喜來稀肉 (登龍街)

喜來稀肉十周年喇🎉而家以優惠價即係十年前價錢就食到最受歡迎嘅七款肉，仲無限嗌幾多份只要follow ig @seorae.hk ，同店員直接落單就得，如果自己用qr code落單就計返正價落單後好快就送到嚟，雖然係優惠價但份量同質素一樣，真係好抵✨喜來烤肉 $158->優惠價$130每次嚟食必嗌嘅招牌肉！以淡醬油醃過嘅薄薄嘅牛肉片，每邊煎一煎就食得惹味得嚟唔會太重口味👍🏻加埋烤肉辣醬包生菜食就最正✨真雪花牛肉 $228->優惠價$200無預先調味嘅牛小排，雪花好靚油脂豐富食落肉質嫩肉味超濃郁，只蘸麻油同鹽已經好好味😋✨牛肋骨肉 $150->優惠價$130雖然賣相比較普通，但肉味好濃油香十足食落完全無筋，煎耐咗都唔會韌✨石鍋牛肉拌飯配菜有芽菜、紅蘿蔔、菠菜、生菜同韓國蕨菜，夠足料有蕨菜先係正宗韓國拌飯總括嚟講食物質素高，口味正宗，而且價錢好抵！店員有禮服務好，叫店員嚟refill爐邊蛋見到個網燶晒就主動換埋。最鍾意個自助bar可以任食前菜泡菜同夾肉食嘅生菜。喜來泡菜同酸蘿蔔都好好味，每次嚟都食好多前菜好滿足…Read More

又嚟到銅鑼灣嘅喜來稀肉。呢度都係一貫正宗韓燒餐廳嘅裝修，座位非常闊落唔迫夾，一坐低店員就會幫你到爐邊蛋，有芝士同埋泡菜口味，無限添加。😋佢哋嘅爐邊蛋真係好好味～每次都要添加多一轉！（人多要添多幾轉🤣）出面自助吧可以攞生菜、生蒜、各種調味料同埋醃菜泡菜。都係任食㗎！🐮真雪花牛肉 $228 ⭐️推薦👍🏻食過佢哋咁多款牛肉，我最鍾意食呢隻真雪花牛肉😋 油脂豐富分佈均勻，肉質較嫩又重牛味👍🏻 一碟份量仲要唔少～ 伴碟有菇同埋翠玉瓜。🐷喜來韓豚五花肉 $180 ⭐️推薦👍🏻店員介紹新菜式🤩 呢款五花肉片有辣同唔辣，我哋叫咗唔辣嘅，醃味有少少甜甜地，冇傳統一條嗰種五花肉咁肥膩，肉質一樣軟嫩，加韓式辣醬夾生菜好好食！🍜水冷麵 $95韓國最傳統嘅水冷麵，呢度做得好好👍🏻 麵質唔會糊口，有蘿蔔絲青瓜絲同埋半隻烚蛋，跟埋芥末汁同埋白醋，如果覺得唔夠味可以自己加，不過我覺得都係就咁食最好食😋🍺慢活村韓國米酒 $95去韓國旅行必飲嘅瑪格麗白米酒，食韓燒梗係要飲返杯🍻店內經常做唔同嘅節日Promo優惠，我哋萬聖節呢就有得飲血🤣（係果汁嚟嘅）🥳而家仲做緊lunch買三送一優惠！只要五點前落單，叫四樣嘢就有其中一樣free俾你！🤩唔好錯過啦！…Read More

作為燒肉控既我🥩，通常都係食牛角呢啲日式燒肉，朋友話我食得太多日本野，所以帶我黎食韓燒😂。用inline.app上網book定好方便📱。店內幾乾淨企理，油煙味唔算好重。肉係單點形式，qr code自己落單好方便。另外自助吧有泡菜、醃蘿蔔、生菜、蒜片等等任拎🤤。爐邊蛋亦有芝士同泡菜2款口味😚，可以無限加🥺。🔅真雪花牛肉  ($228/150g)雪花牛肉真係唔同啲🥺～牛肉油花好靚，肉質嫩滑👍🏻，無醃定所以牛味零舍香濃。🔅豬護心肉 ($158/150g)唔講唔知原來護心肉係位於橫隔膜和肝之間既肉，每隻豬只有200~300g，非常矜貴🥺。雖然望落一般，但食落好嫩好爽口，一啲都唔鞋唔油膩，好啱女仔食😝。🔅蟹籽紫菜飯團 ($50)見人可以自己整飯糰所以又叫黎試下，廢事淨係食肉咁dry 😚。好貼心有附上手套，自己搓飯糰波波幾過癮，食埋飯糰就好飽🤭。🔅大麥茶 ($20)💬呢餐2個人食左約$500，比日式放題抵🤫，偶然轉下口味又唔錯🥰。…Read More

啱啱畢業出嚟做嘢嗰時，好興食韓國菜。好記得呢間過江龍當年喺香港開第一間時，拎籌等三個鐘先有得食前菜同醬料都喺自助bar自取，泡菜、酸蘿蔔片、醃青瓜、沙律菜、包肉食嘅生菜，全部都係任食。用QR code落單後好快就上齊晒每次嚟食必點嘅招牌菜-喜來烤肉，卷成玫瑰花形上枱好靚。其實係少脂肪肉味濃嘅牛板腱牛肉有醬汁浸住，但唔會醃得太甜太濃味。餐牌上最貴嘅一款牛肉就係呢個真雪花牛肉，係平時打邊爐成日食到嘅牛小排。油花超靚係完美嘅狀態，呢個都係必點！無預先醃過或者調味，適合燒完蘸海鹽同麻油食牛五花係切成薄片嘅半肥瘦牛肉片，落咗韓國醬油同梨蓉，每面燒幾秒就食得。味道甜甜地，夾生菜食一流石鍋牛肉拌飯份量多又足料，拌飯醬係另外上，想撈幾多食幾辣都得。鍋底有搽麻油所以完全無痴底，而且仲有飯焦食韓國菜泡菜都係主菜，有得任食泡菜真係好吸引，雖然唔會食到好多自助bar泡菜都有兩款，喜來泡菜同酸泡菜。喜來泡菜好似喺韓國食到嗰種，醃得唔耐，菜比較爽脆無咁酸。爐邊蛋都可以無限任添，有芝士同泡菜味。店員落芝士同泡菜都好慷慨，啖啖都足料，超正總括嚟講食物質素高，口味咁多年都保持到正宗，肉類選擇比一般韓燒餐廳多價錢又合理，而且環境好有韓國感覺。…Read More

幾年前食過尖沙咀店，覺得好好味😋復活節假期冇得去旅行，同男朋友去食韓燒當去咗旅行啦～由於假期多人，餐廳限時食90分鐘，用QR code落單一坐低枱面已經擺好左幾款伴碟，包括泡菜同酸青瓜，仲生菜，比我地包住肉黎食爐邊有兩款蛋，一款加了芝士，另一款加了泡菜，個人覺得泡菜蛋比較濕潤多汁，芝士果款食落味道好夾，滑嘟嘟，仲可以無限追加 🌟喜來烤肉 $158（推介菜式）超薄身，浸係大量醬汁入面，燒十秒左右就熟，醃得好入味，甜甜地帶少少酸，唔洗再蘸醬汁，健康少少可以用生菜包住食🌟護心肉 $158（推介菜式）因為揀左2款牛，試下豬護心肉，又係醃得好入味，甜甜地，唔洗蘸醬汁已經夠味，肉比較厚身，要燒耐少少先熟透，肉質唔鞋口🌟真雪花牛肉 $228 睇落好似厚切牛舌，油脂分佈幾平均，肉質望落幾新鮮，可能由於係比較靚嘅牛，冇醃製過，燒完蘸少少辣醬食會更好味，又或者學男朋友咁蘸少少鹽再拎去燒，牛味會更突出整體而言，呢一餐好有韓國風味，個人最鍾意食喜來烤肉同芝士爐邊蛋…Read More

喜來稀肉其實係好多地方都有，都食過好多次，我覺得係香港連鎖韓式燒肉店鋪比較好食既一間。黎自助燒肉店既樂趣就係可以自己燒，好玩又好食。而且所有前菜都可以任添，個人最中意鍋邊既蛋，燒到中間呈流心既狀態就最好食啦。2個人食其實燒肉叫2款都已經夠，今次叫左牛護心同真雪花牛肉。呢2款都係無咩點調味既，可以真真正正食到牛肉既味道。另外仲叫左個水冷麵，夏天食一流。尤其食完燒肉熱辣辣既時候食就仲正！價錢相宜，非常適合一班朋友黎食。…Read More

知道自己短期內都唔會外出旅行,係屋企仲可以食到火煱,但係食韓燒就真係整吾到果種感覺🤔因為太想食既關係,今日專登提早左去食,避開最多人既晚飯時間,減少餐廳內出現人太多既情況,咁我地都會食得安心,可以出去食下飯🤣食物方面:⚪️護心肉護心肉係豬的橫隔膜和肝之間,每隻豬只有200-300g,係好矜貴既食材🤗肉質係比較爽滑彈牙,燒香後油分都吾多,食得多都吾會太膩,但要睇住個火吾好燒到過哂火!⚪️真雪花牛肉雪花油脂分佈得好令,厚薄適中,牛味好重😛⚪️石頭拌飯飯有紅蘿蔔,荳芽,菠菜,肉片同埋一隻半熟蛋係飯面!口感好豐富,配上辣醬好好味仲有香脆既飯焦係底!整體方面:2個人真係吾夠膽點太多,所以叫左2份肉同1個主食💁🏻‍♀️而且單點可以點自己中意食既,價錢都合理,份量岩岩好,食到一半可以配上生菜食,就唔會咁膩🙈而且仲有泡菜,醃荳芽,醃蘿蔔中和返油膩既感覺,爐邊蛋有泡菜同芝士二款,好滑好香,好滿足!…Read More

個人同男朋友認為，係多間喜來稀肉分店中，銅鑼灣分店係最好食😋，我地平均一個月食一次，應該食左不下十次😂。由地鐵站A出口，經時代廣場，再穿過錶鋪巷仔，便可輕鬆到達。喜來稀肉既泡菜同爐邊蛋係我同男朋友最愛。有時口痕，甚至會係喜來買外賣，買一盒泡菜返屋企食。佢既泡菜醃得好入味，偏辣不酸，非常合我口味～今日又refill左4次泡菜，非常滿足😬😬😬男朋友中意食左邊既芝士蛋，而我就中意食右邊既泡菜蛋，甜甜酸酸，大家各有所好，不用爭😂真雪花牛肉❄️ $200牛肉雪花望上去就好靚，每邊燒一燒，基本上已熟。牛肉食落去係一貫既又軟又腍，但奇怪既係今次牛肉少了牛味，即使點左調味料，依然係無咩味道......之前食左幾次都好高質，今次明顯比之前遜息左不少，有啲小失望🙍🏻辣護心肉 $160護心肉經醃製後，非常入味，味道很甜，不太覺得辣，燒後脆口，且不覺膩。每次必叫既飲品都係 西柚汽水🥤 $35藍色檸檬🍋汽水 $35雖然只係叫左兩碟肉+野飲，但都好飽飽～始終肉唔食得多，加上仲有泡菜同爐邊蛋都咁好食😍…Read More

今年因為同朋友去日本旅遊，所以未能安排之前一年一度的暑期韓國之旅。為左慰藉老婆哈韓的心情，係日本返黎之後我立刻安排同佢去銅鑼灣食返餐韓式烤肉，一齊回味一下韓國美食的味道。😋喜來稀肉係其中一間老婆最愛的韓式烤肉店，前幾年尖沙咀剛剛開店時雖然要大排長龍都同佢食過，而家因為分店多左，今次去唔駛排隊都有位。銅鑼灣呢間喜來稀肉分店係登龍街，由時代廣場行巷仔過去好近。😙餐廳裝修好有韓式風格, 抽風做得幾好, 店內唔會好煙。座位好寬敞, 枱與枱之間距離都遠。老婆鍾意喜來稀肉其中一個原因就係佢d生菜同烤蛋, 每次食都要refill幾次芝士烤蛋。生菜好爽脆, 夾住烤肉食既可以解膩口感又清新。配菜唔算好多, 不過味道唔錯而且店員refill得好快。餐牌食物種類好似多過之前, 除左烤肉仲有好多韓式熟食選擇, 不過來到喜來稀肉我地當然主要點烤肉啦。我地點左2牛2豬加個飯, 一於捧住個肚走。😁真雪花牛肉我地第一次點, 單單賣相已經好吸引, 脂肪分佈好均勻, 只需每邊烤一次烤至微微香脆, 入口油脂感十足, 肉質軟腍。👍另一款牛肉當然要點喜來烤肉啦, 基本上每次黎我都必點, 呢款烤肉比雪花牛薄, 調味汁非常入味, 每邊烤20秒左右已可以, 味道濃郁而且有好多片。👍因為老婆唔可以食太多牛肉, 所以豬肉我地都點左2款。呢款喜來五花肉配特製醬汁非常適合用黎做烤肉, 烤好之後外層香脆入口鬆軟, 兩個人食份量剛剛好。😗另一款豬我地點左去喜來稀肉必點的護心肉, 雖然賣相不及其他烤肉, 但論味道我覺得最好食係佢。護心肉比較有嚼勁, 醬汁好入味而且入口唔會太油膩, 不需沾其他調味料都好夠味。😋除左烤肉我地仲點左一客魚籽石頭鍋拌飯，魚籽超多，配搭埋紫菜，入口啖啖都卜卜脆，好好食。由於老婆唔太喜歡凍飲, 我只點左一杯柚子汽水, 杯柚子汽水好多柚子肉, 唔太甜, 食烤肉飲佢都唔錯。餐廳環境餐牌…Read More

呢間位置比較隱閉，要係啲小巷先搵到。但成間店地方都幾大，唔會好逼，環境幾舒服，唔會大陣油煙味。 食物方面：真雪花牛肉$200 ，大約有12片，唔算薄，入口有陣陣牛味同油脂味。 牛舌，份量都幾多同大片，色澤幾好，頗薄，唔會好韌，份量可以for 3、4人。呢碟好味，如果冇記錯應該是牛五花$150，份量都好多，可以3、4個人食。 重牛味，唔會韌，加埋碟伴菜食仲好味。 護心肉，其實係豬肉，出奇地好味，值得推薦，薄片，肉味幾香。 蔥餅，好大碟，可以for 4人享用，好大片，十分足料，香口，唔會好干身，因為入面有好多蔥同海鮮，推薦！！另外，佢呢個配菜好好味，唔會辣，有生菜絲，洋蔥，同紅色既醬，睇落好似好辣甘，但其實唔辣的，好香口，加埋啲肉一齊食，味道會豐富啲。 環境又大又舒服，枱與枱之間有空間，唔會好逼。…Read More

viuTV 帶來新一輪的韓劇熱潮，如果有看過＂太陽的後裔＂ ，可能有興趣知道劉大尉等軍人喝酒三日三夜之拍攝場地在那兒，原來是在韓國知名連鎖燒烤店＂喜來稀肉＂，這家過江龍當然把握宣傳機會，香港的店，我到訪的是登龍街新店，大門外貼上劇照，最玩嘢是在上一樓的途中，放上一巨形招牌劇照紙牌，粉絲可以在紙牌旁配合，拍張由宋仲基替自己綁鞋帶的照片，幻想自己有個十分十美的男友！哈哈！我也特別配合，穿著了適在外工作的衣鞋，照樣拍了一張，似嗎？登龍街的新店，佔了兩層位置，其實地下一層面積亦不細，奇怪地，餐廳沒有地盡其用，佈置如肉庫，只以作放雜物，用膳者需移玉步上一樓。樓上的舗，面積頗大而且非常寛敞，在香港食肆中，真是少有如此大的空間，木桌鋼煙筒，冷暖交錯的主色調，燈火陰暗，有些冷的感覺，也許刻意營造中和燒烤之熱。牆壁上並無任何裝飾，只重覆掛上牛丶豬肉部位的立體分解圖及店名的標誌。客人未坐下來，服務員先把基本食用品放在桌子上。例如三款可以無限添加的前菜，包括泡菜丶酸洋蔥及辣醬沙律，亦備有三款醬汁，燒烤汁及兩款辣醬。三款前菜皆新鮮汁豐，但並不怎麼樣辣，已調至香港人口味。室溫涼水及加了少許素菜的清湯。筷子丶小匙等用具可以自行在櫃筒內取。坐椅可揭蓋藏下手袋衣物免得沾油煙；亦附上紙圍裙減低穿著衣物沾油的機會。如果需要找侍應，可以按鐘。未幾，侍應替我們開爐，在爐上放下一粒肥膏，以溶化脂肪減低烤肉過焦之機會；並倒入蛋漿。厚厚的餐牌，圖文並茂各款肉食，並附上指引＂要如何烤出好吃的肉＂及＂牛豬解剖圖＂，有參考價值；但最有趣要建議男士為女士服務，理據是燒烤需要相當體力，亦是紳士風度，我當然提醒身邊的男士們啦！到喜來，不可能不吃元祖護心肉，這個肝與橫隔膜之間的嫩肉，物以罕為貴，人類真是食得刁鑽！有原味及辣兩款。烤肉亦不可以缺牛，喜來烤肉丶真雪花牛肉及牛肋骨肉是最多人選的；尚有一款生牛肉，似乎亦值得試。壹頭豬及壹頭牛這兩款套餐，算過就知道實惠，各有五款肉，而且更包括兩款飲品。人多好辦事，我們一伙人套餐及散點皆選了，吃得真的不少。蛋伴生牛肉 牛肉切了粗條，加了一只生雞蛋丶白芝麻及切條梨子，如一般吃法，全部材料混合一起，牛肉也許預先以梨汁醃過，果糖起的化學作用令生牛肉更鬆軟，粗身有嚼勁，香嫩濕潤，微甜討好，水準不俗，但可以更好，大路做法，對辦無驚喜。護心肉 招牌必食的肉，取自豬的横膈膜與肝之間的肉，每隻豬只有200g，非常矜貴，非一般豬肉可以媲美。切成長椎形狀，每件有些厚度，帶脂肪，色澤並不完全紅潤，也許是氧化作用，跟月前在灣仔分店光顧的質素稍遜，詢問之下，此乃來自美國的豬肉，因為韓國肉是不出口的。爐上烤顏色轉變快，烤至焦香不難，入口香嫩如梅肉，口感肥瘦交替，咀嚼興鬆。辣護心肉 以韓式辣醬醃味，口感當然不同，增加了香辣的層次，刺激味蕾，也許已調較了港人口味，並非十分辣，但這個辣，是慢慢在回甘透出來的；溫馨提示，沾了醬的肉特別容易烤焦，要多花心思！喜來五花腩配特製醬汁 完全不辣，富輕輕鹹香的特色醬汁，見賣相已經知道肥美，但慢慢烤，熱力會把多餘脂肪溶化而去掉，口感惹味鬆軟，魔鬼誘惑，有吃用的快感。真雪花牛肉 色澤鮮紅，完全不經醃製，務必是新鮮上乘貨，身上脂肪分佈淩亂但豐富，放上烤爐一灼即熟，翻一翻可吃，深的紋理上藏了脂肪及肉汁，味道濃郁且更能品嚐到真正的肉香，而且油香十足，教人回味無窮。壹頭牛二人套餐份量可不能看少，二人套餐相信可足夠3人吃，五款牛肉包括喜來烤肉丶牛五花丶特級牛頸肉丶牛肋骨肉及調味牛排骨。富花狀賣相的是喜來烤肉，鎮店人氣之選，見外形已令人心動，加上嫩滑的牛肉再經過祕製醬料醃製，令肉質更添惹味甘香，調味真的出色。牛五花的份量供應最多，烤熟後，脂肪依然明顯，我覺得過肥膩了。烤出的油份豐富，因此我喜歡以生菜包著，添些酸洋蔥同吃，有助減膩。五款肉中我最欣賞厚切的牛頸肉，脂肪分佈最佳，口感最好。水冷麵 韓國人在吃烤肉之後，都會吃碗水冷麵以中和香濃的肉味，從前未有留意，試過方知非常匹配。這裡的水冷麵不但麵條彈牙，而且湯底清新宜人，酸甜味香，豐富的果汁感覺，頓時涼快，相比喝一杯真正果汁更討好，完美句號。米汁 在韓國桑拿蒸過之後，一般送上的飲料，加進糖的米汁如有米香無果味的果汁，亦如無酒精的涼米酒。桃子汁韓國飲料，甜度高，加冰飲效果更佳。大家一面燒烤，一面談韓劇，燒烤氣氛非常好，環境寛敞，暢談無礙，員工主動換爐頭及增添生菜小吃，十分有效率，抽油煙效果亦佳，唯欠新店酒牌未批，大家只好乖乖以水代酒，並需留意用膳限一小時半。…Read More

在云云韓國菜式中, 自己十分喜歡食燒肉。那種啖啖肉的滿足感, 不是泡菜和粉絲可媲美。給拉麵店稱霸了的登龍街, 萬綠叢中, 新開了間韓式燒肉, 就是在荃灣, 旺角和尖沙咀亦有分店的“喜來稀肉”。每次經過金巴利道的分店都打消光顧的念頭, 因為排隊的人龍實在太恐佈了!心想分店剛剛開, 應該不會有太多人知道吧, 就趁平日晚上六點多碰碰運氣, 果然不見長長的人龍, 更不用等得太久便可入座, 非常幸運呢!佔地兩層的食店, 樓下是接待及等候區。 樓上為進食區, 座位與座位之間非常寬敞, 坐得非常舒服。 不過以香港寸金呎土的租金, 其實可以再坐密一點也不成問題呢。打開了一整排窗戶, 晚上確是舒服, 令油煙不會太侷促。以水泥及深木為主的環境中, 不乏細緻的裝飾。店員以韓國人居多, 較地道又有氣氛, 即使以英文溝通也可以。未點菜已先來幾碟前菜: 醬醃芽菜, 自家泡菜和醃製洋蔥絲, 更有一碗芽菜湯和一籃新鮮生菜。而且是可以無限添加呢! 其中泡菜味道濃郁不是太辣, 爽口好味! 接著店員將蛋漿倒進爐邊, 兩邊用來烤爐邊蛋, 一邊用來烤蒜頭。豬護心肉 $150燒肉店主打的是護心肉, 200g一碟的護心肉, 份量頗多, 經過燒烤, 散發陣陣豬香味, 肉質有彈性又帶嚼口, 稍稍醃過, 不用沾上醬汁已好好味, "稀肉"果然是必點!喜來五花肉配秘製醬汁 $120一碟三塊的五花肉, 原來已有150g的重量。比起其他韓式燒肉店, 喜來稀肉的五花肉是較為薄身, 而且脂肪含量亦較多, 不過大火燒過後將肥膏迫了出來, 變得爽口, 還算是不錯。如果略嫌燒過後的五花肉還是肥膩, 可以用生菜加上生蒜捲著來吃, 自我感覺健康點。真雪花牛肉 $200150g的真雪花牛肉, 雪花分佈得平均。吃落牛味較為一般, 不算太突出, 不過肉質腍軟細嫩。牛肉沒有醃製過, 味道要用其他配料或醬汁搭救。牛五花 $150薄薄一片的牛五花, 雖然是呈半肥瘦的狀態, 燒過後這些脂肪令牛味更香濃, 加上薄切好快燒熟, 肉質嫩滑彈牙。牛五花本身已有醃製的醬汁好入味, 不用沾上其他醬料已經非常之好好味。夾上泡菜一同進食更加一流, 不愧是招牌菜, 推介推介!!牛舌 $140牛舌鋪滿一整碟, 同樣用醬汁醃製過, 所以燒過後與牛五花很像樣, 雖然是爽口, 不過帶有小小牛膻味, 醬汁也蓋不了。爐邊蛋分了有加泡菜和沒加泡菜, 泡菜跟烤蛋當然是美味配搭, 不過沒有加上泡菜的烤蛋, 同樣是烤得香口滿有蛋味, 不錯!初飲初樂柚子味燒酒 $80吃燒肉不離要喝一杯燒酒! 燒肉店有提供韓國燒酒牌子 - 初飲初樂的柚子味, 淡淡的不太嗆喉, 比米酒易飲又易入口, 女生會喜歡。吃過熱騰騰的燒肉再來一杯冰凍燒酒, 簡直爽呀! 不過酒精含量差不多有20%, 真的要量力而飲, 否則好易hangover啊!可能店是新開, 燒爐的火力好強勁, 調較至最細火肉類都好快熟, 要小心火喉啊。打開了窗戶雖可通風一點, 不過冷氣變相要再開大一點, 燒爐上的獨立抽風機也要加強, 始終面對著強力而熱烘烘的火爐, 面上的油份和汗水都跑了出來呢! 喜來稀肉的燒肉很有水準, 個半鐘的用餐時間, 令嘴巴和肚子都非常滿足, 難怪每間分店都迫滿人龍。建議可以仿效韓國本土的燒肉店, 增設衣物噴劑, 令食客飽嚐燒肉後也可無聲無息。…Read More

近年韓流襲港, 好多韓式食店相繼出現, 早前我地去了位於銅鑼灣的喜來稀肉食晚飯.一踏入店內, 見到一條長長樓梯. 而在當眼位置見到近期大熱的韓劇<太陽的後裔>的紙牌, 原來同劉大尉合照, 並放上facebook, 可以得到飲品一杯.上到樓上, 怖置簡單為主, 我最鍾意位與位之間夠寛闊, 不用迫着食飯, 這樣舒服好多.坐下後, 店員先奉上三款前菜, 包括泡菜, 洋蒽, 豆醬芽菜, 可惜其中兩款是辣, 不太啱我食. 另外有生菜, 芽菜湯. 這些全部可以無限添加.也有三款醬汁俾客人點肉時用.這裡的種類不太多, 主要以牛肉和豬肉為主. 熟食就有湯, 水冷麵等.我地兩個都是愛食牛肉, 所以點了其中幾款, 包括真雪花牛肉, 喜來稀肉, 調味牛護心肉和牛舌.真雪花牛肉.牛肉色澤是偏粉紅色, 而且雪花分怖好平均, 非常靚.第一時間燒來食.牛肉非常鬆軟和嫩滑, 這個就甘食不點醬汁, 原汁原味已經好味, 牛味不會太重. 喜來稀肉.上枱時已被佢的賣相所吸引, 卷成一朵玫瑰花.這個牛肉非常薄身,所以好快就熟. 即使食全熟的我, 也唔會覺得硬和乾.這個口感和真雪花牛肉不同, 多一點口感.牛舌.我自己好鍾意食牛舌, 所以每次食燒烤必定點.這裡的牛舌是薄而大片.牛舌帶點咬口, 但唔會過硬, 我會點醬汁一齊食.調味牛護心肉.平日燒烤, 較少食到牛護心肉, 所以點來試下.這個和其他牛肉好不同, 一燒就已經聞到好勁的牛味.相對於雪花牛肉和喜來稀肉, 牛護心肉最有咬口, 口感十足, 但又唔會過硬,而且牛味最濃郁.一口氣食了多款肉類, 要飲湯中和一下, 由於我唔食得辣, 所以點了青口湯.上枱後, 試了一口湯, 我發覺原來這個青口湯也是辣, 感覺似胡椒湯, 幸好還算可以接受.青口的數量也不少,有成十二隻.青口肉質幾彈牙和爽口, 愛食青口的朋友可以一試.…Read More

因為"太陽的後裔"oppa效應，對呢間韓燒睇高左一線 來到登龍街新開分店，無很多人，反而坐得很舒服。點了招牌豬心肉，真雪花牛肉，辣海鮮麵，生牛肉湯麵。真要讚一下個豬心肉，我哋不停夾去燒，夾極都仲有，好抵食！真雪花牛肉亦燒得好香，多汁 爐邊蛋亦用泡菜醃得好好味 頗喜歡每檯的抽氣系統，食完都唔會成身燒野食味道 …Read More

自喜來稀肉在港開店以來，加上韓風熱潮，一直都很想很想到來大吃一頓！可惜過去不是朋友無興趣，就是怕要苦苦等位，總之就總是緣慳一面。原來喜來稀肉悄悄登陸了美食雲集的登龍街，再次鈎起了我的心癮。不管了！死拉著好友來吧來吧來吧！由軒尼詩道走著，一轉入登龍街就看到喜來稀肉的招牌，走前兩部走是它的光猛門面！走進去拾級而上，先會看到牆上的一隻大肥豬，寫上不同部位的豬肉。望進去，店子面積頗大，座位闊落，很有空間感；有方桌，也有圓桌，無論是一大班朋友聚會或是兩小口子約會，都是不錯的選擇！另一方面，除了抽風機和冷氣，店內亦有不少窗，令空氣更流通。翻開Menu，真是眼花繚亂！豬肉、牛肉種類很多，亦有套餐，及其他湯品、飯、麵。不管了！難得一場來到，套餐豈能滿足我的慾望！一於豁出去，keep fit 大計暫時拋諸腦後，豬、牛各叫兩款，加上一些蔬菜、麵類，硬要好友捨命陪君子，大吃一頓！店員一開始會用肥膏起爐，防止痴底；同時在爐邊加入蛋漿，一邊燒肉時透過爐的熱力煮熟。這個蛋漿真的不得了！剛熟時口感滑，煮耐了蛋皮會變得脆口而不會焦。開始燒肉前，先來一點前菜開一開胃。前菜有三款，分別是泡菜、芽菜生菜、洋蔥圈，當中的泡菜辣得過癮！燒肉醬也是三款，最愛的是紅色的那款，味道豐富帶辣，配上烤肉非常野味。事不宜遲！來重點，烤肉吧！ 護心肉 $150護心肉應該是喜來烤肉的人氣招牌菜！護心肉位於肝與橫隔膜之間，一頭豬只有二三百克，非常珍貴。護心肉切成條狀，大概2cm厚。肉要在爐上快炒，不然會外熟內生。護心肉的肉質嫩但同時彈牙，一時煮得過火也不會韌。多肉汁，豐富的鎖在肉中；豬味香且重，而且味道獨特，果然是招牌菜！ 喜來五花肉配特製醬汁這個肉最出色之處是其特製醬汁，甜甜的十分野味！肉切得厚，兩面慢慢的翻著翻著燒。肉質爽口帶嚼勁，脂肪比例頗高，所以亦有點軟軟的口感。但是其中一兩片的肥肉比例略嫌過高，四成是脂肪呢～吃著真有罪惡感。 烤蔬菜盤吃過豬肉，中場休息吃吃蔬菜中和一下油膩。蔬菜盤的蔬菜種類挺多，有生菜、西蘭花、南瓜、洋蔥、薯仔片、冬菇、菇。蔬菜不同肉類有肉汁，燒出來我質地會較乾，但可以吃到比較原始的蔬菜青草味。 真雪花牛肉雪花牛的脂肪紋路很美，肥瘦均勻。牛切得有點厚度，牛味濃而且油脂味香。耐心的慢慢將牛肉烤得外面香口，而中間剛熟，咬下去是軟綿綿的質感，不錯！ 喜來烤肉最後的烤肉，就是跟其店名命名的喜來烤肉！牛肉切成薄薄的一片片，然後堆砌成一朵美美的花，深得女士青睞！拍好照後就要辣手摧花！牛切得很薄，輕輕的在爐上一烤，油脂已經被迫出來，只要兩邊都輕烤一下就可吃了。質地非常嫩滑，脂肪比例高，油脂很香，美味！   水冷麵吃過烤肉後，來個水冷麵cool down一下。麵條質地十分煙韌彈牙，泡在大碗的冰冷湯底。湯底偏甜帶酸，味道豐富；加下蕃茄、青瓜、烚蛋作配料，即使令熱騰騰的自己冷卻下來。拉著好友達成長久的"心願"真的是太興奮了，美食加上殷勤的店員，絕對是愉快的一夜！瘋狂的暴吃過後，接下來就是keep fit 的時候了、加油吧！ …Read More