小魚兒 (金馬大廈)

營業中

休息中

冬天凍冰冰，梗係去滾下滾下暖一暖啦今日又去小魚兒，仲帶左我個好鐘意食魚既同事去必點酸菜烤魚，又夠酸又夠辣，啲魚又滑，又少骨，岩哂我！同埋我食魚唔會反，佢呢個劏好左岩哂我🥰配料勁多，又有滑豆腐同芽菜，仲有寬粉，正！加左安格斯肥牛烚下烚下，好正呀，入口即溶又有牛味！仲叫左啲串燒，推介燒白鱔，仲有椒鹽鮑魚最後仲叫左個燒菠蘿！超好食，個焦糖勁脆，同菠蘿勁夾，都係我食過最好食既燒菠蘿！依家openrice book位仲有75折同升級江團魚，2個人食都係$2xx正呀

有一日，好想食辣於是搵下有咩推介啦～ 比我搵到呢間「小魚兒」，我地就係度慶祝生日！ 到步後，填番基本資料量體溫就可以安排入座了。地方唔係大，但可容納好多台客人。我地就坐近水吧位置。餐牌有太多選擇了，樣樣都想食，最後又係叫到成台都係食物啦首先叫左鴨血、響鈴、安格斯牛肉（小）、黑毛豬腩肉。重點黎啦～ 就係老壇酸菜豆花海鱸魚（小辣）個湯底有粉皮、芽菜、豆腐，樣樣加埋唔錯！ 如果食得辣既，可以選擇大辣。食下食下又叫多左其他燒物啦～ 值得推介係燒鱔同炸榴櫣

今日去K11商場買野，買完就順便係尖沙咀食埋野先返屋企，openrice揾下附近有咩好食，發現原來隔兩條街就有一間又有雞煲又有烤魚既樓上店，叫小魚兒！真係好耐無食過烤魚喇，決定一於去試下。營業時間係12:00-22:15地點方便，好易搵，仲有大大個招牌！上去個條樓梯都有特色設計，係牆有吾少畫作。樓梯又佈置左好多「小魚兒」仲有麻辣大師四隻大字可惜我老婆唔太食得辣🙈店內地方簡約，坐位多數4人枱為主。我同老婆早收工，可能早食啦，上到去未係太多人，店員安排我地坐窗邊4人枱！地方大d，食都食得開心啲！不過7點令就開始多人，要食既話book定枱穩陣啲！落單就有QR CODE，不過都有實體單俾大家睇。食物種類都吾少，甜品、飲品、小食同小炒都有。我地點左老壇酸菜豆花江團魚。勁大條，好吸晴！食落去江團魚既骨唔多，肉比較硬身，岩晒我食，仲有條魚都吾細，三人都應該夠食。主食配菜都有吾少，包括青瓜，紫洋蔥，豆腐，寛粉等等。感覺上質素同之前港人鐘意北上食既馳名酸菜魚有得比，咁就緊係留係香港食啦，省車錢同時間之餘又安全啲！我哋仲叫左好多配料，包括圓薯粉、烏冬、豆卜同娃娃菜原來分量好多，有啲後悔，睇黎減肥計劃又失敗