香港永年車仔麵茶冰廳

營業中

休息中

Not doubt that Local food are closing year by year and hardly found in big shopping mall. Yet, 𝙷𝚘𝚗𝚐 𝙺𝚘𝚗𝚐 𝚆𝚒𝚗𝚐 𝙽𝚒𝚗 did well to balance the traditional favor and operate in modern way. It’s located at New Town Plaza, offering a comfortable environment that fills with old HK decorations.What we ordered for lunch?•𝑾𝒊𝒏𝒈 𝑵𝒊𝒏 𝑩𝒊𝒈 𝑩𝒐𝒘𝒆𝒍 𝑵𝒐𝒐𝒅𝒍𝒆 (永年大碗麵）👍🏻∙𝑮𝒐𝒅𝒏𝒆𝒔𝒔 𝑵𝒐𝒐𝒅𝒍𝒆(女神麵）∙𝑾𝒂𝒕𝒆𝒓 𝑺𝒑𝒊𝒏𝒂𝒄𝒉 𝒘𝒊𝒕𝒉 𝑭𝒆𝒓𝒎𝒆𝒏𝒕𝒆𝒅 𝑩𝒆𝒂𝒏𝒄𝒖𝒓𝒅 𝑺𝒂𝒖𝒄𝒆（腐乳通菜）👍🏻∙𝑷𝒊𝒏𝒆𝒂𝒑𝒑𝒍𝒆 𝑰𝒄𝒆∙𝑬𝒈𝒈 𝑻𝒂𝒓𝒅 & 𝑺𝒂𝒖𝒔𝒂𝒈𝒆 𝒃𝒖𝒏 I love their traditional soup base as it re

黎過呢間好多次，之前食車仔麵多，近排我會叫佢地既焗飯或者今次叫既豬扒太陽蛋飯！呢度既豬扒飯，太陽蛋係打孖上！🌞淨係見到兩隻蛋都好吸引～不過豬扒都唔弱，好厚身！皮脆而不韌，唔錯！每次食呢間都好飽！不過朋友話想食蛋撻，所以我地叫埋，真係好瘋癲！飽到不行不行～😆呢度既蛋撻係曲奇皮～啱晒我！😂至於朋友呢，佢地叫左車仔麵，其中一碗仲要係女神麵！滿滿既餸菜，一樣份量好足！飲品除左普通既咖啡奶茶，仲有其他選擇，抹茶紅豆冰賣相同味道都好正呀！

之前夜晚放學經過沙田見到都好想食但係呢間野又收咗，今次朝頭早返學之前黎應該有得食掛！真係有開門😍 太好啦🥰朝頭早估唔到都幾多人，個經理好好安排咗我哋坐卡位！闊落好舒服😚 個餐牌好似份報紙咁樣仲要寫咗早報勁cuteee本來諗住試樽仔奶茶點知佢賣晒，所以就叫咗樽仔烏龍茶🥺 本來都以為佢係求其買返嚟，點知原來真係佢哋自己餐廳製造！因為個膠樽上面都係佢哋個名😯 好有心思！飲完包唔會烏龍siu4因為我朋友係沙嗲牛肉麵關注組所以我哋都嗌左沙嗲牛肉麵，一嚟到已經聞到有好香嘅花生味！有花生粒，個湯又夠濃味，係啲牛肉唔知點解食兩啖就好似冇晒咁，可能因為太好食食下食下已經冇晒😢之後再叫咗個好似all day breakfast咁嘅早餐，我同朋友都加咗個蛋撻嚟食，然後我仲好鍾意食腸仔包所以再叫左個腸仔包😛 個份量比我想像中大好多，最後食淨左一條腸仔同埋啲茄汁豆。蛋撻超級好食新鮮出爐！仲要係我最鍾意嘅曲奇皮

自從N年前食過永年元朗主店的🍲辣汁車仔麵後，我就成為左粉絲經常去幫襯😂🍜今日同朋友去左沙田行街，知道佢有間新分店開左，除左食到車仔麵仲加入左好多新式茶餐廳食物，當然要去試吓啦✌🏻門口有個雞蛋仔打卡位😂好可愛多左好多選擇，樣樣都好吸引😍我選了女神麵餐，仲加左牛腩同雞翼，真係好yummy😋女神麵配料好豐富同足料，花膠、豬手、冬菇，全部充滿骨膠原，食完皮膚彈彈😂超級推介豬手同牛腩，炆到好淋同好入味，豬手整得好企理，完全冇毛毛。加埋小小辣汁將味道再提升，好惹味👍值得一讚跟餐仲配多左一個菜，夠曬健康🙆🏻‍♀️朋友點了鐵板牛扒餐，用鐵板上熱辣辣，我見塊牛扒勁大塊，同勁多薯菜，我忍唔住偷食左小小，牛扒質素ok，洋蔥汁調教得幾好味，d薯條又係我最愛的脆脆扭紋粗薯條，估唔到都有驚喜，重點係價錢唔貴😂餐飲點了柚子蜜同華田，質素正常👍雖然食到好飽，但見到蛋撻新鮮出爐熱辣辣，便叫左一個當甜品。新鮮。充滿牛油香的曲奇皮。香濃蛋漿，加埋一齊又係好好食🤣🤣鄰近節日，有埋盆菜訂都唔錯👍總結：果然冇令我失望，會繼續支持😋😋

香港永年裝修格調保留傳統特色，新穎得黎又唔老土，難怪平日時間收工６點幾都幾乎滿座！有得食、影下相、打下卡都唔錯我地叫咗女神麵、鐵板肉眼牛扒配薯菜、懷舊蝦多士、蛋撻、抹茶紅豆冰、樽仔奶茶！女神麵 $98女神麵好足料，裡面有又長又厚肉既花膠、豬手、蘿蔔、冬菇、菜心。全部都大大舊，好滿足！加埋永年特色辣汁BB辣配米粉好入味！推薦：5/5 （必食之選）鐵板肉眼牛扒配薯菜 $148肉眼扒好大塊，7成熟，薯條出乎預料好好食！鐵板餐仲配埋羅宋湯、餐包。推薦：4/5 懷舊蝦多士 $20加配價錢蝦多士賣相好靚之餘又好味，食到蝦肉味，一啲都唔求其！推薦：5/5 （必食之選）蛋撻 $6晚市關係建議早啲落單，因為賣曬就無！推薦：4.5/5 （抵食之選）抹茶紅豆冰 $9 加配價錢懷舊茶餐廳必點紅豆冰！因為奶茶太出色，下次會嗌奶茶奶茶紅豆冰！推薦：4/5樽仔奶茶 $9 加配價錢奶茶香濃幼滑，好好飲！鍾意飲奶茶一定要嗌。一樽唔夠喉！推薦：5/5 （必食之選）

沙田新城市廣場「香港永年車仔麵茶冰廳」，賣嘅野食充滿香港味，有香港代表性嘅小食雞蛋仔、菠蘿油、蛋撻，又有地道車仔麵，睇餐牌真係有選擇困難🤣。的用QR點餐，湯底、多辣走辣、飯定意粉、豉油汁定蕃茄汁，全部可以客製化，唔使煩店員😁。女神麵••••••本身已經好豐富好美顏養生嘅「女神麵」，配料有特定組合 有鮑汁燜花膠、豬手、枝竹球、冬菇、紫菜、蘿蔔😍。但係食車仔麵，有一啲餸係一定要食㗎嘛！點可以無牛腩、豬腸、酸齋呢🥰加錢點埋以上嘅餸，成碗車仔麵真係好巨好顛，但係好正！碗粉食落有盆菜feel😂😂花膠滑嘟嘟又彈牙，加埋豬手骨膠原爆燈💡💡💡枝竹球就夠哂特別，好吸汁。豬腸洗得乾淨無怪味👍🏻滷得入味。湯頭要左清湯配麻辣汁少辣，係幾正宗正常，由細食到大嘅車仔麵湯底味，幾濃。皇牌葱蒜豬扒太陽蛋飯($77)••••••葱蒜撈飯好味🤤鍾意佢飯粒分明夠乾身。太陽流心就一般，可以好啲。香脆豬扒好大塊，醃過，調味幾重手，空口食會鹹啲，建議連飯一齊食☺️。冰火菠蘿油($18)••••••真心大推必食❤️重點係牛油厚切，雪到夠哂凍，影完一輪寫真都只係溶左少少！菠蘿包皮脆，麵包鬆軟唔會空氣感，好多人買，見店家去貨去很好快，所以

出完糧我男朋友話請我食正嘢，點知佢帶我去食車仔麵🙃 我仲話永年咋嘛元朗我平時都食開，有咩咁特別喎... 點知原來沙田呢間真係唔同啲🙈去到門面已經覺得同元朗好唔同，大打懷舊感覺，好似以前啲冰室咁有麵包櫃呀車仔檔咁，入邊嘅座位都比較舒適，因應疫情關係入去前都要量體溫同埋有膠板分開啲枱入到去一睇餐牌真係多好多嘢食喎，除咗普通車仔麵，仲有茶餐廳舊式冰室先有嘅扒餐同埋特飲，車仔麵仲有個女神麵有花膠😍😍😍一見到已經雙眼發光😍 可惜落單嘅時候見到已經售罊😖😖果然好有人氣既然係咁就自選車仔麵啦，呢度落單係用QR code手機自助落單，方便得嚟又唔怕漏單頭先係出邊見到蛋撻已經想食，即刻叫咗一個試下，上枱嘅時候暖笠笠，入邊蛋漿好滑，如果係酥皮就更好喇！南乳雞翼外皮炸得香脆，南乳味濃，宜家好似唔地方整得好食呢！最驚喜嘅就係蝦多士，熱辣辣嘅炸多士再配合厚厚嘅蝦膠，加埋沙律醬，最推薦呢個小食！！冇花膠嘅關係我就要咗自選車仔麵，男朋友請梗係食豪啲😏 要咗豬手、蘿蔔、牛筋、牛肚、豬腸、魚蛋、冬菇同魷魚🦑 豬手、蘿蔔同牛筋係最好味嘅，豬手入味得嚟又唔會燘到淋哂，層皮仲好有彈性滿滿骨膠原，蘿蔔都係，諗住夏天蘿蔔冇咁靚，

今晚在沙田吃飯，新城市廣場的餐廳選擇很多，我選擇了最愛的車仔麵。餐廳門面很搶眼，亮綠色的招牌，多走兩步，還有雞蛋仔的擺設，門口還有雞蛋仔攤位，非常吸引！下單以手機下單，可以慢慢選擇。⭐️蛋撻$6剛剛出爐的蛋撻熱騰騰，曲奇餅底配香滑的蛋漿，香甜可口。⭐️永年車仔麵（4餸）$88這個套餐配一款小食和飲品。麵底我選擇了米粉和蕃茄濃湯，番茄濃湯的頂層還有一大舀番茄蓉，使湯頭有濃郁的番茄味道，入口酸酸甜甜，很開胃。配料是我最喜歡的鳳爪、雞翼尖、紫菜和豬腸。尤其是鳳爪和雞翼尖，享受那啃骨頭的滋味，還有惹味的豬大腸，很對我口味。⭐️香脆南乳雞翼雞翼炸得香脆，不過南乳味道不算突出。⭐️鮮焗菠蘿番茄豬扒太陽蛋飯$108這份套餐包括西湯餐包和飲品。焗飯的份量非常多，中間一顆流心蛋十分吸引，一戳開，蛋液緩緩流出來，配上米飯、菠蘿和番茄，味道酸甜。🔸懷舊西湯忌廉餐湯頗香滑，配上餐包，已經很飽。⭐️樽仔奶茶$9香滑的冰奶茶十分容易入口，既有茶味又有奶味，不俗。⭐️懷舊蝦多士$18蝦多士十分脆口，不過炸得不夠乾身，入口頗油膩。⭐️生菜魚肉$26小小一碗，建議去辣油，魚肉和蔬菜的份量不算多，味道中規中矩。⭐️土炮大茶飯$38這份雞

放假去沙田踩單車，諗住揾間茶記醫肚休息下，望入商場就見到永年，沙田分店除左賣車仔麵，仲賣埋茶記野，就試試佢。武漢廢炎肆虐全球，入座前當然要消毒下雙手。以前係尖咀分店食過車仔麵，今次主力試下茶記菜式。蛋撻係餅皮，岩我咀形，餅皮牛油香尚可，唔算濃郁，蛋餡頗滑。蛋撻緊係要配奶茶啦，冰凍樽仔奶茶唔怕冰溶，啖啖原汁原味，茶同奶平衡得唔錯，而且唔太甜。抹茶味唔夠突出，主要味道來自紅豆冰，但撈勻黎飲又唔錯，紅豆有成半杯咁多，但冰都多，撈同飲起上黎有啲唔方便。柚子蜜足料夠濃，清潤。即炸雞翼唔會差得去邊，香脆冇雪味，仲帶點南乳味鹹鹹地。蝦多士熱辣辣，雖然以蝦膠取代傳統原隻蝦，但都尚算香口。粗麵冇煮到過腍，唔洗加湯都幾好撈，豬紅唔易散，冬菇大粒肉厚，不過流心蛋就熟透左。牛腩大大舊夠腍，連埋招牌辣汁撈麵，非常惹味。牛筋又腍又入味，牛柏葉爽口易咬，牛肚雖然入味但韌左啲。豬手有五大件，豬皮冇毛，非常滑溜，肉亦夠腍，最後連汁都撈埋。

新城市地下果層一向有好多餐廳，今日先發現原來有一間專賣香港風味既車仔麵店。門口裝修好靚，充滿住舊式香港風情，忍唔住入去試下！裡面空間都好大，每一度裝修都好有心思，卡位梳化坐得特別舒服。餐廳主打車仔麵，有自選都有預配既選擇，亦有不少港式小食，好似菠蘿油，蛋撻，唔同既包。值得一贊既係佢地會keep住焗，所以記算夜晚去食都會食到新鮮出爐既蛋撻！點餐除左睇餐牌之外，仲可以QR code落單，夠哂方便。今次決定先試左佢既招牌大碗麵餐（$108），一碗大麵再有一碟菜。大碗麵基本上有齊所有車仔麵配料，例如雞翼，魚蛋，大腸之類，另外再想食咩都可以再自己加，我就加左豬紅同溏心蛋。熟悉既腩汁湯底同油麵，加上大大啖既新鮮配料，超正。菜都可以自選係咩菜，我就叫左腐乳生菜。同樣地都係大大碟，生菜新鮮，食落爽甜，加上腐乳十分開胃。由於蛋撻剛出爐，所以都叫左一個黎食（$6）。蘇皮夠哂鬆脆，蛋餡亦香甜，好明顯食得出新鮮同唔新鮮既分別。如果食完麵仲有肚的話，很推薦試下這個蛋撻。飲品方面叫左菠蘿冰（$9）份量足，也不甜，基本一半都係菠蘿，口感很棒。呢度都仲有雞蛋仔甜品同雪糕，望落邪惡又吸引😍香港地車仔麵檔唔少，不過如果想

鼎鼎大名的永年士多憑著車仔麵打響名堂，從起初只得元朗一間小店拓展至分店遍佈港九新界，但這次卻是我首次品嚐。在沙田新城市廣場一樓聚集不少美食佳餚，從遠處已經可見「香港永年」的霓虹燈招牌，門口更擺放著一列香噴噴的港式麵包。這間車仔麵茶冰廳有別於其他分店，除了招牌車仔麵外更有供應菠蘿油、蛋撻和西多士等茶餐廳美食，亦有各式各樣的新派創意小食如雪糕雞蛋仔、沙嗲牛肉菠蘿包等，掃描QR code下單清晰方便。紅油日本小黃瓜 ($28) 紅油雲耳 ($28)兩款涼拌前菜配上辣油爽脆開胃。牛三寶 ($38)三寶包括牛筋、牛肚和牛柏葉，當中又以牛筋最為出色，質感柔韌有致。生菜魚肉 ($26)魚肉不論外形抑或是口感均與魚蛋如出一轍，渾圓彈牙，但魚肉比例較少故魚味欠奉。韮菜豬紅 ($26)豬紅軟滑配上辣汁更加惹味，平凡簡單。永年車仔麵 ($86)車仔麵款式多變，除了包羅萬有的永年大碗麵和別出新意的男神麵女神麵外，亦可以自由選擇配料和麵底，基本包括四樣配料，另外每款再加$9，這碗則選擇了魷魚、流心蛋、牛筋、紫菜、白蘿蔔和冬菇。永年車仔麵 ($86)另一碗則選配了魚蛋、雞翼、豬頸肉、豆卜和白蘿蔔，最平凡的白蘿蔔卻

『關關雎(九鳥)，在河之洲，窈窕淑女，君子好逑』 。愛美之心人皆有之、對美的追求乃天性使然！近排在朋友圈的面書上經常看到「女神」的身影，心動不如立即行動！這個惹人垂涎的女神也真有其獨特魅力，豐料計有鮑汁燜花膠、豬手、枝竹球、冬菇、紫菜、蘿蔔、時菜、麵底可選油麵、幼麵或粗麵；如此模樣；不分男女也會對她愛得不行吧？就如胃納不大的老婆大人吃得比我還要多呢。光看那長而不薄的花膠便讓人動心，炆煮得腍而入味的豬手、冬菇，吃過後還不真的皮光肉滑？環顧店面，裝修也別具特色，店外的「彩繪」是伴着港人成長的「本土情懷」。充滿懷舊風情的吊扇燈本土特色小吃之一的雞蛋仔，登堂入舖後會以什麼形式示人？店門前的包餅櫃有雞尾包、香腸包、菠蘿包及牛油皮蛋撻，剛巧做菠蘿包的推廣，當然要一試。邊影邊等位，不知不覺已可入座。雖然賣的是懷舊吃食，點餐卻十分先進；每張枱也設有一個QR Code ，只須經手機輕輕一掃，便可入網頁點菜，方便好用，且可隨時查單，不怕遺漏。皇牌雞扒蔥蒜油太陽蛋飯～超愛燶邊太陽蛋，小時候真的可以一隻蛋、幾滴豉油便搞定一碗白飯。雞扒皮脆肉嫩而juicy，加上惹味的蔥油；不消一會便輕鬆完成。