薑味橙香橡果黑毛豬鞍架

同朋友慶祝生日，因為朋友鍾意食西班牙菜，見呢間評分好高，就揀咗呢間試。餐廳環境好細，枱同枱之間好近，食物質素亦麻麻，而且好細碟，食完之後大家都覺得又貴又唔好食。…查看更多

有時都鍾意搵一啲特別嘅餐廳，食個悠閒嘅lunch，享受一個人的浪漫💕今次搵到呢間西班牙餐廳，除左室內裝修有格調，仲有室外氣氛夠chill舒服。 薑味橙香橡果黑毛豬鞍架🐖好怕食到又乾又鞋嘅豬肉，但呢個黑毛豬鞍肉質非常嫩滑，肥瘦啱啱好，本身嘅油脂令豬鞍肉十分甘香。薑汁同橙香酸酸甜甜，味道層次豐富。薯條係甜甜哋嘅蕃薯條，好脆口。特別欣賞沙律菜，因為塊塊菜都有黑醋，又唔會太多或太少，非常好👍🏻 酥炸魷魚配他他醬🦑邪惡之選！外層炸粉夠薄身，裡面魷魚鮮嫩彈牙。一咬落去非常香脆！點埋他他醬可以降低炸物嘅油膩感，極速KO😂 Latte飲埋杯咖啡就perfect池啦！甜度剛剛好，而且面頭鋪咗玫瑰花瓣，突出到花嘅清香，亦有咖啡嘅回甘。 …查看更多

個人都幾鍾意去下唔同地方食西班牙菜，總會有新驚喜！前排去左呢間有戶內戶外位置，格調好chill嘅餐廳食～店員服務好好之餘，食物都幾有水準！【八爪魚🐙美食】🐙Scallop & Octopus Ceviche $118- 片片八爪魚上加了鮮甜帶子薄片，非常吸引。記得要將八爪魚點上旁邊嘅椰汁去提升八爪魚鮮味🐙 Squid ink Fideua $250- 個人幾鍾意食嘅菜式，邊個話約會唔可以食墨魚汁😆😆上面粒粒八爪魚賣相好吸引，配上濃濃墨汁香味，麵texture幾特別而且夠入味，啖啖滋味😋【滿滿西班牙特色】🌟 西班牙青椒仔 Padron Peppers $78- 份量十足，整到外皮脆，夠惹味。🌟黑毛豬肉丸配茴香番茄醬 Iberico Meatball $98- 入面滿滿豬肉香，口感好rich，配埋蕃茄醬好match🌟 Croquetas $58/2- 外層好脆口，入面好creamy好香忌廉味，正🐷薑味橙香橡果黑毛豬鞍架 Spanish Acorn Fed Iberico Pork Rack$238- 超厚切黑毛豬，熟度剛剛好令肉質好軟嫩香口，幾有油脂香。將肉點上旁邊甜甜地嘅醬料，味道更昇華。- 配菜方面，幾鍾意連薯皮嘅薯仔，真係超香口。【❤️必點！tiramisu】講緊嘅唔係甜品嘅tiramisu，而係飲得嘅tiramisu（$168），係有eggyolk+brandy+coca，甜度適中之餘每樣味道都好balance，又夠tiramisu香味，一飲難忘❤️值得一讚嘅係呢到服務好好，值得再來chill☺️☺️…查看更多

一向都喜歡西班牙菜， 今次俾我搵到一間由 Tapas、主菜、甜品和飲品都做得出色的餐廳 ～ ✨Casamigos，位於銅鑼灣駱克道487-489號駱克駅3樓。 店內燈光柔和，很有情調，座位舒適。晚餐🍽️ ～ 椰香帶子八爪魚刺身薄片$118、 西班牙薯仔蛋餅$88、 蒜蓉白酒汁煮蜆$110、 慢煮加利西亞式八爪魚腳$180、 薑味橙香橡果黑毛豬鞍架$238、 紅絲絨油條配士多啤梨朱古力醬$88、Red Sangria$98、 White Sangria$98。 🔴椰香帶子八爪魚刺身薄片 ～ 帶子鮮甜， 八爪魚口感嫩中帶彈牙，且富口感。🔴西班牙薯仔蛋餅 ～ 口感鬆軟，蛋香味濃， 一切開仲有澎湃的流心效果，層次十足， 味道一流。 🔴蒜蓉白酒汁煮蜆 ～ 蜆肉新鮮，每粒脹卜卜好有鮮甜， 蒜蓉白酒汁非常香濃，配點紅椒更惹味。 🔴慢煮加利西亞式八爪魚腳 ～ 賣相精美， 一啖咬落去做得非常軟腍，配上薯仔及紅甜椒粉 ， 好美味。 🔴薑味橙香橡果黑毛豬鞍架 ～ 油分豐富，入口夠爽，肉味好濃，啖啖肉好好食。 🔴紅絲絨油條配士多啤梨朱古力醬 ～ 每次食西班牙菜，甜品必點Churros， 香脆可口帶點肉桂味， 再沾上士多啤梨朱古力醬，好滿足。 🔴Red Sangria ～ 甜度剛好配上新鮮的水果粒， 清新起來帶點紅酒香。 🔴White Sangria ～ 這款味道就更加清爽， 其實紅白我都鍾意飲。 整體而言Casamigos 是一間有情調又高質的西班牙菜餐廳， 地點方便， 很適合朋友聚餐。🏷️溫馨提示～ 整個用餐體驗均屬個人分享意見， 只作參考😊。 …查看更多

星期日晚同朋友去銅鑼灣食飯，之前上網見到西班牙餐廳「Casamigos」好似唔錯，又可以順便飲杯嘢，就訂定枱試吓😆。餐廳環境幾好，室內面積雖然唔大，不過裝修靚，而且掛滿聖誕裝飾，氣氛一流🎄。另外，佢仲有室外座位，但天氣凍，我就無出去喇。呢度主打西班牙菜🇪🇸，即係唔少得Tapas小食啦，款式都幾多，涵蓋熱食同冷盤；另外亦有主食同甜品。店員們非常有禮貌，並會主動介紹菜式。八爪魚古斯米沙律配雪莉醋汁($108)，🐙呢款沙律唔係齋食菜，而係以八爪魚同古斯米為主角，後者口感有啲似藜麥同小米，再混入粟米、蘿蔔粒同鷹嘴豆等，再配以甜甜酸酸嘅雪莉醋汁🍐，成個組合幾新穎，又得意。松露火腿芝士三文治($88)，西班牙好流行呢種Bikini三文治👙🥪，麵包外層烘至微脆，內裡同時又好軟熟。雖然三文治望落好似薄薄哋，不過餡料其實好足，芝士流心效果強勁🧀，夾住火腿同雜菌，鹹香味濃。蕃茄鯷魚脆包($65)，🥖脆包一客有三件，上面嘅鯷魚用油醋醃製，所以味道偏酸，好醒神開胃🐟。比較有驚喜嘅係個脆包，因為真係脆到一個點，脆過薯片，好誇張！薑味橙香橡果黑毛豬鞍架($238)，店員特別提及豬鞍係慢煮🐷，所以肉身呈粉紅色，但其實唔係未熟㗎。豬鞍扒肉質細嫩，帶少少脂肪，食落更顯多汁。調味係橙薑味🍊，味道都幾自然，少少甜。伴菜有煎新薯同一啲菜葉，但就略嫌油咗啲。紅絲絨油條配士多啤梨朱古力醬($88)，我相信大家都對Churros唔陌生😉，好多餐廳都有得食，而呢度嘅製作好有誠意，就連粉團都係自己差。油條外層蘸滿砂糖脆卜卜，搭配嘅士多啤梨朱古力醬好重莓味🍓，幾特別喎。飲品方面，我哋本身想飲Sangria，但見啲Cocktail🍸好似幾正，就改變心意，而出品更係出色之作。右邊係Tiramisu($168)，佢係飲品版嘅提拉米蘇☕️，上層有咖啡粉同軟滑馬斯卡邦芝士，口感幾可亂真，另外仲Keep住飲到白蘭地嘅香氣。另一杯係無酒精嘅Satun's Ring($108)，佢係由阿華田、椰奶同薑餅整成🥥，幾款食材嘅味道都好平均，好飲得嚟又有特色，絕非茶記凍華田，哈哈。總括嚟講，呢間餐廳各方面都幾好👍，菜式選擇多，食物味道不俗，價錢就稍為高啲啲，但都OK。就算唔食嘢，都可以嚟打卡飲杯Chill吓啊🍹！…查看更多

餐廳有室內同外，個露台仔係星空頂幾靚，不過當日有公司包場活動，所以就唔方便影相喇🫢侍應詳細介紹唔同既菜式同埋飲品，今時今日咁既服務態度幾難得☺️▪️ 牛他他脆筒（7/10）💲75賣相精緻，有個脆身既雪糕筒，裝住軟滑牛肉他他，當中黑椒同埋醬油調味突出，如果可以輕手返啲會更好🐮▪️ 三文魚魔鬼蛋酥盒（7/10）💲98酥皮盒鬆脆富有牛油香，煙三文魚加上碎蛋沙律，完全唔會有油膩感🥚▪️ 香脆甜辣煎蟹餅（6.5/10）💲128蟹餅感覺綿密，入口有點濕同埋粉身，當中會有一絲絲既蟹肉，味道比預期中辣🌶️▪️ 蠔仔蛋餅配芫荽蛋黃醬（7.5/10）💲130西班牙蛋餅平時都食得多，呢次就試下一款Fusion啲既🫣蠔仔大粒鮮甜，雖然係有少少出水，連同蛋汁會比較濕，不過味道唔錯，加上炸過既牛蒡、軟腍既薯仔片、大量香口既芫荽、蛋黃醬，配搭幾有特色😛▪️ 薑味橙香橡果黑毛豬鞍架（7/10）💲238豬鞍厚身得黎都幾軟嫩，但肉味比較淡，沾上薑橙味既醬汁，配菜有薯角、蘆荀、炸到脆口既羽衣甘藍🥬▪️ 紅絲絨油條配士多啤梨朱古力醬（7.5/10）💲88紅絲絨油條粗實，灑滿肉桂糖粉，亮點絕對係佢個士多啤梨醬，酸酸甜甜好醒胃🍓▪️ Casa Fever（6.5/10）💲168呢杯係餐廳皇牌Cocktail之一，有大半個橙係面，橙肉非常鮮甜，加上雜莓同埋Tequila打造成既沙冰底，容易入口好重果香🍊▪️ Lychee Cooler（6.5/10）💲88呢杯Mocktail入面有唔少既荔枝果肉，飲落有淡淡荔枝香，加上蘋果同薄荷幾清新🌿🔎 整體評分（7/10）…查看更多

三文魚酥盒 $98煙燻三文魚配鬆脆既酥皮，冇油膩既感覺。香脆甜椒煎蟹餅 $128外脆內軟，有滿滿既蟹肉。蒜蓉白酒汁煮蜆 $110好多蒜蓉，但冇搶左酒味同鮮甜。薑味橙香橡果黑毛豬鞍架 $238肉味幾濃郁，口感嫩口同厚身，搭配薯條同炸菜，炸菜幾特別，脆口，口感好似紫菜咁。松露薄燒牛西冷沙律 $128西冷薄燒，岩岩好，松露味幾香。紅絲絨油條配士多啤梨朱古力醬 $88西班牙式油條，油條味道淡淡的，灑上糖粉，配士多啤梨朱古力醬，甜度剛剛好，唔會太甜。Casa Fever $168店家調製既tequila，果香幾重，容易入口。Marry Berries $98好濃莓味既沙汁，酸酸甜甜。店內氣氛好好，岩哂同朋友或情人飲酒食飯傾計。…查看更多

最近喜愛探索唔同口味嘅菜式今次輪到西班牙菜 所以嚟到Casamigos頭盤先要一個松露薄燒牛西冷沙律($128)通常食沙律都要酸酸甜甜 但今次松露味好香 配沙律好fresh 加上薄西冷 咸咸地幾開胃除此之外可以試吓蕃茄鯷魚脆包($65)麵包吸收左鯷魚鮮鹹香嘅滋味 同蕃茄出奇地夾炸布利芝士($88)+香脆甜椒煎蟹餅($128)兩樣都係超級出色嘅小食😋前者雖然重口味 但係芝士味好濃郁後者外脆內軟熟 啖啖蟹肉 食多舊都唔覺漏！再嚟我最中意嘅蒜蓉白酒汁煮蜆 ($110)滿滿嘅蒜蓉鋪滿喺蜆中間 但冇蓋過蜆鮮味反而醬汁好吸引惹味 我好LIKE😍當然唔少得main dish 我地揀左比較特別薑味橙香橡果黑毛豬鞍架 ($238)絕對性價比高 豬鞍架肉質鮮嫩 唔會嚡熠熠特別之處就係配菜 羽衣甘藍係炸嘅！最後甜品紅絲絨油條配士多啤梨朱古力醬 ($88)熱辣辣嘅油條裏面係好似蘋果批嘅餡沾上自家製嘅士多啤梨朱古力醬 香甜好味☺…查看更多