有時想飲茶，但係又唔想去酒樓，就可以去下呢啲點心專門店。係荃灣既呢間鋿晶館聽聞師傅係日本東京富麗華做左好多年，之後係香港都有係唔同既米芝蓮酒店同埋大酒樓做過🤩絕對係經驗十足。睇番餐牌價錢又唔算貴，而且唔洗加一，所有點心即叫即蒸，比起出面酒樓食到既新鮮好多！ 1️⃣月半彎晶瑩鮮蝦餃（$36） 蝦餃入面既蝦大大粒，而且層皮係煙煙韌韌咁，食得出真係啱啱蒸出黎唔係擺左好耐果啲，不過皮厚左啲。 2⃣️黑松露北菇燒賣皇（$32） 面頭既黑松露醬幾好味，同燒賣一齊食唔錯😋 3⃣️瀏陽豉蒸排骨（$26）排骨幾滑身，另外個底既芋頭都幾粉幾好食。 4⃣️紫金名醬蒸鳳爪（$26） 醬汁夠多而且唔會好鹹。 5⃣️鳳爪排骨金鳳飯（$30）個飯夠飯香，配埋鳳爪排骨，夠下飯👍 6⃣️蟲草花螺片燉雞湯（$43） 呢度既燉湯好似都幾招牌，飲落係清澈唔油，而且入面都幾足料，值得一試。 7⃣️蒜香石斑片蒸飯（$63）蒸飯算幾大份，係荷葉底，食落清香，石斑魚片偏薄，但係都幾嫩滑😊另外蒸飯仲有跟碟菜🥬 8⃣️半肥不瘦叉燒腸（$30） 呢度既腸粉做得幾出色，腸粉皮好滑，入面叉燒切成薄片，偏淡味。 9⃣️齒頰留香脆蘿蔔腸（$32）呢個推薦🤩好好味！滑滑既腸粉中間包住炸脆左既蘿蔔絲，點埋甜豉油食好正！ 1⃣️0⃣️濟寧蒜香蝦春卷（$30）蝦肉、蒜蓉、蔬菜，包左係春卷入面再炸起，蒜香味好夠！ 1⃣️1⃣️老爺鮮蝦腐皮卷（$35） 好食，而且算係我食過既腐皮卷入面少數算唔係好油既😯炸得都夠脆。 1⃣️2⃣️暖身千層薑汁糕（$24） 偏甜，薑汁味都重既。 1⃣️3⃣️馳名南翔小籠包（$28）個底有塊翠玉瓜，少見😂入面冇乜汁，咬落去既時候甚至感覺唔到有汁流出黎😕 1⃣️4⃣️咱家脆皮蝦多士（$38）好香脆😳而且面頭灑滿黑白芝麻，更加香。不過蝦膠存在感極度薄弱，淨係係面頭芝麻下面見到一層好薄好薄既蝦膠。都唔係好食到😬 1⃣️5⃣️椒鹽魷魚（$45）好惹味好脆，而且魷魚好大條😍不過炸皮同魷魚係好易分離😂但係味道黎講係正既！ …查看更多
