TOSS 蘇媽.蘇媽

營業中

休息中

好味指數😋😋😋😋回頭指數 ⭐️⭐️⭐️開心指數🤗🤗🤗其實蘇媽蘇媽我食過深水埗、旺角同荃灣分店，當中以荃灣係做得最差。同朋友 gathering，佢揀咗食沙田嗰間。上網搵 Treasure of Semua Semua（TOSS 蘇媽蘇媽）同 Kedai Kopi Semua Semua（蘇媽蘇媽馬來西亞餐室）有咩分別，唔算太搵到，只係響 社交平台 呢間沙田嘅 TOSS 專頁中搵到店家回應客人講TOSS係新品牌（但又冇講分嘢係咩），升級咗肉骨茶嘅質素同埋冇添飲。睇返個餐牌，食物 item 比起深水埗原店係多咗，但同時價錢都貴咗！例如大雜錦肉骨茶，就係$198 同$148，椰汁斑蘭冰係$48 同$38嘅分別，大概係貴咗30% 左右。🍴大雜錦肉骨茶（$198）呢款肉骨茶係有幾款唔同嘅肉，再有冬菇、豆卜、腐皮、油條等配料，店方面講個肉骨茶升級咗，同埋冇得添飲，其實我自己冇覺得wow升級完好飲咗好多，somehow 我覺得同原本嘅冇咩明顯升級，我彷彿覺得係變相加價 only～🍴奶油大蝦（$188）呢個我記得原店冇嘅，大蝦有4隻，配有油餅，蝦都幾大隻新鮮，肉質爽口，個汁好 creamy 好味，幾好食！🍴

相當有名的一間連鎖馬來西亞菜，位於商場底層，位置不算寬敞，餐廳會提供QR code給客人下單。《$48 椰香咖央多士》⭐️⭐️⭐️⭐️微微烘過的多士，熱力將牛油同咖央醬溶為一體，果然是絕配！牛油唔會太厚身，岩岩可以溶得哂，食哂都唔會太有罪惡感。《$92 燒豬頸肉配馬來沙嗲醬》⭐️⭐️⭐️⭐️馬來沙嗲醬微甜，花生香味不重，偏杰身。豬頸肉肉質好嫩，好彈牙，唔點汁都已經好好食。《$62 邪惡炸饅頭》⭐️⭐️⭐️餐廳呢一款炸饅頭，相比起平時食開既只有一半大小，味道仍然係外脆內軟，點上煉奶恰到好處，但$62性價比有點低。《$98 蝦米醬炒鮮魷通菜》⭐️份量同食大排檔差唔多，大大碟，但魷魚得幾粒，話明蝦米醬但又冇蝦米味，仲要收$98性價比極低。《$86 椰香咖喱叻沙》⭐️⭐️湯底好香，椰香味好重，又唔會太辣。螄蚶有少少腥，豆卜吸哂d湯好好味，其他配料仲有豆角，魷魚圈，蝦仁，魚肉卷，款多量少，不過不失。