Samsen 泰麵

營業中

休息中

名氣人龍店，計準時間嚟排隊係整個體驗嘅關鍵。 嚟遲左隨時要等多輪先至入到座。招牌和牛船麵係必食推介。 湯底超級濃郁，完美結合咗泰式船麵湯底既風味同濃濃既嘅牛味。 每次都想飲曬所有嘅湯。 麵質彈牙，入面嘅和牛同配料亦都豐富。炒金邊粉，作為所有泰國餐廳嘅必備之選，亦都做出水準。 金邊粉熱辣辣炒得好香，稍稍偏甜味，蝦唔算好多，但都幾大隻同有彈性。 雖然唔係特別喜好偏甜嘅炒粉，但以質素而論都係高水平之作。甜品嘅椰子雪糕都係推介。 雪糕、椰子、粟米、花生等估唔到地非常之夾。 喺食完咁濃味嘅船麵之後，完美咁做一個清新嘅結尾。

在門外站了半小時，亦有其他人排隊，但一直有其他人先進入餐廳，職員亦沒有安排登記或安排排隊的人入餐廳，後來詢問職員為何有其他人打尖進入餐廳，職員說不用排隊，自己入去揾位就可以，但門外一直有約15-20人在排隊等待中原來一間米芝連餐廳一直有甘多人食但完全無清楚既指示俾排隊既客人，到客人詢問時才告知是需要自己入餐廳罷位，而不用排隊，2位職員一男一女態度都是不好的，亦不想協助排隊中的客人，最後選擇離開餐廳

今晚收工同朋友嚟到我一直都想試吓嘅泰菜🤤🤤 嚟到門口，都預咗要等吓位。留低電話，喺附近行咗20幾分鐘就有得食,好彩都唔使等好耐😌坐低咗之後，我哋就急不及待睇吓究竟有咩食，餐牌上面唔算話好多嘢食，但係已經好吸引我。點單後，唔使10分鐘所有嘢食都上齊哂，兩個字效率😙食泰菜我每次必嗌嘅都係泰式奶茶，呢間嘅奶茶唔算太甜，都吾錯但又未去到驚艷其實即係馬拉盞通菜， 十分之惹味，亦都好夠鑊氣我好鍾意食豬頸肉㗎，呢碟豬頸肉夠鹹香，點埋側邊蕃茄辣醬，再配上炸左嘅脆脆，味道真係好地道，但係唯一嘅美中不足係啲豬頸肉質好結實，越食越哽,似係烤過咗頭🙂而我最鍾意嘅就係呢個和牛湯河，湯底濃郁，粉亦都好掛汁，和牛亦都好好食，仲有牛丸同埋牛腩再配上啲炸豬皮，好滿足，呢碗粉係我今晚鍾意ge ❤️炒飯粒粒分明，好夠鑊氣，蟹肉亦都好多，每啖飯都可以食到蟹肉，配上側邊嘅辣醬，真係好好味呀，😅但唔知點解某幾啖，係特別咸。但整體嚟講，炒飯係幾出色其實本身諗住嗌埋芒果糯米飯，點知真係太飽食唔落，唯有下次再嚟。 😆

🐮 香辣泰式炒闊河粉一上枱就聞到香味！和牛嫩到飆汁，闊河粉掛滿酸辣醬汁，鑊氣仲勁過泰國街邊檔！ 🦀 招牌泰式蟹肉炒飯飯粒粒粒分明，但唔會乾爭爭。每啖都食到絲絲蟹肉，好正！ 🌶️ 泰式打拋和牛配油炸雞蛋重口味嘅人一定唔可以錯過呢個啦。和牛碎炒到焦香，牛油逼曬出黎，加埋九層塔同辣椒嘅霸氣香氣，一戳穿流心蛋黃撈飯，食完直頭想大叫「泰癲啦！」 🍉 泰國西瓜冰辣到噴火點算？即刻隊杯西瓜冰鎮場！鮮榨西瓜冰沙，簡直透心涼～ 🥭 芒果百香果冰芒果控必嗌！芒果甜到漏蜜，撞埋百香果嘅酸勁，酸甜比例拿捏得啱啱好。

有個貼士就係去到灣仔要即刻嚟到 留低電話WhatsApp 可以排隊🫶🏻 跟住就可以去利東街行吓～見到剩返8個左右就好返返去啦（如果你得一個人嘅話其實可以唔使周圍行，直接等到佢有時得一個位～就會即刻俾你入）長期依間舖都係people mountain people sea不過我永遠都唔可以一個人嚟呢間舖，因為我有兩樣嘢係必食一個就係超濃牛味船麵，佢係用粉絲所以好索湯好正 我相信佢係唯一一碗湯麵 我係接近飲晒佢碗湯嘅 好癲 我會用個細碗仔放辣 咁就可以keep住飲佢嗰啲濃湯前面嗰罐 就係我用嘅辣椒醬 另外一樣就係濕炒和牛河 超有鑊氣 煙靭嘅河粉配合爽脆嘅芥蘭 仲有超酸嘅青辣椒 配合得天衣無縫泰茶雪糕同埋椰子雪糕，我之前都有食過 我好記得椰子雪糕嗰啲粟米好好食嘅如果多啲人可2款食哂🤭

🌿咗好耐嘅泰餐，18:00開門，18:15咗右到已經排到第九位。需要人齊入座➕四人位難等，最後等咗差唔多一個鐘。不過服務態度仲算 OK ，上菜快。可能預期過高，食上反而覺得：就咁？anyway 值得一試，但可能唔會再嚟。灣仔店店面細，菜品似乎亦同其他店有分別，本來想點嘅金麵冇，替補嘅和牛炒飯反而成為咗最驚艷嘅一款。🍽 ️ 炸豬頸肉配烤番茄辣醬 $ 98⭐⭐⭐⭐ ️算係比較有特色嘅一款，配咗炸蒜片好香。整體有啲乾，個人仲係更鍾意炭烤豬頸肉。🍽 ️ 泰式虎蝦炒金邊粉 $ 158⭐⭐⭐⭐ ️中規中矩嘅一款，味道仲算 OK ，但冇好驚艷嘅口感。有四隻蝦，🦐嘅質素 OK ，口味偏甜，配有酸芒果，唔算踩雷嘅一款。🍽 ️ 招牌泰式和牛炒飯 $ 158⭐⭐⭐⭐⭐ ️一致認為最好食嘅一款！軟硬合適嘅炒飯配上和牛本身嘅牛油香氣，別有一番風味。配嘅辣醬確實同上菜小哥講嘅一樣好鹹，建議唔好用，直接大口食飯。強烈推薦嘅一款！ ！唯一令我想再嚟嘅款。🍽 ️ 泰式打拋和牛配油炸雞蛋 $ 158⭐⭐ ️最期待嘅一款，但係亦都係最失望嘅一款。口感偏辣，過於細碎嘅口感反而破壞咗和牛本身嘅風味。🍽 ️ 芒果糯米飯 $ 98⭐⭐⭐ ️幾乎係我泰

❣️灣仔呢間泰國嘢非常出名，米芝蓮推介的泰國餐廳，6點去到排隊30分鐘左右有位，店員好nice服務好好，嘢食味道有驚喜😋餐廳裝修特別有風味，小炒惹味，值得再嚟👍🏻🥢🌟泰式奶茶 $48‼️推薦‼️ 奶茶茶味濃，甜度剛好，但較細杯🌟泰式虎蝦炒金邊粉🦐 $158‼️推薦‼️ 金邊粉出色，口感煙韌香口，配料有芽菜、香蔥段、豆干、肉碎，食落甜醬油味道較出，虎蝦份量好足，夠新鮮彈牙唔算油膩😋🌟招牌泰式蟹肉炒飯🦀 $168炒飯夠乾身，粒粒分明，原條蟹肉真材實料👍🏻夠鑊氣啖啖蟹肉🦀🌟炸豬頸肉配烤蕃茄辣醬 🍅 $88豬頸肉炸得香口，味道偏重，食落都juicy，辣醬普通🌶️

又去到samsen排隊天氣熱仲會有staff派遮派水 好sweet泰北肉碎生菜包 $128好似係第一次食Samsen嘅生菜包件事有啲raw 好多好大塊嘅生菜 肉碎相對就唔算好多🤔味道就正正常常啦 肉碎都惹味 生菜就好新鮮😂新鮮到唔識comment 招牌泰式和牛濃湯粉 $158湯底味道好濃郁 甜甜哋好好飲和牛好嫩滑 其他配料都唔錯招牌泰式和牛炒飯 $148好好食嘅炒飯牛肉份量多得嚟 仲幾香同幾有咬口 但今次嗌咗走蔥 佢唔記得咗走 sad

一直bookmark咗呢間餐廳，但知道要排隊，所以未有機會嘗試！趁今日星期日冇飯局，11:30am已到達排隊，前面已有兩枱2人枱等候，大約20分鐘已有過30人排隊，超級誇張！搭正12點安排入坐，大家都聽從指示乖乖坐下再叫嘢食，我們2人點了和牛船河、pad Thai、炸魚皮、炒通菜、椰子雪糕、啤酒及凍青檸菜，招牌和牛船河同pad Thai都好味，但唔會再排隊食，有緣唔使排隊先會再食現場座位唔多，音樂好嘈，而且超過150蚊一碗船河嘅價錢卻要搭枱，我覺得有點唔值！

人氣長期高企嘅泰國餐廳，上次朋友帶我嚟食過覺得幾好食。 今次一個人晚市時段再去試吓。晚市時段18:00開始， 但17:30左右已有人開始排隊。 餐廳裝飾佈置簡樸，整潔企理，環境雖會比較嘈，但顯得更有街邊檔地道味道。今次安排坐bar 枱位 ， 看一下只得一張紙的menu , 叫咗碗上次沒有食過嘅《招牌泰式豬肉濃湯粉》。侍應上餐速度之快，就一杯水都未飲完， 碗粉已經放到面前。湯底看得出熬相當濃郁，加上泰國香料香葉味道，味道確實唔錯，一碗地道得來會比在泰國食到更好嘅味道。 不過，價錢就 ...另外叫咗泰國椰子雪糕做甜品。勁多雪糕放在半個小椰殼上，雪糕上鋪滿花生，粟米，椰子肉等配料 ，打卡一流。 至於味道，不太清楚椰子雪糕是自家製， 還是買回來 。 椰子雪糕味道清甜， 香滑 ， 但個人覺得椰子味道唔夠濃郁。

晏晝去完皇后大道東食完餃子之後，喺附近行左一陣。見個肚仲有quota，又想食啲甜品。諗起附近呢間泰國菜，平時排隊排晒長龍。不過我哋冇排隊入去食正餐，淨係外賣咗兩個雪糕喺附近食。我哋買咗泰式奶茶雪糕，同埋佢好出名嗰個泰式街頭椰子雪糕。兩個味道我都好鍾意，奶茶雪糕好濃嘅奶茶味，雪糕入面仲有啲一粒粒黑色嘅應該係茶葉粒。再加埋啲烘過嘅花生同埋新鮮椰子肉，好香好好味！👍🏼椰子雪糕都一樣出色，椰子味濃郁又滑，上面有粟米，花生同埋鮮椰肉。真係似喺泰國街頭食過嘅味道。

夜晚收工超多人排隊多數係遊客同外國人多排咗半個鐘左右 就入得入到去基本上傾唔到計音樂超大聲 似酒吧環境雖然嘈 但啲野食真係唔錯1️⃣招牌泰式和牛濃湯河高質船河和牛好滑 湯底好濃郁忍唔住飲晒成湯2️⃣招牌泰式蟹肉炒飯飯炒得乾身 夠鑊晒氣每啖都係蟹肉3️⃣泰式蟹肉奄列十分推介呢個！雖然唔平 但真係整得好好食又係滿滿嘅蟹肉加埋煎得啱啱好嘅奄列大滿足！4️⃣炸豬頸肉配烤蕃茄辣醬有別於一般嘅薄身豬頸肉呢個係非常厚炸得香口 但唔乾身加埋辣醬 好惹味總結少貴但高質嘅泰菜值得一試！

點了兩個中午套餐.（1）招牌泰式和牛濃湯河🍜真的超級無敵好味道，除了和牛，他們還有牛丸，牛腩，湯的味道超级入味。十分推薦（2）招牌泰式蟹肉炒飯沒有看錯是蟹肉不是蟹樓！而且很落本，吃的每一口飯飯都有蟹肉 不過味道不太夠，可能是我重口味吧每個套餐都包一杯饮料，我觉得他的泰式奶茶加了太多水,偏向奶味,不是很正宗最後,壓軸出場!泰式街頭椰子雪糕,這個不包在套餐內喔～這個雪糕是神級的好吃，椰香的味道做的很出色，而且加了粟米的配料，彷如吃泰式椰子糕一樣

一直都好想食 今日終於過來 好彩我哋都算早 大概六點去到就好好彩即刻有位🫶🏻 食物絕對無令我失望😋 但係我會話佢哋仲chur過澳牛 每食完一碟菜就即刻收走 呢個價位真心態度 同埋整個食飯體驗可以好少少😶‍🌫️😿（有陣時我都好矛盾 一時我明白舖租貴 要盡做生意 另一方面作爲客人都幾唔舒服）Phad Thai with Tiger Prawns🦐 ($158) 泰式炒麵炒得好香夠乾身 蝦都食得出係高質 淡淡肉👍🏻無對比無傷害 但係比起其他送就普通左少少Spicy Beef Noodle🧆 ($158) 每一個朋友都話好好食😋 寬粉好彈牙煙韌 米香味好出！和牛好香 厚薄適合 油脂感好豐富 牛肉既油脂同d粉炒埋一齊真係好正！Thai Omelet with Crab & Spring Onion🍳 ($178) 滿滿的蟹肉🦀 個omelet蛋味好香 個邊脆脆哋 炸得好香😋 一定要配埋側邊d蔥、炸蒜同埋辣醬一齊食！Chopped Wagya Beef Wok Fried with Chilli ($148) 呢碟都有用到和牛 但係佢係以肉碎形式 肉汁豐富 又有少少洋蔥調下味🧅 個汁應該有少少蠔油

一开始看到价位还是有些犹豫来吃了之后觉得还是可以接受蟹肉炒饭的米粒粒粒分明，有蟹肉的鲜甜，也有炒饭的锅气，淋上搭配的酱汁带一点点辣就更美味啦padthai的酸甜平衡的也很好，粉的口感恰到好处，软弹还点了两杯冰沙，菠萝姜的很有特色，芒果百香果的也还不错喝