神燈海鮮酒家 (18廣場)

營業中

休息中

環境舒適，食物中上，有驚喜亦有失望今日5人用餐前菜：脆炸雙菇、柚子醋海蜇頭小菜：蝦多士、蜜汁脆鱔、蟹肉粉絲、麥皮蝦、豆腐煲、梅菜蒸菜心、芥辣蝦球主食：豉油王炒麵驚喜菜式：梅菜蒸菜心，甜梅菜唔會死甜，夾埋菜心一齊食，非常好味；蜜汁脆鱔，皮脆肉彈，蜜汁唔會太多加咗檸檬汁，恰到好處；蝦多士，乾身唔油，唔會炸到過火，蝦彈牙，麵包中間仲係軟嘅；中伏菜式：蟹肉粉絲，粉絲係乾身，但係唔夠味及好少蟹肉；麥皮蝦，蝦算新鮮，個人略嫌蝦殼炸得唔夠脆（因為個人喜好炸蝦喺連殼食的），但味道好一般；豆腐煲，睇落幾好，食就淡而無味，淨係食到豆腐味；豉油王炒麵，乾到爭啲濁親，係我食過最差嘅炒麵；總括黎講，不過不失，價格偏貴

好少同朋友食中餐，呢餐算係幾唔錯，全部食物都above average，而且餐牌都幾有特色。～朋友話好想食乳鴿，都冇令我地失望。蝦多士都算係正常發揮，麥皮蝦比想像中好食，但得6隻，就唔係太多。最鍾意係個豆腐，啲豆腐好滑而且好入味。不過叫咗個大富貴炒飯就冇乜味，要靠豆腐送飯😅。