米走雞Deluxe

今日約咗朋友去銅鑼灣食飯，朋友提議去米走雞，因為我哋兩個都好耐冇去嗰度食嘞，所以我哋就去嗰度打邊爐。因為之前兩次幫襯都係食佢哋最出名嘅芝士雞煲，所以今次決定試其他湯底。以前我會鍾意食鴛鴦鍋，不過有得揀美人鍋的話，我一定會揀，因為食咗哩個鍋會變美人🤣🤣。我哋叫咗：手切新鮮牛頸脊 - 打邊爐我真係好鍾意食牛頸脊，因為佢真係好重牛味，又唔會好似肥牛咁肥🥰🥰響鈴 - 即叫即炸，好新鮮同埋好脆竹笙墨魚滑 - 見咁特別就叫嚟試吓，又真係幾好食喎，竹笙口感爽，墨魚滑亦都有爽脆嘅口感，所以佢哋好夾!白鱔片 - 白鱔新鮮，如果唔想食鯇魚片，哩個都係一個好嘅選擇烏冬&生菜 - 用美人鍋做湯底的話，呢兩樣咁普通嘅食物都可以食到舔舔脷😋😋總結就係，米走雞嘅打邊爐真係冇得輸！…查看更多

米走雞米走雞，一直都覺得佢好似一個口號咁! 好似我哋平時咁講唔好走寶呀!今日終於可以見識到個寶喺邊， 原來呢一間米走雞係一間雞煲嘅專門店， 嚟米走雞唔食雞煲真係會走寶呀!所以我就揀咗個火焰麻辣雞煲，小辣。 不得不讚呢個火焰雞煲，火焰唔係為咗增加嗰個效果，氣氛，而係將嗰啲雞嘅鮮味揮發出嚟， 好聰明嘅做法。 件件都係啖啖雞脾肉， 肉質唔韌。 白鱔片新鮮，唔會有太多骨。嗌咗啲吸味嘅油麥菜，新鮮爽脆。 仲有健脾嘅山藥， 一睇佢雪白無比就知喺製作過程中用咗方法保持佢嘅新鮮度。 口感係我最想食到嘅少許粉嘅狀態。仲揀咗幾塊寶㖭。由上而下 手打鮮蝦丸食到有原隻蝦， 手打鮮牛丸， 瑤柱鯪魚滑用陳皮提升鯪魚香味， 手打豬肉丸， 手打鮮墨丸有墨魚肉。 粒粒都大大粒，彈牙爽口，材料豐富。 呢個係一個可以拉到絲嘅芝士春卷， 而且又夠熱又脆。加一杯透心涼咸檸7，半個咸檸已香味十足。…查看更多

今日同朋友去買完衫褲跟住就要去醫肚今日上左米走雞去食下雞再打下邊爐先叫左個火焰麻辣雞煲中辣等待期間就混下醬先雞煲到左就台員加辣油點火,成個雞煲著火幾秒,好正呀個雞煲都辣辣地,大部份都係雞脾正呀D配料都好正,大量洋蔥,完全融入辣雞味食辣雞煲梗係要飲返D凍酒解下辣啦食辣野飲青島是常識吧跟住加左清湯再叫左以下食物去打邊爐白鱔片,黑蟹子墨魚滑,芝心丸,紅薯粉白鱔片--好香口既鱔香,爽口彈牙黑蟹子墨魚滑--份量都幾多,慢慢落入去芝心丸--入面D芝士一咬必晒出黎,熱辣辣既芝士好香紅薯粉--配合打邊爐都幾唔錯,吸下D辣味黎食,爽口彈牙…查看更多

說到芝士雞煲，相信各位為食鬼(包括我)都會想起米走雞。它愈開愈多分店，水準有下降嗎？沒有(我有去過兩三間分店啊～)。媽媽想試好久，今晚就帶她來吃。在銅鑼灣這家是deluxe~拉門進去，就看到好多幅畫，環境頗美的。這裡主打黃金芝士雞煲和火焰麻辣雞煲，不想這樣吃的話，選其他火鍋湯底直接打邊爐也可以。黃金芝士雞煲一上來就只看到滿滿的芝士！白色芝士是增量的，這是小量，我想像不到一年前的我是怎樣吃激量芝士的每一塊雞都好大件，夾起來全被芝士溶緊緊包裹，每一日都是香軟芝士和啖啖嫩滑的雞肉~就這樣挑芝士來吃更邪惡。鍋內還有大量洋蔥和紫洋蔥，這樣的配搭也不錯。吃完雞件可選加芝士湯或清湯，由於我們還有大量芝士蓉，所以清湯就好。火鍋先吃肉類~ 澳洲牛舌又紅又薄，跟平常吃的偏啡和粉紅的不同。熟後質感激爽口，我們都意想不到呢，好好咬口的~媽喜歡吃魚就點了份白鱔片，都算頗多片又厚身。白中帶紅的魚肉看起來頗新鮮呢！魚肉質地滑溜，啖啖肉但始終有小骨，吃時要小心啊！丸類是店家自己鮮打的，所以形狀不一呢。墨魚丸爽口彈牙，很好咬口，味道鮮甜，比想像中好吃吃到這裡都頗飽了，不過想試試紅薯粉就點了~ 放湯後麵身變透明，入口順滑又煙靭，飽都抵~其實兩個人吃芝士雞煲有點太多了，只吃雞和芝士那部份已經飽了一半，最好四個人一起分享~…查看更多

今日由灣仔行到銅鑼灣，行到無力氣，需要補充下熱量，見這幾天天氣有點轉涼，一想就想到附近有間雞煲。好彩來得早，要不然要等位。上次在米走雞無吃雞，覺得有點可惜，所以今晚決定試一下火焰麻辣雞煲。因為不能吃太辣，所以選了最低辣度BB辣。雞還是辣的好，滋味點。BB辣對我而言辣度剛剛好。如果還是怕辣，可以早點加清湯變成火鍋湯底。真的有火焰出現的，好神奇。雞煲雖然叫了小煲，但份量十足，所以不用叫太多肉。所以叫了最愛的白鱔片，不會太膩。又叫了手打五寶丸拼盤，有五種味道仼君選擇，每一口都得彈牙。打邊爐當然少不了生根和菜啦！油麥菜和翡翠苗很翠綠，又爽口。汽水是火鍋必備的飲料之。哈哈！今次份量叫得剛剛好，不會因為吃撐了而很辛苦。…查看更多

朋友生日、揾個地方聚一聚，慶祝一下。朋友喜歡打邊邊，相約於米走雞去慶生。餐廳喺銅鑼灣樓上鋪. 地點頗方便。 環境也不錯。座位寬敞，安坐後，就開始order 湯底先。我地五人就 order 一個雞煲，一個沙嗲湯底。個雞煲好正，店員會即席炒兩吓先，香味十足。個雞煲食完可加水打邊邊。吾錯。 打邊邊至愛除左牛，還有𧐢。D𧐢好肥美👍我比較喜歡用白鱔打邊邊。當然吾少得 牛魔王至愛。牛肉脂肪比例均勻。厚薄適中，顏色鮮紅，非常新鮮。除了牛肉，仲有黑豚肉，同様是肉質鮮嫩。餃子同小丸子亦喺打邊邊不能決少。叫左咁多肉，要食番D蔬菜，粟米喺吾錯嘅選擇。今餐很豐盛，大滿足。呢個時候就到蛋糕出塲賀下壽星女囉。…查看更多

火煱對於香港人黎講真係無分凍熱天氣都有捧場客, 就講呢間, 七點鬆D已經坐左差唔多半場客聽個名都估到呢到係主打鷄煲, 好多客都係黎呢度食招牌黃金芝士鷄煲及火焰麻辣鷄煲, 當然仲有其他湯底以供選擇想食咩就係呢張火鍋配料到落單, 選擇種類都有好多, 包括:海河鮮, 肉類, 丸類, 自家手打鮮製類, 蔬菜/菌類, 仲有各類飲品/手工啤酒落好單後, 侍應就會送上各類醬料(醬油費 - $8/位)比你自己混醬雖知道黃金芝士鷄煲同火焰麻辣鷄煲係呢度既招牌菜, 但今晚想火鍋多D, 所以只點左呢度皮蛋芫茜鍋 ($68), 清清地易配搭其他火鍋配料, 呢個湯底材料除左有芫茜皮蛋外, 估唔到仲有紅蘿蔔, 粟米同豆腐, 啖湯除左飲落有芫茜皮蛋味外, 加多點清甜味, 仲可以有多樣配料食下, 幾抵食!白鱔片 ($88), 一客份量普通, 每片魚肉真係片片分明, 只需烚幾烚就可以食得, 幾有鱔既味道, 口感幾滑, 好快就比清碟了!火鍋又點少得唔叫牛(除非係唔食牛肉架姐), 呢度牛肉既選擇都有幾款, 如和牛, 雪花肥牛, 新鮮牛肉等, 個人黎講只鐘情呢款手切新鮮牛頸脊($208/小), 一客排列得相當整齊既牛頸脊"覆蓋"左成個木器, 顏色相當吸引, 由於唔太厚身, 烚10零秒就食得, 肉味夠濃又唔肥膩, 超好味!手打鮮墨丸 ($68), 一客8粒, 粒粒雪白分明, 烚完都唔會走樣, 咬落去只有"彈牙"兩個字即時浮係腦海中, 再食到墨魚粒在內, 手打果然係唔同D!室內冷氣夠強勁, 食得舒服, 侍應反應夠快, 主動加湯收碟, 回頭率又高左!…查看更多

一間非常親切既雞煲店, 令我每次想食雞煲都會出現係呢度, 原因係香港地再搵唔到另一間比米走雞更出色既雞煲店, 所以令我無限 Encore...雖然選擇好多, 不過有某幾款美食就每一次都必點既~~ 例牌先黎混一混醬先, 有芫茜, 蔥, 辣椒, 辣椒醬, 麻醬, 熟蒜同豉油以供選擇~~ 火焰麻辣雞煲 (大) 中辣    HK$188芝士同麻辣雞煲中我地還是揀了麻辣雞煲, 呢度既雞件係採用啖啖肉既雞肶肉, 而且超級滑同惹味, 雞煲內還有芫茜, 洋蔥同辣椒, 不過我唔食莞茜關係, 所以先將佢取開, 之後店員前來燃點火焰, 再加入醬料, 最後撈勻, 香辣既味道撲鼻, 要起筷啦~~ 精選生蠔   HK$88原來呢度都有生蠔食, 之前都無留意, 今次一定要試下!! 味道都唔錯, 夠新鮮又夠甜, 話晒係火鍋店食, 不能跟西餐廳比, 但水準算係甘, 收貨的~~ 手切特級霜降和牛 (大)     HK$368呢度其一必食係霜降和牛, 和牛脂肪比例均勻, 色澤新鮮, 肉質嫩滑, 牛味突出, 放入火鍋中烚至大半熟後品嚐, 濃郁又鮮甜既肉汁係味蕾中散發, 令我一直追食左幾塊~~ 特級霜降和牛粒    HK$188霜降和牛粒味道比和牛片味道更濃郁, 最重要厚厚既肉都無筋, 咬口不錯~~ 白鱔片     HK$88肉質爽脆又無骨, 切後夠薄, 一烚不出數秒即熟, 啱晒急不及待既我呀~~虎蝦      HK$98無蝦不歡既我，點會唔點虎蝦呢?! 呢個d虎蝦都好大隻下, 隻隻都好新鮮, 肉質都好鮮甜同結實彈牙~~哈哈哈中寶    HK$118仲有呢個獨家既哈哈哈中寶 , 大大粒要分幾啖先食得晒呀, 入面有原隻大蝦, 外層就係蝦滑, 面層加上脆卜卜既蝦籽, 超級彈牙, 好特別既火鍋料呀! 一食愛上!!…查看更多

每次出街打邊爐, 都必定試一下每間店既特色湯底, 今晚黎到呢度, 就ORDER左個米走雞自創招牌芝士雞煲! 西式芝士火鍋食得多, 中式芝士火鍋都係第一次食! 先享受中西合璧既芝士雞煲, 再打邊爐~  芝士雞煲仲可以自選芝士份量, 身為芝士腔既我, 當然會點"激量"啦!! 至於醬油方面, 亦提供多款配料混醬湯底其實已經夠哂香濃, 個人覺得唔洗額外既醬料, 都夠哂味)【黃金芝士(細)】HK$158 (2-3人份量)雞肉已預先煮熟, 芝士碎佈滿面, 送上檯開爐等待芝士熱溶就開蓋食得喇! 一開蓋已經聞到好香既芝士味, 金黃色芝士已經令人流哂口水, 芝士偏向杰身, 夾起雞件, 芝士多得把雞件厚厚地包住...濃原芝士香係口中散發, 雞肉嫩滑, 而且雞骨比較細小, 雞肉份量算多...食完雞煲之後, 店員為我地加入芝士湯底 (一般出面餐廳食完雞煲, 都只會加熱水/雞湯再打邊爐), 而呢度係會加入相對雞煲味道既湯底, 令我地今晚食完芝士雞煲之後, 仲可以繼續以芝士湯底打埋邊爐~ 芝士火鍋湯底比雞煲的為稀, 芝士味較雞煲為淡...避免味道太濃而覆蓋火鍋配料本身既味道享受緊芝士雞煲之際, 店員已經為我地準備好火鍋配料:【哈哈蝦中寶】HK$118見到menu上其中一人氣推介, 所以點黎試試. 呢款似乎唔係周圍都可以食到, 類似墨魚滑狀既蝦滑包住一隻蝦, 上面有大量蟹子~ 放入火鍋之前將蟹子輕輕壓實, 蟹子就會黏實~ 蝦滑較林, 但超鮮甜, 包住既蝦亦很爽口...【鵝腸】HK$48鵝腸好爽, 雖然有幾條有肥油連住, 但唔算太多, 可接受...【手切特級霜降和牛】HK$288色澤新鮮鮮紅, 每件和牛厚薄均一...脂肪分佈平均, 放入火鍋中稍為烚至半熟, 鮮甜肉汁在味蕾中散發, 芝士湯底沒有覆蓋牛味, 反而食到淡淡芝士香既和牛, 突然感覺很日式~【手打五寶拼盤】HK$88包括有 豬、牛、墨魚丸、鯪魚球同埋蝦魚... 略有點彈牙, 每款丸都非常鮮甜~ 【鮮炸響鈴】HK$48呢款似乎每檯都必點, 一送到黎幾Surprise, 響鈴大大卷~ 浸入湯底3秒即起, 可以食到湯底精華同內裡脆口口感【黑蟹子墨魚滑】HK$88墨魚滑比較黏, 好輕易就可以黏實黑色既黑蟹子, 墨魚滑一粒粒咁刮入火鍋中, 熟左之後, 入口依然鮮甜而略帶彈牙, 除左蟹子外, 當中仲有d墨魚碎粒, 口感更豐富【白鱔片】HK$88鱔片已被去骨, 切為薄片, 放入湯底稍為烚幾秒即食, 果然新鮮爽甜...…查看更多

我對芝士既鍾愛程度可謂有加無減, 之前係太子食過佢既芝士鷄煲令我念念不忘, 得知香港區有間Deluxe版, 放工後當然要去會一會佢啦!一出升降機就見到門牌指示, 非常易搵!餐紙上列出超多火鍋配料, 鷄煲有火燄麻辣/黃金之士選擇, 亦有"人氣之選"及"芝士配搭" 推介!黃金芝士鷄煲 (小/$158), 身為芝士控的我, 每次黎到呢度都必叫既, 大量洋䓤及芫茜墊底, 芝士好快就被熱熔變成醬汁, 包住嫩滑鷄件, 份量岩岩好夠2人食, 唔會好膩, 食完仲可以叫侍應加清湯再繼續火鍋!火鍋中牛肉之選已經由肥牛轉去食牛頸脊, 呢碟手切新鮮牛頸脊 (小/$208), 小既份量都唔算少喎, 肉色相當鮮艷吸引, 放入湯內烚10秒, 一片肉味濃質感滑既牛頸脊已落入我口裏!白鱔片 ($88), 雪白既魚肉被切成薄片, 果真適合用作火鍋食材, 烚完又唔會變到好細片, 食落味道幾鮮甜!花枝片 ($88), 厚薄度適中, 薄身之餘食起上黎都會有D口感, 偏淡味中但食到佢既原味!呢款由侍應推介既黑松露蟹子魚面 ($138), 好耐都無食過唧魚面, 好玩又好味, 有墨魚粒係裏面, 食落彈牙有咬口, 食時再點少少黑松露蟹子, 鮮味倍增, 果然無介紹錯!欣賞佢呢到蔬菜及菌類有全/份供應, 夠晒彈性, 呢款娃娃菜 (半份/$22), 半份2個人食都好夠, 鮮甜既娃娃菜烚完有芝士湯香味, 仿佛食緊輕量版既"奶油津白"; 而呢碟竹笙 ($42), 用黎索湯食就一流, 食落爽口無怪味, 推介呀!佢呢既飲品選擇都唔少, 凍檸茶沖得幾好飲, 不禁飲完再叫多杯; 侍應服務態度良好, 反應夠快; 抽氣系統都做得幾好, 食完件衫都唔會好大陣火鍋味!…查看更多

小編一直都是前世與雞有仇，無雞🐓不歡之人。 食米線要雞肉，BBQ又必食雞扒雞翼， 「雞，全部都係雞。」簡直就係我座右銘！😂 所以凍冰冰的天氣最適合食暖笠笠的雞煲火鍋了！ 小編之前食過太子的「米走雞」，俾過舔舔舌😋的評分。 得知銅鑼灣開了「米走雞」分店，仲要話係deluxe版，梗係要睇下有幾deluxe啦！🙈  Deluxe果然環境都deluxe d！😳 餐廳裝潢以啡褐色為主， 牆壁上很有格調地掛着Brooklyn Bridge的油畫。  而且餐廳大部份座位都是梳化卡位，每張枱都有獨立電磁爐， 間隔寬敞，坐得舒適，適合情侶二人撐枱腳和一大班朋友gathering。 另外還有免費wifi和充電器提供，服務好周到呀！☺️  米走雞有兩種主打雞煲：「黃金芝士雞煲」和「火焰麻辣雞煲」。 除此之外，還有其他湯底可選擇，例如香濃豬骨湯、惹味沙嗲湯、四川麻辣湯、粟米蕃茄豬骨湯等。 「黃金芝士雞煲」是獨家首創， 今次就同小妹二人撐枱腳，小妹是🧀芝士迷，當然要試下啦～😏 🧀黃金芝士雞煲（小）（$158） 芝士濃度可以自行選擇，芝士迷梗係選激量啦！ 金黃色的秘製芝士醬覆蓋整個雞煲，很吸睛呢！😍😍😍  雞煲除了有雞和芝士作為主角之外， 還有多種配料如洋蔥、芫荽等，令雞煲味道都生色不少。 雖然只是叫左細份，雞件的份量也不少， 而且所有雞件都是厚肉的雞腿斬件。 小編是食肉獸，雞的部位中最愛吃的就是雞腿，因為雞腿肉質最嫩滑，而且必定是啖啖肉。😋 所以雞腿肉為主的雞煲，深得我心呢！😊  🧀芝士味濃郁，又做到拉絲的效果， 再加上雞腿肉質鮮嫩多汁， 芝士迷萬勿錯過！👍🏻 我們把雞吃光光後，便着店員為我們加入黃金色的芝士上湯，準備下半場的火鍋，火鍋配料亦逐一登場😏  火鍋配料種類繁多，由肉類、海鮮、蔬菜及菇菌類、內臟、丸類，粉麵等，一共有60款之多。 值得一讚的是有些配菜還可點半份或全份， 最適合二人撐枱腳、小聚會或想試多種款式食材的為食貓😼。 值得一提的是deluxe還deluxe， 火鍋配料價錢與九龍分店一樣，没有因為deluxe而加價！👍🏻 美國桶蠔（$148） 每次到「米走雞」，必食美國桶蠔！因為真係覺得最抵食！🤗 一份有四、五隻「巨型」桶蠔，每隻都有一隻手掌咁大✋🏻。  只睇貝柱就有成粒波子咁大，就知道桶蠔絕對唔惹小😏！ 桶蠔洗得乾淨，沒有多餘的腥味或酸味， 肉質鮮甜肥美，一放入口，好幸福啊！☺️  手切特級霜降和牛（小）（$288） 不愧為霜降和牛 ！😳 牛肉油花分佈均勻密集，如同雪花般的美麗， 由於油花極多，只需涮一涮，涮至變色便可。  火鍋高溫將和牛瞬間涮熟，把肉汁徹底鎖住， 入口即化，而且牛味濃郁，肉質細嫩軟腍， 以其上等質素，一份份量有幾十塊，性價比很高 ！😋 白鱔片（$88） 一份有十片，厚薄切得剛好，份量又十足！  小編不懂得吃多骨的魚，而白鱔片沒有半點魚骨，就最適合不過了。 白鱔片爽脆彈牙，有嚼勁的口感， 最重要的是新鮮，不會有魚腥味，愛吃魚的必試啊😼！ 謹記白鱔片只需涮20-30秒左右，看到魚肉捲起來便可以吃，涮太久的話，魚肉就會變得太韌。 哈哈蝦中寶（$118） 自從第一次去「米走雞」，蝦中寶就是每次必點。😏 晶瑩剔透的蝦膠，混入了大量蟹籽、芹菜和原隻中蝦，用料十足，絕不馬虎！  蝦膠焯熟後，仍然保持着鮮蝦彈牙有嚼勁的口感， 同時又食到脆卜卜的蟹籽，多重口感， 味道又滋味，食到停唔到口，令小編一試便迷上😋。 黑松露魚麵（$138） 細過成日見到魚麵廣告就好想食， 因為有得玩又有得食，難得見到「米走雞」有自家製的黑松露魚麵，當然要試下啦！ 店家自家製黑松露魚麵，用墨魚滑混合了黑松露醬，未食就已經聞到好香的松露味。😌  唧唧唧，涮涮涮之後， 魚麵彈牙可口，黑松露味道十足， 拌上旁邊的秘製松露蟹籽醬，味道和層次感更上一層樓呢～😋  小編就最喜歡食雞煲飲杯咸檸七（$16）gur gur佢。餐廳飲品價格都算合理，不會定價太高。  整體來說， 小編覺得「米走雞」芝士雞煲很滋味又啖啖肉， 火鍋配料又真材實料，價格合理，性價比很高呢！ 其中每次都令我十分滿足的美國桶蠔真的值得一試啊！😋 另外，有些火鍋配料還可點半份或全份，適合大小聚會。二人撐枱腳點半份得，家庭聚會或大夥兒點全份都得！😎 「米走雞Deluxe」食得招積，又坐得舒適， 所以話，未食過「米走雞」真係會「走雞」呢！😂 …查看更多

當芝士遇上雞 當小妹既最愛遇上米飯班主既最愛 錦後果係咩？當然係要去食啦米走雞一直好hit 但住港島既小妹一直都未有機會試 Finally 米走雞deluxe 終於登陸港島 港島人有福了 辛苦了好一陣子 那當然要擦餐勁稿想一下自己八點多來到 好多枱都在打邊爐非常熱鬧 不過話明deluxe 當然裝修豪啲啦 牆身掛了幾幅油畫 裝修華麗得黎又不失溫馨 即使坐滿了也不會擠而且仲有強勁wif，充電器提供除左招牌芝士雞煲 仲有麻辣雞煲可以選擇 岩曬唔好芝士既食家亦有不少配料可以選擇 除左基本款 仲有米走雞自創 好似蝦中寶黑松露魚麵等基本款仲可以半份半份甘嗌即使係人數少都可以食多啲款最後我們選擇了 芝士雞煲, 手切特級霜降牛肉, 哈哈蝦中煲黑松露魚麵 ,美國桶蠔 ,白鱔片芝士雞煲 雞煲加入了大量洋蔥 令味道更鮮甜 激多芝士已且仲有拉絲既效果 芝士味頗香濃帶微甜,非常滋味而嚿嚿都係雞脾肉 啖啖肉盡是滋味食完就係加湯打邊爐 加既係芝士湯而唔係普通雞湯 所以加左湯後湯底亦能保持芝味手切特級霜降牛肉牛肉無論色澤紋理都好靚 肉質而且非常嫩,牛肉味濃無筋 連米飯班主都要同小妹搶 白鱔片魚厚度適中而且新鮮唔腥 魚肉結實煮久亦唔會爛 美國桶蠔 138的價錢就有六隻大大隻既新鮮桶蠔 蠔鮮甜多汁一啲都唔腥 食完大滿足 哈哈蝦中寶 是這裏其中一個招牌 賣相每一粒都脹卜卜猶如一個個潛水艇 而哩粒並不是普通的蝦膠 而是內有乾坤爽彈的蝦膠入面包著鮮嫩多汁既蝦 上面撒上了蟹籽 大大提升了口感和層次感不過這個非常飽肚 多人share就最好不過黑松露魚麵唧唧唧唧唧唧唧唧唧 記得細過成日見到魚麵廣告就好想食 因為有得玩又有得食 見到哩度有而且仲有黑松露 所以便點了這個 店員一拎上枱就已經聞到好香既松露味 魚麵非常彈牙而且配有另外松露醬蟹籽 增加了味道和層次 總括而言，食物創新而且有質素 價錢信理係打邊爐食雞煲既好地方 不過如果連其他配料都可以半份半份叫就最好不過…查看更多

朋友生日應承左帶佢食好野, 見佢甘鍾意食雞煲, 就帶左佢黎我最鍾意既米走雞食, 銅鑼灣分店比太子分店還要靚, Deluxe 果然係唔同d呀!! 牆上仲掛滿左好多既油畫, 每張枱都有獨立既電磁爐, 而且每個坐位都好闊落, 食都食得舒服d~~選擇應有盡有, 除基本既火鍋料, 仲有d坊間罕有既食材, 絕對滿足晒我地所有既要求~~嘩~ 二人前真係有d過份, 但朋友生日就比籍口自己食盡d佢啦!! 減肥既事永遠都係明天既事!! 黃金芝士雞煲(小)       HK$138點解鍾情呢度既雞煲, 因為只有呢度既雞煲先會全選用雞肶肉, 每件都好大件, 肉質又特別滑, 食落啖啖肉, 出面個d, 每次食都淨返d雞既下欄部位無人食的, 而且呢度既芝士雞煲絕對吸引, 芝士味極濃, 配埋洋蔥既香, 絕對係真材實料, 加也是加芝士湯底, 真係好食到無朋友呀~~手切特級霜降和牛(小)   HK$288呢度既和牛切得夠薄, 脂肪份佈平均, 肉味香濃, 肉質又夠鮮嫩, 份量又啱啱好~~ 花膠                  HK$88女人堅係想吸收多d骨膠源, 無論花膠有定無功效, 係女人眼中總係覺得有, 哈哈!! 所以都係點左, 口感勁滑, 又夠軟身同腍, 好似食左好多膠源BB落肚甘, 哈哈~~美國桶蠔   HK$148好好好大隻呀!! D蠔好鮮甜同好滑, 大到要分開幾啖黎食, 堅正~~黑松露蟹子魚面    HK$138呢個黑松露蟹子魚面又有得玩又有得食, 唧個刻的確幾得意! 呢個面堅彈牙, 又香黑松露味, 配埋個黑松露蟹子醬, 真係食到停唔到口, 必叫的~~白鱔片    HK$88鱔片夠新鮮同爽脆, 又無骨, 火煱料魚類最正都係鱔片~~虎蝦    HK$88虎蝦都超大隻, 有成隻手掌甘長, 肉質新鮮同彈牙, 以呢個價黎講都算優惠呀~~竹笙    HK$38超爽, 吸收埋芝士既咩, 食落更滋味~~ 山藥    HK$38爽得黎腍, 腍得黎又粉粉地, 口感好特別~~ 雜菇併盤    HK$38一兜入面有齊晒冬菇, 金菇, 雞肶菇等, 唔洗分開叫, 每樣食少少, 真心堅滿足, 讚~~咸檸七    HK$14大大杯透心涼既咸檸七, 只賣$14蚊, 加配七喜都係10蚊罐, 火鍋同咸檸七都算Friend底, 都幾夾ga~~呢餐朋友食到反晒艇, 講左多謝超過三次, 話我真係無介紹錯, 同時講左好食超過十次之多, 哈哈~~…查看更多