麵足料和湯靚，端上枱面時總是熱辣辣。配料和麵底選擇都非常獨特，在香港應該找不到同類型的麵店。除了西多雞翼， 十三姨還有其他獨家小食和串燒喔🍢。

真系樣樣都好食啊😆十三姨聽過好多人推介話好食既，終於去左試，去到仲要吾洗點排隊喎🤪打麻將既人去到呢度就會有熟悉既感覺啦，有吾同既食糊組合名黎做餐牌-呢間係飯好食過麵既，佢地既大三元好有特色，利用雞油去撈飯，好惹味好香口🤤，但佢地既炙燒雞叉燒口感有啲柴😕而西多雞翼都系招牌黎架❗️佢地將雞翼一分為二，可以備客人容易食用👍🏻，外皮好入味，但內𥚃就吾太入味啦～炸蠔必點，雖然size頗為細隻，但味道好新鮮，熱辣辣♨️亦都抵食😋

呢間主打湯麵既食店又係一間長期排隊既鋪頭，粉麵係用印尼湯底，有印尼特色但又不失港式風味既餐廳。小店非常照顧減肥/生酮人士，等位睇menu既時候已經見到，麵底可以轉翠玉瓜麵。等左一輪位終於到我地。每張枱都會有一杯蝦餅，味道可以，但唔夠脆🥢十三飛十三飛入面有安格斯牛肩胛、牛肋條、溏心蛋、粉絲拼米粉，粉麵有好幾個選擇，我轉左銀針粉。牛肋條炆得夠淋，但味道唔算驚喜，雖然牛肩胛唔似牛肋條要花時間煮，但我覺得係比前者好食。牛骨湯有改進空間，而湯底仲有芽菜、炸乾蔥、腸粉、椰菜、洋蔥，令我聯想起越南粉🥢十三么以雞為主題既十三么有手撕雞、雞叉燒、溏心蛋、粉絲拼米粉配上雞湯做湯底，雞湯比牛肉湯做得好。自家製炙燒雞叉燒係用雞腿肉捲成雞卷再切件，肉質都唔錯，唔會乾身🥢西多雞翼蜜糖墊底配上加左牛油炸脆既單骨雞翼，味道不錯，如果話似西多，我反而覺得似印尼蜜糖雞翼*加啲十三姨自家製青辣椒醬絕對可以令味道提升

-{旺角港式fusion菜🫖}又黎到旺角食野😂今次係度食左個lunch~🤤大三元🤤 ($68)有麻油手撕雞 糖心蛋同叉燒配飯 店員一排都一會建議落雞油撈飯 超級香😙個精粹喺雞油但其他料一般尤其係糖心蛋 隻蛋冇乜味只係得流心🥺👖褲評: 7/10🤤西多雞翼🤤 ($34)個西多雞翼同西多嘅有啲似 自己揸得記趣不過入面唔多汁😂👖褲評: 6.3/10午餐幾抵食😙份量都好多同埋一開始有蝦片食幾搞笑😜旺角諗唔到有咩食都幾好嘅選擇😆性價比: 8.3/10服務: 7.5/10環境: 8/10🚩十三姨🚩地址: 旺角通菜街1M-1T號華發大廈地下C號舖佐敦白加士街42-50號金寶樓地下6號舖 #fuudjai #fuudjai港式 #fuudjai中菜 #fuudjai旺角 #fuudjai佐敦

中意食鵝肝嘅朋友記住試吓！！🤪✔︎老闆娘鵝肝煎蛋撈飯 $118呢個價錢有三大塊肥美嘅鵝肝真係唔錯😍鵝肝略略煎過 外層香脆 入面就保留到濃香嘅油脂 有入口即融嘅感覺😙💓作為成碗飯嘅主角 可以話做得非常好😛當然加埋流黃嘅太陽蛋 香蔥 炸蒜 XO醬 仲有秘制豉油 真係將碗飯嘅味道昇華到另一個層次🤩XO醬有啲辣辣到 唔食辣嘅朋友記住撈之前撥開佢呀～將所有配料 蛋黃 同埋白飯撈勻晒 再加小片鵝肝係面 再一啖食落肚 就係正到嘩出聲🥺🤍 口感好豐富而且好重鵝肝油脂嘅香味🤭✔︎西多雞翼 $36用整西多嘅方法整嘅雞翼 雞翼本身有牛油香味 再加上淋左層糖漿喺面 所以好似西多士 佢係單骨雞翼 所以好方便就食到😛但係略嫌佢個表皮有啲乾同硬🤭好味指數：♥︎♥︎♥︎♥︎♡︎抵食指數：♥︎♥︎♥︎♥︎♡︎回頭指數：♥︎♥︎♥︎♥︎♡︎

人氣店長期門口都有人等位🤫不過流動得好快，拎完飛唔洗等太耐就可以入座🍽每枱都贈送一兜蝦片，雖然覺得唔夠脆但好暖心💕-十三么(雞叉燒+手撕雞)$68雞叉燒是用雞腿肉捲成日式叉燒的形狀，肥瘦均勻，只帶著少少雞皮，不會肥膩😌麵底可以轉，我揀左全碗粉絲，亦可以揀粉絲拼米粉無咁濟😆一整碗的粉絲與手撕雞和椰菜絲拌在一起🤩整體感覺是很健康，雖然平時我好重口味，但偶爾來一碗這種清淡但又鮮味的粉麵也很好🙆🏻‍♀️-西多雞翼$36 因為有牛油亦有蜜糖🍯吃下去真的有西多的味道😳但感覺比平時的單骨雞翼更少肉😣-素菜春卷$24 普普通通，唔夠脆口🥺

今日經開旺角原本想食拉麵點知去到排晒隊唯有轉去第二間無諗過呢間咁正！好滿足我哋都喺門口等咗半個鐘先有位舖頭座位唔多但裝修都幾靚古色古香枱與枱之間都唔算好密由於我哋第一次嚟所以都嗌晒佢所有招牌食物坐低竟然有蝦片食幾好喎特別係呢間食店要排隊啱啱我真係好肚餓可以有啲嘢落下肚好貼心杯茶都幾香唔係普通茶記既茶依家d食店想啲人去嗌嘢飲賺錢嘅時候佢提供埋靚茶有心個西多雞翼簡直係不得了首先係熱辣辣仲要又脆又甜嘩 真係勁好食如果你有食過和x既黑糖脆雞翼呢度係完勝極推介！！！！！男朋友叫咗大三元（$68）一嚟到好多碟好豐富！首先糖心蛋收貨個雞卷好有雞味又滑絕對食唔到雪味再講下個飯手撕雞再加蒜片脆脆地口感好好好嘞！重點黎啦就係呢個佢個秘制飯豉油真係好好味一定要落去啲飯到！！佢係淡淡地嘅鹹味同埋有酒味神來之筆我都係叫咗招牌十三么（$68）入面有雞卷，糖心蛋，手撕雞同埋（腸粉？）雞卷同糖心蛋依然好正個腸粉唔難食但係有啲奇怪係加落去有啲奇怪係咪gimmick黎 等人容易啲記得 哈哈Btw個湯底都好正 佢跟埋舊檸檬落埋落去 好fresh好啱女仔食仲要有少少菜佢個麵底係米粉拼粉絲嚟㗎好聰明嘅做法就咁粉絲又唔夠口感但係