尚鮮海鮮料理

營業中

休息中

身為食肉獸嘅我打邊爐一定會揀任食放題（可以任食肉回本🤭呢日比朋友拉左我黎尚鮮食散叫嘅火鍋😅第一感覺：咦 咁乾淨嘅？本身諗住可能會好似酒樓咁坐得唔舒服😅嚟到地方唔大 不過坐得幾舒服又靜😳少有Menu有串燒 刺身甚至乎私房菜😳我地今日淨係打邊爐 湯底嘅選擇都好多 搞到我地好難決定😂呢排天氣又熱又焗 叫左個冬瓜湯消下暑～另外揀左個血池麻辣湯🌶️湯入面有好多黑木耳😋呢度啲湯都係一盅盅自家熬製嘅～超有誠意湯底好足料👍🏻滿滿冬瓜粒 瘦肉 姬松茸 好清甜上枱時試左一啖 深深咁愛上左 好有呀媽煲嘅靚湯feel😍極不是味精湯！成餐飯我諗我飲左4碗😂店員都好好服務不斷幫我地加湯同隔油 相當貼心手切牛份量都唔少 油脂均勻豐富平時食牛都要就住落淡口味嘅湯因為怕湯底太濃會蓋過咗牛味 今次呢隻牛不論落冬瓜湯定麻辣湯都一啖就食到好重嘅牛味 而且仲好滑 好出色👍🏻共有4款丸 墨魚 蝦 豬 牛 漸變嘅顏色砌得好靚 全部自家手打誠意滿分好有驚喜嘅係每一款入面都有唔同餡料🤭其中有咸蛋黃 黑松露等 豬肉好厚身 形狀好特別 食落唔會有雪藏味 質素很好👍🏻田園盛入面有白蘿蔔 粟米 蕃茄 同幾款菜蔬菜新鮮唔會有變黃或爛嘅👍🏻我地亦叫

今晚同朋友去佐敦行街，到晚飯時間，我地揾佐敦邊爐，一search就見到呢間尚鮮火鍋海鮮料理，於是我地就跟住地圖去左吳松街。好快到左餐廳，去到就安排就座，成間店主調係紅色：好有打邊爐感覺😆店員好好，就在我地order完就上調料比我地自己配。我地點左什菌素鍋做湯底先黎百花釀油條呢個可以即食，都可以落湯滾一滾。好脆口，油條中間釀左蝦滑，好好食👍🏻👍🏻我們肉食就點左 特尚手切牛D牛肉好靚，雪花肥瘦均勻，有一定厚度👍🏻👍🏻另外，仲有醉香鮮雞件，D雞係浸過酒的，別有另一番風味我們仲點左雙拼餃子-鮮蝦雲吞+西洋菜香菇餃，各四隻，兩個人岩岩好。而黎到呢間火鍋海鮮店，點少得叫海鮮呢，我們叫了花甲，雖然唔多，但花甲夠大隻、夠鮮甜最後菜點左油麥菜，都切好晒，size岩岩好，都唔會太大太細棵。在打邊爐期間，店員仲幫我地撇去湯面既油，好讚👍🏻👍🏻👍🏻👍🏻今晚我地食得算豐富，種類好多😋😋

是日於佐敦附近下班，便跟同事找到一間樓上火鍋一起用餐，可以慢慢促膝長談。餐廳醬油每位收取$30及加一服務費。值得一讚，侍應會主動換碟及加湯，服務也很禮貌。鍋底雙拼 - $165左邊是三高茶什菌湯，屬於素湯底。裡面果真有包茶包，愈泡愈濃郁不澀，茶湯清澈，入喉回甘，什菌更顯鮮味。右邊是血池麻辣湯，選擇少辣，辣椒愈泡愈辣，有點麻辣感，口感較為惹味。特尚手切牛 - $180牛肉片非常軟滑又夠肉汁，入口不黏牙有嚼勁。鮮打四寶丸 - $86分別是牛肉、豬肉、墨魚和蝦四款各兩粒，形狀不是特別大粒，但滾起來變得更大，而且入口鮮美彈牙，好爽口。大花甲 - $119花甲果真特別大粒，新鮮得開口吐舌，清洗得好乾淨，完全不帶沙，入口鮮甜可口。芝心獅子狗卷 - $44獅子狗卷薄薄的魚肉包裹著流質的芝士，好香口。芝士腸 - $44火鍋必點的脆皮芝士腸，咬開肉汁和油脂湧出。稻庭烏冬 - $27吸收湯汁精華，質感光滑而有彈性。有機田園盛 - $86健康的蔬果類正好平衡火鍋的油膩感及膳食健康，鮮甜的蕃茄、粟米和蘿蔔好入味，還有不少的生菜和娃娃菜。

朋友口痕話好耐冇食過海鮮叫我推薦，我醒起早排有人同我推介過一間佐敦私房菜火鍋店話正到爆，野食高質服務又好，唯一係位置大隱隱於市，咁我就問清楚地址，其實就唔難搵，不過可能係樓上舖所以平時少人留意到 仲有唔少酒可以配火鍋，可惜最近飲得太多今晚就唔叫住 朋友嗜辣我就唔多食得辣，一個雙拼鍋底（血池麻辣湯＋98三高菜什菌素鍋）岩哂我地話明食海鮮我地要左份生壕，真係要讚一讚，入口零腥味，比起日料店有過之而冇不及，非常新鮮 燒牛舌-我的最愛，呢間燒得非常入味，牛舌質感肥美厚實，推薦！另外不得不提係特尚手切牛（$180）一睇牛既花紋顏色就知係靚牛，入口完全冇肉渣，食肉獸好滿足^_^連蔬菜都係靚料！超級大份有齊五種有機蔬菜，五顏六色咁好吸引，食落更覺鮮甜，咁多有機靚菜都係$86，三四個人食都絕對足夠  真心推薦呢間比大家，舖頭服務態度好好，成個用餐體驗令人好滿意，而且食物種類多，海鮮火鍋同燒烤樣樣齊

男朋友好鐘意打邊爐，上網揾到呢間尚鮮火鍋好多好評就揀咗呢間。餐廳環境舒適，坐位寬敞，侍應服務仲好貼心，會主動幫客人加湯同清走湯面上嘅油，抵讚！可惜當晚只係得我同男朋友兩個人食，所以嗌得唔多野食。呢間火鍋好受歡迎，我地平日夜晚食都全場full晒，想食嘅朋友記得要提早book 枱呀-生蠔 $116入口柔嫩滑潤冇腥味，海水味適中，帶有淡淡嘅甜味，蠔味都幾濃郁，擠少少檸檬汁直接食已經好好味，價錢又唔貴，性價比高-血池麻辣湯拼姬松茸冬瓜湯 $136湯底有超過十款選擇，其中有五款都可以雙拼麻辣湯辣度適中唔油膩，仲有大量爽脆雲耳冬瓜湯好清甜，因為冇落味精所以就咁當湯飲都得，而且非常足料，有好多冬瓜粒同松茸-特尚手切牛(中) $180打邊爐點可以冇牛肉，雪花紋好靚，肥瘦適中，入口嫩滑軟稔，肉味非常濃郁-鮮炸脆響鈴 $48新鮮炸起嘅響鈴脆卜卜，放落湯浸一、兩秒就食得，脆脆地之餘又吸晒啲湯同肉汁-越式扎肉 $42札肉厚薄適中，口感紮實，食落爽滑彈牙，放落麻辣湯超夾-自家製青檸梳打蜜 1000ml $68味道酸酸甜甜，解辣同解暑都一流呀

香港人一連4季也愛打邊爐, 有時候一大班人聚會沒有IDEA的話, 恰下恰下也是不錯選擇🥘今晚約了很久沒見的舊同事晚飯, 聚舊的話打邊爐就最prefect，最重要是沒有時間限制舊同事在佐敦區工作，說這邊較多火鍋店，今晚一於交比佢發板！尚鮮位於佐敦吳松街，舖頭是1F樓上舖，街上有banner指示，不算太難揾翻開menu，有多款套餐供選擇。每個餐包含曬打邊爐必備既材料，岩曬唔想煩既朋友打邊爐最重要既環節，混醬土鄉清湯底，其實就是芫茜皮蛋湯有點像家的味道，而且料足，打邊爐前先來一碗，料多又鮮甜。特尚手切牛，紋理精緻，肉質鮮嫩鮮打牛丸拼豬肉丸，田園盛打邊爐不可缺少的丸類，分別有牛丸和豬肉丸而田園盛會沒有指定菜款，取決於當天那款菜最新鮮🌱廣島蠔拼脆鯇片值得一讚的是廣島蠔，蠔肉鮮甜滑嫩，啖啖肉，最重要是沒有沙！脆鯇片爽嫩香脆，食落便知是新鮮貨色。台式黑椒腸拼日式蟹柳🦀以台式腸打邊爐還是第一次，甜甜地都幾惹味木耳鮮蝦雲呑拼西洋菜香菇餃木耳雲呑涵多足料，大大粒蝦肉無花無假西洋菜香菇餃味道特別，但較容易滾爛，打邊爐要睇實最尾我們選了以出前一丁來作句號打完邊爐的湯底來煮出前一丁夠晒味，無須再加味粉

香港地打邊爐係不分春夏秋冬，只要想食，梗有一間喺附近。但既然有選擇，當然要揀間有質素架啦。今次黎呢間喺佐敦嘅尚鮮火鍋海鮮料理，喺一幢商業大廈入面，電梯門打開就清楚見到。叫得火鍋海鮮料理，主打當然係海鮮啦。魚缸大大個，D海鮮有空間游黎游去，保証生猛。我地四個人，但阿爸阿媽話食左下午茶，而家唔肚餓，唔好嗌咁多喎，唔想浪費食物。咁我提議不如叫個二人精選套餐再另外散叫少少野食啦。叫左3杯飲品，左起生啤、青擰梳打蜜同可樂。田園盛先到，有粟米、蓮藕、金菇、生菜等等，老婆大人又提住我，食左菜先，唔駛等啲菜吸晒油先食，健康啲喎。湯底揀左秘制傳統土鄉清湯，有莞茜嘅清香，夠晒正氣。我最鍾意呢款台式黑椒腸，少少辣辣地，加上黑椒味夠晒惹味。日本蟹柳都唔錯，記住唔好淥太耐，咁就唔會一夾即散啦。跟餐係鮮打牛丸拼豬肉丸，但知道阿媽鍾意食蝦丸同墨魚丸，所以我另外散叫呢個四色丸尚盛。有齊牛丸、豬肉丸、甜薯墨魚丸及芥末籽鮮蝦丸四款。睇見幾款丸色澤分明就知係即叫即製。而且丸裡仲有包心餡料，令整體的味道更為豐富，口感非常特別。手切牛切得夠薄，所以只需淥幾秒即可，牛味夠重且入口香軟腍嫩，一定係上等靚牛。脆鯇片肉質爽脆，但吃時要

尚鮮喺商業大廈一樓，一開𨋢就見到大大個門面，唔驚走錯路餐廳細細，但梳化坐得超舒服 多人嚟食嘅話仲可以坐圓枱，睇住電視、圍住食 順帶一提，廁所好大好乾淨，加分今次食左二人精選套餐，$688。有11樣配料，物有所值架！湯底係土鄉清湯，入面有皮蛋、莞茜、豬肉，仲有糖冬瓜，好清甜！ 職員服務超好，喺落配料前幫手倒左兩碗清湯飲住先，非常貼心特尚手切牛份量唔多，但每塊都好鬆軟、好好味 配上芝麻醬或者豉油食，更加惹味然後有木耳鮮蝦雲吞同埋西洋菜香菇餃。個人好鍾意雲吞！鮮蝦好大隻，啖啖都食到蝦肉！ 餃子就大大隻、好多餡，全隻都包住西洋菜架仲有脆鯇片同廣島蠔！脆鯇啲肉好爽，啲骨好細，直接食埋都無問題 廣島蠔隻隻都好大，肉好厚身！一定要食其他嘅火鍋配料都唔錯，但特別推薦以上三款 有機會一定再嚟食！

佐敦一向多地道優質食肆，和朋友行經永安百貨後的吳松街，那裏有不少火鍋專門店，剛看見一個大型座地招牌。「海鮮料理，精品火鍋」八個字，就已經吸引着我們，便立即去試一試。到達店舖後，店員有禮貌地安排我們坐到卡位還主動將菜牌交給我們點菜，上班已經一整天，忙這忙哪，晚飯已經不想多動腦筋，餐廳設有二人精選套餐，套餐還有手切牛，生蠔，脆鯇片，鮮打牛肉及豬肉丸及飲品等，這些火鍋料都很合胃，我們便點選了這二人餐，並選了芫荽皮蛋瘦肉湯底。由於朋友當天還要走第二場，所以我們六時半便已經吃飯，到餐廳後還未有其他食客，所以更能仔細留意店舖的特色，店舖內有三層新鮮魚缸，見用心主理海鮮料理。店員先將醬料拼盤上枱，供我們自行選擇配料，內有香蔥、芫茜、辣椒、生蒜、乾蒜和沙茶醬，豉油等等，應有盡有。由於我倆都不飲酒，所以特別選了店家自製的洛神花蜜茶和檸檬梳打蜜，兩杯飲品味道都很清新，打邊爐飲這兩杯飲品感覺可以消消熱氣，兩杯之中我較喜歡洛神花蜜茶，因為其他店家比較少有，甜度亦都適中，微酸的感覺可以幫助消化。這套餐主打手切牛，看見這手切牛的脂肪肉質分佈，已知這牛肉質素是上品，肉質很軟淋而不韌，可惜我已戒食牛肉好幾年，否則一定