隨心 (已搬遷) 新店位置

周末去開去開糖廠街睇市集， 就順路去附近搵下食！😂 用openrice search鰂魚涌有咩好食， 就見到「隨心」名列前茅， 所以就試下啦！😏 「隨心」招牌菜係隨心海南雞飯（$85） 雞肉非常嫩滑，外皮富有彈性， 感覺1d都唔肥又唔油膩， 雞件已經全部去骨，食落啖啖肉，正！😋 還可蘸上旁邊嘅醬汁：辣醬、甜豉油、薑蓉一起吃，更添惹味！👍🏾 油飯散發淡淡香味，但唔會太油膩， 平時坊間嘅海南雞飯都係配冬瓜湯， 但呢到配嘅就係杞子雞湯，清甜美味，好味道！☺️ 海鮮喇沙（$85） 一碗喇沙有齊蝦、帆立貝、魚片、蟹柳、蛋、豆卜、芽菜，材料十分豐富！😍 湯底椰香十足，還散發陣陣嘅花生香，微辣惹味， 蝦肉肉質爽彈鮮甜，帆立貝鮮味十足， 蟹柳用上日本貨色，不會容易散開，口感不錯！ 豆卜、芽菜吸晒湯嘅精華，正！😋 馬來西亞🇲🇾肉骨茶（窩）（$98） 馬來西亞與新加坡的肉骨茶各有不同， 馬來西亞是以多種藥材 : 冬菇、玉竹、黨參、當歸、紅棗、甘草、胡椒等熬製， 藥材香十足！😌 伴湯而上還有豬骨，炆煮得軟腍入味， 肉骨茶仲有行氣活血、滋補養生嘅功效， 鐘意食肉骨茶嘅foodie一定要試！😏 旁邊還附

好少食新加坡菜，平時食得最多都係海南雞飯。雖然住港島，但又真係好少搵食搵到去鰂魚涌🤫，今日同男友仔去試下新野。✨d 小食望落都幾有特色，囉喏沙律，黑白蘿蔔糕，參巴雞翼，聽都未聽過😆決定食晒佢～～✨小食拼盤（$68): 有黃金豆腐，囉喏沙律，雞絲海蜇，話梅番石榴。✨黃金豆腐：超熱辣辣！個醬係似麻醬+花生醬，上面灑左d花生碎，又幾特別👍🏻✨囉喏沙律：個醬酸酸地有d 似話梅，入面有青蘋果，沙葛同菠蘿。菠蘿最好食，同個汁好夾好香甜。✨雞絲海蜇：個雞同個海蜇都好入味，正！✨白蘿蔔糕（$48): 原來黑蘿蔔糕係醬油炒，白蘿蔔糕就係加左蛋。未食已經聞到蛋香味🤤，蘿蔔糕係一粒粒厚切， 個蛋勁多蔥花所以好香。兩者加埋味道又幾夾，如果蘿蔔糕可以多d 臘腸臘肉果就更加香口。☺️新年可以自己試下整，不過兩個人食實在太飽肚。✨秋葵濃湯豆腐（$78): 雖然好簡單，但又真係好好飲。個湯我估係魚湯，好清甜又加左d 冬菜。豆腐滑一滑真係超級多，秋葵切開左但又唔會好滑潺潺，又可以偷下師喇🤣🤣🤣 ✨豆腐真係多到食唔晒～✨海南雞飯（$85): 呢個海南雞飯真係差不多枱枱都必點，先食個木耳，撈左d 酸酸地既汁又幾開胃。✨個飯底

去開鰂魚涌搵朋友食飯, 知道海光街多野食就行入去搵下有咩食。朋友想食東南亞野, 見到一間叫隨心既星加坡餐廳, 入面都好多人, 我地就入左去試下啦~我地叫左以下既食物:-海鮮喇沙, 好多料, 湯底好濃郁, 好香椰奶味, 個麵係由米粉同好似瀨粉兩樣溝埋一齊, 食落都幾特別, 又掛湯。白蘿蔔糕, 哩個蘿蔔糕我第一次食, 佢係由蛋同一D韭菜粒一齊炒, 食落蘿蔔糕加埋D炒蛋一齊食多左層次, 另外點埋有少少微辣既森巴醬好夾海南雞加油飯, D雞皮爽肉滑, 雞肉與皮之間仲分離左D骨膠原啫喱出黎。油飯煮得軟硬適中, 唔會好軟, 而且好有雞油香, 好好味!!新加坡肉骨茶, 0岩0岩好夠4碗, 入面有3條排骨同白蘿蔔同冬瓜, 如果佢個肉骨茶可以加多少少胡椒辣會更加好麥皮蝦, 整得好好食, 佢D皮麥炒得好乾身, 而且個調味都好好, 淨係空口食D麥皮都覺得好正, 而D蝦都好大隻啖啖肉。話梅豬軟骨, D豬軟骨炆得好淋好入味, D骨炆到好似牛筋咁, D汁酸酸甜甜用黎送飯好好味炒通菜, D菜炒得好翠綠, 另外佢用左D好似馬拉盞既調味黎炒, 所以好惹味整體黎講D食物好食, 份量亦都大, 適合大班朋友一齊黎食呀!!

隨心在鰂魚涌海光街, 在地鐵站出來過馬路就已經到,方便易搵, 雖然沒有華麗的裝飾, 但餐廳地方企理，環境舒適。海南雞飯招牌海南雞飯上桌時已經去了骨, 雞皮油潤肥美. 質地嫩滑而不削, 油飯色澤微黃, 有濃郁雞味, 質感帶少少黏糯而不油膩。並附有薑蓉、黑醬油和辣椒醬, 無論下飯還是輕輕伴雞肉一起吃都一流!肉⻣茶肉骨茶以黑壺送上，以確保溫度。肉骨茶內裡有冬菇、玉竹、紅棗、黨參、當歸等等，藥材味挺濃, 入口微甘，味道很不錯, 是正宗地道的風味, 每一窩也有三大根肉骨, 與甜醬油一起吃又是另一款味道白蘿蔔糕白蘿蔔糕與雞蛋同煎, 蘿蔔糕夠夠淋, 不會死死實寊 雖然沒有黑醬油的惹味, 但蘿蔔味足, 不會只得蛋味, 一口一啖入味又好食 印度薄餅薄餅即叫即做, 非常香口鬆軟, 配上特製的咖喱汁, 會讓人忘記甚麼叫卡路里, 把餅一口一口的往咀裡送整體來講，食物質素不錯，價錢適中，而且店員服務周到, 是一頓不錯的晚餐。