Casamigos

營業中

休息中

有時都鍾意搵一啲特別嘅餐廳，食個悠閒嘅lunch，享受一個人的浪漫💕今次搵到呢間西班牙餐廳，除左室內裝修有格調，仲有室外氣氛夠chill舒服。 薑味橙香橡果黑毛豬鞍架🐖好怕食到又乾又鞋嘅豬肉，但呢個黑毛豬鞍肉質非常嫩滑，肥瘦啱啱好，本身嘅油脂令豬鞍肉十分甘香。薑汁同橙香酸酸甜甜，味道層次豐富。薯條係甜甜哋嘅蕃薯條，好脆口。特別欣賞沙律菜，因為塊塊菜都有黑醋，又唔會太多或太少，非常好👍🏻 酥炸魷魚配他他醬🦑邪惡之選！外層炸粉夠薄身，裡面魷魚鮮嫩彈牙。一咬落去非常香脆！點埋他他醬可以降低炸物嘅油膩感，極速KO😂 Latte飲埋杯咖啡就perfect池啦！甜度剛剛好，而且面頭鋪咗玫瑰花瓣，突出到花嘅清香，亦有咖啡嘅回甘。