Outdark (飛達商業中心)

營業中

休息中

今次同朋友2個人黎左旺角outdark度食晚餐。聽朋友講平日好多人黎食，所以今次係open rice度book位。首先講下餐廳環境，燈光昏暗，加上天花掛住一串串星星燈，幾有格調同埋幾浪漫。知道呢度個芝士豬肋骨鍋都幾出名所以就叫左一份。份量都幾多，兩個女仔都食唔晒。職員會幫手控制住個火，咁樣芝士同旁邊個蛋就唔會燶晒，呢個服務加分！👍🏻味道方面，豬肋骨有輕微嘅辣，加上個汁甜甜地，幾好味😋另外側面有菠蘿、泡菜、紫菜飯同埋蛋另外叫左個蘋果芒果米酒，酒味唔會太濃，甜甜地，比較似果汁，好易入口，幾有口感應該係鮮榨果汁加米酒。份量都多，兩個人每人都飲左4-5碗。呢個幾解渴。溫馨提示呢度入座起計1.5小時

Outdark真係一間食唔厭既韓國餐廳，我真係好想試哂個到既菜式🤣雖然之前已經有去過，但回頭率真係幾高，所以次次去都見到好多人係到等緊位－－－－－－1. 串串魚糕湯 $198 6.5/10湯內有幾款魚糕、白蘿蔔、年糕、金菇同烏冬，材料豐富，不過味道方面好一般，魚糕串好簿唔彈牙，唔似係韓國食到個款，白色細細條既年糕只係得兩舊，我地四個人都唔夠分😕2. 香蒜蜜糖炸雞 $178 8.5/10炸雞一上枱真係流晒口水🤤炸雞好脆，裡面又唔會炸到好乾，加埋個醬甜甜地，真係食到停唔到口，而且炸雞仲會配埋薯條、薯角、薯格，同樣炸得好脆，岩哂中意食炸物既朋友🥰3. 豬腳 $238 8/10我叫左normal size，適用於2-3人份量，但黎到既時候真係嚇親🙈滿滿既一盤，有好多已經切好既豬腳同菜，豬腳燘得好入味，有醬油、蒜、洋蔥、薑去烹製，好重既骨膠原，而且加埋生菜包住食唔會好肥膩，不過生菜比較少，如果份量多點或者可以refill就完美🤤4. 蘋果芒果米酒 $135 7/10店員好細心幫我地分開四碗，米酒加左碎冰，酒味更淡，反而果汁味好重，好易入口，冇苦澀味同埋偏甜，但如果你想飲酒精成份較高既飲品，就不太

韓風吹襲香港咁耐，連港人既飲食習慣都改變埋，因為韓國野口味可濃可淡，同港式食物都幾相近。要數最受歡迎既韓國野，no.1當然係炸雞啦！(唔多唔少因為千頌伊😆) 而香港咁多間韓國餐廳入面，炸雞做得最出色既，就真係要數OUTDARK喇🍗先介紹我次次黎既必點推介:甜辣+香蒜蜜糖炸雞🍗OUTDARK呢到有唔同炸雞口味，但於我黎講選擇其實不多，我最愛係甜辣炸雞，但為食又貪心既我仲想試多一款口味，然而兩個人又點樣叫兩盤炸雞呢？呢到就有一個非常貼心既選擇，就係half half喇! 如圖中所見，我地點左一半甜辣口味，一半香蒜蜜糖口味，每種口味都有大概4/5塊炸雞(當初覺得唔夠多，但食左兩件雞其實就會飽)，而且仲大方地附送薯條薯角薯格!另外送4種醬汁任你mix and match😍👌懶人要留意喇，呢到既炸雞係juicy而無骨架!岩哂鍾意一路吹水一路大啖肉既你😆食左咁多炸物，想係menu上揀返一兩個菜，點知發現係冇架😂點知驚喜黎喇，我地明明點既係 海雲台泡菜煎餅，上枱既時候仲以為staff搞錯左，如圖所見，佢係青BB架😆呢個煎餅麵粉較少，以青椒韮菜做底(但泡菜味唔突出)，再配海鮮如蝦同魷魚(配合海雲台呢個

之前見唔少blogger都有介紹呢間韓國餐廳， bookmark咗好耐，決定同朋友試一試係咪真係咁正。餐廳嘅設計真係幾有心思，打卡一流，又有韓國特色。最重要係坐得舒服，每張枱空間闊落。-芝士炒雞 $328炒雞份量頗多，仲有香辣年糕、爐邊蛋、紫菜飯、菠蘿粒、泡菜。辣醬食落似微辣嘅咕嚕肉甜酸汁，配年糕辣度適宜。水牛車打芝士佔咗大半份量，捲埋雞件同年糕同食超正。輕易做到瘋狂拉絲效果，芝士迷必試！-炸醬麵 $98同韓國食到嘅味道差唔多，以黑豆製成嘅醬汁濃郁豐厚，配上豬肉薄片、青瓜絲、雞蛋，麵條帶韌勁，甚有韓式風味。-炭豚飯捲 $88飯捲足料，有炭燒豚肉、黃蘿蔔、雞蛋、青瓜等配料，加上黑白芝麻作點綴。-蘋果芒果米酒 $135以碗作杯嘅米酒，份量頗大，二人可飲到4-5碗/位。加入咗好多碎冰，淡化咗米酒嘅甜度，同時影響口感。入口亦唔太覺有果香，唔加入碎冰可能會好啲。

一早約了兩位好朋友吃飯，知道她們都是打卡的熱愛分子，所以就提議了這間以閃星星燈飾做主題的韓國餐廳，果然二人都相當滿意，一早訂好了台沒想到，晚飯時間相當多人，好彩一早訂台了，不然只能一等再等安排好坐位，發現餐廳內都滿坐，坐無虛席，而抬頭的一𣊬間，發現滿滿的吊燈星星，很常耀眼奪目，被星星的燈光吸引經過商議，我們點了雙拼炸雞$192海雲台泡菜煎餅$98，煎蛋飯捲$98，蘋果芒果米酒$135先到的雙拼炸雞是醬油加蜜糖味，一大盤的，份量非常多，還有點擔心吃不完在吃第一口炸雞時，甜甜鬆脆的外皮，包著啖啖Juice的嫩滑雞肉之後上菜的海雲台泡菜煎餅，原本以為會比較辣，結果完全唔辣，泡菜餅的邊很脆口，而中間軟心層綿綿的，有很多泡菜，十分足料而煎多飯捲有別於一般包飯，以蛋皮包在外圍，一口吃下，所有材料都在口中，非常滿足對於酒來說，我很喜歡，但屬於不勝酒力之人，所以很怕酒味偏重的，不過出乎預料，這果米酒的水果味非常香甜，而且完全沒有酒味，一口喝下，像果汁般甜美，值得一試

三個閨蜜即興約一約的飯局.我地今次揀左食韓國野.outdarkLee間餐廳係少有的不設限時仲開到零晨的餐廳一入到到坐落之後真係有種去左韓國ge感覺。環境幾正幾舒服.Lee到真係韓國人開ge.有韓國哥哥事應tim.個晚係平日的晚上我地一聊就聊到11:30pm.影ge一張相DIY飯團。又有得玩下又有得食。好香的紫菜包飯炸雞(原味)已配以芝士粉.炸得岩岩好.仲有4種醬料比你點tim.每個醬都有驚喜.好唔错到海鮮煎餅la.足料煎餅.熱辣辣咁食一流ar點左個米酒.叫左個蘋果芒果味.雖然lee個米酒比較結身D.不過個味好夾.好好飲.之後仲點左個豬腳.如果個豬腳熱上會比涷食好law.醬料好正。不過lee個豬腳比起其他野上黎就有D失望。一間食物質素ok.好適合三五知己聚下ge餐廳.下次會黎試下其他野la.

上一次光顧 Outdark 已經是去年的事，恰逄好朋友 "黑表妹" 生日，黑表妹曾於韓國流浪數年 (留學才對…)，今天和大少姐就跟她來看看有沒有於韓國吃飯的感覺。芝士王國 - 豬肋骨 照舊一樣是精美的，樣子都是很吸引的，滿多的芝士但感覺像橡皮筋，完全沒有芝士的味道，留下的就最有那"咬咬咬咬咬" 咬不完的口感！不過豬肋骨的辣度我們選了辛辣 (3隻椒)…媽呀！真的辣得很過癮，辣得耳仔都痛了！好捧！**最後把芝士放棄了，直接吃辛辣豬肋骨還好！串串魚糕湯分量不算很多，數串魚糕跟兩串肉丸，湯跟清水有點像…魚糕有點煙韌，就跟魚蛋片有點像，不過薄點。知慳惜儉的黑表妹一整晚都說這個菜是最不划算，因為魚糕在韓國一串才幾塊錢，這裡貴了數十倍而且弄得一點都不像跟不好吃…芝麻葉吞拿魚飯捲味道不錯，芝麻使飯捲變得香口，吞拿魚夾在飯中味道很配。米酒 - 蘋果芒果米酒這個不正宗的米酒混了蘋果芒果的口味，變得跟果汁差不多，大概是酒精成份不高，多喝一點也沒有醉的感覺！乾杯！呀…碗才對…

聽人講過話outdark 好好食，今日一於帶埋男朋友去試下位置一d都唔難搵，預先book左位，所以好快安排到座位比我地，入面環境都好靚好浪漫，燈上掛上一串串星星燈飾，好有聖誕feel 😊😊呢度都有好多款式既食物同飲品，我地都揀左好耐😆樣樣都想食，身為芝士控既我，當然揀芝士炒雞啦😙😙 另外仲叫左DIY飯團同蘋果芒果米酒先講個米酒先，侍應姐姐放落黎我完全唔知係咩黎，因為係用個大碗裝上，仲以為佢比壺湯我地🤣然後佢再分落兩個木造既碗比我地飲，好特別😁而且味道相當唔錯，米酒味唔算好重，反而好香芒果味！岩晒我呢啲唔好酒精既人🤓然後係DIY飯團，好過癮！可以自己包飯團，入面係紫菜，飯，蟹籽，好香麻油味，我地兩個人包左4大舊黎食🤤紫菜好多好正呀最後就係我地主菜芝士炒雞😍😍😍😍好大份，最緊要係咩？最緊要係好多芝士呀🤤🤤仲可以做到拉絲效果😲啲雞仲好滑！啲汁好香好惹味，年糕都唔會太un，側邊啲配料都好好食，我地揀左原味，少少辣又唔會太辣，我唔算食得好辣都覺得剛剛好！大大份兩個人真係食唔晒🤢但真係好惹味！必食之選下次會再幫襯試埋豬肋骨🤤

韓迷既我間中都會周圍搵韓國菜食, 今晚相約閏蜜到旺角彌敦道上樓既一間韓國餐廳食dinner。入餐廳就見到掛滿好多色彩繽紛既鎖仔, 形成一道牆, 感覺就像韓國首爾塔既旅遊景點。店內環境昏暗, 掛滿吊飾, 很有聖誕氣氛。侍應先送上酸蘿蔔做前菜 再送上四款不同汁醬韓國人很喜歡啤酒炸雞, 但唔識飲酒既我一直都未試過呢個配塔, 經店長介紹後, 推介左幾款生果米酒, 米酒濃度較為低, 岩哂唔識飲酒既朋友, 所以我地就order左黎試試....【蘋果芒果米酒】HK$125送上檯時, 真係嚇左一嚇, 竟然有一大個湯碗咁大既size咁多。店員先將米酒中既雪篤碎散, 再倒入飯碗中比我地飲用。生果米酒果然很易入口, 沒有苦澀味, 初初飲只有較突出既芒果味, 同埋很淡既蘋果味, 很清新。米酒含係口中時才會飲到少少既苦, 朋友飲左三碗左右才開始有點醉意。 凍涼得黎又解渴, 炸雞配米酒絕對一流!【串串魚糕湯】HK$185湯底濃郁鮮甜, 鹹鹹地, 甜甜地, 除左有魚糕、更有丸類、一隻蛋、很入味既蘿蔔、少少菇菌類, 仲有一個烏冬令我地更加飽肚。所有食材都吸到湯底味道, 整體味道果然跟韓國既一樣ga!!【香蒜蜜糖炸雞】

餐廳特意用昏暗的燈光營造放鬆舒適的氣氛，加上一入門口就看到掛得滿滿的情人鎖牆，配合著節拍輕鬆的歌曲，的確讓人感覺放鬆。而且不少店員都是韓國人，令餐廳更添韓國特式。有趣的是餐廳以聖誕做主題，除了音樂用上聖誔歌，還有聖誔裝飾，店員也帶上聖誔帽，讓人感覺很歡樂。MENU有炸雞﹑小食﹑主食等多種不同選擇，而且餐廳亦透過MENU介紹自己，稍稍一看才知道原來OUTDARK是韓國國內一家在2010年創立的炸雞店，以釜山為起點，慢慢在全韓國開分店，然後到香港。點菜後店員送上炸雞醬和醃蘿蔔，醃蘿蔔做得爽口，微酸感覺很開胃。原味炸雞拼香蒜蜜糖炸雞($192)食韓式菜少不了的當然點炸雞，由於OUTDARK是由韓國傳到香港的，所以連做炸雞的方式都保留了原味，用上上乘的油炸，所以做出來的口味都跟在韓國食到的一樣。因為想試不同的口味，於是便點了原味跟香蒜蜜糖。一大碟炸雞配上薯片﹑薯格和薯片，最邪惡的是還撒上大量咸味芝士粉。炸雞的皮做得很薄，原味的炸雞由於沒有什麼醬汁，所以外皮很乾身香口，而內裡的雞肉已經醃至入味，所以食落不會很寡，而肉質依然保持嫩滑。而香蒜蜜糖炸雞則是偏甜口味的，加上香蒜味道，個人還喜歡多沾一點芝

每次約朋友聚會都諗起Outdark，因為環境好岩傾計，裝修得幾有氣氛，令人好舒服，又唔會太嘈，最岩少少人聚會傾計。不過當然食物先係主角，每次必叫炸雞配米酒。炸雞有唔同味道可揀，當然叫雙拼可以一次過試兩種味炸雞睇得出係新鮮即炸，皮十分香脆，雞肉一d都唔乾，嫩滑得黎仲有肉汁。今次點左香蒜蜜糖同甜辣雙拼，醬汁份量剛剛好裹住炸雞，好香口。蜜糖甜甜地但唔會令人覺得膩，甜辣嘅辣度較低，唔食得辣嘅朋友都可以接受！至於伴碟嘅薯條同樣炸得香脆，但可能醃得唔均勻，有部分好咸...另外付上醃蘿蔔同醬料，醃蘿蔔酸酸地可以消膩；醬料分別係醬油、柚子、蜜糖同甜辣醬，配薯條一流，兩樣配料都可以任添。飲品點左芒果蘋果米酒，米酒用碗上，視覺夠震撼，雖然份量多但酒精濃度唔高，飲哂成碗都絕對唔會醉（並唔係我飲得），有少少果汁嘅感覺，好岩女仔口味！另外加左個自製飯團，超級熱！可以自己動手整飯團食，幾得意而且味道唔錯，不知不覺就食哂。係Outdark食野環境真係好舒服，唔經唔覺就會坐左好耐不過食物因爲全部都熱辣辣，所以趁新鮮食就最正！另外飲品價錢可以平少少就好～