Mini Friday (The Wave)

營業中

休息中

見到好多朋友食呢間 所以一直都想來試 今日帶媽咪過嚟 行到最入有卡位 座位闊落😆未叫嘢食之前就已經上咗啲脆片 岩哂好肚餓嘅我哋 炸得好香鬆脆 點埋千島醬就perfect👍🏻👍🏻 有dinner set 可以揀 包飲品沙律餐湯加一蚊仲可以叫甜品 我哋叫左一個set 另外加個粉同埋雞翼～ 佢個沙律有爆珠同埋胡麻汁 好夠味🤣 粟米忌廉湯都好濃 有粟米粒👍🏻 澳洲香烤羊架 配薄荷燒汁 $248 🐑叫咗五成熟 有三大塊羊架 每一塊原來都非常厚 起碼2cm 羊架上面佈滿炸蒜 食落口感卜卜脆 外面一層係厚厚嘅羊脂肪 好邪惡同時非常肥美 juicy 到爆！ 嗰陣羊羶味喺口腔漸漸散發出嚟 而且肉質鬆軟 如果你唔想咁勁羊羶味 可以點上隔離嘅薄荷燒汁 蓋一蓋過 個燒汁都好好味 配肉一流 有陣清清哋嘅薄荷味～ 仲有個好creamy 嘅薯蓉 食到好飽😝明太子忌廉帶子手捲粉 $148 呢個係一定要叫！ 超好食 好鍾意個明太子忌廉汁 超級濃味creamy 仲有三文魚籽加埋輕微明太子嘅鹹味 好食！ 估唔到個帶子好大粒又彈牙 同埋感覺好新鮮！ 手捲粉第一次食 可能係捲曲嘅效果 所以醬汁可以捲晒入去 每一個部份都充滿醬

餐廳燈光偏暗，裝修有格調，柔和的光線和蠟燭燈令氣氛更加浪漫，窗邊擺滿燭光，氣氛浪漫。而且黃到金的背景令人覺得很舒服。我們才剛坐下，侍應就拿來免費的餐前小食，是墨西哥脆脆，不算油膩，口感很酥脆，沾上千島醬好惹味。我跟友人分別叫了2個套餐share。套餐有餐湯、沙律、1份主菜、1杯飲料和1份甜品。餐湯是南瓜湯，十分香甜。三文魚籽沙律 整個沙律都很清新，三文魚籽清甜，一點都不腥，黑醋跟沙律也配搭得很好，不錯。香烤美式BBQ豬肋骨豬肋骨size非常大，面層淋上BBQ香辣秘製醬汁，味道似水牛城雞翼的醬，而豬肋骨燒得外脆內軟，好香口，肉質依然保持軟腍嫩滑，醬汁香香辣辣亦能提升豬肉的味道，食落好滿足。碳燒鹿兒島黑豚西冷扒配藍梅燒汁黑豚西冷燒過後散發香濃肉香，很有份量，肉質非常軟腍，油脂同肉嘅分怖平均，有彈性和啖啖肉汁，也不會嚡口。而伴碟的藍梅醬味道酸甜甜，味道清新很開胃。最後還有甜品作為結尾。餐廳環境和食物都有水準，環境大，有氣氛，適合一班人或情侶聚會和享受晚餐。

相約在觀塘工作的朋友午飯她就帶我來到這家餐廳～lunch hour是Semi Lunch Buffet午飯時間都座無虛席，好多打工仔來光顧～所以朋友都預先在網上訂座！細食的女士可單選「自助沙律及甜品區」自助區域除了沙律及甜品外，還有餐湯及墨西哥脆片炸物和小食等～～我和朋友都有選主菜我揀了香煎龍脷魚柳配香檳忌廉汁朋友就要了炭烤羊架配紅酒汁沙律吧的配料及醬汁選擇都算足夠除了沙律菜及粟米粒外，竟然有紅菜頭，紅菜頭醃得酸度十足！！另外還有薯仔沙律，沙律醬調味恰好，很好吃！！炸物有咖喱角和麥樂雞，兩款都好吃！不會炸得太乾身～咖喱角的咖喱味算香～熟食有長通粉和雞翼雞翼鹵得入味，size又夠大隻，好受歡迎！！香煎龍脷魚柳配香檳忌廉汁龍脷柳煎得外脆內嫩，外皮金黃香脆，而魚肉仍然嫩滑雪味不明顯，醬汁調配得剛好，不會太膩！黑松露薯蓉夠香又細滑炭烤羊架配紅酒汁，我也嚐了一點點羊架的肉質夠嫩不粗糙，羶香味十足！！甜品方面有chocolate fountain, doughnut 及檸檬芝士蛋糕chocolate fountain配有棉花糖，不算太特別doughnut算是今頓午餐中最不好吃的一項，doughnu

今日放工早早地同埋同事一齊去試下觀塘既呢間mini friday，之前都聽講過呢間餐廳既質素都唔錯，而且環境都比較有情調。Mini friday位處係觀塘既興業街the wave 3樓，黎開觀塘都會知道，呢一帶係工廈區，有唔少既食肆林立，簡直係放工食飯打卡既聖地。除左今次黎食既mini friday之外，餐廳同層仲有米走雞live 呢間火鍋店，之前食過都唔錯，餐廳既燈光幽暗，非常有酒吧既感覺，順帶一提，餐廳否定時都會有live band show，你都咪話唔有feel。未點餐之前食住餐廳既愛心薄脆，雖然唔洗錢但都好好食，仲暖呼呼既脆片沾上特製既醬汁，簡直係yummy yummy。香烤寶雲酥羊架 配紅酒汁 $228先先點返個晚市套餐，7款唔同既套餐我就揀左香烤寶雲酥羊架，價值228既套餐真心抵食，除左主菜，另外仲配上沙律、餐湯、甜品同埋飲品。特別一提，隨餐奉送既田園沙律唔單止有賣相，裏面仲加左爆珠，配合黑醋汁，又酸又甜，百感交雜，創意滿分。主菜既香烤寶雲酥羊架選左6成熟，羊架肉感細膩，味道帶上一小小羊本身既獨蘇味，肉脂均勻，掛在肉上既羊油脂香而不油膩，配合味道適中既紅酒汁就更加juicy

朋友系要見架，但系又要諗食咩好，就番九龍區既朋友仔，朋友介紹觀塘工業區有間西餐廳mini Friday 幾好食，所以試試，好在一早訂咗位，星期一都多人booking,一行四人，入到餐廳，見到個環境好浪漫，氣氛幾好喎，而且座位坐得舒服又闊落，肉類、意粉、薄餅都可以加$68有餐湯，嘢飲及甜品！幾好喎唔使諗，夠晒方便，坐落仲有薄脆食添，感覺好輕鬆，見到台台都叫德國鹹豬手，所以我哋都叫個脆燒德國鹹豬手$248，一上到枱非常吸睛，服務員馬上點火，相機食先，外皮燒到脆，肉仲係軟林林，唔會太過火！卡幫尼意粉配溫泉蛋$118，值得推介，每條意粉掛上卡幫尼汁及蛋汁，好好味，而且意粉硬度適中！蟹膏雜肉pizza $148,薄薄脆口既薄餅，配上鮮美蟹膏，幾特別，正！西班牙海鮮飯$248,份量大，仲要好多海鮮，幾好味，e度幾好，不會大嘈，可以同朋友吹下水，不錯之選，系觀塘地鐵站行五至十分鐘就到，地區非常方便！

周日跟朋友在觀塘海濱公園做完義工，難得來開觀塘，就順便到駱駝漆看看有甚麼便宜貨和到附近食lunch。Mini Friday之前都光興顧過旺角分店，食物不俗價錢亦合理，原來中午有Semi buffet，見觀塘有分店朋友又未食過，一於在這裡午飯吧！＊＊＊＊＊＊＊＊＊＊＊＊＊Mini Friday觀塘分店在翻新了的工廈The Wave內，所以店面比旺角店較為寬敞，周末午飯時間人不太多，但相信平日應該幾多食客。Semi buffet每日12:30至16:30供應，價錢由$78至$188不等，包括主菜和餐茶，而沙律、湯、小吃、甜品和果汁則可以在自助區拿取，如果不點主菜，最便宜$78已經可以享用沙律甜品吧，非常抵食。甫進餐廳，右手邊有沙律、意粉、小吃、湯和糖水。甜品沙律吧不只有輕食，同樣有飽肚的意粉和長通粉，有需要時侍應會為食客即叫即煮。而入口左手邊則有沙律、甜品和果汁。主菜未到，就喝點南瓜忌廉湯。南很湯夠creamy，南瓜味很香甜。沙律菜新鮮爽脆，車厘茄清甜，我最欣賞是餐廳提供多款沙律醬汁選擇。果汁有橙汁和蘋果汁，兩款都可以任飲。炭燒美國頂級肉眼扒配黑松露燒汁($188)肉眼扒很大塊，有整隻手掌

這天是放假的日子，我約了朋友去觀塘吃晚餐，經網上推薦，我們便決定來到這間西式餐廳試一試，看到店內環境非常寬敞和清潔衛生，而且場內幾乎坐滿了人客，証明食物的質素應該很不錯，埸內有飛標機和足球機免費任玩，也有現場樂隊表現，娛樂性十分豐富，令我感覺舒服和放鬆香脆的墨西哥脆脆配酸酸的沙律醬，令人十分開胃蘑菇湯黏口，幽香清膩沙律，奇異果，哈蜜瓜，菠蘿，這些山果都十分鮮甜，富有水份，非常適合夏天進食，沙律菜非常鮮甜，水蜜桃爆珠濕潤可口，整體份量非常多炭燒牛肉眼扒拼牛脷($229)格紋焦痕的牛扒非常香稔軟嫩，質素非常高，軟綿綿厚身的牛脷，清甜的番薯蓉，爽彈鮮美的菜，價錢相對非常合理烤龍蝦配豬肋條($209)龍蝦非常新鮮，十分大隻，龍蝦肉非常鮮甜，而餐廳亦非常細心，提供濕紙巾，食物鉗給客人來剪龍蝦，豬肋條有嚼勁，份量足夠多價錢相對非常非常合理單人海鮮盤($48)鮑魚軟彈煙韌，帶子鮮甜，蝦清鮮甜美，蟶子有嚼勁，藍青口軟綿綿甜品，朱古力慕絲清甜，十分濃郁的芝士，朱古力脆脆餅底整體來說，食物的選擇非常多，酒精和非酒精的飲品也很多，而且可以優惠價升級酒精飲品或其他特飲，食物的用料非常新鮮，食物的質素非常非常高

每月的截數日就是我們最值得慶祝的一日。無論是不是星期五，夜晚開完會都會一齊出去食飯。Mini Friday 與米走雞是相連的，下個月都可以打下邊爐。很有Happy Friday的感覺，整個環境很輕鬆。現場更有人唱live。晚餐餐牌，都是一個個SET的。跟了湯、包、主菜飲品和甜品。*忌廉湯夠熱，質地不稠也不稀；味道不會太咸。*餐包配牛油餐包微暖，包底烘得脆脆；牛油半溶；餐包帶點微甜。*特色雞翼(+$28)雞本身醃得不夠入味；汁帶點酸酸辣辣，但份量比較多。*美國安格斯牛排($298)牛扒中間的部份熟得剛好；肉質方面不算太淋；但是牛肉味可以補夠到。是五成熟。*龍蝦汁海鮮意大利飯($168)意大利飯很軟糯；配料有青口和大蝦，都算多；雖然汁很有龍蝦味，但個人覺得偏咸了少少少少。*甜品甜品每人有三片窩夫，但沒有其他雪糕或是醬等的配料，有點失望。但窩夫是好吃的，夠熱和脆脆地，味道亦甜甜地。