鳥居居酒屋

最近同朋友去左一家高質日式居酒屋，晚市做緊鳥居二人前7折優惠，好抵食。套餐豐富，包含前菜、小食、刺身、燒海鮮、燒物、串燒、主食和甜品，每一道菜都讓人驚喜連連。前菜 - 蟹籽沙律青瓜絲沙律清爽，蟹籽鹹香味十足，口感清新。小食 - 燒鱈魚乾每次去居酒屋必點，咬落口好脆，點少少蛋黃醬食完美。刺身 - 愛知縣白象拔蚌刺身白象拔蚌刺身非常新鮮，入口鮮甜，細膩脆嫩。燒海鮮 - 味噌燒紐西蘭活蟶子蟶子肉質鮮嫩，口感彈牙，入口鮮甜，配上濃郁既味噌燒，味道更加豐富。燒物 - 味噌燒龍蝦龍蝦肉質鮮嫩多汁，味噌既香氣滲透其中，每一口都感受到龍蝦既鮮美，一種奢華既享受。串燒自家製月見免治雞肉棒雞肉棒肉質柔嫩多汁，搭配上生雞蛋黃，每次去居酒屋一定會食。蘆筍豬肉卷豬肉鮮嫩，蘆筍脆口清爽，蘆筍中和豬肉油脂香。手造豆腐手造豆腐外層脆口，入口細膩滑嫩，帶有濃郁既豆香味，口感柔和。主食 - 加拿大海膽伴冷稻庭烏冬冷稻庭烏冬麵條Q彈有勁，海膽鮮甜，配搭特製醬汁一齊食，口感豐富。甜品 - 朱古力窩夫朱古力窩夫外層酥脆，夾住濃郁朱古力雪糕，充滿甜蜜幸福感。白桃味汽水桃味香甜，飲完透心涼。…查看更多

重訪以串燒和新鮮刺身聞名位於銅鑼灣一食廈的居酒屋裝修以深色木製品為主，充滿懷舊氛圍，十足傳統日本小酒館座位寬敞舒適，適合與同事及朋友聚首一堂，舉杯暢飲開放式吧台可以欣賞到師傅們落力燒製美食門面放滿媒體報道及獎項，質素有信心保證海膽伴冷稻庭烏冬配鵪鶉蛋及冷麵汁，一盤子送上，份量震撼燒日本活帆立貝燒至剛剛熟，水份得以充份保留味噌燒半殼蠔的秘製醬汁與肥美生蠔十分搭配厚切牛舌選用最醇香的舌根，富有彈性且軟嫩多汁自家製月見免治雞肉棒配合日本蛋黃，香軟多汁燒鳥蕯摩雞翼一夜干先以鹽醃製，雞皮燒至脆口串燒蘆筍豬肉卷香噴噴，蘆筍爽脆，口感極佳秋葵牛肉卷，新鮮有咬口，健康惹味，風味十足…查看更多

鳥居居酒屋, 在香港也可以令人感覺到有日本 feel  的餐廳.以居酒屋日式設計, 有開放式廚房, 即叫即燒. 食堂播送日本音樂, 燈光悠和, 配上木制桌椅,  感覺好 Relax . 侍應介紹今日有特式食材, 有我們喜歡的馬友, 蟶子大家又看看 餐牌, 有燒物. 串燒,  非常吸引.  價錢吾貴.酒品飲品, 也不少.結果選擇了 [鳥居二 人前],  以燒海鮮為主, 正做優惠 7折, $1,225/2位, 侍應送來熱熱的日本綠茶, 清香解渴.   開胃前菜:  簡單新鮮, 有椰菜, 西芹, 沙葛, 紅蘿蔔, 青瓜條.  伴有特製的面豉醬, 入口感覺清新. 前菜:  蟹籽沙律 ~ 沙律菜十分新鮮,  配合蟹桴, 酸汁十分開胃.小食:   燒鱈魚乾 ~ 鱈魚乾燒得香口細膩, 非常脆口,  絕佳. 配自家浸清梅酒 最好, 杯內有一顆大大的梅, 酒味淡麗清醇,  好享受.    鱈魚乾點上沙律醬, 美味.  一人一塊又一塊, 好快食曬. 愛知縣白象拔蚌刺身:  我們改了做湯,  白象拔蚌好鮮味, 湯清甜溫暖.燒海鮮 : 有兩款, 味噌燒日本活帆立貝 ~ 帆立貝肉質肥厚, 裙邊爽口完全唔韌,  味噌燒調味正,  食得回味.紐西蘭活蟶子 ~   蒜蓉蔥花鋪面,  加上牛油燒香, 令味道好豐富,  蟶子彈牙又鮮味,  肉質甜美. 燒物:  (四選一) 有馬友/西班牙黑毛豬/ 味噌燒龍蝦/ A4和牛脊蓋柳.我們揀了 鹽烤馬友, 上台已有好香的燒魚氣味,  師傅控制火候非常好.   鹽烤得外脆內嫩, 魚肉沒有腥味, 魚皮甘香,  加點檸檬汁,  口感一流.串燒 (三款)  有 自家製月見免治雞肉棒 ~ 雞肉棒肉質嫩滑, 沾些溫泉蛋,  雞肉變得更香滑.露筍豬肉卷 ~ 把鮮嫩露筍卷著豬腩片,  腩片燒得香脆,  油份浸入到露筍內, 入口極香.  好滋味.手造豆腐 ~ 外皮燒到卜卜脆, 內裏保留豆腐的嫩滑口感,  外脆內嫩的感覺, 令人無盡回味.主食:  加拿大海膽伴冷稻庭烏冬加拿大海膽, 紫菜絲, 海膽冰冰涼的, 鮮甜軟糯, 加上脆脆紫菜絲, 混合烏冬一起吃, 超級正. 烏冬食落滑身煙韌,  添加鵪鶉蛋令烏冬更滑, 湯底清甜暖胃.  好完美啊 !!最後食甜品:  朱古力窩夫 ~ 窩夫內夾有雪糕球, 這個甜品賣相麻麻, 但入口好滿意, 真係好特別.師傅有廚藝, 燒物火候控制得很好, 食物有質素, 吃得開心, 大家都回味. 服務員態度殷勤, 會再來. …查看更多

堅決不再加班嘅XO仔冇馬跑又冇舞跳，收咗工最愛就係孖爛飲表弟去尋歡喜！大家都迷日本菜，銅鑼灣名食廈「澳門逸園中心」選擇多，又夠就腳，週一晚好即興咁就揀咗水牌上貼有OpenRice貼紙間「鳥居居酒屋」。居酒屋嘅門面及內牆可見不少酒瓶、酒埕、酒桶、推廣海報等裝飾，不過抗疫期間最重要嘅都係酒精搓手液。佔用面積全層嘅餐店右方為吧位及開放式廚房。左方則為二至四人合拼式散座，均以抗疫黑板隔開。心火盛嘅小肥埋位第一刻慣性地要先叫酒飲。飲品餐牌共有底面兩頁。入鄉隨俗，去居酒屋當然係要飲生啤；嘻嘻，飲咗幾多杯三得利生啤就唔公開啦！點餸話就話交由表弟負責，但聽到妹妹仔好熱心地提到幾款廚師推介項目時自己即豎起對耳隻細心聆聽，並加插意見。餐桌上有自用餐具及調味。親切好客嘅妹妹續一呈上食物，速度控制得恰到好處，中途仲會自動換碟及斟添酒水，既專業又周到。鮮菜沙律（$36）：每兩位客人都會有一碟清新爽脆嘅鮮菜沙律。請留意，餐牌上列明，客人係有權跟店員提出唔要嘅。蟹肉芝麻凍菠菜（$48）：混入蘿蔔絲及紅蘿蔔絲嘅菠菜食落相當清爽，唔似平時中式版本咁嚡脷，黏上麻醬更覺惹味易入口。燒紐西蘭象拔蚌苗（$98）：睇住經理姐姐寫上黑板嘅精選推介燒紐西蘭象拔蚌苗一客有兩隻，每隻開咗邊後即變四件。以蔥蒜燒煮嘅象拔蚌BB鮮甜嫩脆，連汁液都咁濃郁，實屬必吃之選！自家製月見免治雞肉棒（$58/串）：串燒菜式大多都可以續串叫，細佬唔怕食生雞蛋就點咗串月見免治雞肉棒。免治雞肉棒本身嫩中帶脆，點上柔滑嘅蛋黃豉油，免治雞肉中嘅香草味尤其芳香甜美。明太子釀雞翼（$58/串）：原本其實諗住食普通雞翼，但妹妹仔介紹話送酒的話可以考慮特別啲嘅明太子釀雞翼，所以就決定一試。飽滿嘅釀雞翼串皮層香脆，明太子餡心咬落索索聲，鬆爽脆嫩，又幾得意喎。露筍豬肉卷（$34/串）：卷物外層片豬肉巧薄香口，中間條露筍清甜清脆，組合輕盈可口。厚切牛舌（$68/串）：串燒中最正就係厚彈爽潤，豐腴多汁，而且惹味非常嘅厚切牛舌，兩口子都追加咗兩次，証明夠堅啦！原條燒茄子（$88）：用芝士燒焗嘅茄子軟腍柔潤，頂面簡單以輕飄飄嘅木魚碎點綴即能增添芬芳。燒明太子（$98）：外國長大嘅表弟點餸明顯係唔同啲，比小肥表哥絕對重口味。意外地，燒至火紅色嘅明太子比想像中冇咁咸，乾身得黎好香口，當真如佢所講為送酒佳品。西班牙黑毛豬（$368）：壓軸嘅西班牙黑毛豬肥膏不多，但肉質毫不乾嚡，豬肉鬆軟香濃，肉汁豐盛。另伴配酸酸甜甜嘅青瓜絲可一解熱氣及膩感。氣氛小店「鳥居居酒屋」環境企理，服務稱心，送酒小食及熱盤均優質美味，難怪抗疫中都可以咁多人黎試圖尋歡喜，實有道理。…查看更多

環境4分：日式居酒屋格局，有吧位同散枱，好casual，可以畀四分。衛生5分：D枱全部用板間開，抽氣好，衛生可以畀五分。服務5分：服務員人數多又好人，個個快手又快腳，對餐廳是日精選菜非常熟識，主動介紹後攞餸上枱時仲提要襯熱食，非常之體貼，畀佢滿分。味道5分：1)      鮮菜沙律入面有，紅蘿蔔，西芹，青瓜，蘿蔔，椰菜，好新鮮同爽脆。2)      蟹肉芝麻凍菠菜食落非常開胃，菠菜冇鞋口嘅感覺，好清新。3)      燒紐西蘭象拔苗非常鮮甜，蒸到啱啱好，牛油味非常濃郁，但係又冇蓋過海鮮嘅鮮甜，總知就係正。4)      厚切牛舌非常之厚切，食落口煙煙靭靭又帶Ｄ爽，非常好食，呢個厚度一Ｄ都唔孤寒，抵食。5)      燒明太子好特別，明太子咁樣上枱非常罕見，食落帶少少咸，送酒一流。6)      自家製月見免治雞肉棒，先撈勻隻日本生雞蛋，然後將雞肉串點落去，吸收曬D精華。7)      黃芥辣雞肉串雞肉唔鞋口，非常嫩，証明燒嘅過程時間掌握得好好。8)      成晚主角西班牙黑毛豬，一分錢一分貨，食落非常嫩口，好有肉味，份量有十多片，非常好食。9)      魚占魚長蔥串食落有Ｄ似魚片嘅感覺。10)  明太子釀雞翼燒到脆卜卜，非常香口，配埋入面D明太子，分量足夠，外面睇落去脹卜卜非常吸引。11)  露筍豬肉卷係露筍出面包住薄薄嘅豬肉片，中間條露筍心真係好甜好香仲好脆，食落唔油膩。12)      燒茄子田樂原條咁燒到啱啱好，上面放D芝士同木魚，非常特別。抵食5分：好有氣氛嘅日式居酒屋環境，樣樣嘢上枱都係熱辣，Ｄ推介菜好新鮮，賣相同味道同價錢都非常吸引，抵食可以畀滿分。…查看更多

談到日本食物，隨即想起的多數是魚生壽司等，而身邊朋友總會毫不掩蓋興奮心情大說【放題】。任食確實吸引，但要貼切體會到日本菜風味大概只有居酒屋。男朋友因為轉工後加了點薪，於是決定帶我豪吃一餐。因為鳥鳥居酒屋是我一年前就MARK入LIST的其中一間餐廳，所以今晚就要攻略它。踏出升降機後能清楚看到「烏居」2個大字。概然說到居酒屋，當然就必備寫住今日精選的黑板。居酒屋還境比較昏暗，伴隨日本音樂大約從中能感到那種日式情懷。不過昏暗對於相機先食的我們確實是有點吃力。入座後店員會送上一碟蔬果沙律作為前菜蔬果沙律 – 沙律爽脆再配合師傅特製醬料，十分惹味店員會推介是日清酒燒酒。和風蒜子番茄沙律 – 點了太多燒物，所以再點一碟新鮮沙津清清油膩感，結果沙律第一道出現在面前…… 番茄切開後原隻上碟，口感冰冷開胃。明太子玉子燒 – 玉子燒是我每次必點的其中一道日式小食。玉子不會太甜，再配上中間帶鹹的明太子味道剛剛好。活帆立貝 - 鮮甜日本產銀杏香草煙肉車厘茄 – 車厘茄酸甜中和煙肉油膩，而且茄心燙口!明太子釀雞翼 - 內藏豐富明太子。自家製月見免治雞肉棒 – 這道算是店家的招牌菜。雞肉棒外皮燒得金黃，而每棒都會附上一碟生雞蛋醬油。食法跟壽喜燒大同少異，將免治雞肉串起再沾上雞蛋醬油，入口能夠感受濃烈雞味及燒肉香。厚切牛舌 – 看到不少座上客都點了牛舌，不禁也點了一份。牛舌賣相肥美，咬後不少肉汁湧出，口感極佳!豬頸肉聖子皇 - 鮮甜美味又爽口。明太子墨魚棒燒龍蝦 - 作為最後一道主菜表現出色。光看上菜時賣相就已經垂涎三尺。龍蝦切開半邊後，每邊都燒至金黃。而蝦身燒到恰到好處，蝦肉一切就起。鹽更加帶出蝦肉鮮味，肉質爽口，無得輸!!!吃完串燒後用雪葩作為甜品就最適合不過，所以跟男友各自點了一份。蘋果雪葩 - 整個蘋果掏空後再釀入雪葩，甜品底再用冰托起。雪葩甜度剛剛好，不過份量似乎太多了。柚子雪葩 – 同上，但柚子味道帶酸，開胃且非常容易入口。雖然今餐比平日吃的較昂貴，但要吃美食就不能太計較。離開時發現門外有其他姊妹店名片，決定下一次選擇其中1間再嚐!…查看更多