香港永年車仔麵茶冰廳

營業中

休息中

香港永年車仔麵茶冰廳，位於沙田沙田正街18號新城市廣場一期1樓113號舖。 相信很多港人對永年車仔麵都熟悉， 餐廳以車仔麵揚名， 沙田分店座位舒適， 店員服務有禮。 餐廳除了車仔麵， 亦有不少港式美食可選擇🤤。晚餐🥢 ～ 美國極佳級封門柳$238、 酥皮周打蜆肉魚湯$15 、男神麵 $108 、抹茶紅豆冰 $15、女神面油麵 $108 、奶茶紅豆冰 $15 生菜魚肉 $20、樽仔奶茶$28、樽仔烏龍茶$28。    📍美國極佳級封門柳 ～ 鐵板封門柳五成熟， 淋上香濃惹味的洋蔥汁，口感極為軟嫩，烤起來鎖緊肉汁，每口都有濃厚的牛肉味， 配上 香脆可口的炸麵， 非常美味。 📍酥皮周打蜆肉魚湯 ～ 濃郁忌廉湯與酥皮纏在一起，加上蜆肉鮮味， 口感好creamy。 📍男神麵 ～ 有牛柏葉、牛肚、豬腸、牛丸、牛腩、蘿蔔、時菜，以牛為主， 非常豐富， 最喜歡豬腸口感肥美和Q彈的牛丸， 配上油麵和永年清湯配辣汁， 推介。 📍女神麵 ～ 有鮑汁燜花膠、酸齋、枝竹球、冬菇、紫菜、蘿蔔、時菜， 叫得女神麵， 就當然有女士至愛的厚切花膠，滿滿膠原蛋白又養顏， 仲有酸酸甜甜的酸齋，好開胃，其他配菜都是素食，很適

假日同朋友做完gym, 體力耗盡, 就係沙田新城市廣場搵野食。太耐冇食過車仔麵, 就去咗永年呢間茶餐廳。正好6點轉咗dinner menu, 選擇更多。除了招牌主打嘅車仔麵, 仲有懷舊鐵板餐、滑蛋叉燒系列、番茄豬扒蛋飯等…選擇多多。車仔麵有自選組合套餐, 但如果想豐富、大大碗咩都想要d, 主打三款車仔麵組合就最perfect喇! 可自選麵種同埋調味。永年大碗麵:揀咗油麵, 係極為飽肚嘅一款麵, 湯底濃郁, 配菜豐富, 包括有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、時菜。豬腸厚厚的, 帶些少油脂, 口感爽彈; 豬紅彈滑; 雞翼、雞翼尖同樣好林好入味; 魷魚爽口; 不過魚蛋就唔夠彈牙。男神麵:有齊牛內臟嘅車仔麵, 包括有牛柏葉、牛肚、牛丸、牛腩、豬腸、蘿蔔、時菜;所有配料都索咗湯汁, 好入味。 另外我地仲encore咗個小食---豬三寶包括有豬紅、豬腸、豬皮, 份量都唔少。懷舊鐵板餐質素亦唔差, 鐵板熱辣辣、滋滋聲上檯, 可自選汁醬, 揀咗黑椒汁,淋上去, 散發香噴噴,美國安格斯封門柳: size有手掌般大, 揀咗五成熟, 肉嫩多汁, 肉質有彈性, 配上黑椒汁, 好惹味。另

今日放假同朋友係沙田行完街一齊食晚飯，朋友話想鋸扒，我地揀左呢間永年，有我愛既車仔麵又有朋友想食嘅鋸扒🙌👅男神麵包咗七款餸，好豐盛！😂有四款牛類加豬腸同兩款蔬菜～牛柏葉爽口，牛丸超彈牙！牛腩同牛肚入味夠淋😋蘿蔔清甜無渣，整體水準偏高👍👅牛尾羅宋酥皮湯酥皮熱辣辣有層次🫶🏻羅宋湯好足料！望落有啲稀但係飲落好夠味😇係傳統果種酸酸辣辣既味道，好開胃😋👅美國安格斯封門柳呢度既扒係配炸麵，唔係意粉／飯／薯菜，都幾特別😂炸麵好乾身脆口，唔錯👍封門柳肉質好腍滑juicy，外圍焦香，好好食🤤叫左七成熟個人認為岩岩好～👅奶茶紅豆冰奶茶香滑，茶味突出但唔澀，紅豆夠淋得黎仲好完整有咬口😋我同朋友對於食物同店員服務都好滿意🙌🫶🏻#永年車仔麵 #奶茶紅豆冰 #男神麵 #酥皮湯 #紅豆冰 #鐵板扒 #封門柳 #西冷牛扒 #車仔麵推介 #鋸扒推介

在沙田新城市中心閒逛後在永年用餐點了招牌大碗麵果然不負所望平民食材卻打造出華麗的味蕾盛宴其中豬腸豬紅及豬皮都非常入味吸收掉湯汁的精華後味道濃郁牛腩軟嫩魷魚爽口彈牙配上我最愛的油麵稱得上是黃金配搭朋友的男神麵亦不枉多讓牛栢葉口感有層次咬口亦滿分牛丸吃得出有誠意口感紮實這裡也有港式鐵板餐可供選擇美國安格斯封門柳價值二三八元友人點了一個五成熟安格斯封門柳切開絲亳不費吹灰之力鮮紅肉色比例剛剛好入口只需輕輕嘴嚼便溶化於口腔中味道亦絕對對得起價錢配上脆麵一軟一硬口感登天鐵板餐可配酥皮湯一客酥皮湯表層帶有濃濃牛油香小食點了南乳豬手一份光澤亮麗的外表下肉質亦軟淋入味飲品建議試試特飲紅豆冰奶香四溢甜度適中紅豆亦足料是上乘之作

有外國朋友來港短期工作，特意帶他嚟呢間懷舊港式茶餐廳，就可以食盡多款懷舊茶記美食，實行以茶記嘅價錢、歎盡自助餐嘅享受！😎1. 雜扒餐配永年招牌辣汁 - 鐵板大大份，包括有美國頂級西冷扒（約五安士）、西班牙熟成有骨白毛豬扒（約五安士）、日本名古屋雞扒（約四安士），塊塊厚切、肉嫩多汁！套餐仲有牛油果薯仔蝦沙律同飲品加配，另鐵板附上一碟時令蔬菜，包括有蕃茄粟米西蘭花雜菇，非常足料！2. 男神車仔麵 （$98）- 附八款配料，包括牛柏葉、牛肚、豬腸、牛丸、牛腩、蘿蔔、時菜，另仲可以額外加多款配料，連名貴嘅花膠都有架!3. 話名要品嚐懷舊茶餐廳美食，又點少得瑞士雞翼、蛋撻、菠蘿油同埋西多配雪糕、紅豆冰、奶茶呢，為咗一次過讓外國朋友嘆盡以上港式茶記美食，我就盡地主之道，以自助餐式叫曬所有美食，朋友對於冰火菠蘿油同奶茶紅豆冰特別感興趣呢！除咗美食之外，餐廳嘅環境佈置亦十分講究，猶如置身於兒時既士多！

永年士多車仔麵，我細細個就食😅由元朗總店到而家開到周圍都有分店，佢既車仔麵都真係世一。以前覺得元朗店都排長龍😢點知沙田都係咁多人！今日咁岩晏就經開唔使點排就入左黎食。.🍴永年大碗麵（粗麵）$88有雞翼、雞翼尖、豬紅、豬皮、豬大腸、紅腸、水魷、魚蛋、蘿蔔、時菜，好足料既車仔麵，麵底可以擇好多種麵，個人比較鍾意粗/幼麵，夠爽身。配料方面，必點豬腸蘿蔔，蘿蔔炆到岩岩好，通透得黎又淋身，仲要索晒個湯，豬腸又多又乾淨，真心好味。🍴男神麵（米線） $88牛腩、牛肚、牛柏葉、牛丸、豬腸、蘿蔔、時菜，另加酸齋$9，呢碗又係無敵正，成碗麵都好「佬」feel😅但就係鍾意佢多牛，樣樣野都幾多，仲要必點佢個永年辣汁，真心食到辣先好叫，好惹味得黎真心辣。.跟餐轉特飲+$9，凍飲就+$4，而家有埋港式麵包食，菠蘿包 $10、腸仔包 $8、蛋撻 $6，又估唔到幾高質😅🤣價錢又唔貴，下次可以黎食個包飲杯野都得🙈

平時係元朗食得多嘅永年車仔麵，突然係沙田開一間咁大嘅餐廳。依家已經唔係平時嘅車仔麵，係一間大餐廳。改寫左世人對車仔麵嘅認知。咁大嘅門面，好明顯係比人打卡影相有氣勢成件事高級左，價錢冇點加。人都係照舊多，要等位。不過坐得舒服好多影左幾張menu , 小菜果d 冇影。下次試左再寫食評。男神麵，豬腸，牛柏葉，牛腩，豬紅，牛肚，牛丸，時菜，蘿蔔聽到咁多餸，真係怕怕。食餸都飽。個汁小辣，開胃。特別要講嘅係豬腸，唔臭，洗得乾淨。水準同元朗總店一樣。朋友就醒，叫淨餸，唔要麵。花膠，牛腩，蘿蔔，牛根，冬菇，雞肉都好飽，一個男人食一定飽。d 餸冇野可以挑剔，花膠要加$48, 不過比左起碼3大舊，同高汁。建議大家要加。想食菜就叫左個菜食，水準正常蝦多士，新鮮炸出黎比你。好熱，同好飽滿，比足料你。個湯，唔係普通嘅例湯，飲得出足料，同好夠味。飲完唔口渴試下d 特色野奶茶紅豆冰同綠茶紅豆冰唔會太甜，用細冰，所以可以飲得哂，唔會飲淨好多冰用綠茶同奶茶夠新鮮，相信好多茶就都會抄佢地。永年奶茶咁出名，一定要叫樽仔奶茶，夠哂濃咪。一個完尾嘅句號。

星期日同朋友去新城市廣場食個靚午餐，朋友二話不說就建議去食永年車仔麵，我見好耐都未食過就試下佢啦我地12點幾去到已經見到門口排滿曬人，4人枱要等10張枱，無計，都要等期間研究下佢個menu原來比已前嘅永年多左好多選擇，並唔再係賣車仔麵咁簡單，有常餐、鐵板餐、小菜、滑蛋飯、蛋撻等等嘅選擇，果然現今要求變先有出路呀下研究餐牌完無耐就有位坐啦，佢安排左我地坐係商場通道側根嘅一張枱，所以行商場嘅人係可以零距離咁望見你食野架，哈哈餐廳要scan QR code落單，咁我就揀左男神麵套餐，配料有牛柏葉、牛肚、豬腸、牛丸、牛腩、蘿蔔，都幾大碗下，最鍾意食佢嘅牛肚，夠入味又夠爽口賣單連加一盛惠97蚊，下次想試下佢嘅鐵板餐

又同男朋友試新野，今次去新城市廣場 - 香港永年車仔麵茶冰廳 🤩餐廳佈置充滿香港冰廳、茶餐廳特色，鍾意懷舊嘅朋友應該會好想打卡影相📸️睇到餐牌見到有女神麵同男神麵都好吸引，最後叫咗男神麵試下。配料包括：牛柏葉、牛肚、牛筋、牛丸、牛腩、蘿蔔同埋時菜，而且每款都有一定嘅數量，所以好豐富👍🏻 揀咗粗麵，配上永年BB 辣汁 , BB 辣汁都已經有辣度，完全唔食得辣嘅朋友，選擇清湯比較好 😂另一個就叫咗永年車仔撈粗，揀咗魚蛋、牛腩、墨魚丸同埋紅腸，配清湯，清湯就咁飲都夠晒入味😂 仲要咗一個冰火菠蘿油，塊牛油真係好冰凍，我哋食完成碗車仔麵，佢仲未溶晒😂 勁👍🏻 牛油本身有鹹味，菠蘿包面嘅脆皮都夠鬆脆，好食過其他地方嘅菠蘿油。留意番💁🏻‍♀️ 用餐時間只得一個小時，好彩上菜都上得好快，但大家要食快少少啦 😅😅

早前係永年食過焗豬扒飯，味道唔錯留下左對永年既深刻印象。今日路過沙田又心思思想食永年。今次真真正正叫番碗車仔麵食下，同女朋友每人叫左一個套餐。佢點左永年大碗麵+腐乳通菜+綠茶紅豆冰，而我就揀左男神麵+生菜豬腸+南乳雞翼+凍柚子蜜，另外再加多左個麻辣豬耳絲。上菜效率快絕對係抵讚，啲麵同小食好快就上哂枱，見到成枱都係野食都覺得自己過份左小小，不過真係有啲餓。繼上次食左焗豬，今次就試番佢地既車仔麵，男神麵入面有既你牛為主，牛筋腩，牛丸，牛柏葉等，另外我再加左雞翼同炸魚皮，而辣汁就揀左小辣，味道好就不在話下，所有餸菜既味道好夾，特別要讚既係粒牛丸，好爽口彈牙，絕對唔係一般街市貨色。跟餐小食叫左碗豬大腸，味道一流配埋生菜。南乳雞翼上次食過，今次仍然keep住水準。而女朋友叫既大碗麵就係咩都有，勝在夠份量，每樣有啲，滿足貪心咩都想試既我地，跟餐有碟腐乳通菜，腐乳味十足。最後既小食係麻辣豬耳絲，佢個辣汁好濃而且杰身，夾起豬耳既時候啲汁會痴住係豬耳，所以食落口會覺得好惹味，絕對係今次既新發現。食左咁多野我地兩個飽住離開，好滿足！

最近同朋友傾開，先發覺而家好食嘅車仔麵檔真係愈黎愈少，於是就同朋友去食下車仔麵回味下而家去食飯，都多左餐廳轉左用手機掃QR CODE落單，可以感受到餐廳都跟上科技，咁就唔怕繁忙時間搵唔到職員落單同埋會漏落單同朋友分別叫左 D餐($108)：女神麵 + 蠔油菜心，加配蘿蔔(+$9)，轉抹茶紅豆冰(+$9)、男神麵($88)加配豬手(+$18)、流心蛋(+$9)、豬腸(+$9) 轉抹茶紅豆冰(+$9)、香脆南乳雞翼($28)、懷舊蝦多士($28)、永年辣汁牛腩($38)、樽仔奶茶($28)、土炮大茶飯($48)抹茶紅豆冰：抹茶味道濃厚，唔會過甜，透過食紅豆黎提高甜度同口感，幾好飲樽仔奶茶：飲落去幾香濃又夠滑，港式茶餐廳奶茶水準之上女神麵：D配料夠晒養顏，補充膠原蛋白，有鮑汁燜花膠、豬手、枝竹球、冬菇、紫菜、蘿蔔、時菜，配料夠多，花膠亦都好大塊！至於永年D辣汁絕對唔會失望，今次揀左中辣，食落辣辣地夠晒惹味，同埋辣得黎有層次感男神麵：D配料已經夠多，有牛柏葉、牛肚、牛筋、牛丸、牛腩、蘿蔔、時菜，但因為朋友踢完波關係，所以極之肚餓先再追加幾樣配料，上菜見到咁多料，真係淨係睇都已經夠晒飽夠多餸嘅車

早排去開沙田做完野，見到永年士多係沙田商場逆市開店，餓到扁的我就決定去試試。雖然餐廳唔算顯眼，係商場的一旁，但勝在地方夠晒大。雖然見到門口有人等緊位，我一個人就即刻有得入。門口有個賣雞蛋仔，新鮮麵包及蛋達的角落，係門口已經聞到陣陣的香味。食永年士多，當然係食佢出名的車仔麵啦！餐廳的車仔麵行經典路線，D餸同車仔麵檔差唔多。呢到除了有單點的車仔麵外，仲有將受歡迎的餸放埋一齊的組合。女神麵除了有充漢膠質的豬手外，仲有鮑汁燜花膠，養顏十足！如果大家同我一樣，係一隻無肉不歡的食肉獸，可以同我一樣叫一碗男神麵！呢碗男神麵非常足料。如果想再豐富多少少，可以再額外加餸。麵底有粗幼麵、米粉、烏冬等可以選擇。粗麵比一般的麵店更富有口感，食落又有蛋香，真係唔錯。男神麵內的牛肚牛柏葉入口都好彈牙。牛腩燜得好淋好入味，牛筋都食到個膠質。我一般都唔係好鍾意食白蘿蔔，但呢塊蘿蔔係我食過最甜的蘿蔔，而且入口無榨，口感又夠淋，真係好食！食完個麵就叫左杯野飲，本身見到有樽仔奶茶，點知比我見到有新野：抺茶紅豆冰！紅豆同抺茶呢對日系朋友，竟然係港系的紅豆冰出現！抺茶香而不苦，紅豆的量多，絶對值得一試。見隔離枱食得咁過隱，頂住

車仔麵歷史深入人心，除了價錢平夠大眾化，配料選擇亦多，可以自己選擇星期日入同友人入沙田，見到新開業的永年士多，創新地以男女性別為車仔麵主題，推出男神麵和女神麵永年士多是用QR Code落單的，店員會於入座是給你專屬QRcode，用手機素描即可下單，方便快捷Tiffany同友人一齊，剛好一人一碗我的是男神麵，以牛為主：牛筋、牛肚、牛腩、牛丸以及浸滿湯底精華的焾甜白蘿蔔牛筋已經燜得好入味，夾起來好有質感，是滿滿的膠原蛋白唷因為我們點得是套餐，會跟有小食一入叫了灼清菜，另一份就是經典街頭小食韭菜豬紅，豬紅是完整大大件的，絕不是豬紅碎唷咪睇少我同事‼️小食是冰火波蘿油，皮脆奶香菠蘿包是永年士多自定出品，未入餐廳門口都經已聞到香味，再加塊厚切牛油，牛油夾在熱辣辣菠蘿包中間，一啖入口滋味無窮這裡的樽裝茶都是自家沖調的奶茶香滑醇厚，正啊

My family loves hanging out in Shatin and they are so glad that finally the New Town Plaza has ma Hong Kong style restaurant/ cafe. Wetried the 男神 noodle which the favour was so rich and the beef were soft and tender. The sizzler meat platter was my dad favourite (as always) and my favourite was the special bubble waffle. It was full of favour and texture!

永年士多 源於元朗喺香港有30多年歷史，由小店發展到今日連鎖經營分店遍佈港九，經常大排長龍，堪稱香港經典品牌老字號！我哋今日就去咗 新城市廣場 嘅永年車仔麵茶冰廳！這裏地方寬敞空間感大，有很多卡座。餐廳可用手機 scan QR code點餐，十分方便 。除了招牌車仔麵，仲有其它港式經典美食，懷舊鐵板餐、港式雞蛋仔、樽仔奶茶、餐廳內仲自設麵包工房，新鮮製造面包和蛋撻！招牌男神車仔麵全部都係牛，牛柏葉、牛肚、牛筋、牛丸、牛腩、蘿蔔和菜，喜歡食牛人士至愛。牛柏葉爽嫩有嚼口，牛肚牛味濃郁，牛筋煙韌膠質重，牛丸多汁彈牙，牛腩肥瘦適中炆得腍身入味！招牌女神車仔麵有鮑汁花膠、豬手、支竹球、冬菇、紫菜、蘿蔔和菜，一碗充滿骨膠原的車仔麵。我哋仲額外加了紅腸和魚皮餃，材料 豐富。花膠厚身膠質重稠口。猪手乾淨冇毛，炆煮得腍身入味，柔軟不油膩入口即溶，真是極品！懷舊鐵板燒牛扒鐵板燒 牛味香濃，鐵板烹煮散發陣陣焦香，令人垂涎欲滴！厚切肉汁豐盛，啖啖肉大快朵頤！冰火菠蘿油意猶未盡， 見到新鮮出爐菠蘿包非常吸引，抵受唔住誘惑點了一個。菠蘿包熱辣辣 配上冰凍牛油，慢慢溶解滲透包裏，外脆內順滑、外甜內油香，好食到筆墨難