士林台灣麵

近排興起想食台灣牛肉麵，咁岩果日入開元朗就搵到呢間咁多好評既台式店。行行走走都搵左一陣，事關唔太熟元朗啲路。門外有幾張大台，當日天氣都少少清涼，所以夜晚6點左右已經有人坐係外面啲台，而我就揀返坐店內。店內約有十張台，裝潢就同一般茶餐廳、車仔麵果類店相似，坐落唔係話好舒適。墊台紙就係menu，簡單易明。叫左個牛肉麵同雞扒飯，小食叫左個魷魚鬚。紅燒牛肉麵呢個最出名，台台都有叫。聞落個湯底好香濃，飲落一樣好入味同香，牛有成三大舊，全部都十分林身入味牛肉麵面質好煙un，好掛湯，份量剛剛好，而且整碗都好夠熱。果然係招牌菜香酥雞扒飯呢個飯雞扒唔算多，但都算新鮮炸起，雞都滑既，而且外皮都幾香。啲飯就附送肉燥，肉燥幾林幾入味，送飯食唔錯。香酥魷魚鬚呢個正呀，即叫即炸，都等左一陣間。食入口超熱辣辣，而且外皮炸得好酥脆，魷魚口感好新鮮，外面爽脆，中間又帶點林。大推呢杯珍珠奶茶就中規中矩啦，不過食住野再飲兩啖都係正既！…查看更多

每日熬制20小時嘅牛骨湯牛肉麵前兩日已經想黎試，跟住無啦啦拉左閘，掛左張紙系門口寫住「是日休息一天」，真令人無奈😑 好彩今日去到終於開番，之前系openrice睇過啲相已經知有機會要坐店舖出面，今日去到已經見到好多人，但原來全部人都係等室內嘅位，室外既位就唔使等，由於太肚餓😫室外都照殺，以今日都有啲風嘅天氣都可以接受嘅。萬分期待嘅紅燒牛肉麵終於嚟到我面前！食舊牛肉先，果然係好軟稔吸埋啲湯完全系冇得輸既境界，真心冇誇張，湯底一啲都唔油，有少少藥材味係本身佢自己造出黎，麵條既軟硬度十分適中，一啖入面撈埋湯同埋麵真係好好食媽媽就叫咗個香酥雞扒飯，雞扒炸得好乾身，唔會比成舊炸粉包住，唔油膩而且好大舊肉，十分吸睛，台灣菜來講，能夠炸雞扒炸到咁嘅程度，我食過真係冇乜邊幾間，個人甚至認為雞扒飯比紅燒牛肉麵更加出色珍珠奶茶大大杯都幾正嘅，不過就冇乜甜味，雖然話呢家啲嘢飲冇乜甜味就夠晒天然，不過始終覺得略淡，啲珍珠起晒底都幾煙韌，好好咬。…查看更多

小小貴啦，但值得一試，都會再食而且係我中意既食物怕熱氣既朋友唔好嗌炸物了因為我見好多枱客都嗌蘇炸雞扒，但去皮，淨係食肉，呢道菜重點係炸面，冇左真係同普通雞肉冇乜分別…查看更多

元朗出名好野食多，今次就去了士林台灣麵其實已是第2次來用餐~~我們星期日１２：４５左右到，２次都要等１５分鐘左右而且都是坐門口位置星期日的元朗食店大部份都要等位，我想如果好運大概就能安排到店內坐吧～＞Ｖ＜星期日人很多，店員比較少走到外面，如果介意就不要坐外面了食物選擇不算多，紅燒牛肉，香酥雞，香酥排骨。。。。配肉燥飯，湯麵，干拌麵２次也吃了它們的香酥雞扒（（最多香口食物︿︿））很好吃！！！香酥雞非常酥脆，不會很厚粉，雞肉也不會乾而且不會油油的，份量也比較多如果吃麵，香酥雞會分開上配飯就整碟上干拌麵很香，不過比較油一點～個人吃香酥雞比較喜歡配湯麵～濕濕地～麵＂煙煙un un"，好好咬湯底都幾好味，食完都唔會好口渴這樣看雞扒份量是不是超多呢～～肉燥份量就正正常常吧這是朋友點的～～她說味道不錯～牛肉很入味，軟林林的但紅燒牛肉不是配湯麵更出色嗎？哈哈～讓我下次試台式飲品必飲—珍珠奶茶跟香港台式飲品店的味道很不同，這個更好飲～跟台灣飲到的更相似～來的時候就是９成滿～～～味道普通～比較推介珍珠奶茶！總括：香酥雞扒真的很好好味～值得食！就是星期日人太多了～服務不能要求太高…查看更多

夜晚揾野食, 圍住富盛大廈行咗個圈, 見到e間好多人食, 於是試下.室內有10張四人檯左右, 門口又擺咗12張摺檯, 全部都坐滿!餐單有三分一係飲品, 食物款式唔算多.叫咗[滷水拼盤], 有六樣食物, 分別係: 蛋, 雞翼, 豬耳, 鴨舌, 雞腎, 豆腐.每款外表都好靚, 但食落冇咩味, 失望.只有豬耳較好, 爽口脆身, 食唔停口.仲有[香酥雞扒面], 面和雞分碟上.面身比較粗, 偏淋, 湯頭好清.香酥雞非常酥脆, 唔乾身, 唔太咸.同埋[豬手滷肉飯], 飯的份量頗多.豬手有3大舊, 口感好Q, 容易咬開.滷肉味道似梅菜豬肉, 突然好港式.加$12有台式飲品, 凍飲多$2.要咗最基本的[珍珠奶茶], 少甜, 味道正常.四分一杯係泡, 飲得唔夠喉.另外珍珠太淋, 冇咩咬口.…查看更多

星期日到下白泥走走，入下白泥前先醫肚！見到評價不錯，而且店家由台灣酒店學師，就試試正宗既台灣麵！紅燒牛肉面，湯底濃而不咸，浸住清甜既小棠菜，感覺清爽。牛肉林身且帶筋，麵質帶點煙韌，好味香酥雞扒配清湯麵清湯店家以豬骨，老雞及金華火腿烹煮多個小時，湯底清，帶微咸，麵質一樣煙韌。香酥雞扒麵既雞扒另上，份量十足既雞扒夠2個人食！雞扒做得十分出色皮酥脆而不油膩，雞扒厚肉大大件，十分滿足！珍珠奶茶少甜，依然好甜，味道正常。食物質素高，難怪下午茶時段都門庭若市！…查看更多

今晚我們去咗元朗西菁街嘅「士林台灣麵」食晚飯！我們叫咗紅燒牛肉麵、台式豬腳麵、香酥排骨麵、香酥鷄扒麵同韮菜肉雲吞麵！朱古力奶茶、珍珠奶茶同仙草奶茶！紅燒牛肉麵嘅牛𦟌肉炆得好腍好入味，肉質非常鬆軟，而且入口即溶，湯底相當鮮甜濃郁，濃濃嘅牛肉味好芳香，麵質亦好爽口彈牙！台式豬腳麵嘅豬腳亦都炆得好腍，豬皮好爽滑彈牙，膠質好豐富，唔會有好油膩嘅感覺！香酥排骨麵同香酥鷄扒麵炸得非常香脆鬆軟，肉質相當軟滑，唔會好「嚡」，炸粉亦唔會好厚身！韮菜肉雲吞麵嘅韮菜味好惹味香濃，餃皮好煙韌彈牙！朱古力奶茶嘅朱古力味道好濃郁，但唔會掩蓋奶茶嘅香味！珍珠奶茶嘅茶味好香濃，珍珠好煙韌彈牙！…查看更多

今晚我們去咗元朗西菁街嘅「士林台灣麵」食晚飯！我們叫咗紅燒牛肉麵、:)台式豬腳乾拌麵、香酥排骨麵、香酥鷄扒飯、肉燥茄子飯同滷水拼盤！:)飲品有蘋果紅茶、珍珠奶茶同椰香奶茶！紅燒牛肉麵嘅牛𦟌肉炆得好腍好入味，肉質非常軟滑，:)入口即溶，麵質都幾彈牙，湯底非常香甜濃郁，牛肉味相當香濃，:)超好味嘅程度令到我將整碗湯飲晒，真係超讚！係本人嘅必食推介！亦係我食過咁多間最好食嘅牛肉麵！:)台式豬腳乾拌麵嘅豬腳炆得好腍，豬皮好煙韌彈牙，唔會好油膩，:)乾拌麵嘅麵質比放湯嘅麵質更加爽口彈牙！香酥鷄扒飯嘅鷄扒炸得相當香脆鬆軟，鷄肉亦好嫩滑，:)唔會好「階」！滷水拼盤滷得非常入味，豬耳同鴨腎好爽口彈牙！珍珠奶茶嘅茶香濃，珍珠好煙煙韌韌！:)…查看更多

每次行去西菁街，士林台灣麵永遠都係排曬長龍，難得早左食lunch，就決定去試下呢間「引人入勝」嘅台灣麵見到個餐牌，有少少無從入手嘅感覺，樣樣都想試下咁。聽聞士林台灣麵嘅紅燒牛肉麵同埋香酥雞扒麵都頗為馳名，於是我同其中一個同行者分別叫左呢兩個麵，而另外兩個同行者就要左香酥雞翼飯同香酥排骨麵。係開端時覺得呢間D食物有少少貴，直至食物黎到，先發現原來物有所值所有野都比得足料，上個雞扒嘅時候，仲以為比左兩份我個香酥雞扒脆卜卜，就算擺耐左口感依舊，難怪咁多人推介我地另外叫左台式飲品，理論上比較保守應該係試下珍珠奶茶，但我對珍珠奶茶好感不大，於是要左薄荷蜜綠茶。頭一、兩啖覺得有點中伏，但之後飲飲下就覺得唔算太差嘅。總括而言，士林台灣麵的確唔係浪得虛名一定有下次再試下其他一級棒嘅美食…查看更多

店名:士林台灣麵地址：元朗西菁街9號富盛大廈地下好味指數:7.5/10價錢：$14珍珠奶茶凡惠顧任何食品，都可以優惠價配飲品一款（凍飲+$2）。 珍珠奶茶奶味濃郁，珍珠甜甜的，而且煙韌。店名:士林台灣麵地址：元朗西菁街9號富盛大廈地下好味指數:7.8/10價錢：$44紅燒牛肉麵湯底是用牛骨和牛肉明火熬足16小時，並要焗至第三天才可使用，因此湯底濃郁。紅燒牛肉入味，而且肉質超級捧，一層肉一層筋，嫩滑之餘賣相也非常吸引。麵條尚算嫩滑，但可再煙靭點。店名:士林台灣麵地址：元朗西菁街9號富盛大廈地下好味指數:7.5/10價錢：$38香酥雞扒麵香酥雞扒大大塊，外皮鬆脆可口，肉質鮮嫩，味道惹味。湯底是用牛骨和牛肉明火熬足16小時，並要焗至第三天才可使用，因此湯底濃郁。麵的湯底有點咸，麵條尚算嫩滑，但可再煙靭點。店名:士林台灣麵地址：元朗西菁街9號富盛大廈地下好味指數:7.5/10價錢：$42鹽酥魷魚鬚魷魚鬚粗大肥美，鮮嫩可口。炸得脆脆的，味道是咸咸的，配上喼汁一流。店名:士林台灣麵地址：元朗西菁街9號富盛大廈地下好味指數:7.5/10價錢：$40台式豬腳飯台式豬腳飯份量很大，有3件大大的豬腳，配試上台式肉燥和菜，賣相精美滿足。…查看更多

輾轉之間，去到元朗市中心午餐！台灣牛肉麵：牛肉湯味濃，不油膩；牛肉好淋，但冇乜肉味；麵質可以！酥炸雞排湯麵（牛肉湯）：雞排同麵分開上，雞排先上，炸物但不油膩，讚！珍珠奶茶：中規中矩，無驚喜。…查看更多

到訪大棠冰雪節前在元朗市中心尋找美食，特意選取了在 OpenRice 屢獲好評的士林台灣麵享用午膳。或許是平日時間，輪候人數不算太多，露天位置可立刻入座，而室內座位則需等待十至十五分鐘。因店面小，座位略迫，舒適度一般。吃了一碗招牌紅燒牛肉麵，牛肉湯用上新鮮牛肉及牛骨花了十多小時熬製，味道固然甜美濃郁。牛肉膠質重，質感腍，又入味，富水準。麵質富口感，食味本身不算太特別。另一名物香酥雞扒飯，雞扒香酥皮夠香脆，但略為乾身硬口了少許。小食鹽酥魷魚鬚，魷魚鬚粗而不韌，酥皮同樣夠脆夠香，可作推介。台式燙清菜亮點在於菜面面上的肉臊，為清菜添上一份鹹香。過橋餃子無乜特別，食味普通。珍珠奶茶甜度合適，茶奶香氣比例平均。用上的珍珠比平日吃的小一點。…查看更多

珍珠奶茶: 還算合格，如多點奶味更好。牛肉面: 牛肉夠腍，面質不錯，湯底濃而不油，但還是台灣的好吃…傻仔敏又想起了九份那碗牛肉面~肉燥炸雞扒飯: 肉燥味道很好，雞扒邊位略為乾了點。麻辣牛肚: 吃來真是麻，不是坊間的只一味辣，但有點’痴’牙。…查看更多

果日同個女黎到元朗，經過依間「士林台灣麵」，就即刻入左去。事關上幾次經過都見要排隊，條龍又幾長下。而今次去係下午茶時間，所以有位仲唔入咩！之前都有聽朋友講開話依間舖既食物幾有特色，味道亦唔錯，所以我對佢都幾有期望:)！果然食完一大輪，毫無失望，3樣都幾好食，價錢又夠哂實惠！份量亦足夠，所以真係一間值得老遠黎食既舖頭…查看更多

係呢個炎炎夏日，同摯友們揀左黎到平時好少黎既地方先過左一個有益身心既上午，跟住就黎左元朗開心覓食原本想去食元朗有名之作：勝利牛丸，但因友人唔愛食牛肉於是我地就揀左係openrice放係元朗區第一名既士林台灣麵成日聽既都係田中、B仔元朗既台灣餐廳倒係比少聽到於是決定一於同朋友們齊齊去做食家，試下呢間係openrice超過100個笑臉既人氣小店雖然我地係2點幾到既，但門囗依然有不少食客係度等位，講緊都有10人左右排隊既模式係要先攞飛，再等嗌位一問下原來要等10張檯以上...但依然無打擊到我地想食既熱誠，決定要照等一望埋去，見到既係正門旁既玻璃已俾各大報章雜誌既報導貼得滿滿既，都幾犀利餐廳既佈局係有室外座同室內座，入面都有10餘張檯，外面既就有5，6張檯突然之間，店員高呼：＂出面唔洗等，有無人要坐？＂於是原是排係10幾既我地就可以立即補上始終係大熱天時坐係露天既未必係一件很享受既事情但幸運既係我地既位置啱啱對住個大風扇，所以坐落都唔算係太熱餐牌係印係墊檯紙上既，驟眼一睇，價錢有比一般鬧巿中既便宜呢必點紅燒牛肉麵：係呢度既招牌菜，話曾經有招待過美國總統、台灣首相、英國首相佩服牛肉麵既賣相同張海報係一樣既：煮得橙紅色既湯底，放上兩棵小棠菜，重點牛肉上配上蔥花用既係金錢𦟌，呢件牛肉有很好吃，夠濃味但唔鹹牛筋同牛肉係梅花間竹咁相間，一層接一層既一碗入面有三件麵條麵粉香特出，最特別既係一食落去以為係好腍既麵，但認真食落麵質係有彈性既可飲埋富有牛肉味既湯底香酥雞扒：另一好食之作，雞扒賣相金黃，個脆皮尤其香囗，用既雞肉帶一點深啡色，難得肉嫩分量亦很多肉燥茄子：個人上覺得呢個比較一般，茄子唔算整得很入味，可能係因為茄子成圓筒形，size較大既關係吧西門町既肉燥有煮得比較香但朋友反而覺得呢個好食過橋餃子：呢個餃子外表普通但暗藏驚喜，餃子皮比一般既薄身雖然咬開既時候無話湯汁流哂出黎，但肉既顏色很粉嫩，顔色亦係帶淺粉紅都幾好食，飽肚之選珍珠奶茶：呢個係略為失望之作，一黎呢杯最典型既飲品反而等到差唔多先黎；珍珠亦唔夠咬口，反而覺得金圓軒既較好飲總括黎講，呢餐係好滿意既一餐，儘管服務態度好一般，要叫多幾次先應，但高質素既食物令人覺得呢餐有來得很值得，令人回味無窮…查看更多