憶食尚臘味煲仔飯

營業中

休息中

早到食館，踏入門口眼見有幾款自家出品，諗住慢慢睇睇，職員已不耐煩地催促「嘟」安心出行。當然食物質素確是不錯；奈何店員服務態度真的無服務可言。菜式不多，三款煲仔飯加幾款小菜，結論係出色的。煲仔飯精髓之處當然係飯焦，真的又香又脆；另外就係臘味下既嗰啖飯，吸收晒每種臘味滲出既油香，人人爭食就最興奮。評論服務差，具體表達一下: 要求額外餐具要問幾次；最後加單落甜品等了20分鐘後，「唔該 唔該 」叫幾次無人應，最後問甜品仲要等幾耐，先話忘記落單。

今晚請一個對餐廳環境同裝修都“好有要求”嘅朋友食飯🙊 記得幾個月前黎過呢度食lunch覺得環境非常正而且私隱度高，經佢過目同允許之後我就即刻book檯😂我地叫左個中份特色臘味煲仔飯，蔥爆雞煲同埋上湯菜心～黎呢度必食既一定係煲仔飯😋 佢混合左三款招牌臘味：鮮肉臘腸，臘肉同埋板鴨😁店員會幫手撈勻配料，而且佢地經驗豐富可以確保飯底有香口又唔會太燶既飯焦😝臘腸係用左三分肥七分瘦既黃金比例，入口香得黎唔會太膩👍臘肉同板鴨鹹香味十足，配煲仔飯真係無得頂！😋我同朋友都唔太食得辣所以叫左唔辣既雞煲，一黎到香噴噴😍雖然唔辣但啲薑蔥依然好惹味，雞肉肉質亦好滑～菜心面頭有啲蒜同金華火腿帶出香味令個菜味道無咁寡👍 菜心口感非常爽脆～難得呢個咁"高要求"既朋友都好滿意，我真係覺得好欣慰😂😂😂

煲仔飯一樣可以滋味地慢慢嘆，環境一流舒適，每一台都相當光猛，坐得好舒服，而且環境都好靜，如果想同朋友靜靜地坐低食中菜，係好合適的。 先黎一個川味臘腸炒蛋，川味臘腸好特別，辣味既臘腸，而且臘腸肉都好好食，伴飯食一流，臘腸用來炒蛋相當惹味。 一個簡單的蒜蓉津白亦相當有家常菜既味道。簡單得來又好好食，就係要有一份時蔬先似一餐家常便飯。 主角就係臘味煲仔飯，上面有臘肉，雞等等配料。煲仔飯上黎既時侯熱辣辣，店員一打開既時候香味已經撲鼻，超香，然後佢會幫你淋上醬油，仲有加上蔥花。再會幫你炒一炒。臘肉等既配料香，但唔會過咸，而且唔係大肥肉，咸香味滲曬入飯裡面，然後呢..最後煲底的飯焦就係主角，脆，香口，為煲仔飯添上精華。

想食下煲仔飯，但又想坐得舒服啲，就揀左依間食裝潢幾有心思，枱同枱之間隔好遠，同埋環境寧靜，成晚都坐得好舒服三個人嗌左5樣嘢食煲仔飯會有專人幫你撈好啱晒我地依啲懶人依到既葱係後加，侍應會問要唔要落我地就嗌左葱另上三個人share啱啱好過到癮食煲仔飯，又可以試到其他嘢真係名不虛傳，依個煲仔飯又幾好味臘腸都好好食，有嚼勁，夠味得嚟又唔會過鹹清蒸土豬依個肉蒸到好軟腍雖然有啲肥肉，但絕對唔會食到好油上湯小唐菜還可以啦海哲雞絲失望，成兜應該得幾條雞絲味道都唔特別好依個麵餅好好食配上糖醋汁服務一流，侍應笑容好殷切食得舒服既一晚