Chatterbox Café (K11 Musea)

同朋友去咗K11 MUSEA行街，揀咗間新加坡餐廳，想食下海南雞飯同喇沙！文華海南雞飯 $123————————————聽個名都覺得勁！雞夠滑，最鍾意食油脂香而不太膩同太厚嘅雞皮！配上餐廳自家製嘅辣醬、薑、蠔油，味道更加豐富。招牌大蝦喇沙 $163————————————米線底嘅喇沙，好香濃！有椰香味。配上大蝦、蛋等等，最正係索晒湯嘅豆卜。特色鹹蛋黃雞翼 (6隻) $83————————————非常特別嘅做法，鹹蛋黃香味非常出，雞翼外皮煎得非常香脆，有咖喱香味同指天椒香。招牌椰子雪糕🥥 $98————————————食咗咁多濃味食物，需要食返啲清爽嘅甜品，例如雪糕清清味蕾。椰子雪糕真係啱晒！份量都好大！但唔會濟！正！下次再去K11 MUSEA會再光顧…查看更多

星加坡文華大酒店Chatterbox既海南雞飯出晒名就係人都知😜 係香港開咗Chatterbox Cafe時，人人都去朝聖食雞飯，我梗係唔放過呢個機會啦～ 而海南雞飯以外，其實仲有好多正嘢食，今次同fd就嚟食下佢其他菜式~餐廳都係以QR code形式落單，好方便~唔算太肚餓，order幾樣嘢share食先！🍜招牌大蝦喇沙有3隻大虎蝦、4片厚切魚片、烚蛋、豆卜~ 一上枱已經香氣撲鼻，湯底非常濃郁~ 入口惹味、椰香味濃~ 蝦未算突出🤭自己比較鍾意魚片同豆卜～ 米線滑溜掛湯～ 都幾大碗ga~ 完全可以開心share~🐔特色咸蛋雞翼（6隻）呢個真係會食唔停口㗎！隻隻雞翼都係滿滿香濃咸蛋黃漿，味道小咸小辣，雞翼外皮香脆惹味，內𥚃雞肉頗嫩滑。邪惡度爆燈！🐷豬肉沙嗲（6串）沙嗲分豬肉同雞肉2種，每款6串😜想試晒就要order2款啦～ 豬肉燒得唔錯，入口軟腍，靈魂沙嗲醬都好味～🍹芒果菠蘿梳打淡淡芒果+菠蘿味，有幾粒鮮菠蘿，味道唔太甜又開胃，幾好～今次太飽食唔到甜品🙈下次要試下佢個椰子雪糕先～…查看更多

今日收工來到K11 Musea，專誠試吓遠近馳名嘅文華海南雞。餐廳位於B1樓都幾易揾，地方都幾大有唔少座位。但座位都幾full而且仲要排隊，可見人氣相當高企。啲間餐廳非常有來頭，Chatterbox Cafe其實源自於新加坡文華大酒店，提供正宗嘅新加坡風味美食，而當中「文華海南雞飯」更成為新加坡嘅著名菜式之一。文華海南雞飯 $123 👍🏻👍🏻👍🏻👍🏻👍🏻相信來得啲間餐廳啲道菜一定係必叫。海南雞嘅雞肉鮮嫩，啖啖肉不帶骨，而且雞味濃郁。至於個雞油飯就不得了，勁香之餘一啲都唔覺油膩，而且米飯粒粒分明帶少許煙靭，配合雞同配料醬汁一齊食，簡直係絕配，果然係名不虛傳。今晚果碟嘅雞肉係雞胸位置，如果可以加錢轉雞髀就wonderful了。招牌大蝦喇沙 $163 👍🏻👍🏻👍🏻👍🏻啲個招牌喇沙絕對唔可以睇少，佢個湯底濃郁之餘唔算咸，帶有濃濃嘅椰香，而且完全唔辣，係我鍾意嘅類型。米線非常滑溜，吸收左喇沙湯底而且做到掛麵嘅效果，味道真係頂瓜瓜。大蝦有3大隻，口感同味道都唔算突出，下次我會選擇雞肉，可以平$51 抵食好多。特色咸蛋雞翼（6隻）$83 👍🏻👍🏻👍🏻👍🏻啲道菜有驚喜，雞翼炸得啱啱好，外脆內嫩，再加上咸蛋黃醬非常野味。雖然又炸又咸蛋黃，但一啲都唔油膩，亦唔會太咸，而且雞翼係採用新鮮嘅雞，同雪藏雞翼完全冇得比。啲道菜要煮得好食係好考廚師嘅功夫，而佢係做得出色總結：佢兩道招牌菜都做得出色，係屬於必試系列。價錢定位偏貴，如果價錢可以親民啲就perfect啦～食物：❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️翻兜指數：❇️❇️❇️❇️…查看更多