極尚大喜屋 (鱷魚恤中心)

今日中午，相約了朋友到公司附近的極尚大喜屋放題任食，可以同時間試多款食物，盡情地大吃大喝🍴，原本都已經好興奮，加上連燒金枕頭榴槤王/榴槤炸彈/榴槤咖啡，全部都係任食任飲，真係加倍開心💕餐廳座位闊落，自助區仲有甜品，生果，熟食，爆谷，冷熱飲品包括有清酒，啤酒，咖啡，果汁，豆漿……我們掃qr code落單，魚生/壽司/炸物/天婦羅/串燒/燒物/一品料理，每款都點了一些，超飽超滿足🥰 平日成人午市放題任食$248，除了飲品和雪糕，我們共點了以下36款食物🙈🙈🙈#燒金枕頭榴槤王#榴槤炸彈#燒雞泡魚干#西京燒比目魚#蒲燒鰻魚#醉鮑魚#清酒煮蜆#蟹皇醬赤蝦#日式芥末茄子#紫心香芋丸#螺片#北海道帶子#北寄貝#三文魚#油甘魚#希靈魚#松葉蟹腳#燒香草羊鞍#鹽燒鯖花魚#黑椒蜜汁一口牛#牛油粟米#極尚花膠盛宴#鹽燒三文魚煵#柚子胡椒和牛肩胛#芝麻雞翼#甜蕃薯天婦羅#鹽燒雞軟骨#甜蝦#赤蝦#冰山蚌#法式紅酒藍莓鵝肝#三文治鰻魚玉子燒#龍蝦沙律櫻花蝦多士#煙鵝胸鵝肝多士#蟹肉芝士軟殼蟹#蜜汁仿鮑片除了榴槤之外，特別推薦西京燒比目魚，非常好味😋…查看更多

上個月尾與朋友食放題時才發現加錢可升級榴槤放題，可惜嗰日吃得不夠盡興，皆因朋友不是榴槤迷….今次就約位榴槤愛好者一齊勁食，他還要找到一間任食燒榴槤的放題店，有特色，吸引呀！餐店地方超大，多排二至四人卡座，亦有長枱，坐得舒適，而自助區就集中在中間，好方便。由5:00pm-7:00pm是晚巿放題最優惠時段，成人($258+10%/位)可任飲任食2小時，重點是不用加錢就有期限定榴槤放題，多款榴槤美食任食，好興奮！******************************先去自助區取食物和飲品。超級大型的飲品雪櫃有不同牌子的啤酒、茶、泡茶、汽水、果汁、紙包飲品等，另外有清酒和梅酒，再貼心一點，有熱飲包括熱茶、熱咖啡、熱朱古力等，超多選擇。朋友要了包茉莉綠茶來迎接大量美食，而我就要包檸檬薏米水，可美白兼清解。******************************再去自助區取食物，冷盤有西瓜、泡菜、麻辣雞腎、麻辣豬耳、枝豆、沙律菜、手拍青瓜、泰式鳳爪、藤椒魚皮、凍熟蜆、凍熟蝦、中華沙律、帶子群邊等；炸物有炸雲吞和章魚丸；熱食有蒜子浸時蔬、南乳花生炆豬手、明爐蒸魚、小龍蝦、龍眼蜜糖水、蟲草花烏雞湯等等。我們一次取了兩大碟，有泡菜、麻辣豬耳、手拍青瓜、泰式鳳爪、藤椒魚皮、凍熟蝦、中華沙律、帶子群邊、蒜子浸時蔬、南乳花生炆豬手和明爐蒸魚，差不多樣樣都試少少。我最喜歡藤椒魚皮，香辣惹味又滑溜。中華沙律、帶子群邊和手拍青瓜亦爽口入味，好味! 南乳花生炆豬手就滑嘟嘟，弄得好夠味，不錯! 還來一碗有益補身的蟲草花烏雞湯，熱辣辣，甘香順喉，煲得夠火喉，相當好喝!******************************QRcode下單項目有多，有刺身、創作壽司、火炙壽司、壽司、手卷、燒物、炸物、天婦羅、串燒、一品料理和煮物。平時先點刺身，但今次就不同，因為我們都是為榴槤而來，一次過取了多款榴槤美食，有榴槤芝士撻、榴槤奶凍、榴槤大福、榴槤雪條、榴槤炸彈、燒金枕頭榴槤王，還有榴槤咖啡，大滿足！最喜歡是榴槤炸彈和燒金枕頭榴槤王，前者外脆內香滑；後者經燒後別有一番風味，兩款都滿載榴槤香，質素佳！我們共encore了三四次，厲害!******************************刺身點了三文魚、松葉蟹腳、油甘魚、希靈魚、帶子、赤貝、北寄貝、赤蝦刺身、甜蝦和八爪魚。油甘魚好肥美，柔軟油潤；甜蝦和赤蝦好鮮甜，微爽黏滑；希靈魚好爽脆，這幾款刺身都質素不俗。******************************接住是壽司上枱，有芝士鰻魚玉子燒、蟹肉芝士吉列蝦、芝士蟹料玉子三文治、鹽燒三文魚腩、柚子胡椒左口魚邊和蒜香青蔥燒牛肉。經燒的壽司果然很討我歡喜，油香四溢，肉質柔軟。最喜歡是柚子胡椒左口魚邊，甘香油潤，調味剛好，好正! 芝士鰻魚玉子燒配搭亦美味，encore之選。******************************還點了不少燒物、炸物和一品料理，有蒲燒鰻魚、鹽燒牛舌、燒香草羊鞍、西京燒比目魚、鹽燒鯖花魚、黑松露忌廉汁蝦球、蒜蓉粉絲蒸扇貝、燒溫室甜菠蘿、極品花膠盛宴、王牌燒乳鴿王和醉鮑魚等等，超級豐富。燒香草羊鞍啖啖肉汁，肉嫩油潤，還帶點羊羶味，風味十足，推介! 黑松露忌廉汁蝦球都好好食，大大隻又彈牙，充滿黑松露幽香。燒溫室甜菠蘿非常香甜多汁；蒜蓉粉絲煮扇貝肉嫩肥美，充滿炸蒜香，兩樣都最少點了兩次；西京燒比目魚魚嫩滑油潤，必是encore之選；王牌燒乳鴿王燒得皮薄肉嫩，啖啖肉汁，難怪是王牌！醉鮑魚好腍嫩，有少少酒香。******************************甜品時間，選擇都不少，有雪糕杯、甜筒、冰條、小蛋糕、大福、乳酪、豆腐花、糖水等，重點是haagen dazs雪糕任食，我們要了雪糕、乳酪加爆谷、黑森林蛋糕和tiramisu。haagen dazs的lotus 餅口味雪糕好好味，出面好似不見有零售，值得一吃！------------------------------一次過吃了那麼多榴槤，還要款款各有特色，榴槤魔力真大，太滿足！真是要趁期間限定再約班榴槤迷來。…查看更多

同朋友去觀塘行街，好肚餓，超級想食放題，樓下見到極尚大喜屋傳單覺得都幾抵，於是試下😄😄呢間放題選擇真係好多，炸物，刺身，壽司，串燒等等，包羅萬有。而且每樣都做得好有誠意，真係好好食，以下是一些精選推介😋😋😋😋😋極上花膠盛宴😋😋😋😋😋花膠好厚肉又大塊，好入味，有五星級中式酒店飲宴嘅級數蒜蓉粉絲蒸扇貝😋😋😋😋😋鮮味嘅扇貝，上面有脆卜卜嘅炸蒜，一啖食落去真係好享受燒香草羊鞍😋😋😋😋😋好大件，啖啖肉，肉質鮮嫩，外面焦香，裏面仲有肉汁天婦羅蝦😋😋😋😋😋新鮮炸起脆卜卜，唔會過火，好大條，炸漿唔算太厚，剛剛好海膽山😋😋😋😋😋新鮮海膽配上薄薄的青瓜，一啖咬落去感覺好清新，鍾意食海膽嘅朋友一定要狂食！！王牌燒乳鴿王😋😋😋😋😋呢個真係好驚喜，充滿肉汁嘅乳鴿，脆卜卜嘅外皮，絕對係高級酒樓嘅質素，竟然在放題可以食到，真係好超值燒溫室甜菠蘿😋😋😋😋😋燒菠蘿用嚟消滯啱晒，食嘅時候小心啲，真係會爆汁鹽燒牛舌😋😋😋😋😋唔會太鹹，味道剛好，燒得夠火喉，充滿焦香，好大塊黑松露油甘魚壽司😋😋😋😋😋意想不到的美味，一入口先有濃郁的黑松露味，然後油甘魚的甘香慢慢滲出來，正！蒜香青蔥燒牛肉壽司😋😋😋😋😋燒牛肉一啲都唔會韌，配上青蔥同埋炸蒜，很好的配搭，真係要試下總括嚟講，呢間放題真係高質素，性價比很高，絕對會回頭再食😋😋😋😋😋😋😋😋…查看更多

官塘呢邊簡直係放題集中地，食過同集團嘅放題都幾好，今日就約朋友黎呢間未食過嘅品牌黎個dinner buffet～環境同其他極尚系列一貫光猛幾整潔，一入門口就見到前菜沙律區、飲品、甜品區等等。熟食同凍食都有頗多海鮮類，刺身壽司特別係池魚王壽司、油甘魚夠哂鮮味，象徵拔蚌夠哂爽，赤蝦非常大隻。熟食方面有啲驚喜，香草牛油煮蜆係無甩殼新鮮貨，無沙，好香奶油香。燒香草羊鞍係要encore item，大隻唔肥夠香羊肉味，熟度剛好易入口，好yummy~呢度有隻少見嘅北歐拉脫維亞雪糕，係比較低糖低脂嘅脆皮雪條，朱古力脆皮上仲有果仁，好好味～…查看更多

今日去咗觀塘搵朋友食飯 諗緊食咩嘅時候行行吓見到呢間極尚大喜屋 我哋對望之後就入咗去啦😂 午市放題12點至3點 平日都係二百零蚊好抵食呀😋 觀塘呢間超大 職員好快就安排咗我哋入去 幾乎全場爆滿呀😬 坐低佢就會比張QR code我哋點嘢食 好方便再唔係以前食親放題都係一大疊紙 點完再要店員收 依家超有效率👍🏻 圖文並茂非常好 因為有時啲刺身名我哋都唔知佢個樣係點 仲有好多熟食 炸物 壽司 手卷等等然後我哋叫咗好多嘢食🙈 坐低點完嘢食之後就出去拎自助嘅嘢食啦😆 特別一提係佢嘅自助飲品有暖飲櫃🤩 特別係食咗好多生冷嘢都會想飲少少暖笠笠既野 讚呀😌 仲有軟雪糕機可以自己整啦凍熱清酒可以試吓🍶 熟食區有煎餃子 炸雞 豬手 糖水 麵豉湯等等沙律小食有水果亦都有泡菜前菜等等 甜品區都有多款甜品可以選擇 每個甜品都係細細份可以試唔同嘅味道😋 仲有雪糕櫃有好多款雪糕雪條可以選擇😌 嘢食嚟啦🤩刺身方面：三文魚 油甘魚 北寄貝 帶子 象拔蚌 赤貝 螺片 八爪魚🐙 特別介紹花海蜇 刺身都係好新鮮冇雪味 好味呀😆仲有鮑魚 花膠湯都係必食推介😌 壽司方面就推介一個叫做 椒香辣味三文魚軍艦 係食緊麻辣火鍋味嘅感覺😂 都幾特別😬炸物 牛舌 比目魚 都唔錯風味淋燒魚乾一定要食呀 好食😬 手卷方面就一定要食海膽同埋吞拿魚碎 細細舊咁唔會太飽但又可以食到海膽😋😋 燒香草羊鞍都好好味😋 記得佢一上枱嘅時候就即刻食 熱辣辣最好食😋 食咗咁多凍嘢 食一碗熱辣辣嘅烏冬真係唔錯 最後梗係食雪糕啦😆今次揀咗軟雪糕機嘅雪糕 好滑身 係海鹽味同埋朱古力味😌 整體嚟講呢間極尚大喜屋 午市放題真係幾抵 款式選擇多 環境舒適 時間又夠長 可以慢慢食試多啲唔同嘅嘢 唔錯呀😬👍🏻…查看更多

周末，沒戴口罩年代是花不起時間等位的apm 附近的知名放題。午市12點，約廿人在鱷魚恤樓下等𨋢，無訂位，排住一條不停郁動的短龍，直入。樓底夠高，類近一般酒樓大的場，全場交談也不覺吵耳，冷氣超凍，18度左右，通風相對夠爽。好處：食足3小時，hea 吃躺平吃的慵懶，2:30 last order。最重要是這陣子：有開！任飲罐裝asahi 。酸菜魚始終非放題專科，不夠酸辣，只剩鹹味，但魚夠滑也值得一吃。黑椒蜜汁一口牛炒得夠香黑椒味。刺身等品不多介紹，新鮮度也毋庸置疑。軟雪糕機左掣是海鹽、中掣是扭紋、右掣是朱古力，第一下按壓得空氣，第二下出少量水，到第三次按才出正常軟雪糕。有青蘋果、蜜桃、士多啤梨果醬及朱古力醬；另針狀碎糖、數款橡皮糖供累加。…查看更多