夏麵館 (始創中心)

營業中

休息中

話明再食，一定唔會再講相同既野，裝修就睇之前既食評啦，主要集中再推介其他菜式，連價錢，先放埋多啲餐牌俾大家參考先有涼菜：夏味燻蛋，就相等日本菜既味玉，有味既半熟蛋，熟既程度幾好，但味道唔太濃，蛋味亦唔重，正正常常小菜：賽螃蟹 $78賣相相當唔錯，味道都ok加入蝦仁增加口感同鮮味，但青豆反而影響滑嫩口感，整體都係唔錯既黃魚煨麵 $68絶無味精，純魚既精華，你睇下佢奶白色既湯真係贏晒$68實在超值，飲一下個湯，真心正魚肉滑而無骨，味就好清，但都ok魚味濃而又鮮味夠，飲湯一流，但加埋麵就好淡下，大家自己諗下自己口味老上海炒麵 $66即係上海粗炒，味道調得唔錯，配合香港人味道唔會太甜炒得夠火候亦好味，大碟到一個點百搭既飽肚菜蒜子浸豆苗 $78季節限定，可揀清炒、蒜蓉炒、蒜子上湯浸，想清啲所以唔炒，點知賣相同入口油過炒，需要其實係好味既豆苗味濃，不過都真係炒會有風味多啲坦白講，從風味、裝修、份量、味道，夏麵管既性價比都好高實在要食，好過好多嫲嫲婆婆爺爺公公姥姥姑姑#服務都一流完全唔似連鎖仲有好多小菜好吸引

今日放假同媽咪行街直落食埋晩飯，同老人家食飯就啱係要食清淡啲啦！上海菜應該係不二之選吧！聽同事講始創中心一樓新開左間上海菜館叫夏麵館，水準不錯，就帶媽咪上去試下吧門面光猛亮麗，感覺不錯當時正值晚飯時段，需要等位，店員話好快有位，就等等吧！反正門口有餐牌睇，就睇住等門口餐牌好吸引呀！有大閘蟹咼仲有貓山王榴槤高力，好特別呀等左十分鐘左右有位了，安排左我地坐二人細枱，枱有啲細，不過無辦法啦！店內真係坐無虛席，好旺場點餐紙簡單清晰，種類繁多，有涼菜，炒麵，小菜，點心，湯麵🍜，炒飯，湯羹，蟹粉菜式同甜品等，非常吸引鮮肉鍋貼，三大隻，漲卜卜，賣相吸引，平均嘅皺接盡顯師父嘅非凡手藝，皮薄，內䐄肉汁豐富雞絲粉皮，粉皮非常爽口旦牙，一條條晶瑩剔透麻醬味道剛好，杰度適中，剛剛好可以均勻掛上每條粉皮上，非常高質素老上海炒麵，即係上海粗炒，色澤均勻，料好足，調味恰到好處，而且不會過濕或過油，不錯粗麵夾起，碟底沒有多餘醬汁或油份，抵讚必點三鮮豆腐羹，尼個羹湯味道清清淡淡但非常足料，蝦粒，菜粒，雞粒，豆腐粒切得大細一致，羹湯濃度剛好，不會太稀太杰，水準好高大大隻蝦之餘仲有金華火腿粒提鮮，滋味無窮鮮肉小籠包，四大隻

同朋友去旺角行街，之後順便過了去始創食晚餐，這間夏麵館應該是新開久，所有的碗碟都非常新淨。餐廳主要以上海菜為主，價錢抵食而且座位舒適，所以都幾爆。小食要了蒜泥白肉，豬腩片切成薄薄一片，肥瘦適中，淋上蒜汁去油膩感，另外下面墊著拍青瓜，清新爽脆。小籠包外皮煙韌有彈性，而且不易夾空田，裏面有豐富的湯汁，味道鮮甜有肉香。唐芹鮮肉水餃外皮比較厚而且糊口，一夾就穿，味道比較一般。老上海炒麵有些白菜仔及肉絲作配料，上海麵爽口煙韌，每條都沾上了老抽顏色，味道不會太咸，食到最後都唔會成碟底油。甜品高力豆沙新鮮熱辣炸起，蛋白鬆軟，入口溶化，豆沙餡適中，甜度適中。

今日放工同媽咪去左太子shopping, 正好晚飯時段就係附近睇下有咩岩食, 原來夏麵館係始創中心開左分店! 好幾個月前係鑽石山分店食過lunch. 價錢實惠, 味道唔錯, 門外展示了一款新甜品廣告, 係我最中意食既榴槤同高力甜品cross over!! 所以就吸引左我地入去嘆返個dinner。呢間分店裝修比起其他分店大大不同, 風格偏港式餐廳, 總算整潔, 設部分卡位。自行click menu落單, 款式算是應有盡有, 選擇多多....【凍豆漿】HK$15淡淡既豆味, 唔太甜【花雕醉雞】HK$66醉雞肉質嫩滑, 很入味, 很濃郁既酒香醇味, 令雞肉味道甘甘的【紅油抄手】HK$36抄手外皮厚薄岩岩好, 但入面既餡料稍為細少, 抄手辣味很出, 唔食得辣既朋友要注意【酸辣湯麵】HK$52酸辣湯湯底很杰, 材料豐富, 酸辣比例平均, 麵質彈牙, 而且容易掛湯【老上海炒麵】HK$66麵質軟硬剛剛好, 味道唔會太鹹, 有唔少肉絲同埋冬菇片, 而且炒得好有穫氣【高力貓山王榴槤】HK$25暖暖的, 唔會好油, 外皮軟棉, 咬左一啖, 而且散發著陣陣貓山王榴槤既香, 唔食榴槤既朋友可能要回避一下, 但