憶食尚臘味煲仔飯

營業中

休息中

現在夏天天氣炎熱，吃煲仔飯聽起上來好像不太合時宜，大家一向普遍感覺吃煲仔飯都是冬天，寒冷的天氣吃熱騰騰的煲仔飯。但如果餐廳環境舒適、冷氣充足的情況下，一年四季每一天都是吃煲仔飯的日子呢！所以這天我們就去了憶食尚吃煲仔飯啊！ 餐廳裝潢優雅，座位舒適，有落地玻璃望向街道，感覺開揚。入座後，先點茶，我們選了少有的玄米茶，茶裏還有玄米粒，感覺很真材實料呢～味道香濃，可解油膩感。 而職員服務很好，會下豉油、蔥等再攪拌煲仔飯，又會幫我們刮飯焦，整個過程不用自己下手，整頓飯都吃得很享受呢！ ♡川味臘腸滑雞煲仔飯$168 🥢必點🥢臘腸吃得多，但川味臘腸還是第一次吃呢～臘腸味道帶少許辣，是帶香味的川辣味，朋友不吃辣都可以吃到的呢～非常惹味特別，別有風味，而雞肉肉質也很滑嫩。 另外如果好像我不喜歡飯焦黏牙的感覺，這裏可以用上湯煮，不但保留到香脆的口感，還去除到飯焦黏牙的問題。而上湯味道濃郁，帶點飯焦香，瞬間變了一煲熱騰騰的湯飯。 ♡甜蜜咕嚕肉$98 🥢必點🥢咕嚕肉啖啖肉吃得很滿足，香脆的外皮包着軟腍的肉質，外脆內軟，很有咬口啊！醬汁味道酸酸甜甜，很開胃呢～配上紅椒、黃椒、青椒、洋蔥，顏色很吸引。 ♡姜汁炒

雖然依家炎炎夏日成三十幾度，但突然好想食煲仔飯，search到呢間位於佐敦嘅憶食尙就決定試吓~ 佢係比較近柯士甸站，唔洗五分鐘就行到😆 餐廳有兩層，裝修幾靚同好高檔，坐得好舒服~ 餐具都好有特色! 我哋叫咗三樣菜🍚廣式臘味煲仔飯 ($158) 呢個係佢哋嘅招牌，望落去唔係好大但兩個人食一定好夠飽!! 飯面舖滿臘腸，臘肉同臘鴨. 職員會幫手落葱同豉油攪拌，好專業，如果我攪嘅話一定會飛哂啲飯出黎🤣 食到一半，職員會幫手刮飯焦出黎，啲飯焦都唔少，唔會太燶，卜卜脆，勁好食😋🐷甜蜜咕嚕肉 ($88)原本以為呢間餐廳淨係煲仔飯出名，誰知呢碟甜蜜咕嚕肉好有驚喜!! 個甜酸醬汁好濃，帶有蜜糖香味，咕嚕肉炸到好脆，咬落去又唔會覺得成口炸粉嘅感覺, 中間舊肉半肥瘦，唔會太乾👍🏻👍🏻👍🏻🍄四季豆干扁雞髀菇 ($88)四季豆炒得好香好有鑊氣，佢落咗啲黑椒所以零舍惹味🤘🏻 食咗咁多飯食返啲菜就啱哂😎☕️茶位 ($15) 我哋揀咗玄米茶，好香玄米味🤩總括來說，呢間係一間值得推薦嘅餐廳，職員服務態度好好，對住熟客傾得好開心，但對住我哋一啲都唔馬虎👍🏻👍🏻 環境闊落坐得舒服, 食物都好好味🙆🏼‍♀️

間店裝修幾靚，有別於一般中菜館，而且環境唔錯，同朋友聚會傾計一流。自家製臘味炒飯 $88炒飯有色澤但又唔會油既感覺，而且炒到飯粒分明，好食😋秘製咖喱雞皇飯 $88雞件好滑，咖哩汁亦唔會好辣，份量都好足夠，撈飯一流。姜汁炒芥蘭 $88芥蘭唔會炒到苦，配埋姜汁，爽脆鮮甜，正👍有營老火湯 （跟餐送）一打開個蓋，好足料，有沙參、玉竹、蟲草花、圓肉等，飲落去，好清甜。茶介 $15位有菊花，玄米茶同鐵觀音簡，我地簡左玄米茶，玄米好香。

今日午飯去左一間高檔版既煲仔飯餐廳，係位於佐敦既憶食尚臘味煲仔飯。玄米茶正。玄米好新鮮，米香茶甜。另有鐵觀音同菊花可選。茶介$15一位。如果食午餐可以免收茶位費。川味臘味煲仔飯 $158 小份 另加一川味臘味煲仔飯係用左廣式鮮肉臘腸丶廣式臘肉同南安板鴨三種臘味食材製作既煲仔飯，加入一d花椒醃制變身成四川風味。上碟前加入頭抽丶芫荽同蔥帶出香味。鮮肉臘腸富彈性同香味丶臘肉肥味香口丶南安板鴨皮脆肉厚，啱晒鐘意臘味嘅你。彩蛋在後頭，就係一層飯焦，脆過薯片，香過豬油！甜蜜咕嚕肉 ＄88 例 另加一甜蜜咕嚕肉係用油爆好既新鮮肉排，同三色椒丶紫洋葱同菠蘿一齊炒，完美保留左肉汁，味濃適合送飯。上湯娃娃菜 ＄78 例 另加一娃娃菜一開四上湯灼好，上面加上火腿絲丶姜片丶蒜片同百合，中和口腔油份。呢度裝修企理，枱同枱之間夠距離有私隱度，坐得算舒服。

今日放假，經過見到有間食煲仔飯，入面裝修幾靚就同朋友入嚟食個午餐。入到嚟以為普通餐廳食煲仔飯，原來茶樓咁，好特別！佢最出名係煲仔飯！當然要試吓佢個臘腸啦！由細到大都好鍾意食臘腸！環境乾淨，餐具都好靚，唔錯！服務員態度非常好，地下岩岩拖完會提我小心啲，慢慢行👍🏻👍🏻入嚟待應問飲咩茶，原來有得簡我至愛嘅玄米茶！！！好正！好少餐廳有玄米茶飲！仲要好香！🥺🥺叫咗金銀絲拌銀針，擺位一嚟好靚，入面有櫻花蝦、芽菜、銀絲粉、雞蛋，撈埋一齊食真係好正！之後嗌左碟娃娃菜，以為普通娃娃菜，點知試第一啖，個菜汁超入味！又爽口！煮得太好味啦！嚟到我至愛嘅煲仔飯！好誇張！好足料！！！一嚟食左啖飯，咬落飯香，煙靭，以前我呀媽成日都話邊啲米好食唔好食，我覺得咪又係白飯，宜家終於領略到佢呢句說話，真係要食過好食先知咩叫米香👍🏻多謝你地，比我試到好好食嘅米飯。臘腸、臘肉全部都好入味，好香！第一次將成個煲仔飯清得一乾二淨，真係不得了！臘肉係晶瑩剔透，非常煙韌，味道一流！整體嚟講，呢間隱世高質臘腸煲仔飯真係一流，對於一個咁嘴刁嘅人嚟講，我好少可會比曬5星，呢間真係好值得嚟食，大家真係要試，難得香港有間咁好味嘅餐廳👍🏻👍🏻

入秋後，晚上天氣有點清涼，忽然好想食煲仔飯，朋友介紹咗我去位於佐敦文匯街的憶食尚臘味煲仔飯。有別於傳統餐廳裝修，這裏裝修別緻、優雅，每張枱都有屏風隔着，感覺到有獨立空間而且闊落，屏風上圖案清雅脫俗！首先我哋叫了一壺玄米茶，非常清香。侍應介紹了川椒麻辣雞煲，的確惹味十足，上菜後，侍應會親手為我們撈勻，芫荽同配料撈勻之後更覺惹味，一陣陣嘅辣味撲鼻，而且撈勻時聽到撲撲聲，色香味俱全，真係流晒口水。另外，上湯菜心好好好味 ，蒜片同金華火腿調出上湯美味，菜心大棵卻清甜冇渣。嚟到怎可能不叫煲仔飯，因為樣樣臘味都想食，所以點了秘製臘味煲仔飯，同樣上菜後，侍應會為我們加上醬油撈勻，油香撲鼻，最難忘是臘腸味道，豬肉多汁又不是成口油，而且有酒香味道，望望餐牌，原來臘腸是選用黑豬並以53度茅台酒來醃製，怪不得一試難忘！這間餐廳不錯，下次要帶家中長輩來試試！

今次真係要大叫一句好好味啊!!!!比張大合照大家睇先~話說老闆成日都話想試下香港的煲仔飯,但係一般食煲仔飯的地方都比較隨意。終於比我搵到間坐得舒服,食物又靚仔的地方啦。其實一間餐廳食物品質好唔好,除咗主打菜,茶水前菜的質數都好重要。憶食尚臘味煲仔飯真係無令我失望,只係玄米茶都超有水準。玄米香氣四溢,暖暖入心。第一次黎緊係要食佢地的招牌菜臘味煲仔飯!!!我想話簡直係我有生以來最好味的煲仔飯!!!原來餐廳的總公司就係食品工場,餐廳內的食材大部份都有自家公司供應。臘味煲仔飯內有鮮肉臘腸(係我食過最好食的臘腸,肥瘦適中,超多肉汁)廣色臘肉(非常野味,肉質不會於乾身)南安板鴨(都非常野味,口感較臘肉柔軟)米飯乾身度也恰到好到處,超多飯焦!!!!!最後店長更介紹我地煲仔飯可以兩食,加上特製上湯滾起將整個飯焦味更特出!!!川椒麻辣雞煲亦好出色!!!開胃而不會過辣,雞肉肉質鮮嫩,不像雪藏貨。建議要襯熱食,因為凍咗辣油會依附食物上。今次真係連我個要求多多的老闆都好滿意,仲即刻訂咗枱再帶朋友黎食飯。以後諗起煲仔飯,我都有地方介紹啦!