川滿居 (京都廣場)

走進這間川菜館，總有一種懷舊溫馨的感覺，這裡的菜式不僅保留了傳統風味，同時也別具創意，絕對是喜愛川菜的食客一定要來嘗試的地方。川香鮑魚雞煲這道菜將鮮嫩的雞肉與鮑魚結合，火鍋的蒸汽撲面而來，香氣四溢。雞肉煮至入味，配上濃郁的香料，讓人一口接一口，無法自拔。金湯酸菜魚湯底色澤金黃，酸菜的微酸和魚的鮮味完美融合，讓整體味道層次豐富。每一口都能感受到四川獨特的辣味，令人意猶未盡。在午餐時光，我們選擇了數道炒菜。花菜炒牛肉花菜的清脆與牛肉的鮮嫩完美融合，口感清爽，呈現出健康與美味的平衡。 藤香雞藤香入味的雞肉，肉質細嫩，唇齒留香，令人對此讚不絕口。 回鍋肉經典的回鍋肉，油潤而不膩，饒有嚼勁，加上惹味醬汁，搭配米飯，簡直絕配。…查看更多

川滿居😘😘😘又麻又辣銅鑼灣京都廣場樓上鋪、四川菜、麻、辣、店內以燈籠系列、紅紅的、富中國色彩！✨金湯酸菜魚$188新鮮鮮魚、鮮甜嫩滑又脆口、份量超十足、盛裝碗子直徑超過10吋、小份量已足夠2-4人份量、超級抵食、湯底用青菜醃漬成酸菜、所以酸味十足、加埋地道原材料調味、花椒、辣椒乾、泡椒、生薑、萵荀、白蘿蔔、香菇、豆芽、金湯底配🈴️新口味！煙煙韌韌薯粉條、吸滿了湯汁、增加味蕾口感！鹹酸酸帶點少辣、刺激味蕾新享受、夠爽快yummy yummy 出色的正宗招牌酸菜魚👍🏻👍🏻最緊要配埋個白飯更一流!✨蓮藕仔炒鯛魚片$98藕尖其實是蓮藕的幼嫩根狀莖，由它的一個節間和頂芽組成、又叫藕帶、藕稍子或藕心菜、是很有時令性的蔬菜、川味辣椒泡炒鯛魚片、無比爽、脆、嫩、賣相可愛吸睛👀✨藤香雞$66嫩滑雞件、用藤椒、醃漬烹調、藤椒清香麻口味、香味清新濃郁、麻味綿長刺激小、滋味又惹味！✨酸梅湯$18 色澤艷紅、獨特的酸味、幫助開胃、提振食慾、止渴、消暑、助解川中之辣😁✨凍檸茶$18 茶味道均勻、清香茶味、配檸檬片、清新味蕾！川滿居銅鑼灣駱克道491-499號京都商業中心6樓港鐵銅鑼灣站C出口、步行1分鐘…查看更多

大家有沒有發現只要一陣子沒有吃辣，就會覺得好想念，發現川滿居就在銅鑼灣市中心，好適合逛完街上去飽餐一頓。💚金湯酸菜魚金黃色的湯底好誘人，入面新鮮的魚片好多，魚肉的肉質細膩而且沒有土味，與眾不同的是，佢地酸菜魚配料好特別，有好多種類的菇，增添了許多特殊口感的風味呀。💚鮮椒田雞店家用了好多鮮椒又好爽口唔會太辣擺盤顏色豐富，田雞入口滑嫩，加上爆炒的鍋氣好適合送飯。💚藤香雞雞肉好嫩，唔會柴，配上藤香枝，麻味十足又唔辣，好適合配辣嘢ㄧ齊食。…查看更多

已經第三次來食酸菜魚，實在太正，地點又就腳，一出地鐵站對面就到餐廳。自助點餐，用QR code很方便。都幾多大陸人識得來這裏。金湯酸菜魚，點單不到5分鐘就上菜，本身以為是放了很久，應該會魚肉很淋，不過魚肉其實很鮮甜又爽嫩新鮮，然後發現每台都必點。酸菜湯底的味道又酸又辣很開胃，平衡得到五香，加上水昌薯粉真是一流。招牌香鍋選了少油少咸，麻辣味道反而更突出，五款配料各有千秋，雞軟骨、田雞、油麥菜、萵筍和五花肉片。最喜歡五花肉片和萵筍，爽口入味香濃，五花肉片爆香後更加香。藤香雞令人舌頭麻痹的藤椒粒加冰凍雞肉，愈食愈上癮，最重要是雞肉夠鮮滑。百香果檸檬茶甜甜地又香百香果味道，感覺清涼解渴。…查看更多

辣癮又發作，想起一年前曾光顧一家試業中的川菜館味道不錯，決定再訪看看現在是啥模業幸好來得早，就座後不斷有食客前來，食至中段基本上已滿座餐廳裝修簡約，大部份是卡座，坐得舒服招牌香鍋鍋底$26，再自選五款以上的配料！口味有香辣、麻辣或醬香三種，辣度由不辣到大辣共五級選擇香鍋一上桌滋滋作響，鋪滿紅紅綠綠的辣椒、芝麻及芫茜，光是賣相已經感到格外刺激新鮮的沙白蜆，粒粒飽滿鮮甜羊卷肉少少羊羶味，肉質厚實海蝦炒至酥脆無比絕對可以連殼吞噬豬大腸外脆而內裡煙韌中帶香軟，入口香辣夠味薯粉口感彈牙，吸收汁後帶點鹹香冷盤涼拌黃金皮蛋酸酸甜甜帶點辣，爽口開胃喜歡花椒味道的我要了藤香雞，果然沒令我失望少少麻香感覺，雞肉嫩滑，雞皮滑溜吃辣配酸梅湯最對味了，不但解辣、解油膩，酸酸甜甜喝起來還會回甘呢又或來一罐可樂，簡直透心涼看到鄰座很多人叫了酸菜魚，下次一定要試一試…查看更多

好耐冇食辣嘢啦！ 係時候食下川菜先🥰 金湯酸菜魚 $188一上到枱覺得勁大碗，我哋叫咗細（bb辣）但係都食唔晒，呢個份量係適合三至四個人食👀 分量十足之餘啲酸菜魚仲要勁滑， 入邊仲有好多唔同嘅配料，有酸菜、蕃茄、三種菇、辣椒🌶️、紅薯粉（勁彈牙），以呢個價錢嚟講份量非常足料🤘🏻 藤香雞 $66口感勁似口水雞，啲醬汁都幾好食😋京蔥牛肉配六片嬤嬤皮 $88啲牛肉整得幾滑，配埋嬤嬤皮食啱啱好，唔會太鹹又唔會太淡🤍桃之夭夭 $36桃味幾香，不過叫咗少甜少冰都有啲甜，如果唔鍾意食甜嘢嘅可以叫佢走糖😌總括而言 (5個🤎係最高)好味指數 : 🤎🤎🤎🤍🤍服務態度 : 🤎🤎🤎🤎🤍環境打卡 : 🤎🤎🤍🤍🤍回頭指數 : 🤎🤎🤎🤍🤍📍川滿居 (京都廣場) (銅鑼灣)🏢銅鑼灣駱克道491-499號京都廣場6樓🕗星期一至日 11:30 - 22:00…查看更多

超耐冇食過中菜同飲茶～ 今次就好有興致咁食川菜做lunch~仲要係食魚🐟！ 又去挑戰自己🤣～（（好抗拒食魚嘅我…呢次應該係我生平食最多魚嘅一日🙈🐔藤香雞 $66第一次食呢種雞～佢個味道其實有少少似口水雞嘅～不過佢個麻香味極重～基本上麻香係重過辣味，所以麻得黎又夠香，而且麻而不辣～佢個汁應該落左唔少藤香油黎調製，然而喺雞肉嘅表面都撒上藤椒～所以自然就麻過一般口水雞～而雞肉嘅肉質都鮮嫩～🐟金湯酸菜魚 $188🙈魚全部都係魚～我又係第一次食😂緊張到我係咁問我嘅朋友會唔會好腥～個酸菜魚一啲都唔腥🥰 個湯底好惹味，都係一啲都冇魚腥味，仲好濃味添，啱哂重口味嘅人士！啲魚嘅肉質又唔霉，而且除左魚之外，仲有好多料～又有好多菇菇，又多酸菜，仲有我鍾意食嘅薯粉～薯粉索哂啲湯汁同精華🤩，真係夠哂入味～🔥酸菜炒鯛魚 $98呢個不得不說真係好有驚喜～佢啲鯛魚片肉質十分爽口彈牙，而且都係一啲都唔腥又無骨😚 好特別嘅係佢個酸菜真係又夠酸又夠鹹，超啱送飯食～ 最surprised 嘅係佢炒得超級有鑊氣🔥！呢個真係無諗過～所以我就算隔左一陣先食呢道菜，佢個香氣同熱度都keep到，唔會凍左～本身以為應該會仲有quota食多個/兩個小菜，點知佢啲份量都幾足，基本上食完都已經飽到食唔落其他野了～食埋碗飯飲埋野飲都係每人二百幾蚊，所以呢個價錢黎講都幾抵食，因為真係又好味又夠飽😋…查看更多

每隔一段時間就會有某種食物癮起繼Bagel癮後🥴呢排輪到酸菜魚癮起🐟·朋友推介既川菜中餐廳🍽位於銅鑼灣京華廣場6樓主打酸菜魚既川滿居♡ 藤香雞 （$66）未試過既冷盤藤椒味幾出☄️配雞肉有種好清爽既感覺🧊而雞肉好嫩滑🐣相比起口水雞 · 我更喜歡藤椒雞❣️♡ 金湯酸菜魚（$188）個湯底真係金黃色✨一黎試下湯先點左小辣 · 辣度大概3小辣左右🌶湯底偏酸少少 · 岩哂我呢啲鍾意呷醋人士😉無慣常既一層油係湯面 · 飲落舒服無口渴而魚肉大大塊 · 唔會散收收👍🏻無細骨唔腥之餘仲好滑身除左魚肉仲有紅薯粉｜萵筍｜雜菇紅薯粉煙煙韌韌配湯一流💯♡ 蓮藕仔炒牛肉（$88）上枱一刻好香 · 炒得好夠鑊氣🍳牛肉份量都幾多 · 肉質軟腍一直以為係白色細細碌既係大蔥👻原來係蓮藕仔黎爽爽地吸哂汁 · 好有驚喜👍🏻♡ 酸梅湯（$18）/ 加多寶（$15）前者酸甜開胃但略略甜左少少🤏🏻後者純粹太耐無飲 · 口多多叫😆༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：金湯酸菜魚份量夠2-3人食當日2個人都食唔哂😆而且好抵食 · 價錢只係$188如果同我一樣鍾意呷醋 · 呢個酸菜魚必試✨…查看更多

天氣凍更加想食辣驅寒氣，又係陪老公食川菜既時候～🥢藤香雞涼伴菜頭盤，雞件肉厚味道純鮮。上面放左青花椒，更顯得麻椒香味濃，雞皮爽滑雞肉入味麻香感好重，幾開胃～🥘金湯酸菜魚淺嚐川菜叫小辣最啱，唔駛食到脷伸抹汗。金黃雪白大大窩酸菜魚，主角鱸魚大片份量多，加埋芝麻粒、青紅辣椒、芹菜碎夠香口。酸菜煮出金黃香濃魚湯，熱熱地先飲幾啖，舌尖喉嚨迴盪一股強勁麻酸感！魚片鮮嫩滑溜，厚薄適中，食埋酸菜湯之下薯粉、菇菌，夠晒飽肚！🥢蓮藕仔炒牛肉醬香氣味香濃，味道偏辛辣，蓮藕仔幼嫩爽甜，牛肉片雲耳朵配埋洋葱醬汁爆香炒，肉質Juicy唔韌又惹味，配白飯食最啱！…查看更多

此銅鑼灣店新開張三個月。已經是下午2:30，店內有2間容納兩張4人枱左右的廂房，大廳還是有十枱八枱捧場客，以樓上舖及已過午市時間來說絕非冷清，足見此店有一定水準。先來一碟藤香雞。麻與辣二擇其一我會選麻，麻的感覺更富層次更撩人。此雞正是七分麻三分辣，用了胸、翼位置，雞不肥、皮薄，肉嫩，將雞來回蘸麻香汁才進口，同開胃小吃有同等之效。我等是來尋找媲美大陸正宗酸菜魚的足跡，遂必點金湯酸菜魚，BB辣度。同初次見面的貼地侍應桐姐聊了幾句，得知師傅選用加州大鱸魚，取其夠大夠肥美，件頭大易帶出口感。一試之下，所言非虛。起好骨，放心吃，肉嫩微彈牙，我等不停地勺，魚肉循環在口腔內化開散發鮮香……下為數不少的新鮮花椒、芝麻、啡菇、白菇、切得極薄的萵筍，配幼滑薯粉，濃香到連吃不到辣都起勢不斷勺酸菜魚來喝……不自覺也喝了兩碗辣熱湯。如果我有帶多件替換衫來吸汗；如果能更吃得辣，會整鍋會按捺不住乾掉。在坐已不時聽到廚房傳來熊熊烈火之鑊炒聲響，已料到鑊氣程度。又來多客孜然羊肉。本來羊肉切得細但不碎，最理想是不羶但又有羊肉香，洋蔥切得幼條因此盡情吸收了肉汁，全無澀味，作為配菜都被清空。據知酸梅湯是店家下足材料自家煲，惜是今趟無緣遇上，寄望下回。大陸名涼茶——加多寶頂上。侍應桐姐午市一人打八枱，無亂陣腳，醒目勤快，落單清晰，有條不紊，甚至經過我等卡座時不忘詢問「使唔使添飯？」真心佩服她的敬業樂業。*在自己飲食群推介了，朋友即在11/1趁午市還提供堂食時去了踩場。罕有曬張一遍狼藉的餐後碗碟照……查看更多

幾日沒有出街食晚飯， 今日天氣凍凍哋🥶好想食辣嘢🤤，到位於銅鑼灣京都廣場6樓的川滿居吃午餐🥢。 店內燈光柔和，有窗邊位置，自然光滲入， 都幾舒適。 食川菜一定要有酸菜魚🤩， 午餐有金湯酸菜魚$188、 藤香雞$66、孜然羊肉配嬤嬤皮$98、白飯$15、 凍檸茶$18、 熱奶茶$18。 ▫️藤香雞 ～ 嫩滑的雞肉帶點藤香味，其獨特的芬芳香味， 令人一食愛上🥰。 ▫️金湯酸菜魚 ～ 香噴噴的酸菜魚😚，色澤金黃誘人， 我點了小辣🤏🏻，味道酸辣清香，魚片份量多又嫩滑😋，配菜有薯粉、菇和酸菜， 微辣的酸湯越食越開胃👍🏻。 ▫️孜然羊肉配嬤嬤皮 ～ 羊肉嫩口炒得有鑊氣又惹味😊，孜然能祛除羊肉的騷味，令肉質更加鮮嫩，配薄薄的嬤嬤皮吃就更加滋味無比🤞🏻。 ▫️凍檸茶 ～ 食酸菜魚配可樂之外，還可以配凍檸茶更健康😊。 ▫️熱奶茶 ～ 熱奶茶都做得不錯☕， 茶味幾濃。 今次發現這間出色的川菜館， 地點又方便，下次一定會再來👏🏻。…查看更多

宜家流行食川菜，好多身邊朋友都鍾意食，而我自己都越來越食得正宗，今次就同朋友來到銅鑼灣的川滿居品嚐川菜風味。餐廳都係第一次來，皆因朋友話銅鑼灣來講，川菜做得正宗得來又抵食。我們上到來，經服務員介紹，點了三個皇牌菜式，分別係：金湯酸菜魚，京蔥羊肉（加上6塊嬤嬤皮），藤香雞。首先金湯酸菜魚做得十分地道，酸酸媚媚好開胃，魚肉大大舊又多又夠新鮮，而且口感彈牙，原來係用新鮮魚肉，不是用冰鮮的魚，難怪做到這麼好的水準。藤香雞就有少少似醉雞，無醉雞咁冰同咁重酒味，麻麻香香的味道果真做到另一款口感，前菜必選。另外就係京蔥羊肉，如果唔鍾意食羊肉的可以選擇牛肉，而我就覺得羊肉無選錯，好有羊蘇味，平時不喜歡吃蔥的 但配在一起，蔥就好似中和左羊肉，絕配，包係嬤嬤皮一起食，更為有口感。幾款招牌用來送飯就絕對一流，飯都可以食多碗，喜歡食川菜的不容錯過啦。…查看更多

天氣一凍就想食d熱湯或者辣野暖下身，同朋友提起，原來佢都係咁諗，於是我哋就揾咗一間可以一次過滿足晒兩個願望嘅餐廳！想既有熱湯又有辣野，一於揀間川菜食酸菜魚😋見呢度好近我哋返工地點，即刻book位去食~我哋兩個人叫咗三個菜，有藤香雞、孜然羊肉同酸菜魚。🍴金湯酸菜魚🍴朋友都係鍾意食酸菜魚之人，叫咗小辣，朋友唔算食得好辣嘅都食到。點菜時店員有介紹提到魚湯係老闆每日用足料魚骨熬嘅，飲落酸得嚟帶少少辣同麻香，好好味✨除左表面睇到嘅魚片，撈起入面都仲有好多魚片，兩個人差d食唔晒！魚係用大鱸魚，每片魚肉都好厚身，而且唔霉有鮮味～除咗魚片仲有好多種菇同薯粉等做配料，即使3至4人分個份量都足夠！🍴藤香雞🍴未試過呢道菜，係店員嘅推介下當然要試吓～睇佢外表平平無奇，食落估唔到非常惹味，配飯一流！第一啖有好濃嘅花椒香味，唔會好辣，但之後就感覺到一陣舌頭麻痺，好過癮，最岩鐘意椒麻嘅人～🍴孜然羊肉🍴一上菜已經聞到好香，羊肉唔乾柴，食落有羊脂羶味。孜然調味啱啱好，唔會太過重手，成道菜好惹味！仲配6片麼麼皮包羊肉嚟食，塊皮好薄身，口感煙韌。兩種食法都好味，鍾意食羊羶味嘅一定要試😋第一次嚟樣樣都想試，咁食法都係人均二百鬆d，兩個捧住個肚走🤣…查看更多

好耐都冇落銅鑼灣走走，食下野咁，咁就約下朋友行下街食下飯，想搵下中菜食，最後搵了這間「川滿居」，滿足下食川菜的意欲。金湯酸菜魚 $188原來佢有幾種辣度給客人選擇，我們點了小辣，朋友覺得很辣，我卻覺得剛好，所以叫左碗白飯中和返。酸度很夠，酸菜好好味，魚肉是用鱸魚，口感十分嫩滑，而且沒有骨，配料是用了很多種菇，另外配上薯粉，煙煙韌韌，很有𡁻口。藤香雞 $66味道似菜膽雞，但佢係凍食，雖然係凍食，但食落覺得好有鮮味，而且雞肉嫩滑，咬了一口見到骨係血紅色，我不擔心不熟，因為要雞肉滑就不可以太熟的。我肯定肉是熟的。蔥椒小肥牛 $88好惹味的菜，只是青椒辣，肥牛和洋蔥一齊食好香口，我的食法是食青椒配一口飯，食肥牛和洋蔥配一口飯，那就中和了辣味。所以飯是不可以缺。😌加多寶$15、梳打水$15我地怕辣，都點了雪藏左既飲品，透心涼一點。…查看更多

冬天的時候特別想食辣嘢～同朋友去左銅鑼灣逛一逛，然後發現呢一間川菜館。餐廳座位寬敞舒服，可以同朋友慢慢享用晚餐。$66 藤香雞這是一道冷盤，看似醉鄉雞，但其實係藤椒雞。藤椒的味道清香帶少許麻，不太刺激，味道全滲入雞內。一啖皮爽肉嫩的雞，帶少許麻嘅清香濃郁的藤椒味，滋味無窮。$98 孜然羊肉 配麼麼皮孜然羊肉，一口塞入嘴內，咬開皮薄嘅麼麼皮，滿滿嘅孜然味的羊肉，前者味道嘅淡後者味道嘅濃，配合得剛剛好。$188 金湯酸菜魚特別推介這道菜，2-3人份量，辣度可以自選，選了BB辣，朋友食唔到好辣。配菜用了多，當中有香菇、杏菇、白精靈菇、萵筍、白蘿蔔、酸菜和薯粉等。鮮嫩的魚肉是金湯酸菜魚的靈魂，酸中帶少許麻和辣，啖啖滑入嘴裡，好食到不能停口。開心提示，總有一兩舊魚會有骨，大家小心享用！一間有誠意嘅餐廳，材料選取多，但價錢不貴，在銅鑼灣非常罕見，值得一試。…查看更多