Baker by Lubuds

營業中

休息中

呢間烘焙店大有人氣，由擁有20年+經驗喺米芝蓮級做餅廚主理的，其新鮮出爐嘅蛋撻，就係食客排隊光顧的原因！我遇上佢哋中午12:00和6:30pm左右嘅新鮮出爐時間，我忍唔住手就已幫襯過2次啦，我趁熱食啦～🥚 蛋撻 (HK$12/個)．用牛角酥皮麵糰製作嘅蛋撻皮，鬆化、酥脆，同時亦滿牛油香味．蛋漿加了忌廉和牛奶，口感奶滑，豐富感，面頭有少少焦糖甜．我覺得整體都係偏甜，幸好大小剛好，食一件就剛剛好，滿足😋

路經此店，店員話10分鐘後蛋撻出爐，打算買一打去朋友屋企齊齊分享。店舖採用玻璃開放式廚房，感覺乾淨衛生，陳列亦美觀，麵包整齊排列，好吸引。店員人手充足，蛋撻出爐後流程很快（如果買其他麵包係唔使排隊，直接買就得）。熱辣辣蛋撻忍唔住即刻食返一件，個酥皮有啲韌，唔脆，奶香味爭啲，同埋比較甜，不過$12個都可以接受，試一次無妨，但係排隊就不了。

次次經過都勁多人排隊，網上見過話好好食。今日經過第一次既時候見到無人排，心諗係咪可以唔排隊試喇終於，點知原來有個牌寫住蛋撻賣晒。。結果我今日第二次經過既時候見到有人龍喇，不過個賣晒牌仲健在，到底仲有冇呢。。？原來有寫出爐時間。由於見條隊只係去到一半，唔好理，排左先啦。排下排，職員突然間話蛋撻得返一盤，後面既人可能無。😱氣氛即刻好緊張，前面個呀姨望住我話希望有啦。排到呢度仲有20個，安全喇！！終於俾我排到喇！最後買左3個。同港式蛋撻唔同，佢呢個皮超厚。咬落去其實蛋係好少，成件以酥皮主打，好脆好脆，第一次食咁脆既酥皮，真心正呀。蛋就甜甜地似葡撻。下次有機會希望再食啦，我對佢其他酥都有興趣🥰不過如果要排好長就未必了。

平日11:50點排隊等12點出爐，做第一個買新鮮出爐嘅蛋撻，大約等到12:10點，即買半打走人。12點呢一輪有唔少附近返工或者居民過嚟買架！包裝好靚好有誠意，蛋撻盒好大，我個袋裝唔落，加一蚊買咗一個大紙袋。蛋撻 $12新鮮出爐即刻食一個！size偏細，打開盒就聞到好濃牛油香、蛋香 。撻皮係千層酥，層層分明，超級酥脆，濃濃嘅牛油香。蛋漿好熱，唔甜，蛋味偏淡。酥皮比例上多啲，所以每一啖都食到酥皮包住蛋漿，個人非常喜歡呢個比例。返到屋企已經凍晒，所以焗返熱佢。雖然出咗啲油，以酥皮嚟講可以接受。同新鮮出爐嘅時候比較，黐住蛋漿嗰層酥皮有明顯變腍，酥皮亦都冇咁脆，但都係屬於好食嘅蛋撻！杏仁牛角酥 $28返屋企焗熱，牛油味明顯冇蛋撻咁香。中間+表面有層杏仁膏，杏仁味濃但有啲假。酥皮冇咁脆，中間部分更加有啲腍，可能原味會更加好！

最近最紅嘅蛋撻一定係佢喇！位於太古城中心新開嘅精品手工麵包店﹐蛋撻分別係三個時間出爐：9.30am/12pm/3pm，幸運嘅話放工時間再出一輪，除左蛋撻仲有多款牛角酥麵包蛋撻 $12/個今次幸運地12:15pm到都買到﹐當時目測已經有十幾個人，排隊前會有店員mark數要幾多個 ，蛋撻酥皮超脆口！層層緊密又好薄脆，一咬啪啪聲，面層焦糖味好香，蛋漿滑身，甜度啱啱好，十二蚊咁高質真係完勝！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 Baker by Lubuds (太古)太古城中心3樓307號舖

今天帶大家試一家全新開幕的精品手工麵包店！Baker by LUBUDS 請來超過20年烘焙經驗、前Rosewood廚chef Stephen主理，提供18-20款價錢親民的麵包，招牌必食蛋撻和牛角包，還有開心果脆脆酥卷、朱古力麻糬黃金麵包、朱古力牛油扭紋麵包等，每款都別具特色！【蛋撻 $12】 蛋撻每個小時都會新鮮出爐，如果好運的朋友就可以買到熱熱的來吃！蛋撻滑溜，牛油味香濃蛋撻皮也是特别酥脆，是油酥撻皮層層分明，能特别清晰的看到好多層【火腿金文畢芝士牛角酥 $36】綿密窩蜂的牛角酥，配上兩片足料火腿，在咬一口軟滑金文畢芝士口，味道也不輸！！記得可以加熱吃更好喔！【芝士卷卷 $18】扭紋芝士香味撲鼻，酥皮一樣鬆脆，喜歡芝士的朋友可以試試！

今日經過太古城，新開嘅麵包店好早就開門，可以方便買早餐。佢係Blooms旗下餐廳，憑收據買咖啡有折。蛋撻賣$12，同Bake House蛋撻味道有啲似，仲見店員入緊盒，應該有大單👍🏻👍🏻👍🏻📍Baker by Lubuds (太古)太古太古城道18號太古城中心3樓307號舖

太古城新開嘅麵包店"Baker by LUBUDS"走精緻路線，同集團嘅餐廳包括望月樓、BLOOMS COFFEE等等。⠀收工經過見到可愛嘅白朱古力忌廉牛油軟包，望近cashier位置一個個蛋撻擺得整齊，價錢唔算貴就買咗兩個試吓先，由於唔係即食，我都預左天氣咁凍擺係膠袋入面，酥皮應該會韌同淋咗，但我過咗接近一個鐘食，外面酥皮依然有啲脆口，內裡蛋香味比某連鎖店更香，呢個價錢絕對值得一試。⠀*而家店舖蛋撻出爐時間係9:30，12:00同15:00，時間有機會因應店舖有所更改，要自行留意啦！