Burgeroom (Fashion Walk)

銅鑼灣fashion walk食街中，好多餐廳環境都幾好，好有外國feel！這間是出名食漢堡的，室外及室內的坐位都可選擇。幾舒適休閒的感覺，有梳化坐及圓枱，可以慢慢睇下餐牌聽下音樂（播放著輕鬆音樂的）好享受這空間及氣氛！先到櫃臺前點餐，然後等待服務員送上餐及飲品，服務好友善有笑容，主要講英語，中文都溝通無問題！廚師推介及新款漢堡都好吸引，今次就試了新野，點了🍔🍍🐔菠蘿燒烤醬雞柳漢堡套餐。 見客人點了芝士旋風薯條及磨菇牛肉漢堡，好吸引又厚身牛漢堡菠蘿酸酸甜甜好香又開胃、紫洋蔥好新鮮又甜又爽、大大片酸酸番茄及爽脆生菜、雞柳好滑好厚又香、配上燒烤醬好濃郁野味，漢堡的麵包好鬆軟烤香的口感！太豐富了又一層層的雞柳漢堡粗薯條熱辣辣、外脆內軟，內面薯仔蓉好香滑、外面薯皮好脆口！🍟飲品選擇好多，新鮮果汁、啤酒、花茶等，我點了熱鮮奶，香滑又好飲，暖暖的感覺！…查看更多

每次行經銅鑼灣食街，都會被餐廳的戶外用餐區吸引著，今天下午襯著風和日麗，跟朋友坐在室外，享受一個悠閒的午餐。Burgeroom 位於食街之內，除了有漢堡供應外，亦有沙律小食可供選擇。餐廳採用半自助形式，客人要到收銀處點餐，隨後食物會由侍應端來。除此之外，亦有涷開水可供客人自助享用.餐廳不設加一服務費。特量芝士牛肉漢堡（$108 +$30 for Lunch Combo)👍👍👍👍👍午市漢堡套餐只需+$30， 就可以配粗薯條及飲品。特量芝士牛肉漢堡 - 漢堡飽已預先切半，方便食用，包內有一塊厚厚的漢堡牛肉，一片蕃茄、生菜和大量芝士。芝士像溶岩般從包內湧出來，把漢堡分開時，芝士還在拉絲的狀態，單是看見已食指大動。厚厚的漢堡牛肉，肉汁豐富，配合生菜和蕃茄，亦可以自行加入茄汁和芥末，味道更豐富。粗薯條 - 吃著漢堡的時候又怎可以沒有薯條呢！金黃色的薯條外脆內軟，熱哄哄的，這是漢堡包的最佳拍擋。菠蘿冰茶 - 自家製的菠蘿冰茶，既冰涼又清新，甜度剛好。軟殻蟹沙律（$120）👍👍👍👍👍原隻的軟殻蟹放在新鮮的沙律菜上，軟殻蟹炸得很酥脆，亦很厚肉，蟹身部份肉汁仍然保留著，蟹爪炸至香脆可口。清新的沙律菜簡單加入油醋沙律醬，跟香炸的軟殻蟹有平衡互補的作用。榛子鮮奶咖啡 （$44）👍👍👍👍咖啡滲著淡淡的牛奶和榛子的香氣。門面室內環境餐牌…查看更多

朝聖！身為Burger迷，當然會搵下或者打聽下香港邊間Burger最出名，聽聞左「Burgeroom」個名好耐，真係係香港係本地老牌頭幾名有名既Burger店，一直都未試，又係懶，加上呢間店成日大排長龍，今日避開左繁忙時間，夜晚9點幾先黎。環境係銅鑼灣既“Fashion Walk”食街，成行既食肆都係有Outdoor seats，呢間當然唔例外，出面仲圍起左有個line up既位比人排隊，好彩揀左較夜既時間前來，避開左人潮。餐牌十分多選擇，除左牛肉，仲有魚、雞、海鮮，連鴨都有！有成超過30款Burger，總有一款合你心意，而價錢都好相宜，我以為呢間咁有名既一定好貴，但佢最平$75有交易，以香港本地Burger店黎講真係唔算貴。大烤茹芝士牛肉漢堡 $108實在太多選擇，好難揀，好多款都好吸引咁，揀左有廚師推介既“大烤茹芝士牛肉漢堡”。麵包好快上枱，而且勁大個，可以話係我係香港食過數一數二咁大，包身都夠挺冇塌既情況，麵包有塗牛油烘過，但略嫌空氣左啲，麵包唔夠實在，至於牛肉漢堡扒亦非常厚身，不過唔算Juicy但又未去到好乾，而大啡茹就好多汁又夠焾身，令成個包口感濕潤返，仲有芝士、生菜同蕃茄做伴料。軟殼蟹漢堡 $108都係廚師推介款式，另外加左煙肉(+$12)。呢個比起“大烤茹芝士牛肉漢堡”更加巨型，因為成隻軟殼蟹放入包入面！兩隻蟹鉗係包出面，軟殼蟹炸粉都算薄，炸油唔覺油溢，內裡有沙律醬所以唔會覺得個包偏乾，食落幾惹味，加左煙肉就口感更好。粗薯條 $28我覺得以呢類型既Burger店再加上地段黎講，$28一份粗薯條好抵，當然係連皮，炸得幾香口，不過就空氣左少少，唔會食落啖啖薯蓉咁，填得唔夠實。兩個人，每人$150左右總括而言，啲Burger真係好大一個，我都見有女仔會兩個人share一個包，再加啲小食就夠，環境亦幾舒服幾有外國味道，值得前來既本地Burger店。…查看更多

看了不少評論才決定要下單什麼東西，我們兩個女生因為不想只吃漢堡如此單調，於是叫了一個漢堡share，再叫一份粗薯條和蜜汁雞翅，吃後結論為：只有漢堡值得嘗試，小食中規中矩，完全冇特色，隔離檯叫了松露芝士薯條，可能由於坐在室外原因，芝士早已冷掉發硬，眼見她們剩下2/3的份量⋯⋯室內座位排隊要等好耐，最終選擇了室外，不需要等候，但是仍然會擔心近日低溫會很冷，當真的坐下其實發覺還好，這裡沒有風吹到，所以其實沒有想像中的冷！朋友不喜愛芝士，就選擇了培根牛肉漢堡，沒有芝士的漢堡味道其實也很好，份量真的很大，我原本想以我個大口嘗試咬曬全層漢堡 ，把漢堡接近嘴邊，才真正放棄我那個貪心的想法！哈哈，就算我張大嘴巴，只能咬到一半吧！醬料超好味！蔬果很新鮮！而且超級多汁 so juicy！牛肉餅都幾厚身，牛肉味道濃郁！粗薯條和蜜汁雞翅一般，不值得一試，大家可以把胃口都獻給漢堡包🍔，果然店面叫「Burgeroom」我下次必定再來嘗試其他漢堡大大個漢堡，望見都覺得開胃熱衷漢堡包的人要來「Burgeroom」一試…查看更多

同男朋友睇完戲，心郁郁想食burger，第一時間就諗起burgeroom去到餐廳時候尚早，等都唔洗等就有位嚕 係收銀處點完菜，就比個號碼牌你到時上菜。飲品就此上了最近大熱既apple cider，有4.5%酒精同鮮楂kiwi juice粗薯條係原隻薯仔切出來架，一d加工都冇粗粗既薯條炸完一d都唔油冧冧，仲一直keep住好脆。點一點茄汁，咬一口。d煙慢慢飄出來，仲好香既薯仔味好食過出面餐廳個d 男朋友上次來既時候都想食呢個鵝肝炸鱈魚柳漢堡，但有其他既選擇就冇試。今次食反啦呢個包都有得揀單定雙鵝肝，我地揀左單鵝肝。下面2件炸鱈魚柳被片芝士蓋著。個底仲有d新鮮菜同蕃茄，減反小小罪惡感🙈😂 由於個包好厚，好難一口可以咬哂咁多層，一開豆只能小小，小小咁咁咬☺️ 味到好豐富，香口油油的鵝肝佔滿口腔後，鱈魚香慢慢在口裡浮出來。外皮炸得很脆，卻不油膩，吃到最後一口仍然味道十足特量芝士牛肉漢堡。如圖所見，芝士的份量十足，兩邊是一樣的下面個層既牛肉扒夾雜些洋蔥碎，令肉味更香口唯一美中不足是今次牛肉扒煎得有點乾，但整體我都好喜歡。當然會再來…查看更多

小新同愛麗絲成日都話想試下啲大大的漢堡，不過又驚食完，返唔到轉頭，食唔番啲快餐漢堡。我地見到好多身邊既朋友都力握我地去試，就搵左日閒日去趁人少少試下係咪真係咁好食先大約7點鐘左右去到，都仲未要排隊，可惜係個日咁岩落緊雨，所以坐唔到出面既露天茶座 不過，入面雖然係坐得比較迫，但都有濃濃美國既感覺，而且裝修俾人有休閒既感覺睇一睇個餐牌,真係嚇左一嚇，估唔到漢堡居然有咁多既配搭，有基本既牛肉,魚，而且仲有海鮮、雞/鴨肉、素菜類.... 有選擇困難既朋友可能要加油啦愛麗絲就叫左個 煙肉芝士牛肉漢堡 ，牛肉牛味濃郁，而且好juicy，唔會煮到熟晒，軟軟的，咬完一啖就會忍唔住咬多兩啖 煙肉,芝士既味道相對比較淡，不過夾埋啲菜和蕃茄，就可以好好中和啲鹹味，少少甜，大啖咬落去更加吸引小新最近鐘意食魚，所以就要左個鱈魚柳漢堡，配料有芝士,鱈魚,沙律醬,蕃茄和菜。鱈魚真係遠比小新食慣既魚柳好~~ 魚柳炸得呈金黃色，但食落口唔會有絲絲既油膩，反而好重魚味，夾埋沙律醬和芝士，真係絕對係值回票價。薯條係即叫即炸既，質地炸完之後都仲係好結實，好有口感，仲要好粗身，沾埋啲芝士醬真係好好食芝士薯角相對就較為遜色，不過就真係有好重既薯仔味，而且炸得好脆身Iced Peach Fruit Tea; Iced Pineapple Fruit兩杯的味道都好鮮甜，不會太多人工既甜味，感覺好清新味美，有淡淡既果甜，可以中和漢堡既濃味，真係相當唔錯…查看更多

這一晚，又到我們為食姊妹三人組的聚會時間，今次我們決定來到銅鑼灣的 Burgeroom，食傳說中的巨型漢堡。雖然門口出面有好多露天座位，但當時仲係大熱天時，於是我們決定坐在裡面的座位，裡面的桌和座位感覺有點狹小，我們當時叫了許多東西，幾乎都放不下，所以每次都拿拿臨食晒 d 小食，大碟的漢堡才可以放置到。見到 menu 咁多野食，雖然明知漢堡會好巨型，但都忍唔住叫多幾款小食。呢桶薯絲蝦，我覺得一般啦，無錯中間件蝦球都幾大件，但出面的薯絲稍嫌較稔唔夠脆。呢桶粗薯條很粗切，外面炸到脆卜卜，裡面留有薯仔的粉糯，好味道。仲叫多碟帶子沙律，食番 d 菜吸下油先啦。沙律菜都相當清新，預先混入黑醋汁，酸酸甜甜好開胃，帶子稍微煎過都幾香，而且仲大過件五蚊銀，肉質都相當軟稔彈牙，份量都很多啊，最好都係同人 share。我們各自叫一款漢堡，然後才 share 裡面的餡。咁我就叫了鵝肝軟殼蟹漢堡，好大件，真的驚為天人！餡料叠到好高，應該都有 10cm 吧，除了手掌般大的鵝肝、大過手掌的炸軟殼蟹之外，仲有幾層沙律菜、鮮蕃茄、芝士等，一啖真係咬唔晒呀！最頂的漢堡包，稍為烘過，滿佈香口的芝麻，口感脆脆地好香口。鵝肝煎得頗為香脆，入口即溶，香甜的油脂在口裡溶化，心裡有種奢侈的感動~ 比手掌還大的炸軟殼蟹，雖然脆卜卜，但咬幾下便完全溶入口中，味道都幾鮮甜。另外朋友的龍蝦漢堡，我試了少許，亦都相當推介啊！切開蝦頭後，一大堆蝦子和蝦膏爆出來，感覺非常澎湃，可是我因為怕肥，所以沒有試過。朋友 share 給我一大隻龍蝦鉗肉，肉質相當鮮甜而彈牙。另一位朋友的吉列蠔芝土漢堡，上菜的時候，蠔還剛炸好，仍是熱辣辣的。飲品的叫了抹茶 Latte，味道有淡淡的抹茶及奶香，口感都幾綿滑，水準不錯。呢度的漢堡飽咁大件，獨食一定會易肥，我建議最好連同三五知己一起開心 share。我們三個叫了那麼多東西，已經食到非常飽，最後捧住個大肚皮出門口。…查看更多

出發去海洋公園之前，就係緊係要醫飽個肚先係銅鑼灣行下睇下，最後就睇中左Burgeroom.11點左右，仲未到食飯時間，所以人就唔多室內裝潢高雅，頗有情調田園沙律沙律上枱時，嚇了我和朋友一跳。想不到在銅鑼灣一份42元的沙律，份量居然如此充足，採用的是新鮮蔬菜，它和其他店鋪的不同之處，是使用了大蕃茄，並不是常用的小蕃茄，質量還很不錯，可吃得出甜味 若覺得薯條和漢堡太熱氣，可選擇多叫一份沙律來取平衡Iced Peach Fruit Tea桃味果香不俗，沒有街外果汁的死甜但仍保留了啖淡桃香， 初嘗可能會覺得味道較為清淡但配了漢堡較為濃味的食物，則起了中和的作用相得益彰Apple Juice是較少見的果汁品牌，引入此牌子是聰明之舉，其形象和外觀設計十分符合Burgeroom的路線吉烈大蝦蛋漢堡漢堡會切開兩份上，每份均有一個拳頭般大小，不單份量充足，味道亦相當不俗！吉列大蝦炸得剛好，鬆脆的表層下包裹著鮮彈的大蝦，再配合店鋪包含酸瓜的特制醬汁，大大減低了熱氣的感覺，而另一主角—雞蛋，處於半流心的狀況，不會過實。再加上蕃茄和生菜的配合，提升了漢堡的清新氣息。大烤菇鱈魚柳漢堡烤菇沒有草青味，可惜菇味不太出，只吃得出它的質感鱈魚柳外層炸得脆卜卜，內裡肉質嫩滑，有魚味、新鮮，不俗 這款漢堡有多層不同質感的材料，口感特別值得一試著條有薯味，粗度亦十足(比我的手指還要粗!!)而且質地比較結實，相當有口感有驚喜﹗是一間會回頭的餐廳下次更想嘗試芝士旋風薯條和鵝肝漢堡  …查看更多

自Burgeroom 移遷至百德新街後，我也未到訪過，星期日就一於去醫肚大約12:00到達，人不多，很快便安排入座餐牌上選擇頗多，共分牛、魚、海鮮、雞為主菜的，以大烤菇、鵝肝、煙肉等等作配搭，實在令我眼花繚亂，就是想把所有的配料都放在包內。素食者也可以點選大烤菇漢堡還有toppings ，沙拉及小食添！因為是星期日的關係，未能用$28 加set combo 。餐牌右下角有寫明的，大家要留意啦～ ～咁到底我尼個貪心鬼點咗咩呢？陣間講要提提大家，在自助位置有放置一張儲分卡，在三個月內買滿10個漢堡包，就可免費獲得一個價值$70的漢堡包。在排隊點單時記得拎啦，不過好似我咁，走前才見到，也可要求店員補蓋的，所以記得留番張收據啦Thick Fries [$28]最先吃的就是它，色澤偏啡，咬下時頗熱的，要小心嘴。薯香味不算濃，而且質感較硬，似番炸的，試過一次就足夠。Thick Fries 唔吸引，唯有點薯角[$28]，希望可以補償一下。果然再點單是沒錯，薯角十分好吃。每粒薯角上有少許紅色的辣粉，吃上來更香脆可口，薯香味也濃一點，份量也足夠2人分享。登登登登！～我點的就是鵝肝牛肉漢堡再加大烤菇 [$158+$30=$188]夠貪吃了吧，鵝肝、大烤菇及牛肉都是我喜歡的食物，我要一次過食哂你地～～～就是點這個價位才有叉用，而且碟呢都靚d，（其他的用紙包著碟）而且還有沙律伴菜呢！鵝肝真的超好味，不會有腥味，油份也剛好。只要吃一啖，香味就會在口腔中跳舞，細味再細味，就像在西餐廳單點的那般好吃。大烤菇既厚身又多汁，不過菇味並不出眾，以單點價$30也覺得不值。牛肉有1cm的厚度，牛肉沒有因為是免治質地而變得鬆化，裡面也沒有太多的脂肪，所以比較有質感的，未能說是鞋口，可以大大啖吃的。味道不錯。整體來說是用心製作的漢堡包，因為鵝肝既關係，所以價格方面也不平宜，但絕對值得再黎！…查看更多

大家有沒有發現我很久沒有在食評中記下和友人“每月一飯聚”呢? 皆因聖誕期間並沒有與她外出用餐, 而是由她為我親自下廚, 是否很羡慕呢? 無錯! 有她的確很幸福! 到了今個月, 輪到我帶她覓食, 我當然不會下廚獻醜, 還是用心想想給她什麼驚喜吧! 自從近排吃過兩次某間漢堡店後, 漸漸愛上了吃漢堡, 多了看有關漢堡店的食評, 發現這個小店可任由食客配搭漢堡的饀料, 按喜好加入toppings, 感覺很特別, 而多款的選擇正是我們的喜好, 那一於帶她來一試。小店分室外和室內, 室外的露天雅座數量不少, 每枱撐着大傘子, 寬敞開揚, 但為了有較好的燈光拍下靚靚的食物相片, 還是選擇坐在室內吧!一踏進店內便看到正中央高高掛了霓紅光管的店名招牌, 搶眼奪目, 還有數盞獨特的歐陸式吊燈, 加上播放着輕快歌曲, 尤如置身外國的漢堡店一樣。內裏設有數張二至四人的枱子、五至六人的圓枱、面窗的單人座位, 以及一張八人的吧枱, 集合不同款式, 頗有特色。內裏設有數張二至四人的枱子、五至六人的圓枱、面窗的單人座位, 以及一張八人的吧枱, 集合不同款式, 頗有特色。 一坐下便細閱桌上已放的餐單, 以黑白色為主, 雖只配上部份的食物相片, 但文字清晰可見, 加上眾服務員悉心的講解和介紹, 讓我們更清楚可知如何自由配搭食材。不論漢堡或沙律都可自行加入toppings, 故即使只叫一個漢堡及一客沙律共享, 都可各取所好, 實在太令人高興。友人一看到餐牌上的洋蔥圈 Onion Rings ($38)就二話不說要點選它, 皆因她覺得不是很多地方有供應此小食, 唔……是嗎? 大大小小的洋蔥圈 外層炸至金黃香脆, 每咬一口都發出微微卜卜聲, 可惜略嫌脆漿有點厚, 吃時蓋了洋蔥 的味道, 而內裏的洋蔥亦不算爽身清甜, 幸兒炸得尚算乾身, 吃時不感油膩, 香脆可口。因友人怎少吃軟殼蟹, 故挑選了一客軟殼蟹漢堡 Soft Shell Crab Burger($100), 而我亦想一嚐這裏推介的牛肉, 故加入一件牛肉漢堡扒Beef Patty($40)。店員把熱騰騰的漢堡送上枱時, 嘩! 巨大的體積把我和友人都嚇了一跳, 廚師早已將其分半, 讓食客可方便進食, 服務果然細心。我提議友人一口咬下這個巨大的漢堡拍照, 她竟回一句「咁核凸」, 是嗎? 在好友面前何需拘謹, 若然我有那麼大的咀巴, 我都想一試, 這才吃得開懷, 吃得盡情!原隻軟殼蟹 體積相當大, 外層炸醬薄而香脆, 內裏啖啖柔軟的肉質, 亦能嚐到淡淡的蟹味, 令友人吃得極之滿足。而牛肉漢堡扒 果然出色, 表面煎至帶少少焦色, 烹調時間剛好, 仍能鎖住肉汁, 富有濃郁的牛味, 一口咬下去, 稍稍夾雜筋位的牛肉腍嫩中存有咬口, 整體口感和味道一流, 啖啖肉令人吃得極之滿足。除了兩款主角饀料外, 還有兩大片厚而多汁的鮮蕃茄 和數塊清爽的生菜, 再拌入份量適中的酸咪咪酸瓜他他醬, 以軟熟而滿佈芝麻的麵包 挾住同吃, 真的美味得很, 正!六點或之前可叫Burger Combo (+$28)配粗薯條Thick Rings (原價$28)及飲品。厚切薯條 外表稍稍金黃, 但內外都是粉綿, 少了一份脆口, 最愛它是連薯皮 烹調, 多一份口感之餘, 薯香味亦更突出。本身所加入的調味不重, 故不會感到太鹹, 薯味突出, 吃時可蘸上蕃茄汁或芥末醬, 送上另一番風味。友人一看到我杯玖瑰泡沫咖啡Rose Cappuccino (Short, 原價$32)便問為何沒有拉花, 我懶醒地回了一句, 多數泡沫咖啡多是灑上可可粉, 而鮮奶咖啡才有拉花, 其實此答案不知是否正確, 哈! 不過, 若然能加少許玖瑰花瓣作點綴, 那就更美好。奶打得有點過時, 入口有點粗糙, 但勝在啖啖咖啡 中均能嚐到淡淡玖瑰 的甜美, 兩者份量合宜, 沒有蓋過一方的味道, 整體味道挺不錯, 可惜份量的確有點少, 後悔沒有改要Tall ($40), 令自己喝得不滿足, 真的笨蛋!友人散點了一杯榛子朱古力 Hazelnut Chocolate (Short, $32), 雖不是薄荷朱古力, 但插了薄荷葉 和灑了可可粉, 賣相變得很吸引, 雖只是一杯飲品, 亦可見咖啡師的用心。因賣相吸引, 忍不住一嚐它的味道, 偷呷了一口, 朱古力 味香濃而不太甜膩, 微苦的朱古力味中帶點榛子 的甜美, 比我杯玖瑰泡沫咖啡更加美味, 友人還未嚐我那杯便提出跟我交換, 你話這種好朋友在那裏揾呢?吃過一輪炸物和肉類後, 一定要來一客清新的沙律平衡一下。一向愛吃菇菌類的我, 這客大烤菇沙律 Portobello on Green ($58)是必然的選擇, 但我們都想這客沙律變得豐富一點, 幸好餐店有多款Toppings 任由食客加添。經過一番的思量, 各挑選心頭好後, 竟加了四款, 包括爽口多汁的酸瓜Pickle($10), 酸度剛好, 不會有刺喉感, 亦很醒胃; 大大片的蕃茄Tomato($10), 鮮紅多汁, 清新甜美; 還有牛油果 Avocado($10), 青綠且柔軟, 生熟度剛好, 能嚐出其獨有的果香味, 最後是一片經烤製過的菠蘿Pineapple($12), 外表帶有稍稍焦燶, 下訂前已知並非採用新鮮的菠蘿, 雖不及鮮菠蘿的清甜多汁, 但經烹調後, 減卻了糖水的味道, 咬下去時亦有果液爆出, 也不錯呀!咦咦咦…..別忘一提大烤菇沙律這個主角, 沙律菜 全是採用極之清新的羅馬生菜, 段段爽脆多汁, 令我和友人都不斷爭吃, 哈! 還有那件中等體積的烤菇, 烤製時間掌握得剛好, 仍能緊緊鎖住菇汁, 每咬一口都爆出菇汁, 啖啖菇香之餘, 亦相當爽身, 對我這個愛菇者來說, 一個分半實在不夠喉!------------------------------友人一向都較喜愛鋸扒式的西餐, 而甚少揀選吃包類, 一心希望她可接受更多新嘗試, 以擴闊她的食途經歷, 但其實內心很擔心她不喜歡, 但看來這個令人吃得滿足巨型漢堡沒有讓她失望, 見她吃得開懷, 我更有動力為每月的飯聚尋找更多特別的美食, 恰巧在 Openrice的facebook上看到「一塊pizza萬人嚐」, 靈機一觸, 看來下次是吃得滿足巨型pizza了, 那又要靠Openrice找找資料吧!…查看更多

跟妹妹到銅鑼灣逛街，搜尋一下有甚麼特別的餐廳，就發現之前一直想吃的Burgerrooom搬了在附近，於是就不假思索直奔了過去～一進fashion walk 的食街就看到Burgeroom，外觀很醒目，有戶外或室內座位，因看到店內的裝潢好像挺有氣氛，於是跟妹妹選了店內的沙發位置坐了下來。食客需要先到Cashier 點食物，我們點了兩款漢堡，一客薯條及Ice Peach Fruit Tea，值得一讚的是店員非常耐心及friendly，為我逐一介紹各款Burger～先說第一款Burger: 鵝肝芝士牛肉漢堡期待已久！今天終於能吃得到這款Burgeroom的招牌Burger~ 我本身非常喜歡吃煎鵝肝，表面又香又脆，咬下去卻能保持鵝肝的甜味及Juicy的口感，入口即溶～ 妹妹不太吃鵝肝，可是聞到香味時也忍不住分了一半... ，她說之前吃過鵝肝覺得腥，而這個一點也沒有腥的感覺，很喜歡它的口感，下次也要自己獨占一個。牛肉不用說，彈牙兼Juicy，跟半溶芝士自是絕配，這一道，將會無限Encore。第二款是蘑菇芝士牛肉漢堡，可惜忘了拍照, 雖然鵝肝Burger 也有一片蘑菇，但focus 絕對會在鵝肝上面！所以再吃一道蘑菇burger, 你會真的感受到蘑菇內的水份流入口中，香味十足～ Side Dish 點的是粗薯條，香脆，吃完後口中仍留有薯仔的香味，而非油的味道～ 不算十分特別，但炸得剛剛好，會再Encore~一輪熱盤，最後來一杯Ice Peach Tea 是正確的選擇～ 十分推介～尤其是喜愛桃子味的人必點！可惜又忘了拍照～下次再來時一定會補上照片…查看更多