吞POT 雞煲火鍋.住家菜

營業中

休息中

【尋找鮮魚Fish系列】平時食雞煲火窩，慣左食任食，平料但勝在但量多。今次揀間單點逐碟計嘅，身痕想食靚料了！明明係雞煲店，但我同男友作為魚嘅愛好者，真係好想食鮮魚湯，就叫左鮮魚湯底。黎到係白色㗎！！ 雖然無魚塊喺入面，但一飲落就好濃嘅魚湯味！正。推介脆鯇魚片，好爽口，不要煮太耐！另外佢個炸魚皮都係高質的。魚片，魚皮配魚湯，真係岩哂鍾意食魚嘅朋友。我哋仲叫左廣島蠔，皇帝菜，三色滑（蝦滑，魚滑同墨魚滑），都唔錯。好想提下佢個醬料盤，我無意中揀左佢個唔知係沙茶定XO醬，超好食！有蝦香，雖然魚湯唔駛要咁濃嘅醬，但真係忍唔住一點再點！大家記得試！特別一提，食雞煲都想食得有情調的話，可以在預約時要求店員盡量安排近窗邊位置呢～ 因為食店在高處，晚上時可以鳥瞰旺角。夜景+雞煲，真係少有嘅combination。

Openrice book枱功能太方便啦. 一星期前預約左，晚飯當日電話confirm booking. 7點黎到嘅時候都坐滿左. 我地七點食到十一點，店員完全無催趕我地走. 所以黎傾計好適合！十全大寶丸牛肉丸入面有芝士，最驚喜同好食. 其他四款係正常口味，不過我就覺得口感比較散，唔夠彈牙餃餃陣因為我地烚耐左，所以熟到有d散. 牛頸脊有牛味，又唔會太”un”皇帝菜 好新鮮同又好香 鱔片朋友話好味，配個麻辣湯好正魚皮就咁食有少少太咸，用個芫茜皮蛋湯洗一洗就岩岩好金菇，南瓜就正常口飲品就咸檸七同凍檸茶（$32/杯），不過就無五花茶個類下火涼茶. 總括黎講都好好味，如果可以係佢優惠時段去食就好啦😆😆😆順帶一提，用匯豐信用卡八八折

好耐都冇同老竇食嘢，老竇最鍾意就係打邊爐，又唔鍾意去遠嘅地方，於是就近近地搵左旺角嘅呢間吞pot。去到23樓一開lift就見到佢嗰一缸龍吐珠風水魚，d魚靚之餘缸水又好乾淨，睇黎老細好有心機養魚。坐低嗰陣時都係6點幾左右，見到佢七點半前埋單有半價，於是就問吓個侍應，跟手就即刻幫我地mark低咗可享半價。於是乎我哋就快快手落好單。見到隔離有枱叫咗個牛肉，中間好似有朵花咁，望落又唔會太肥，於是就問下侍應，原來嗰個就係特級美國肥牛。上到枱碟牛又真係唔係好肥，啱晒我哋鍾意食瘦嘅人。而且肉味濃郁，焯佢8至10秒食就最嫩滑可口。美國桶蠔一碟有五隻，全部都大大隻，掌握好時間滾至啱啱熟，咬落去鮮甜得來又多汁，仲一啲都唔腥，連平時唔鍾意食生蠔嘅女朋友都食到唔停到口。佢個爆芝響鈴都幾特別，淥2秒左右拎返上嚟，既脆又軟，中間嘅芝士流心般流出嚟，估唔到嘅係芝士同響鈴都好夾，一d都唔會太溜，我自己一個就食晒三件。蜂巢豆腐索吸左啲湯汁都好好味，再加上皇帝菜好新鮮，三個人食咗兩碟好快就清晒。結果我哋三扒兩撥好快就7點3左右已經食晒，有半價咁抵，下次可以約埋成屋人一齊再食過。

近排天氣開始涼涼地，邊爐鬼又係時候出動啦趁住娘親去咗旅行，就同男朋友約埋老竇一齊去大快朵頤。我哋一早訂咗位，六點鐘嚟到嘅時候發現全場已經八成滿，一問之下原來七點半離座，火鍋配料同小食都有半價優惠，頓時即刻心心眼呢度唔止有得打邊爐，原來仲有雞煲供應架！但今晚想食海鮮同牛為主，所以就決定打邊爐慢慢嘆🤫湯底都好有特色，加咗幾轉湯味道依然都keep住，真材實料，要俾個like佢👍🏻見到隔離枱啲牛好靚，一問之下原來只係最平嗰種美國特級肥牛，肥瘦分明，咬落仲好有牛味添，而且份量亦都比我想像大份，抵食👍🏻十全大寶丸係呢度嘅招牌菜之一，當中佢嘅香煎鵝肝蝦丸同埋黃金海膽黑墨丸係我至愛。一人一粒絕對唔夠喉想encore🙊蜂巢豆腐亦係我嘅至愛，可能因為佢索曬嘅湯底香濃嘅雞加螺頭味，所以食落好入味，而且夠曬厚切，兩者配合埋無得輸爆芝響鈴成功投得我家主子歡心我就怕肥所以唔敢試，但見佢新鮮炸起又冇油益味，內裏嘅流心芝士都好juicy，係側邊勁我流晒口水另外仲叫咗羊肉片，相信配麻辣鍋應該會更Lam lam脷呢度嘅皇帝菜好新鮮，唔會有渣，所以我叫咗兩碟，食咁多肉清下腸胃呀嘛Seafood lover襯住半價就梗係要叫

前幾日同左朋友一齊做完瑜珈前，突然好想食雞煲。咁啱朋友前排同同事食飯時食過一間叫呑POT的雞煲餐廳，而且因為雞煲的煲有少少藥膳未，同其實一般雞煲有啲分別，所以我地就揀左呢間餐廳，打電話去BOOK下，睇下仲有無好，真係好彩今日仲有位。呑POT都算易揾，係旺角道轉入太子方向的彌敦道，行前少少就到。一入到餐廳個層，見到門口有雞公仔就知係佢啦，好容易知道已經搵啱。我地居然好好運可以坐到窗口位，因為餐廳位於大廈23樓，可眺望大角咀。吞POT會按人頭每位收醬油10元，但係選擇不少，配料都新鮮，又可接個人喜好揀配料。我地揀了一個香辣雞煲BB辣，因為雞煲之後會預你加湯打邊爐，所以就算係BB辣，都會比較偏辣，但係雞件可口又帶有少少藥膳味道，比較特別。半隻雞兩個人加埋都食左約十件，大細同多少都恰當，可以有位再食埋打邊爐。邊爐食材我地揀左脆肉鯇片、手打四寶丸、皇帝菜，仲有揀了一個炸魚片頭小食。炸魚片頭會配一個甜酸醬，魚片頭脆卜卜好好食，再點埋個醬，味道有D似炸鯪魚球，魚片彈牙，三角形的切割令到四方八面都變得香脆。脆肉鯇片的厚薄適中，焯幾焯就上碟便會剛剛好，加上雞煲味濃，不用加太多醬油也好食和夠味。菜蔬方面就

最近連續幾日陰天, 落毛毛雨, 令到個人都冇咩活力, 突然諗起香噴噴既雞煲同打邊爐即時癮起, 而早排係旺角收到張傳單主sell雞煲+火鍋, 餐廳名令我印象深刻, 叫"吞POP", 於是book定位今晚同舊同學放工後食餐雞煲醒下胃。打邊爐當然要混醬, 醬油 HK$10/位呢度有7款雞煲選擇, 每款亦可自選半隻/一隻雞, 而我地就揀左【香辣雞煲】HK$138/半隻雞雞煲已經預先調味煮好, 一上檯開蓋已經食得, 有火爐滾住, 個汁比較杰, 要快食再加湯打邊爐, 否則好易痴底。雞煲有走辣至大辣不同程度選擇, 而我地就揀左bb辣, 但食得辣既我, 都覺得辣度非bb辣級, 唔食得辣既朋友建議都係走辣。不過雞煲係辣辣地先惹味, 雞煲內有大量洋蔥、半隻雞既雞件, 醃得好入味, 不能煮太耐, 否則雞件冇咁嫩滑。【手打四寶丸】HK$95分別有牛丸、蝦丸、墨魚丸、黑墨丸, 雖然沒有彈牙口感, 墨魚丸中有少少墨魚幼粒增加口感。【自家制鮮蝦雲吞】HK$60雲吞中既蝦雖然不是原隻, 但蝦肉是鮮甜爽口, 雲吞中有淡淡既韭菜味。【脆肉鯇片】HK$58鯇片開邊, 近魚皮位幾爽口【皇帝菜】HK$30色澤嫩綠清甜

吞POT喺23樓全層，一出𨋢就到餐廳唔算好大，但都坐都好多人，仲好闊落嘢食方面，除左雞煲，仲可以淨食火鍋，仲有小食今次嗌左莞茜皮蛋鍋，湯底仲有啲菇，好香四寶丸包括牛丸、蝦丸同埋兩款墨魚丸，全部都好彈牙，值得食頂級雪花肥牛都幾正，唔會太多肥膏，又有肉味，可以一試個人推薦脆肉鯇腩，肉質厚實，又唔多骨，非常好味蜂巢豆腐一共有6塊，全部都切得好厚身，口感煙韌，唔錯響鈴係自家炸，所以擺上枱嘅時候熱辣辣，誠意十足最後皇帝菜份量都好多，兩至三人食啱啱好

平時返工真係好攰，唯有放工食餐好既作補償啦。一打開𨋢門見到大魚缸🐟，有好多大魚游來游去，立即醒神哂～🏙餐廳位於高層23樓，有大塊既落地玻璃可以望到旺角夜景，令我暫時帶走工作既煩躁感。🐔辣酒花螺雞煲 (半隻)🥘 $158叫左BB辣🌶，對我呢D唔太食得辣既人黎講，辣度剛好。雞煲見到好多唔同香料，雞肉夠入味，螺肉份量多，好彈牙，惹味之選。雞煲內既雞食哂後，就可以加湯。平時火鍋必點肥牛，極少食丸，但呢度丸甘有特色，又怕太飽，所以最終選擇棄牛吃丸。🍡🍢十全大寶丸 $132一共有五款，每款兩粒。🦀手打生拆蟹粉墨魚丸：蟹粉生拆，真材實料。🐾手打黑松露墨魚丸：充滿黑松露特殊的香氣，味道唔錯。👑手打黃金海膽黑墨丸：好多墨魚粒，充滿口感，海膽有鮮味。🦐手打香煎鵝肝蝦丸：表層有蝦味，鵝肝餡肥美，鵝肝味道充斥著口腔。🐂手打芝心牛丸：牛味濃郁，配埋香氣濃芝士餡，最好食係呢個。🍴餃餃陣 $88本身想食海中蝦🦐，最後無貨先改餃餃陣。有4款唔同口味既餃：魚皮餃、鮮蝦雲吞、韮菜餃、蟹粉蟹肉雲吞。無乜驚喜，蟹粉蟹肉雲吞較好食。🧀自創爆芝響鈴 $36響鈴係即叫即炸，表層充滿腐竹香味，內裡芝士如噴泉般湧現，超級極度邪惡！但好