BYOB Coffee Roaster

今日想找個地方跟朋友吃個下午茶, 之前假期午餐時間都見要排隊, 想不到下午茶三點的時間竟然有位, 之前兩次都是去建生那個分店, 基本上兩間的menu都是一樣, 但餐飲好似這邊多一點選擇, 這邊有用餐時間限定一小時, 而且要人齊才可進入我們叫了蕃茄忌廉蟹肉寬條麵, 挪威煙三文魚沙律, Hazelnut Latte, 銀月綠茶食物整體也很好, 上餐也算快餐廳環境也不錯, 大部份都是4人枱, 有少量2人枱, 下午茶時間聊天也不錯的地方, 餐具及水要自己自取…查看更多

假期2點幾去排哂隊，住港島嘅我搭咁長車程入到屯門，排隊濕濕碎啦✌🏻Cafe裝修簡約位置闊落，每枱都隔咗一段距離坐得舒服。落單就要自己去收銀俾錢再由店員送上食物，所以唔收加一㗎‼️1.蕃茄忌廉蟹肉寬條麵 $88依款見差唔多枱枱都有叫😂啲蟹子多到好似唔洗錢咁😂撈均每條寬條麵都痴到哂啲蟹子超正。蕃茄醬酸甜開胃，一啲都唔hea俾大大舊蕃茄。至於蟹肉嘅份量真係唔輸蝕得過蟹子😂2.北海道帆立貝明太子意粉 $98帆立貝係北海道刺身級，肉厚軟嫩😍明太子忌廉汁濃郁creamy, 同大量嘅鰹魚片超夾⭐️🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍BYOB Coffee Roaster (屯門)屯門青桃徑5號文翔大廈地下2A號舖…查看更多

聽朋友講呢間咖啡好飲今日順路黎左試試佢 等左5分鐘就有位嗌左一杯dirty 一杯手沖咖啡geisha同北海道帆立貝意粉 蕃茄忌廉蟹肉寬條麵整體來講有驚喜，首推呢度嘅手沖咖啡好好飲 geisha 都係$78 簡好要咩豆後 佢磨完豆會拎比你聞 好貼心嘅服務。 杯野上黎係琥珀色 好清 飲落冇平時手沖好驚個陣好酸既咖啡味 好香 果香同花香味， 大推！第二 北海道帆立貝意粉好食 水準以上既咖啡店食物 好足料 用左北海道帆立貝刺身黎略略煎過後放上去 入口好嫩好juicy 另外啖啖都有明太子 好掛汁 好食！ 另外杯dirty都幾好飲 一黎到面頭個crema好靚 雖然比個待應拎黎個陣朗左幾下 冇咗好dirty既感覺 第一啖就飲到啡既香滑同奶既甜味 蕃茄忌廉蟹肉寬條麵 一般 本身見其他叫左黎到好大堆蟹籽而叫 但係味道偏腥 撈埋之後揾唔到味道偏重 食到最後唔係好知食緊咩 但係都足料 好多蟹肉蟹籽。總括嚟講， 咖啡黎講呢間值得一試！ 好飲！ 野食水平都係average 以上， 以cafe food嚟講都抵食！…查看更多

人生第一次寫食評，比咗BYOB😅時間：1915（1930入座）人數：2人食物：2意粉，2飲品，1小食首先今次係第二次到BYOB食野，上次因為時間尚早，所以不用等位。但等位時間大約15分鐘左右，尚算可以。裝修風格：餐廳裝潢為簡約工業風、簡單、整潔。食物：款式唔多，主食只有7款意粉，5款沙律餐具、水、落餐都係自助式客人需要到櫃面叫餐，然後取餐具完成後，職員會將餐送到枱上。————————分隔線—————————今次點了兩個意粉，一個小食主食一個「蕃茄忌廉蟹肉寬條麵」$88，意粉軟硬程度適中，唔會太軟，有咬口，忌廉味道唔算太濃。蟹籽份量都算多..。優：意粉份量多，蟹籽份量多。劣：忌廉味唔算太濃郁，可能被蕃茄味遮蓋。一個「海鮮墨魚汁意粉」$88，同樣地軟硬程度適中，有咬口。配料上，青口入味質地唔錯，未煮到爛而入味。魚柳及魷魚有種煎出黎既香味，魚柳唔會一夾就散。肉質結實。相比之下，單單墨魚汁意粉可能會容易食到「好漏」但海洋配搭下。又唔太覺。優：意粉份量多，海鮮味道香口；但份量還好。劣：N/A小食一份「芝士黑松露薯角」$45，薯角香口優：薯角香口，份量多，唔會整到好硬，好乾。劣：味道上略嫌唔夠。因為只有面一層有芝士及黑松露醬。內裡只沾到少少。整體來講-上菜速度快，點餐到上最後一道菜。大約25分鐘-份量多，一人一意粉會飽肚-但主菜款式唔算多，小食飲品也是。…查看更多

疫情下，來到屯門吃午餐，想搵一間比較寬躺的食店，咖啡控又想喝咖啡所以就選了Cafe。這間Cafe空間夠寬敞，坐得比較舒服自在，這間Cafe是採用半自助式服務的，首先要到收銀處下單，之後店員就會把食物拿到你的位置。下單後，食物很快就準備好，咖啡是手調的，因此要等候一下。點了2款招牌菜，蕃茄忌廉蟹肉寬條麵，一大堆的蟹籽非常搶眼，令整碟寬條麵的顏色非常colorful 爽口的蟹籽加蟹肉非常不錯。餐牌更溫提客人寬條麵是先鮮蟹肉，因此有機會有蟹殼，要小心啊雞胸凱撒沙律，滿滿的雞胸鋪滿了整碟沙律，雞胸肉質結實，只是黑椒略嫌重手了一點。…查看更多

我發現紅橋嗰到都幾多好嘢食 呢間係最盡頭嘅餐廳都幾大間 落地玻璃好有木質休閑嘅感覺𓂃𓈒𓏸Menu選擇唔多 主要係食意粉 價錢方面係中間唔貴 所有意粉都由一位廚師即叫即煮 仲要好快就到 全部都熱辣辣仲好足料 呢個價出面真係好難揾我要大推【蕃茄忌廉蟹肉寬條麵】蟹肉多不止仲有蟹籽 寬條麵唔會過淋 有咬口 蕃茄酸酸甜甜好開胃 淨係略嫌忌廉唔夠多 會俾蕃茄味蓋過【北海道帆立貝明太子意粉】係我嘅no.2 首先兩粒帶子都好新鮮 兩面微微煎過 中間仲保掛住滑滑嘅感覺 明太子醬汁好香濃 意粉夠掛汁 食完會好飽其餘意粉朋友表示都好高質 開心揾到高質小店 快去幫襯啦॰˳ཻ̊♡…查看更多

同男朋友夜晚到左餐廳食晚餐。食物有少少驚喜👍🏻蕃茄忌廉蟹肉寬條麵，北海道帆立貝明太子意粉，煙三文魚沙律。沙律比想像中足料👍🏻好多煙三文魚🥰個人好鐘意蕃茄忌廉蟹肉寬條麵😋環境不錯，更為客人提供酒精消毒液👍🏻…查看更多

虹橋一向都多小鋪同好野食，今次經過呢間byob覺得個裝修幾吸引，幾文青，而且入邊都幾多客人，就決定入去試下佢！呢到係冇lunch set既，全部都係要散叫，所以相對之下夜晚呢會比較抵。其實一入鋪頭就聞到好香黑松露味，咁身為黑松露迷既我就梗係諗到唔諗，直接叫呢個果松露意粉啦！😍😍呢到檯面都真係聞到好香既😢只不過一食落口....黑松露味完全冇聞落咁香，都幾淡下，而且意粉煮得太淋，好易斷，完全冇口感🙁諗住呢個招牌闊條麵會好食啲😢點知入同樣都係煮得太淋。不過個醬汁調味係好食既，而且好多蟹籽蟹肉，都算足料既。…查看更多

同舊同學難得一聚，經佢介紹依間舒適既Cafe享受晚餐，難得完全無壓迫感我倆叫左意粉加一個煙三文魚沙津。沙津酸酸甜甜十分開胃，配合三文魚少少咸味個人覺得味道好好而我叫既係蕃茄忌廉蟹肉寛條麵，好夠蟹肉，每一啖都充滿蟹肉，加上又有蕃茄汁既酸甜，整餐都好開胃，唔會覺得過油，而分量都算多，對於我個人黎講仲食唔哂，要分比朋友食最後朋友都話依間cafe食過好味，所以介紹我黎試，而我都會再介紹比更多新界朋友黎難得新界屯門有隱世Cafe👍🏻…查看更多

呢間小店坐落於屯門一個比較偏僻嘅社區，人流唔係太多，但更加凸顯出呢間食店嘅態度-有料自然香👍今次已經係我第二次嚟食呢道菜「蕃茄忌廉蟹肉寬條麵」寬條麵夠彈牙，蟹肉份量足，夠鮮味，仲加上鮮甜嘅蟹籽，蟹籽嘅鹹鮮味加上蟹肉加埋番茄嘅味道，所有味道都非常之夾，佢係我食過嘅蟹肉寬條麵入邊，前三甲🏆…查看更多

附近完活動肚子餓，決定食完晚飯先返屋企。經過見到呢間cafe大大間、靚靚地，就坐左入去。可能因為星期一，餐廳唔多人。加上空間感十足，坐得好舒服。間cafe個setting雖然似普通餐廳，不過都同其他cafe一樣係要出櫃檯俾錢叫野食，之後自助倒水拎餐具。叫左個蟹肉寬條麵，味道唔錯la...蟹肉都幾多幾足料，唔會太濃味。 因為野飲要分開叫，所以我飲水就算，無叫野飲。如果有set的話，飲多杯野，坐多一陣其實都幾輕鬆。…查看更多

今天是中秋正日，沒理由虧待自己，當然要吃點好的。原本打算來紅橋嚐嚐餃子與章魚燒，恰好這兩間店都休息，無緣品嚐。不過紅橋還有很多小店選擇，不少我都未吃過，從中再挑選就好。最後我去了BYOB Coffee Roaster，因為我挺喜歡它的簡約風格，假期就是要輕輕鬆鬆嘛。店內頗有空間感，不是密麻麻的桌椅，佈置上簡潔不花巧，反而在廚具上花上心思，看得出這店所追求的是食物質素。這裡點餐流程很簡單，半自助形式，先自行找位子，在下單時說出枱號，之後自己再取餐具，餐點則由店員送上。做法方便餐廳也方便食客，店員可更專注烹調食物。看看餐牌，意粉方面有七款可選，並各有它的風味，不少都是我喜歡的味道。在我細想之下，蕃茄忌廉蟹肉寬條麵最合我的味兒，吃些開胃的口味。茶方面本身想喝大吉嶺玫瑰，可惜已經售罄，唯有另選蝴蝶夫人綠茶，直覺上淡雅清茶配蕃茄忌廉蟹肉寬條麵蠻相配的，我滿心期待著。熱水沖泡出來的蝴蝶夫人綠茶茶底聞來十分幽香，有些熱茶聞起時雖香，喝進口卻沒有甚麼味道，而蝴蝶夫人綠茶入口仍有不錯的茶甘味。蕃茄忌廉蟹肉寬條麵份量十足，不論是蟹肉或是蟹籽和寬條麵如「火焰山」般高，而且用料實在，蟹肉更使用肥美的蟹鉗部份。寬條麵煮得剛好，口感爽彈，也吸收了蕃茄忌廉汁酸香滋味。此外，寬條麵除加入車厘茄熱炒，亦加入黃椒，草菇蔬菜配料，健康之餘，爽甜的黃椒讓寬條麵的味道層次豐富起來，再將蟹籽均勻拌入麵條中，嚼感無懈可擊。…查看更多

唔係成日出九龍既屯門友元朗友可以試下啊📢地點係虹橋呀 如果由v city 行就大約15分鐘 餐廳好大 枱都大張 坐得好舒服 自助形式自己出去點餐買 之後坐低 佢地會送過黎^^意粉既份量都唔少 但我同朋友略嫌佢味道唔太濃 可能我地食得太多重口味嘢😅但的確如果同朋友gathering 果度會係個唔錯既選擇❤️P.S. 見到佢menu好多唔同既咖啡 中意咖啡既朋友可以去下^^…查看更多

與2位好姊妹相約晚餐又到了紅橋附近找吃有一間開業沒有很久的西餐廳感覺得很簡潔半自助形式，自己過去ORDER，之後會有店員來送菜留意到這個牌說明了下單流程星星這PART很暖心...不然會惹誤會我們選了2個意粉一個豬手蕃茄忌廉蟹肉寬條麵還算CREAMY蕃茄味很香，加上點卡夫芝士粉北海道帆立貝明太子意粉我選的，因為我對明太子有偏愛我比較喜歡吃這款，明太子少少的鹹香配上煙韌的意粉...CREAMY的感覺超棒當然，慢煮德國咸豬手才是我的主菜慢煮的關係，最後才上桌我沒計照，感覺姊妹聊聊沒有等很久就到了雖然看起來沒有很大隻，肉很多我個人超愛吃鹹豬手這個皮脆肉夠入味，骨也快被我啃了！尤其愛吃筋位！骨膠原澎澎澎的感覺~半自助的關係，清水也是自己去端的沒點咖啡是因為我們準備去其他地方吃甜點啦晚餐來說每人一百鬆，不算貴了…查看更多