迷你毛

已經bookmark左好耐嘅迷你毛，今日終於有機會試，點知成個體驗好似坐過山車咁🤡，完全無諗到食餐便飯都可以咁刺激，香港真係福地黎🙃！-襯住星期六，下午5點鬆未到晚市就帶埋我大佬黎試試佢😋！-白色主調嘅迷你毛，望落乾淨企理，同外邊搭哂棚架污煙漳氣嘅環境好似有啲格格不入（？ 一入去會覺得係個飲杯咖啡傾下計嘅好地方，感覺都幾Chill-一坐低店員放低餐牌就走哂去圍爐傾計💬，留低我同大佬在風中獨自凌亂🍂-==============================入返正題，叫左兩碟Main - 1）牛肝菌貓耳朵粉 + 2）海膽帶子卡邦尼闊麵 叫左杯野飲 3）（凍）薄荷朱古力-1）牛肝菌貓耳朵粉 😐賣相睇落都唔錯，聞起上黎，好有菌類香氣，食落唔夠熱兼淡到無味，唔係好知食緊咩🤔勝在貓耳朵粉有咬口夠煙韌 救番小小分數（大佬話未煮夠，但我自己黎講覺得Ok）-2）海膽帶子卡邦尼闊麵 🙄難食到懷疑人生🤢！闊麵似係自己homemade，帶子燒過上色 誠意搭救🫥講番個闊麵 最敗筆就係海膽汁一陣腥味再加埋三文魚籽果種魚油腥臭。再加埋啲卡邦尼蛋汁，食到又油又腥，完全唔知食緊乜嘢🤮（大佬食左兩啖放低左😵‍💫）-3）（凍）薄荷朱古力嗯😐！就係凍朱古力！你期待緊啲咩？🤡==============================當我地食完佢兩碟Main，大佬已經萌生去意大佬話：「不如我地去第二間食埋個甜品算啦🥹？」我都唔知自己當下點解會仲想比機會呢度，我話：「唔伏都伏左，不如食埋個甜品佢啦，雖然佢就算甜品幾好食我都一定Blacklist佢架喇😅」大佬最鍾意食甜品，當然無拒絕我😌殊不知⋯原來呢Part先係高潮位🫣！==============================我地叫左 A)蘋果酥盒 B)Tiramisu --A)蘋果酥盒 🍎🍏我想講～大癲🥵！！！擺盆有心思，淨係個視覺效果我都覺得要加分💪🏻！ 上面原隻大大粒嘅蘋果糖化處理 蘋果酸甜度完美Balance，食到個蘋果中間仲有蘋果蓉響入面！酥餅脆，香，酥！連旁邊嘅Cream 青蘋果片 都係有佢存在嘅價值 🍏!誠意十足 絕對係推薦之作🙌🏻！==============================B)Tiramisu抱住無期待就無失望嘅心情食，點知呢個Tiramisu就成為左我暫時其中一個最有印象嘅Tiramisu🥹！上面啲碎碎，中間嘅Cream Cheese，核心嘅酒心蛋糕，每part 都處理得近乎完美，底部仲有焦糖化嘅脆脆口感有戲院爆谷感覺🍿，作為全個Tramisu嘅點綴！驚喜分爆棚！🥳都係果句，食得出嘅心機！誠意推薦過到嚟呢度，不妨一試🙂‍↕️！==============================總結今次探店體驗，我收番我會Blacklist果句野！「對唔住，係我錯！」啲甜品真係一試難忘，啲主菜真係難食到想喊，好難想像係同一間餐廳嘅出品🥲！絕對係過山車式嘅體驗🎢～…查看更多

朋友同我慶祝生日揀左呢間餐廳本身上網都見到佢哋嘅甜品好精緻亦好多人讚所以決定去試吓我哋叫左兩個鹹食，一個係雞胸牛油果Taco另一個係西班牙豬扒味道方面都唔錯，係豬扒有少少難咬有少少韌，不過薯角幾好食炸得好脆最後當然唔少得主角我哋叫左西多士同蘋果酥盒，西多士加左好多裝飾睇落好吸引蘋果酥盒更加唔使講，打卡一流西多士浸滿蛋漿食落好似食緊麵包布甸加埋朱古力雪糕同上面嘅脆片食好味。蘋果酥盒整得靚之餘味道都好好蘋果有好香嘅肉桂味，酥盒入面有雲尼拿吉士，唔會好甜，配埋蘋果食一流用呢個價錢食到甘高質甘用心製作嘅甜品真係好抵呀，下次會再試埋佢其他甜品…查看更多

見呢間Cafe幾有人氣先過黎試下,一入門口就有個打卡位🤭Cafe座位都幾闊落,不過冷氣位就有啲凍🫢《鮮刨松露西班牙豬扒 $138》呢份豬扒好薄,完全唔似平時食開嗰啲好似西班牙豬扒,好多筋,俾人既感覺係用一塊好平既豬扒配松露,個感覺唔係好夾☹️《保雲穌焗野生石斑配日本蠔周打 $138》魚肉幾嫩,有少少脆身,好食過豬扒,估唔到有兩隻蠔係底,但有少少腥,個醬汁調較得唔錯!《意大利芝士蛋糕 $80》Tiramisu餅底有好多脆粒幾好食,個cream係相對輕身啲輕盈啲個種,食完都唔覺得好漏,唔錯👍🏻《蘋果酥盒 $84》呢個甜品賣相一流,蘋果唔會太甜,個蘋果酥盒好脆,牛油味好香,入面好多cream,幾有特色,推薦!《紅豆牛奶咖啡 $48》紅豆牛奶咖啡成pat紅豆想點😂好似貪快就咁掉落去,俾人嘅感覺唔係幾好🤨整體感覺甜品好食過主食好多🙈迷你毛深水埗鴨寮街121-123號地舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️…查看更多

以為蘋果酥盒甜到漏結果唔係而有唔同口感嘅蘋果，有甜亦有清新爽口特別一讚個餅底，酥脆香口。只係呢間似乎唔適合飲熱美式咖啡😅明白個玻璃杯加個杯套為咗隔熱，只係堂飲咁做有啲怪，可能冇用有耳的陶瓷杯…查看更多

迷你毛嘅店內好闊落，樓底都算高，唔會有壓迫感，幾舒服！我同朋友2個女仔嚟食，所以揀咗一個主食同兩個甜品😌 店員落單嘅時候有問一齊上定分開上，揀咗上主食先，甜品整好嘅時間預得啱啱好！我哋食完主食店員就主動嚟換碟上埋甜品👍 •🥢 溫泉蛋什菌牛肝菌貓耳朵粉 $100溫泉蛋嘅蛋汁令到個什菌汁流質啲，貓耳朵粉好有咬口，弧形嘅粉可以裝起啲醬汁，什菌味好濃，不錯～•🥢 法式多士 $80切開法式多士見到入面以為好厚實，但食落係外脆內軟！好香奶油同蛋味，感覺外層已經包咗少少焦糖脆面，所以無另外附糖漿都好夠甜；另外仲配咗雙色雪糕(雲尼拿味同朱古力味)、可可脆米、橙同糖霜，又靚又好食！•🥢 蘋果酥盒 $80呢個賣相更加靚！有一個金黃色嘅蘋果放咗喺個細細地嘅酥皮盒上面，蘋果去咗皮，反而有一層啫喱包住，入面嘅蘋果唔係新鮮嘅爽脆蘋果，應該係醃漬/煮過變到淋身，最入面仲釀咗啲蘋果粒粒，好有層次同驚喜！雖然下面嘅酥皮盒好細，但好脆，加埋蘋果有個對比幾唔錯！另外外圍都仲有啲青蘋果片、餅碎、忌廉同果醬添~•🥢 焙茶燕麥朱古力 $45🥢 Bailey朱古力 $42夜晚嚟食就唔飲咖啡啦，叫咗兩杯朱古力，兩杯拉花都唔同~ 不過呢兩杯就有啲失望啦，一嚟唔夠熱，二嚟都幾稀，焙茶同Bailey味都有，但唔夠朱古力味，整體比較淡......…查看更多

深水埗愈開愈多文青cafe今次黎到迷你毛餐廳裝修以白色為主🤍好光猛💡座位寬敞 坐得好舒服❣️.🌟溫泉蛋牛肝菌貓耳朵粉 $95一上枱就聞到好香牛肝菌味😆醬汁好濃稠仲有隻溫泉蛋🍳用蛋汁撈勻增添蛋香加上芝士碎更creamy🧀蘑菇好爽口！貓耳朵粉好有咬口 好煙韌❤️‍🔥好掛汁🤩.🌟意大利芝士蛋糕 $72同平時Tiramisu唔同造型用cream整成圓形Cream好綿滑💝入面有濕潤嘅手指餅同朱古力脆脆口感好豐富😋咖啡味同cream嘅奶香味都好平均面頭嘅可可粉幾濃🍫唔會涸喉.🌟蘋果酥盒 $76外型好吸引💕保留整個蘋果外形🍎切開入面有蘋果粒吉士醬同曲奇碎🍪中和左蘋果嘅酸味🥰底下有酥皮仲保留到脆口👍🏻幾香牛油味但整體過甜🙈.📍 迷你毛 (深水埗)深水埗鴨寮街121-123號地舖…查看更多

約咗朋友食甜品，佢肚餓所以就叫咗兩個main 一個係溫泉蛋什菌牛肝菌汁貓耳朵粉 $95貓耳朵質地偏硬，而且什菌汁不夠香濃，味道麻麻另一主菜係安格斯牛腰扒配阿根廷青醬 $158份量偏少我自己就叫咗一杯特濃朱古力XXtra Chocolate $48 (留醫只有熱飲），味道不錯，果然非常濃厚到主打甜品差唔多每一台都有點嘅tiramisu $72果然好味，有別於一般的tiramisu, 空氣感重，甜味適中另外我再叫咗一個蘋果酥盒 $76特別之處係完整嘅蘋果一個再烹調，配拿破崙酥餅，都係好味的總括嚟講，甜品優秀，熱食麻麻地方寬躺，一間地方幾大嘅Cafe…查看更多

於三步一cafe☕嘅深水埗 要突圍而出一啲都唔易位於鴨寮街嘅迷你毛 就以空間大、食物選擇多同鮮明嘅立場三點成功立於不敗之地與同區大部分cafe窄而長嘅店鋪格局相比呢度嘅環境無疑闊落舒適得多 裝潢一邊走文青木系風格 另一邊則大走少女風💕 以粉紅色外牆及近門日處嘅圓形椅 引起各位嘅打卡慾望📸7月係松露季節 今次拜訪 正好可以品嘗一下去年大受歡迎嘅松露料理鮮松露西班牙豬柳配燉菜粒（$148）西班牙豬柳上鋪滿松露片 加上底下嘅松露醬味道相當濃郁 配合狀似他他嘅燉菜粒 非常開胃😋鮮松露炸魚柳夾餅配薯角 （$110） 賣相令人食慾大增 而入面又的確好足料 除咗鋪面嘅松露片 亦加咗松露醬食落每啖都好滋味😍炸雞煎蛋窩夫（$95）一向愛食鹹味窩夫🧇菜式選用最高級嘅日本蛋🥚好味又餘 營養又豐富得多而沙津菜更輔上楓糖漿 令味道大大提升蘋果酥盒（$76）保留一整個蘋果🍎中間放入蘋果粒 爽脆嘅蘋果 加上脆口嘅酥皮配埋拖肥同以蘋果釀製嘅白蘭地🍷難怪會由期間限定 變成常駐甜品啦🤣特濃朱古力（$48）面頭鋪上可可粉、白朱古力條和朱古力塊🍫朱古力奶上亦加入cream飲落冇想像中咁甜同膩 正合我口味火龍果乳酪（$46）純天然無添加 健康又嚟又好飲…查看更多

呢間餐廳位於深水埗，空間闊落，光線敞亮🌞，主打白色色調既裝修，周圍擺放好多綠色盆栽🪴，最岩打卡影文青相個陣用😆❤️打開menu一睇，有好多新穎既菜式同甜品，樣樣都好想試哂佢吖😙～💛安格斯牛腰扒配阿根廷青醬 高質牛呀！🥩表皮粗糙，但入面軟腍，容易咬開，而且肉味濃厚，食呢碟肉唔洗沾醬都得，都好好味👍🏻😋但係佢都有提供三款醬料，黃色薯蓉、粗鹽同埋阿根廷青醬。黃色薯蓉食落似香蕉味，甜甜地，而阿根廷青醬就酸酸地，好開胃，加埋腰扒一齊食，味道層次多變🤩揭起啲肉，個底唔多油，所以食落都唔會好有油膩感，而且仲有啲酸酸地既沙律菜可以食下🤭💛香煎帶子黑魚籽龍蝦汁闊條麵 帶子煮到入口即融，超好味！！！黑魚籽鹹鹹地既味道加埋南瓜汁，出其地夾，味道惹味👏🏻💛西瓜配巴馬火腿沙律 薄切Parma Ham、西瓜切片加埋酸酸地既沙律，味道配搭冇衝突得黎又幾新穎～食落感覺好fresh💃🏻💛蘋果酥盒 蘋果本身好酸，入面有啲類似顆粒，配埋百蘭地同埋薄荷，變得酸甜🤗，而酥皮好脆，奶味重，好似加左啲吉是醬。酸蘋果加酥皮既奶味，整體中和左個酸味。蘋果質感滑身加埋酥皮既鬆脆，層次多變，口感幾特別😆 💛草莓雲尼拿蛋白脆 周圍有啲草莓糖霜，頂係好綿好滑身既cream，中間就有酸酸地既草莓醬，好酸好開胃，底部都係糖霜，脆脆地。呢個甜品幾靚☺️幾岩用嚟打卡🤗💛薄荷朱古力 朱古力味勁濃，薄荷味好出。💛西瓜乳略西瓜味濃🍉…查看更多

2022.5.25  星期三3:30pm主要來這裡吃生日甜品😊地點方便，在深水埗地鐵站行5分鐘就到。我們沒有訂座，店員安排落地玻璃位置給我們，光線充足，位置寬闊，自成一角的影相位置🤳🏻☀️餐廳分兩邊，近門口的是粉紅色牆，另一邊是木系，有格調又舒適的設計。••••••••••••••••••••| 香煎帶子黑魚籽龍蝦汁闊條麵 $138|🍝煎帶子肉質正常，加黑魚籽更鮮味，龍蝦汁鮮味，是一般的濃稠度。闊條麵有些粉，不過龍蝦汁好掛麵，整碟可以再濃味一點。| 慢煮西班牙黑毛豬 $138 |🐖伊比利黑毛豬肩胛肉，肉汁軟腍，味道香濃，有少許鹽粒調味，旁邊有羅勒蘋果醬，但夠味可以不用沾醬。芹菜頭蓉的水份較多，可以再幼滑一點。| 蘋果酥盒 $76 |🍎蘋果味道清甜，切開入面有粒粒果肉，調味清新，酥皮鬆脆，有吉士和杏果肉等，材料配搭令口感更豐富。| 草莓雲尼拿蛋白脆 $72|🍓表面的紅色蛋白脆和銀箔吸引，加上Mascarpone和忌廉好輕好柔軟，底部的蛋白脆中間有流心的士多啤梨蓉，微甜的蛋白脆中和果蓉的酸味。| 芒果乳酪 $48 |🥭芒果和乳酪的味道配合得不錯，新鮮的酸甜味，不過略嫌細杯。••••••••••••••••••••😋😋😋😋食材質素高，味道很好，擺盤很美。除了清水是自助之外，其他都是店員服務的，也不用加一。高質黃店💛…查看更多

💎總評分：8.0/10-話說小編開始寫食評生涯前己經嚟過呢間cafe，試過佢地嘅signature waffle覺得唔錯👍🏻，今次再嚟發覺menu已經更新，原有嘅waffle當然還在，但係新添左好多吸引嘅菜式🤩，maybe呢個就係佢開業以來一直維持到人氣高企嘅原因。店內空間感大，簡約文青風🌱，門口位嘅圓形梳化好適合打卡📸！1️⃣ 牛油果雞胸肉配芒果醬𝐓𝐚𝐜𝐨 $95新嘅menu加左tacos，多左種Mexican風味🤠。入面夾住厚厚嘅雞胸🐓、牛油果🥑、沙律菜同芒果🥭，dressing酸酸甜甜，喜歡濃味嘅人一定會好鐘意，好兩大件taco加埋薯角都好飽肚😋！2️⃣ 松露朱古力燴牛肉醬扁意粉 $115店主強力推介嘅新菜式，賣相無咩特別但係用朱古力做pasta sauce好特別🍫，每啖都癮癮食到黑朱古力味，同truffle出奇地夾，實在係值得一試嘅創新配搭🍝。3️⃣ 蘋果酥盒 $64期間限定嘅甜品記住快D嚟試😝！本身小編就偏好蘋果嘅甜品，order嘅時候冇諗過賣相咁特別，原個蘋果呈現喺眼前🍎，切開見到蘋果粒，底下嘅cream同果肉酸酸甜甜，五星級質素，冇諗過係Cafe以平民價錢食到咁高質嘅甜品💯！4️⃣ 薄荷朱古力 $46 ；紅豆 latte $46咖啡款式不少，二訪當然要試下新野！Iced chocolate賣相好靚，mint朱古力嘅雪糕就食得多，飲落去比一般朱古力清新🤩！紅豆latte建議大家一嚟到先攪一攪個底嘅紅豆，可能因為小編影左好耐相先飲🙈，佢有D漿住左，不過overall還是好飲💪🏻！其實小編第一次嚟己經好有好感，今次嚟到試埋創新Menu，極力推介佢哋嘅期間限定蘋果酥盒🔥，食物色香味俱全，而且店內仲有打卡位💃🏻，一間Cafe可以滿足到多個願望，中價位收費無可挑剔👏🏻！-環境服務：⭐⭐⭐⭐食物質數：⭐⭐⭐⭐打卡指數：⭐⭐⭐⭐⭐…查看更多