UFUFU CAFE (荃灣廣場)

營業中

休息中

餐廳設計結合木系元素，環境簡潔明亮，洋溢日系茶室的侘靜美感。主打洋食料理，從茶飲、甜點、薄餅、意麵及沙律等豐富多樣的輕食，尤以芭菲最為出名，賣相精緻吸引。九洲漢堡扒多士漢堡扒牛味突出，肉汁滿滿，多士烤焗至微脆，味道帶點甜味，兩者食用起來鹹甜滋味交集。羅勒忌廉汁雞肉意粉用羅勒和忌廉組成最簡單的綠色麵食，青醬香氣十足帶點清新，和雞肉搭配出健康組合。芝士蛋糕雜莓芭菲雜莓醬多到幾乎滿瀉，牛乳軟雪糕和巴斯克蛋糕口感幼滑，底下還有粟米脆片，口感非常豐富。吉士忌廉芒果芭菲芒果酸甜開胃，底下還有軟雪糕和冰凍的芒果粒和橙肉粒。

八女抺茶法式吐司賣相：🐧🐧🐧🐧🐧味道：🐧🐧🐧🐧🐧厚厚的法式吐司上淋滿鮮忌廉、抺茶醬和紅豆，再放上鮮花、草莓和白玉作點綴，外觀既華麗又雅緻。法式吐司新鮮即製，食落外層依舊香脆可口，內裡麵包軟熟綿密，充盈著濃郁的蛋味，配上甜美香滑的忌廉、濃醇清香的抺茶醬以及粉糯柔軟的紅豆一齊食用，整體甜度剛好不會過膩，抺茶的味道香氣出眾迷人，喜歡抺茶的朋友不能錯過👍一旁附以綠茶雪糕作伴，入口冰涼順滑，茶香滿溢，令人回味無窮。芝士蛋糕雜莓芭菲賣相：🐧🐧🐧🐧🐧味道：🐧🐧🐧🐧🐧芭菲造型精美用心，內含芝士蛋糕、雜莓醬、鮮草莓粒、鮮忌廉、吉士、卜卜脆等美味配料，非常豐富。芭菲香滑柔軟，每一口都充滿濃郁的牛乳香，甜度恰到好處，夾雜雜莓醬、草莓等水果配料一齊食，甜中帶酸果香滿溢，非常清新怡人。底層的軟滑吉士和卜卜脆配搭出色，食落口感豐富驚喜十足。黑咖啡（Premium Aria Rouge)賣相：🐧🐧🐧🐧🐧味道：🐧🐧🐧🐧🐧咖啡採用虹吸技術烹製，咖啡獨有的苦味較一般咖啡明顯，但同時口感更厚實圓潤，口味的純淨度較高，萃取出最接近原始咖啡豆的風味，喜歡品味黑啡的朋友必試👍 🐧❣️客人如有興趣，可在開放式廚房外旁觀製作過程😍 環

由佢圍板個陣已經bookmark左呢間Cafe 未開已經俾佢吸引左 開左幾個月都未黎試到 今日就黎試下佢地既甜品 主打都係法式吐司 有鹹有甜 都幾多選擇 仲有Pizza同埋芭菲 另外餐廳主打抹茶既飲品 見好多人都有叫 幾吸引我地今次叫左一個八女抹茶多士 賣相好靚 好大份 有三大件吐司 每件都整到金黃色 外脆內軟 食落甜甜地 好好味 仲有忌廉 紅豆 白玉 加埋吐司一齊食仲好食 口感更豐富 另外仲有好香濃既抹茶雪糕 好重好香抹茶味 中意抹茶既一定要試呢個抹茶多士另外仲叫左個芝士蛋糕雜莓芭菲 底層有啲脆脆同埋士多啤梨 中間係滿滿既牛乳雪糕 好香好滑 仲有雜莓 酸酸甜甜 芝士蛋糕食落好重芝士味 好好味整體黎講 佢地既甜品賣相好靚又好味 值得一試

全甜品宴🍵🍡初嘗八女抹茶😌其實都有其他輕食鹹點 但還是被甜品吸引 索性不作選擇😛🌟🍓草莓家族多士 ($178) 切落French toast已經好濕潤鬆軟😍浸滿蛋漿 食落軟綿 真心正! 面頭有齊raspberry, blackberries, blueberries 草莓汁 同大量忌廉😜邪惡之選～🌟🍵天山 ($58)🍦抹茶軟雪糕用上八女茶粉 茶味夠甘香 大概中間濃 而唔苦澀🍵軟滑中帶少少冰感 配料有軟糯丸子🍡紅豆🫘同脆脆🍨芝士蛋糕雜莓芭菲 ($88)呢款幾多料 上層有巴斯克芝士蛋糕🧀牛乳雪糕🍦雜莓醬🫐雜莓🍓下層有custard 忌廉～芝士蛋糕好食🥹牛乳雪糕奶香濃郁 少d忌廉嘅話 會無咁溜🙈🍵牛乳八女抹茶 ($48) 茶味比抹茶雪糕更濃 鐘意佢無加糖 好岩我飲🤩會有微微紫菜味—————————————-📍Ufufu cafe 荃灣廣場3樓321-323號舖

Ufufu cafe嚟咗香港好多年😝之前已經食過佢哋嘅芭菲好好食，而且整得好靚！原來荃灣開咗新分店，一定唔可以錯過！同其他分店有啲唔同，呢度除咗主打甜品，仲有法式吐司、沙律等等。本身好期待牛油果雞胸法式吐司🥹點知已經賣晒，所以試咗豚肉生薑燒法式吐司，生薑燒嘅份量都OK多，甜甜地好好味。最吸引我就係上面嗰件士多啤梨忌廉吐司，本身以為係麵包冇咩特別，原來已經塗上蛋漿烘熱，所以食嘅時候脆脆地，配埋軟滑忌廉🥰側面有蕃茄仔、菇、雞蛋同沙律菜，健康升級！照燒親子雞薄餅Pizza係比較薄身嗰種，所以食嘅時候脆卜卜，上面有燒雞肉、蛋黃醬、烚蛋、芝士，燒汁令到成個Pizza好香，賣相精緻，充滿和風。芝士蛋糕雜莓芭菲Parfait一定要食😀餐牌上面嘅種類好多有10幾款，鋪滿士多啤梨同忌廉，忌廉香甜軟滑，底部仲有啲穀物脆脆，最上面有一大件芝士蛋糕，成個甜品層次豐富😀📍 Ufufu cafe (荃灣)荃灣大壩街4-30號荃灣廣場3樓321-323號舖