Le Viet

營業中

休息中

典禮完成，可惜吃不飽，唯有在附近找餐廳祭祭五臟廟。市道雖然不佳，但尖沙咀的人潮還是熙來攘往，因此一見此餐廳有位便立即入座。豬頸肉的醃料偏甜，相信年青人會喜歡，但卻不是我的一杯茶，除此之外，豬頸肉的口感還是不錯的。扎肉蒸粉包的亮點是溫度，因為位置接近冷氣風口，因此熱烘烘上枱的粉包便很適時，可惜亦因為熱中帶濕墊底的蝦片很快便軟掉。扎肉雞絲湯粉十分平常，雞絲和扎肉都是隨處可尋的貨色，沒有驚喜也沒有失望。椰菜苗很爽脆，只是「師傅」下得有點重手，掩蓋了椰菜苗的菜味。青檸梳打只有兩片薄薄的檸檬，而綠豆冰則有點過甜，反而是免費的檸檬茶最合心意。

依家通返關同朋友都想plan去越南旅行，時機未到都可以食住越南菜止癮嘅。我哋去The One行街喺4樓見到呢間搶眼嘅越南餐廳，望餐牌幾吸引大家都餓就入去開餐啦，最後點晒泰國嘢食！Com Xao Khom Tom▪︎Baked Rice in Pineapple 大蝦菠蘿飯 (Lunch Set)> 份量足夠2人食有餘，3隻蝦燒到香口蝦膏甘香唔錯，菠蘿唔係罐頭貨甜得嚟帶啲酸幾開胃，其餘配料有火腿、腰果雜菜和肉鬆等還算豐富Che Ba Mau▪︎Iced Jelly and Green Beans三色冰 Lunch Set +$8 配特飲> 我叫咗少甜少冰啱啱好，最鍾意食爽甜嘅三色馬蹄，椰奶亦不錯Ga Hai Nam▪︎Boneless Hainan Chicken (Half)去骨海南雞 半隻 > 推薦度高！一上枱初初望覺得有啲肥，夾起層皮睇脂肪又唔算太厚，一食落去見真章 - 啲雞肉滑、腍、嫩，雞味適中唔騷啲皮滑捋捋，全部起晒骨真心正，我哋猛攻呢碟雞食唔停口！點三色醬食幾鮮味，唔點醬啲雞一樣咁好味Cai Trang Xao Toi▪︎Fried Cabbage Shoot

和朋友每月一聚，今晚在尖沙咀搵食，得悉最近有150年一隅的藍月亮月蝕出現。恰巧我們想食越南菜，我們笑說「月食」後去睇月蝕。【牛肉沙律】越南菜的牛肉一向揀得較林身，今次也沒有失望，我們最興趣係見到有蝦片，童年炸蝦片的回憶返晒嚟。生洋蔥和菜絲很新鮮，酸汁剌激味蕾，唔係咁食洋蔥嘅朋友就要注意。【超載椰青焗飯】視覺效果一流，我們見隔離枱食緊，吸引到我們都想食。椰汁味濃，香香甜甜，內有滑滑椰青肉，仲有幾隻蝦，夾得幾好食，而且好香。【蒜蓉炒椰菜苗】比想像中或比其他炒菜細碟，可能椰菜苗成本較貴啦。味道普通，沒有留下太特別印象。【Mojito】不過不失的飲品

放工辛苦完一日，又係一日最期待嘅晚餐時間，好似好耐冇食，近近地就去The one既Le Viet好肚餓，叫個拼盤先，當諗唔到食乜，拼盤係好選擇蒸粉卷、豬頸肉、炸春卷同炸蝦餅🦐蒸粉卷皮薄多料，炸蝦餅彈牙但硬左少少，春卷4小件，一口一件，剛剛好，如果可以跟d生菜包下就仲好，燒豬頸肉，係老公最鍾意食，啖啖肉，又軟熟蒜蓉炒椰菜苗，蒜香濃，椰菜苗有咬口海鮮柚子沙律，蝦，小魷魚，蜆肉，柚子清甜，再配上青木瓜，酸甜帶微辣，夠醒胃大蝦菠蘿炒飯，份量足，炒飯乾爽，鮮菠蘿清甜埋單加埋一都係$356，又唔貴喎，同老公食到肚仔漲哂