EXP

營業中

休息中

又一城chill住食Lunch就係望住個溜冰場同幾個朋友傾下計咁。Lunch set $98 一個，四個人點左四個，每人一杯野飲，一齊share黎食。因為中午食晏既人都多，我地等左10分鐘先拎到位。我們點左2個Pizza、一個意粉、一個飯。兩個Pizza，一辣一唔辣，餅底係脆既，但我地都覺得兩個餡料唔太夠，兩端無乜料，邊緣位都比較闊身，似只食個薄餅個餅，呢點真係要改善。😌蜆肉意粉就比較硬身，唔係煮唔熟果種，但個人就比較喜歡食偏軟身既意粉，蜆Size就一般啦，質素都ok。個蛋白海鮮炒飯都普普通通。野飲最搞笑，有d睇中文名完全唔知係咪😂😂我叫左杯芒果樂園，係芒果、橙同紅蘋果，呢個易明，我既朋友叫左杯翡翠、深綠。其實翡翠就係提子、青蘋果、紅蘋果、西芹；而深綠就有羽衣甘藍、青蘋果、青瓜、西芹、生薑、檸檬。食物既味道都正正常常，係環境、賣相一流。今餐大家最滿意好似都係望住個溜冰場食個境，因為有好多小朋友、後生仔在度玩，好開心，完全感染左呢餐。😆😆

晚上係九龍塘上進修堂，次次上堂前都係食food court，今次豪d坐入餐廳食。呢間係西餐廳，環境寬敞舒服，隔離就係溜冰場，無聊可以睇下人溜冰。我和友人兩個人叫咗個蜆肉意粉，照燒牛柳粒，炸薯條和即焗泡芙班戟配雪糕。個蜆肉意粉好香，蜆肉好新鮮，意粉爽口，好清新。照燒牛柳粒配大蔥，帶點中式的味道，照燒汁好入味，牛柳粒亦煮得剛好，唔會韌。炸薯條就鮮炸熱辣辣。最後個甜品係即整，需時十多分鐘，我們食到咁上下就叫廚房整，所以送到過來都係熱辣辣。個泡芙班戟好香，好好味，加埋雪糕一熱一凍真係好正。今餐真係好滿足。

蜆肉意粉*蜆肉意粉唔難整但係亦都唔容易整得好食嘅，呢一間鋪頭嘅蜆肉意粉算係整得唔錯，佢冇好多配料但係就食得出蜆肉嘅鮮味，Good！-軟殼蟹炒意粉*係酸酸地味道嘅炒意粉，不過不失。-梳乎厘奄列*賣相好吸引但係食落去就一般般，本身好期待呢一個甜品但係可惜有點兒失望。佢嘅口感一般，發嘅Cream食得出係打得唔好嘅。-水牛城雞翼*最好食！！！係我so far食過嘅水牛城雞翼之中最好食之一！！！初初冇嗌到呢一樣小食，但係見到隔離枱叫咗勁吸引，所以就忍唔住嗌埋嚟食！真係冇令到我哋失望，果然整得好出色！

其實一直都知有間西餐廳係又一城的溜冰場旁邊，但一路都見到長長的人龍都係放棄。今次巧合下，朋友仔肯先去排隊，所以我們一行三個芭蕾舞女孩就決定係個到一邊傾一邊食。我們先叫左一份水牛城雞翼，一般係出面食的都會比較辣，不過EXP呢份雞翼只屬小辣，就算我呢D不愛辣的都食到。有驚喜的係雞翼的外皮就算有汁都keep到脆口的感覺，入面的雞肉唔算太乾。另外，我們仲叫左一份香芒米紙卷。軟軟的米紙包住蔬菜絲及甜甜的芒果。大家仲可以點芒果汁增個個鮮味。我本身以為係乾炒蜆意粉，點知黎到意粉有少量上湯浸住，加上我鍾意食濃味野，呢碟意粉對我黎講淡左少少。不過我卻鍾意意粉的彈牙口感。下次再食的話我會試試另一種配撘。餐廳的Pizza係係餐廳的爐即燒而成，特別香口。呢份鮮茄牛肉芝士薄餅，味道非常香，薄薄的餅底加上富蕃茄香的芝士，真係幾好食。唯一可以改進的地方係Pizza的的一邊烤燶左少少。感覺末夠喉的我們，叫左一份芝士焗薯塊配煙肉牛油果醬！薯仔都幾香，不過我稍為覺得芝士及牛油果醬唔多夠。最後，我們叫左一份麵包布甸配雲呢拿雪糕！好多餐廳整的麵包布甸的蛋味都係唔多夠，不過呢份麵包布甸除左麵包勁香、蛋又夠香滑，就連雲呢拿雪糕都

又一城的EXP好似一個地標，每次約會朋友都在溜冰場旁邊的EXP等。新裝修後首次到訪，依舊在門口等位……位處餐廳入口的鮮果台悅目淸新；放有不少顏色鮮艷的水果。 其實EXP為餐廳注入新元素，採用冷榨技術製作蔬果特飲，保留蔬果的營養價值。店內開放式薄餅烘焙間及廚房設計，令整個用餐環境視覺上寬敞又開揚。餐廳位於溜冰場旁，如果可以坐近溜冰場就可以欣賞溜冰運動員的美麗姿態，不錯的用餐體驗！筆者喜歡 EXP Menu 的設計，紅色的封面內印上小朋友的笑臉，非常親切。餐牌內備有多種小食、意粉、飯麵等選擇，可以滿足不同層面的食客。小公主的至愛【炸薯條 $38】份量多、熱烘烘、真抵食！餐牌上的【蜆肉意粉 $90】 照片上有多隻大大隻的蜆肉，非常吸引。實物跟照片沒有大落差，實在難得。連殼蜆肉不太隻但勝在蜆肉肉厚鮮甜。意粉軟硬度恰到好處，配上簡單的香草橄欖油已經不太錯。【香草肉腸薄餅 $84】通常薄餅都是圓形的…… EXP的薄餅配合烤爐板長形設計因此薄餅形狀呈橢圓形，做形突出。薄餅四周焗得香口微脆，蕃茄醬料依然濕潤，不太乾的口感非常好。薄餅上有兩款不同口味的香腸，一款普通肉腸味一款辣味，口感豐富。

於晚飯時間，又一城的每一間餐廳都有很多人排隊，難得今天不用排隊，十分興奮！從Menu看到有很多不同菜式，花多眼亂！點餐後大約10分鐘就上菜。水牛城雞翼雞翼size比坊間的大，即使淋上了醬汁亦能保持雞翼剛炸起的脆口感！醬汁酸酸甜甜，不會太濃，很惹味！蜆肉意粉份量剛好，意粉的軟硬度適中，而且很多汁，洋蔥份量頗多，唯一覺得香草味太重蓋過了蜆肉的鮮味。煙三文魚紅蔥薄餅這個真的很棒！薄餅的軟硬度適中，煙三文魚跟番茄醬汁非常搭配，而且嗅到紅蔥的味道很香，非常滿意！這一間有很多不同地方的菜式，亦有fusion 菜，而且價錢適中，值得再來試試！

點左個蜆肉意粉同綠茶雪糕，上菜速度都幾快，但係個意粉賣相就真係吾掂，好球其，食落d意粉有香草味，陣味麻麻，份量亦比較少，吾夠飽。個ice cream 味道正常，幾香綠茶味，可惜溶得比較快，同埋食落有冰。服務幾吾錯不時添水。

裝修後已經無黎食岩岩做完Deadline fighter就過黎一大班人食返餐好一行9人雖然係lunch hr，但排隊人唔多排左一陣已經有waiter出黎問幾多位知道我地9個人都好快安排到10分鐘已經入得座一黎就叫左2個pizza大蝦牛油果pizza巴馬火腿菠蘿pizza以前牛油果係一片片依家變左醬..同行友人話以前好食好多巴馬火腿菠蘿好味而且芝士多lol烏卒卒超正味道濃郁帶子都好大蜆肉意粉味道ok但無咩肉...食到一半先影但呢個好食用黎墊pizza的EXP木在溜冰場旁 坐高枱可以欣賞溜冰大學生信用卡有85折9個人都係食左88x每人90左右食飽飽又好味絕對會再黎