Samsen 泰麵

營業中

休息中

我用左45分鐘等，眼見有人揸車叫外賣，跟住企起車尾食，好誇張咁啊。真係咁好食？結論：無下次。😌和牛船麵：牛是靚的(3-4塊吧)，牛腩夠林，牛丸普通野，河粉都彈牙，可惜最重要的湯底無特別。相比下，我都係去番銅鑼灣世貿對面一小店，或西環有間3個數字命名的更好；價錢只是一半甚至1/3，不用排隊，性價比高好多。蟹肉炒飯：不錯，蟹肉多，但出邊好少少泰菜都會食到，所以我不會因佢那炒飯再去。味道：咸和重口味，應該有不少味精。環境：迫和音樂好嘈奉勸：比比皆是，不用排隊。

wagyu noodle:soup is very creamy with excessive beef taste, one sip u cam tell its boiled with real ingredient for hours to get all the extract and taste from the bones and meat.noodle texture is very great, not over cook, still remain the chewy thats what thai noodle suppose to be!size is big enuf for adult.crab fry rices:compared to noodles above it just a normal dishes that can be found in other thai restaurant. i can tell the ingredient is rich only.*****most important, waichai shop table is

對呢間餐廳期望都幾高，諗住咁多人話好食，應該唔差嘅。晚上去食飯，等左半個鐘以上，齊人入得，枱與枱之間好逼當日叫左牛河，個湯得個咸，完全食唔到其他味，幾塊牛係好食嘅，但百幾蚊。。。出面其他餐廳的船河都應該唔會差得過呢間嘅我諗。為左呢碗粉，排隊食。。唔值得囉。第二樣，炒蟹飯，有蟹殼嘅，證明佢係真係蟹肉，可以接受？但又係普通炒飯一碟，百幾蚊，去仼何一間泰國菜都唔洗咁貴又咁嘅質素，仲要係米芝蓮裝飯個碟。。甩漆嘅。。另外叫生菜包肉碎(鴨)，全晚最正常，算冇咁咸的一道菜，價錢都百幾最後2杯沙冰，西瓜汁同芒果熱情果汁，正正常常，冇嘢好挑剔。至於服務，我明白出面多人排隊，趕住轉枱，8點左右入，8點十分食，9點前已經離開。呢一餐泰國菜都5百幾

今日搵開女朋友食lunch, 就揀左佢公司附近依間試下佢地最聞名既船麵。其實之前都有興趣係度食dinner, 但排隊既人流太誇張了。見佢opening hour係12點開始，我地已經12點15分到，但已經full house要排隊。係排隊過程中waitress已經會問你要唔要飲住野先，都算細心。先講講依個招牌菜，船麵既湯頭好濃郁，杰身，濃得黎好甘香，應該係有九層塔係度。佢上面會配有啲脆豬皮，好香口但掂到湯都好快淋，建議快食。佢既面似係粉絲個種，幼身但煙韌。反而面上既牛肉用唔用和牛我都覺得唔太重要，因為個湯同麵都夠晒加分。枱頭有啲辣椒油俾客人加，但建議唔落重好，因為落完我覺得有啲影響原湯既味，後悔落左。依個蟹肉炒飯都好夠味，蟹肉份量唔會太少，都大粒。唔落佢個dip都好夠味。但論深刻就不及個船麵。

之前未食過，同事都不停同我講，呢間的泰國牛肉粉同蟹肉炒飯好吃。連泰國同事都說很正宗。自己食過之後，都非常喜歡。💕💕💕除了牛肉粉之外，凍青檸茶也很好喝。同事想少冰同少甜，餐廳都非常堅持不會少冰同少甜。因為覺得這個比例是最好喝的。同事都非常聽話，説試下，不用改。牛內粉湯底比較濃稠，牛肉非常軟滑，牛丸很爽囗彈牙，牛腩也非常稔。蟹肉炒飯份量蠻多，同事最後也吃不完，要打包。真材實料，很多蟹肉。餐廳一點也不吝嗇青檸，有半個新鮮青檸給你榨汁在蟹肉炒飯上。餐廳中午十二時正開門，已經排長龍。要吃第一輪，真的要早一點去排隊。

星期六夜晚，知佢6:30開門。所以早少少6:00渣車去到排隊，希望食到第一輪。結果....因為排我後面個鬼佬同佢女友見到前面有個識既人，扮晒撞到打左尖。算喇，我第一輪入唔到，留名留電話等食第2輪。好彩附近都多野行，佢地7點鬆啲就打黎話有位，算好快。環境好密質質，明白同理解，因為如果唔係咁樣，肯定有排等。今晚叫左3樣野食Wagyu beef boat noodlePork boat noodleWok fried rice of crab meat豬船河整體上比牛船河好食。牛唔知點解有少少騷味。不過，估唔到最好味既係，蟹炒飯，真係十分十分之好味。泰奶茶亦都十分之正宗。PS：下次我一定會早多幾分鐘去到😂

趁放假約定男朋友去試呢間想試好耐ge泰菜！特登比男朋友早半個鐘，7點去排定隊，點知最後都係等一個鐘，8點先有位。。我地吳食辣，點左一個飯，一個粉同一個菜。本來想點生菜包豬肉，點知坐低之後吳記得，見到隔離枱叫先醒起。。😓😓蟹肉炒飯個人覺得一般冇特別，一定要點魚露。和牛炒闊河粉好出色！！👍🏼👍🏼以為睇價錢佢會只有幾塊牛，點知都幾多塊！而且好好味！幾嫩，又有牛味！😋😋😋下次都想試下大家都話好味ge船粉！非常推薦大家去試下！不過要早少少排定隊。。😅😅

今日lunch time 無啦啦得閒無聊竟然行到去藍屋果頭。咁不如就近睇下有咩食啦。咁就見到一間好低調的鋪頭，logo 都細，門簾半放。幾有異國風情。行入去立刻有型男招呼，等一分鐘執檯。真係一分鐘就執到張單人檯比我吖，周圍望下，竟然無要我同其他一個人食飯的人搭檯，好感動！好啦，感覺已經好好啦。但，一睇menu ，啊……好……貴……最平lunch set 都要108，仲要加一！！算啦，既來之則安之。好求其叫左個蟹肉炒飯，我都唔知點解要炒飯，人生好多事都無得解釋，一個好少食澱粉質的我，點解無啦啦叫左炒飯炒飯個樣係咁，跟餐有一杯野飲，選左泰式凍奶茶，好甜，茶味奶味都重。講返個炒飯。第一眼不是太開胃，因為色好淡哈哈哈！但食落去就不得了，炸蒜的香，蟹的鮮，散落係飯粒入面鬆軟的蛋絲，包裹住每一粒飯的鍋氣油香，互相碰撞，摩擦生熱，發揮出無窮的能量。寫得太玄，其實就係一個字→好味。好啦，係兩個字。好味到忍唔住要食嗮一大碟。但，小小缺點係，越食越鹹，哈哈哈！唔怪得要配青瓜，但青瓜隔離個source 又好鹹，唔知係用來做咩呢～其實一碟飯好容易食嗮，唔係20分鐘已經搞掂，埋單119。雖然味道好，但重點，重點