牛油果沙冰

晚市時間出咗大圍覓食見到呢間越式料理full唒，好彩員工做野都好快手，好快入得座。🍽️西貢咖喱牛腩配法包 $80咖哩份量都唔少，入面有幾舊大嘅半肥瘦牛腩，煮得好腍好入味。咖哩味道濃郁，配上蒜蓉法包一齊食好好味！法包外皮唔會好硬，好容易咬！🍽️濱海伴香茅牛肉 $76濱海係越南常見嘅小食~一絲絲幼細嘅米粉組成一個個米糰 ，加上蔥碎同炸蒜碎鋪喺面頭，食落口感偏煙靭，相當有趣。用生菜、香葉包埋米粉、牛肉、花生碎等一齊食口感好豐富，香茅牛肉味道亦好突出。🍽️街頭香葉卷撈檬 $66香葉卷包裹住肉餡，幾香幾特別。檬粉份量好多，口感偏有咬口彈牙，差啲食唔唒！🍹牛油果沙冰 $36抱住一絲希望喺呢度叫咗一杯牛油果沙冰希望好飲，結果真係有驚喜！好怕飲沙冰飲到成口都係碎冰！竟然呢杯牛油果沙冰一啲碎冰都冇，入口非常幼滑好似奶昔咁，而且仲有濃郁嘅牛油果同奶香味道，真心滿足！！.雖然淨係叫咗一個主食，但我同朋友都食到好飽！抵食！…查看更多

今日嚟到大圍行完圍坊 就嚟到對面食呢間 河內越式料理～ 上網見到呢間都多人排隊 所以都特登早少少6點嚟食 入去坐低無耐就開始要排隊啦🤣 坐低睇睇餐牌 淨係越式湯粉都好多選擇 仲有唔少小食 樣樣都好吸引😋 極品牛三寶湯河粉 $72最先嚟到嘅係湯河 牛三寶包括 生牛肉，牛展，牛丸 湯河一上枱已經勁香😋 睇住啲生牛肉慢慢俾湯淥熟 牛肉大塊又有牛味 半生熟好好食😌 牛展煮得啱啱好又入味 牛丸彈牙 大推生牛👍🏻 香茅豬扒撈檬 $64豬扒大塊 香茅味香 唔會韌又入味 檬粉加咗撈檬汁酸酸甜甜好開胃😌 牛油果沙冰 $34呢個沙冰真係大推👍🏻😍 一上枱真係嘩一聲 超大杯！牛油果味濃 沙冰打得好滑身 同奶昔有得揮😋 叫咗少甜 味道啱啱好！ 河內豬頸肉三文治 $52啱啱烤好嘅法包咬落仲係熱同脆卜卜😍 豬頸肉都有兩大塊 醬汁調得啱啱好 加咗啲菜同青瓜好清新唔會膩 好食！ 順化炸蝦餅 $72食越南嘢一定會食蝦餅😋 啱啱炸好就上枱 蝦肉彈牙熱辣辣個邊又脆 大大塊點埋酸甜醬 好味🤤 軟殼蟹米紙卷 $70勁足料！軟殼蟹仲係脆卜卜 米紙卷包得好實 唔會一咬就跌晒出嚟👍🏻 整體嚟講 呢間河內越式料理 食物質素不錯 有去咗越南嘅感覺 店員服務態度好 地點又近火車站 下次都會再嚟食😬…查看更多

今日咁啱去大圍睇戲見到呢間餐廳超受歡迎🤣 門口好多人等位就知道質素有返咁上下❤️ 今次試左佢個二人餐CP值超高 $200就食到超飽😛 口味都非常唔錯呢🇻🇳⭐️ 生牛肉湯粉 🍲湯底唔會太鹹值得一讚👍🏼 而且生牛肉加上湯既熟度一流😚 再配上辣椒同青檸調味口感岩岩好🌶️⭐️ 香茅雞翼撈檬 🍗雞翼炸得香脆又充滿香茅既香氣🔥 配上撈檬既感覺就比較清爽🍀⭐️ 安南鮮蝦米紙卷 🦐米紙包住蔬菜同鮮蝦特別配上魚露一齊食🫔 鮮味既點綴作為小食好清爽🍃⭐️ 越式生菜包 🥬特別加咗個生菜包試吓💚 肉碎炒得有鑊氣好香口🥗 辣度恰到好處好有地道風味⭐️ 田園灼時蔬 🥦灼菜值得一讚都幾新鮮🤩 炸蒜調味岩岩好🧄⭐️ 越南滴漏咖啡 ☕️黎食越南菜一定要試地道既咖啡🤎 咖啡用滴漏既方法香氣特別濃醇🥳 而配上煉奶既口感特別滑特別地道🏝️ ⭐️ 熱情果冰 🥭熱情果既口味好消暑好有夏日既感覺🏖️酸酸甜甜感覺不錯⭐️ 牛油果沙冰 🥑呢樣係我每次去越南既摯愛🩷 牛油果食得出真才實料好Creamy🍼又唔會有草青味 好有夜市既地道氣氛🌙…查看更多