海洋超級漁港 (深海龍躉專門店)

營業中

休息中

今日同朋友去到佐敦海洋超級漁港食晚飯。我們去到點了茶食住花生諗下食咩好先。今晚點了海鮮孖寶推介果皮蒸南非鮑魚+豉油皇干煎基圍蝦，晚市優惠上湯西澳洲龍蝦伊麵，蒜蓉炒勝瓜+菠蘿咕嚕肉。果皮蒸南非鮑魚：鮑魚鮮甜好味道，果皮煎令到個味道更高層次口感。鮑魚鮮味十足口感一流。豉油皇干煎基圍蝦：外殼都咁香口，味道唔會好咸。蝦肉爽口彈牙仲要非常鮮甜好味道。上湯西澳洲龍蝦伊麵：龍蝦肉爽口彈牙，伊麵軟硬得宜。鮮味十足配起上湯煮簡直一流。蒜蓉炒勝瓜：粉絲鋪底配合大量生熟蒜，非常香口好味道。勝瓜軟硬得宜清新口感。菠蘿咕嚕肉：咕嚕肉個醬汁甜酸度剛剛好，肉質唔錯又唔會太肥。非常多配料，三色椒新鮮，鮮菠蘿清甜。仲有紅豆沙送，個紅豆煲度淋晒非常好味道。

前排同屋企去咗佐敦食飯，餐廳食物質素唔錯，佢哋會提供免費嘅前菜花生同埋甜品紅豆沙，食到好滿足。而且係正地鐵站隔離，位置夠方便，值得推介。一坐低即刻叫咗脆皮南乳吊燒雞，餐廳做緊優惠，半隻都只係38蚊！雞皮好脆，而肉質肥美嫩滑，高質又抵食。脆皮燒鵝拼化皮乳豬，呢個組合真係太正，可以一次過食曬我最鍾意嘅兩款燒味。燒鵝皮烤得夠香口，咬落油脂感十足，乳豬皮則非常香脆，肥而不膩。紅酒燴牛尾煲，牛尾同蘿蔔都煮到好入味。而且夠哂足料，牛尾多到差啲食唔哂。日式海皇什菜煲，海鮮種類好多，有魷魚、蝦、蚌，加埋唔同嘅蔬菜同粉絲，味道清清地又好健康。海洋極品海鮮粒炒飯，炒得好出色，粒粒分明。種類又夠多，配合埋菜粒，口感好豐富。翠塘香滑豆腐，豆腐好滑，食落去甜甜哋有啲似豆腐花，幾啱送飯食。除咗紅豆沙，我哋仲叫咗飲茶時候最鍾意嘅養顏紅棗糕同埋杞子桂花糕。清清地又唔會太甜，仲可以養顏。

與家人在左敦這家海鮮酒家享受一餐海鮮宴， 不用舟車勞頓走出郊區，十分方便又合價😃為處商廈三樓， 電梯可直達， 雅緻裝修， 看來客流亦盛😀先點了優惠價菜式:炸子雞(半隻)， 特價三十八元， 超值又好食， 皮脆肉嫩有熱度😋再來四款海鮮菜式:魚湯芹香浸肥蜆， 濃郁湯底加上香芹特別氣味， 大量粉絲墊底，蜆肉肥美😋蒜蓉粉絲蒸開邊大海花蝦， 八隻中蝦伴以大量蒜蓉粉絲開邊蒸， 上桌時熱氣騰騰， 蝦肉爽口彈牙，有水準😋自選特價孖寶:金銀蒜蒸元貝， 金銀蒜比單蒜蓉又是另一種味感， 元貝 爽嫩脆又新鮮， 蒸煮火候到位😋豉椒洋蔥炒蟶子， 炒得香濃， 蟶子入口有嚼感， 配豉椒洋蔥份量好多， 佐酒佳選菜式😋蒜蓉菜心， 蒜蓉香味足冇油脂感， 菜心爽口，咬落冇渣， 正好中和海鮮鮮味😋更有加送甜品紅頭沙😋這家市區酒家食海鮮真係方便又經濟👏👏

今晚終於約到久冇見朋友飯聚，找個環境寬倘舒適同坐耐些地方，大家久冇酒樓吃，就選了今晚這間，位置方便大家搭車回家，到達後，環境不錯，坐下看了一陣餐牌叫了原隻澳洲龍蝦伊麵底  大隻，肉厚蝦身舖在麵上，特濃海鮮蝦鮮味，好彈口爽滑，幼滑麵身，麵有好鮮香蝦味，另一種口感海哲拼燻蹄  海哲絲絲滑口，薄薄片燻蹄，海哲同燻蹄爽脆身，燻蹄好鮮肉味，好鮮海哲鮮味自選孖寶-沙巴龍蠆斑  大條，魚厚肉身，嫩口爽滑，濃厚新鮮斑鮮魚鮮味自選孖寶-豉椒炒蜆  微微辣，蜆本身有鮮味，炒過的蜆鮮味更突出，彈牙滑爽，配了辣味，有另類鮮香味道原煲老火湯  原煲上的，湯配料分量十足，有粉葛同瘦肉，飲一啖，湯味特别清香鮮甜，好滋潤椒鹽炸鮮魷  魷魚片片厚身，炸到脆皮，好彈牙滑口，濃鮮魷香味同椒鹽香味椒絲腐乳炒通菜  翠綠菜身炒得好爽脆，加了椒絲同腐乳，好有微辣香味同鹹香味，豐富菜味感紅棗糕  (4件)  細細件，糕身煙煙韌韌，一口嘴嚼到，好重紅棗香味脆皮燒乳鴿  乳鴿身燒得好脆皮，肉質軟霖嫩滑，好濃乳鴿香味香芒凍布甸  軟滑身，好香芒果味，甜度適中紅豆沙  飯後甜品，酒樓免費送給茶客，好香紅豆沙味，甜度剛好

今日同家人到佐敦海洋超級漁港食晚飯。原來餐廳拎左飲食天王頒獎禮龍躉天王。好快安排好座位，店員好有禮貌問好飲咩茶，俾左碟脆脆花生。今日我哋叫左個二選一特價優惠，4個人可以以$78叫半隻醬燒琵琶鴨，原煲老火湯，西澳洲龍蝦三寶（芝士焗龍蝦伊麵底，金銀蛋蒜子浸菜，當紅脆皮吊燒雞）果皮蒸頭腩。醬燒琵琶鴨：琵琶鴨入味，燒出外脆內熱。原煲老火湯：個湯飲得出個濃味完全飲得出係煲左勁耐既老火湯個濃度人地講幾多碗水煲到一碗個款，真係超級好飲。粉葛鯪魚湯真係用料十足。芝士焗龍蝦伊麵：芝士味濃，龍蝦啖啖肉，龍蝦爽口彈牙。伊麵混合芝士汁食一流。金銀蛋蒜子浸菜：咸蛋皮蛋都好香，蒜子爆過香味入返個湯。菜芯新鮮爽脆嫩口。當紅脆皮吊燒雞：雞外脆內嫩滑，肉汁仲鎖住，唔會過火鞋口。果皮蒸頭腩：果皮香帶起成個魚，魚香味十足。紅豆沙：紅豆夠晒淋，甜度岩岩好。