龍苑中菜廳

媽咪上KKDay 團購咗呢一個大閘蟹宴，一家五口係萬聖節正日岀咗尖沙咀食蟹宴。. 一入到去第一印象係裝修一般，可能酒店都有啲年紀，所以設計同埋裝修都有少少老舊。. 佢哋好快就上咗頭兩道菜，蟹粉小籠包同埋蟹粉燕窩，之後其他菜都上得好快，不過唔係求其一次過隊晒上嚟就算，都有睇住全枱人嘅進度，見你食到咁上下就上下一道。. 作為全家食蟹最慢果個人，要追上其他人嘅速度，同埋菜進度有啲難，但純粹只係我自己個人問題🤣. 值得一提嘅係，唔知係一時失手定係咩原因，第一道蟹粉燕窩好鹹，我媽咪叫咗侍應過嚟話之後啲餸可以少鹽少油，呢個實在太鹹，但係冇退返諗住照食，之後佢見到我哋想自己加水，好主動咁樣走過來話不如幫我哋換咗佢，我哋嗰時都話佢哋幾好，到最後食完成餐，大廚竟然親自走出嚟同我哋講話唔好意思，問我哋今晚其餘啲餸啱唔啱食，滿唔滿意（我哋好滿意），仲送咗一碟炸波波俾我哋食，好香好脆，個紅豆餡甜度剛剛好，非常之咁好食👍🏻👍🏻. 我媽咪走嘅時候特登問佢哋有冇問卷，想讚下樓面侍應同埋大廚，點知原來佢哋冇問卷，俾咗個E-mail我哋，我媽咪返到屋企特登即晚send 咗個email去讚佢哋。…查看更多

又到食大閘蟹季節，一如以往，有很多餐廳都係有推出大閘蟹套餐。經過一輪對比，就覺得龍苑CP值係最高。$583包6道菜。而且，地理位置位於尖沙咀，方便還有服務員態度非常好。食物方面：1. 蟹粉🦀️肉燴燕窩 - 啖啖蟹肉同燕窩，而且熱辣辣2. 生拆蟹粉小籠包 - 同平時食嘅蟹粉小籠包差唔多，未算十分出色3. 紫蘇蒸大閘蟹 - 望落去唔算好大，係公4. 吉烈大蝦球配蟹皇醬 - 蝦球好大件5. 龍躉球 - 啖啖肉6. 炒飯 - 已經吃飽了，所以要打包…查看更多

🦀又到咗食大閘蟹嘅季節啦！好多餐廳都陸續出咗好多唔同嘅大閘蟹套餐，今次嚟到龍苑中菜廳試咗佢哋嘅「蟹逅在龍苑」大閘蟹套餐，大閘蟹來自日本北海道，套餐做緊優惠價$498一位，有6道菜式，食完覺得性價比都幾高👍🏻。由於個人體質偏寒，食親大閘蟹必定會見暈，所以今次先叫咗杯薑茶暖暖胃，如果體質偏寒嘅朋友不妨都可以先叫杯薑茶暖暖胃打定底。我今餐前後連甜品飲咗三杯薑茶，所以食完狀態仍然係非常ok😝！🔹生拆蟹粉小籠包：有一粒小蟹粉係上面，皮算幾薄同都幾多汁，不過就無咩蟹味係入面，會覺得係食緊普通做得唔錯嘅小籠包。🔹蟹粉蟹肉高湯燴燕窩：將大閘蟹拆肉成一絲絲配埋熱騰騰嘅燕窩羹，蟹肉唔小之餘又啖啖燕窩，好濃稠，相當真材實料，令我幾驚喜👀！🔹紫蘇蒸大閘蟹：清蒸大閘蟹唔算好大隻，但蟹肉十分鮮甜。因為食大閘蟹兩隻手食都幾捩咁棄，所以打開個蟹蓋時無手再留影，不過一打開蟹蓋時已見到金黃色嘅蟹膏，幾濃郁同都算夠膏。當晚一路食蟹時，同行友人分享咗一啲食蟹嘅小知識，話食蟹時要注意有幾個地方因為太寒涼，食完有機會肚痛，所以盡量剪開唔好食，呢度都分享俾大家😊：一)蟹蓋裡有蟹黃沾住嘅位置有個三角形嘅蟹胃。二)旁邊兩排好似扇仔嘅蟹腮。三)蟹中間塊黑膜衣下面有蟹腮，蟹腮中間白色六角形嘅蟹心。四)蟹腸，即蟹肚下面嘅三角殻裡面有一條連接蟹身嘅黑線。🔹吉列越南虎蝦球配蟹黃醬：脆漿好薄，色澤係金黃色，炸得啱啱好，好脆口。裡面嘅蝦球好彈牙好滑，配埋濃郁嘅蟹黃醬食，非常惹味。🔹鮮准山胡椒高湯浸班球：呢味餸可以清一清味蕾，裡面有准山，芹菜，雲耳同斑塊，斑塊滑溜有魚味，准山好爽口，但成個胡椒味唔算話好重。🔹蟹粉海皇窩巴：蟹粉味重，同上面嘅蟹黃醬非常相似，但裡面亦加多咗啲蝦同蟹肉等，窩巴煎得好脆口，加埋呢個蟹粉點汁，好難唔好食，食完哂窩巴都仲有好多蟹粉剩低，所以都幾大碗。🔹黑糖薑茶湯圓：臨尾仲有個薑茶驅寒同中和返大閘蟹嘅寒涼，兩粒芝麻湯丸細細粒，啱哂已經食飽哂唔駛太有負擔，口感亦夠Q彈，薑茶薑味好重，偏少辣，個人非常喜歡。雖然我比較少食大閘蟹套餐，無法同好多坊間比較，但整體嚟講佢哋嘅蟹製菜式都做得相當唔錯，而且又好足料，大滿足呢！除咗大閘蟹之外，我哋亦都叫咗幾款其他菜式，不得不提呢度嘅「西班牙黑豚肉叉燒」真係相當唔錯。佢哋嘅叉燒係以秘製煮法去烹調西班牙黑豚肉，豬肉邊緣有少少燒焦，肉質柔軟嫩滑，夠軟綿綿之餘亦淋而不爛，唔會過肥或過油。入口有麥芽糖香甜味，不過對我嚟講醬汁有小小偏甜，如果加碗飯可能更完美。不過切得偏薄，切得再大舊厚啲就更正，因為個人覺得只講味道唔講每舊嘅大小，同天龍軒嘅叉燒有得揮。…查看更多

一向喜歡蟹的菜式但又覺得拆蟹肉不容易，所以在揀選大閘蟹宴時便傾向原集上只得一隻蟹的菜單，研究了五六間餐廳後，覺得龍苑中菜廳最合心意，便和另外幾位朋友一同品嚐。1. 蟹肉雞蓉燕窩羹 : 蟹肉不多，反而燕窩和雞肉份量不少，味道不錯。2. 生拆蟹粉小籠包 : 小籠包皮薄汁多皮肉香，雖然蟹粉不多，依然好吃。3. 紫蘇蒸大閘蟹 : 大閘蟹比較細隻，除了蟹鉗外，拆得出來的蟹肉都比較細碎，至於蟹膏就味道一般。4. 花雕蛋白蒸蝦球 : 一上枱已聞到花雕香，蛋白好滑，蝦球爽口，值得推介。5. 蟹皇醬吉列龍躉塊 : 吉列外皮脆薄，龍躉肉鮮，配合蟹皇醬好好食。6. 香檳汁海皇蟹粉焗飯 : 用芝士焗，內裏有蝦粒，味道不錯。7. 黑糖薑茶湯丸 : 有兩粒芝麻湯丸，皮搓得薄，芝麻亦香，薑茶薑味十足。整體來說，每道菜式都滿意，環境舒適，服務亦佳。…查看更多

大閘蟹盛宴正式開始今年第一隻大閘蟹，我選了在龍苑中菜廳，六道菜式大閘蟹優惠套餐，因為每位只需HK$458 。*** 需一天前預訂方可享優惠價(最少預訂2位)。先由蟹肉雞蓉燕窩羹打開序幕，鮮甜蟹肉，海量般的燕窩，非常豐富又養顏，好味到暈。百吃不厭的生拆蟹粉小籠包，既有濃郁蟹香，又有肉汁溢出，皮薄柔軟，好滋味！蟹宴嘛，又怎會少了原隻紫蘇蒸大閘蟹呢！ 選用北海道的大閘蟹，原汁原味，蟹膏黏口甘香。進食時配以鎮江醋調味，惹味！及後更有薑茶驅寒啊！想再添食嘛，每隻只需加HK$100。花雕蛋白蒸蝦球，幸好花雕沒有揮化掉，酒香蛋滑蝦爽彈！蟹皇醬吉列龍躉塊，超香脆的龍躉塊，一定要沾滿滑溜甘香的蟹皇醬，鮮與鮮，美味得沒話說，好想把整碗蟹膏醬都喝掉。香檳汁海皇蟹粉焗飯，香檳汁與芝士挺搭配的，讓芝士沒有那麼膩，熱騰騰飯粒再加上蟹粉，滿滿的幸福感。蟹宴後最完美的甜品，當然是黑糖薑茶湯丸啦！  …查看更多

2018.10.30 😊【愛在初秋●與大閘蟹約會】食在尖沙咀漸入初秋 又是大閘蟹最肥美當造的季節據說漁民在捕蟹前會先用竹枝和草築成大閘 夜間於竹桿上掛上明燈並在閘的另一邊佈上魚網 藉燈光吸引蟹群故在大閘蟹之稱 🦀雖然近日內地大閘蟹出口批文已漸批出市面上亦見開始出售不過小妹今次一嚐的則是來自日本的大閘蟹大閘蟹套餐 優恵價每位$458/原價$798🔸蟹肉雞茸燕窩羹與大閘蟹的邂逅就以溫熱的燕窩羹為前奏大廚巧思地將大閘蟹拆肉😊就算配上雞茸 亦不會掩蓋了蟹肉的鮮美啖啖燕窩 絲絲蟹肉 更顯矜貴🔸生拆蟹粉小籠包大閘蟹粉亦可配搭其他食材最經典的少不了蟹粉小籠包小籠包皮薄、汁多、肉厚上面還加上一撮呈金黃色蟹粉 百吃不厭🔸紫蘇蒸大閘蟹套餐當然少不了傳統原汁原味的清蒸大閘蟹大閘蟹份量不算太大 卻鮮甜香口金黃色的蟹膏更是香滑濃郁加入紫蘇一起烹煮以解蟹之寒毒🌿若意猶未盡 套餐添食大閘蟹每隻只須另加$100🔸花雕蛋白蒸蝦球蟹的好朋友蝦亦有來襯熱鬧🦐蝦球有如雪上的一朵紅花 擺盆精美蝦球清爽彈牙 蛋白x滑加入了花雕 酒味香而不會過濃 齒頰留香🔸蟹皇醬吉列龍躉塊真的不可不讚大廚的創意 為客人帶來不斷的新觧感就連蟹亦可化作沾醬吉列龍躉塊份量好比手掌大🐟火侯控制剛好又不油膩 沾上濃香新鮮的蟹皇醬香香脆脆 成為孩童、年輕人的至愛🔸香檳汁海皇蟹粉焗飯小妹最愛的是焗飯醬汁加入了香檳、忌廉、牛油等以致口感相當香濃幼滑 焗飯干身帶微焦 加入絲絲蟹肉 回味無窮 🔸黑糖薑茶湯丸尾升不忘來點薑茶驅寒聽長輩說是食大閘蟹必備的☕薑茶薑味很重 不會太甜配上芝麻湯丸是完美的結束雖然吃罷大閘蟹套餐 我們已經抱著肚子大叫滿足友人揚言難得聚首 當然要一試龍苑名物芙蓉蟹粉炒銀絲及柚子脆麻花果然是不容錯過龍苑中菜廳 💌尖沙咀金域假日酒店低層1樓📎 openrice: yee6192004…查看更多

踏入秋季，意味着蟹季的到來。老公曾在上海工作多年，因緣之下跟陽澄湖蟹農相熟，價錢當然會比市價實惠，質量上亦會有保證。對蟹痴來說，大閘蟹是一期一會，但近年親友們奉行健康飲食，小倆口子吃太多也非好事。向蟹農買貨要有個定數，不如先吃蟹餐解解饞吧！聽說今年蟹貨源緊張，遲遲未見蟹宴的推廣。發現龍苑推六道菜式的大閘蟹晚餐，原價$748的套餐只需一天前預訂，便可以優惠價每位$448享用得到。生拆蟹粉小籠包不用自己動手可說是懶人的最愛，小籠包折摺均勻，細薄外皮可見盈盈湯汁，鮮肉汁加上蟹鮮是美味得很，只吃一隻實在不夠滿足。花雕蛋白蒸蝦球，明蝦浮游在蛋白上畫面賞心悅目。蝦球彈牙鮮美，花雕蛋白清香滑溜，就是蛋白太少了，起不了襯托作用。蟹黃醬吉列龍躉塊，吉列龍躉塊與蟹黄醬分上，澆上蟹黃仍保持外脆內嫩，香囗程度不讓鮮味的蟹黃醬專美。蟹肉雞茸燕窩羹加入養顏燕窩，燕窩的滑溜加上蟹肉的鮮甜，矜貴又養顏。主角是紫蘇蒸大閘蟹，每隻足五両的大閘蟹，在蟹源緊張之下算不錯了。加上是酒店餐廳出品，貨源自是有一定保障，會比任食的大閘蟹放題靠譜。吃蟹工具一應俱全，平日大大咧咧吃蟹的我這天還是斯文一點，把蟹皇、蟹肉全數挑出才慢慢享用。橙澄的蟹膏黃油足，甘香滋味。吃的是雄蟹故有白膏，以前不愛那纏黏的口感，現在反而覺得是另有滋味。蟹肉是少有的鮮甜，可見這大閘蟹質素不俗。吃過性寒的大閘蟹後，可以薑茶驅驅寒，再以香檳汁海皇蟹粉焗飯暖暖胃吧！香檳汁是焗飯的亮點，海鮮粒也不少，份量小小的正是小食多滋味。甜品是黑糖薑茶湯丸，用上薑香強勁的黑糖薑茶，辣意更濃，芝麻小湯丸就沒有很特別。作為蟹痴吃蟹無數，龍苑大閘蟹屬台灣蟹種，質素是比太湖的好，雖又未至陽澄湖的級數，但正宗黄毛金爪的陽澄湖蟹已十分難求。雖有購入正宗貨源的門路，但在健康和價格的考量下，在考慮是否入貨之前，淺嚐一下這秋蟹之香吧！…查看更多