一生懸麵

營業中

休息中

同朋友路經九龍灣食lunch，佢想食個暖笠笠嘅拉麵，我哋就去咗呢間拉麵專門店。呢間舖頭，裝修開揚，裝修簡單企理。可以望到廚師煮麵嘅過程，好有日本拉麵檔嘅感覺。海老拉麵:海老拉麵看起來相當吸引人，尤其是它擁有流心蛋和大量蝦仔，打卡一流！豐富的配料為這碗拉麵增添了豐富的口感和風味。流心蛋的蛋黃濃郁，與湯頭和麵條完美融合，為湯汁增添了豐富的滋味。大量的蝦仔為這碗拉麵帶來了鮮美的海鮮風味。這碗海老拉麵結合了濃郁的湯頭、彈牙的麵條和豐富的配料，非常美味。特濃豚肉沾麵:豚肉的濃郁口感和濃厚的湯汁，好正！豚肉的質地柔軟，與麵條完美結合，使每一口都充滿了豬肉的香氣和鮮美的口感。湯汁的濃郁程度為這道料理增添了濃厚的味道，使得整體口感更加豐富。雞軟骨棒:雞軟骨棒球外層酥脆，內層柔軟，加上沙律醬吃，又香又啖啖肉，好好食！煎餃子:煎餃子的外皮薄，煎到酥脆，內部則充滿了豐富的餡料，咬落多汁，令人想一吃再吃。

一生懸麵拉麵祭🎏三間分店三款不同限定拉麵💮九龍灣分店有每日限定30碗嘅檸檬柚子拉麵！🍜雞白湯拉麵 ($95)慢煮豚叉燒 (+$20)雞白湯拉麵湯底濃郁，飲到高湯嘅味道🥰拉麵爽口彈牙，掛湯一流☺️呢碗拉麵份量麵唔少架，雞肉都比咗2件大大片，咬落肉質鮮嫩，唔夠食嘅仲可以另外係配料加叉燒，咁就一定夠飽啦🤣🍋檸檬柚子拉麵 ($75)呢個期間限定拉麵超抵食！配料有齊慢煮叉燒、慢煮雞胸、糖心蛋，超級豐富🥰健康材料配檸檬柚子湯底，感覺好清新，仲有三片檸檬裝飾賣相唔錯👍🏻🥟餃子 ($29)餃子有5隻，粒粒都脹卜卜好飽滿🤣咬落去個皮幾脆，好有咬口，不過略嫌其中1隻餃子皮炸得有少少硬身，其他方面做得都唔錯☺️🍢章魚燒 ($29)章魚燒質地係偏淋身嘅，配上沙律醬、木魚絲、紫菜等配料☺️章魚幾大粒，幾有咬口👍🏻🍂白桃烏龍/桂花烏龍 ($20/bottle)呢2款烏龍係SAGE出品，茶味幾香濃，白桃烏龍飲落有少少回甘嘅感覺，而桂花烏龍就好清新☺️

好耐冇食過拉麵🍜又未試過呢間嘅拉麵店就決定去試一試，不過味道幾令人失望😞因為湯底太油膩同偏咸，食完好頸渴，唔係我杯茶。店舖不大，枱與枱之間的距離很近。🦐海老拉麵 $88湯底偏咸亦都比較油膩，蝦味其實都唔係好濃(´･ω･`)鋪喺湯麵嘅櫻花蝦亦都冇增加蝦嘅香味。係點餐紙tick咗不要荀，但碗麵都係有荀🤔不過發現啲荀都幾好食，因為佢唔係好酸好濃味嘅荀乾。叉燒好大舊，有兩三舊切片嘅五花腩🐷唔係平時見開嘅圓形日式叉燒。我嗰舊叉燒都夠腍同埋唔會太肥膩，唔錯。糖心蛋醃得未夠耐，冇乜味。🐷白湯豬骨湯拉麵 $72較油膩的白湯，唔似平時飲的拉麵豬骨湯。麵底係幼身嘅麵，正正常常嘅麵。🥟煎餃子 $29普通的飲子。店舖十點鐘關門，九點鐘last order，員工未到九點就係我隔離用綠水抹野做清潔準備收工😬總括來說，應該唔會再試呢間嘅拉麵🤔️

一生懸麵成日都見到人食，於是就fd去試一試好唔好食先😚😚😚  😆濃香櫻蝦油拉麵😆超級推介呢個拉麵，上個陣見到大量既櫻蝦已經好開胃喇😊😊😊😊食落真係勁香濃，拉麵都好掛湯，真心好驚喜，如果食呢隻味我估應該叫拉麵會好食過沾麵😆😆😆  🤗 特濃豚骨沾麵🤗 見到佢係特濃就試一試佢先，個配料有荀，糖心蛋同豚肉😊😊豚肉係肥瘦勻稱，煎到好香個湯都係好濃郁，但味道上都係櫻蝦好食d😜😜😜同埋因為冇一路沉住，所以麵條比起拉麵冇咁入到味,但如果唔係追求重口味就已經好ok架喇🤗🤗🤗  😜煎餃子 😜餃子煎得都幾令，味道正常水準😙😙  😊章魚燒 😊呢個小型章魚燒，細細粒方便食，配埋沙律醬，木魚同紫菜食都幾和味😚😚  小店有參考日本拉麵店既設計，味道上拉麵的確係做到一定水準，加上價錢真係唔貴，平時拉麵要成百蚊，呢度最平68就有，值得一試😆😆😆  

這間拉麵店的店面很小，只有數張吧枱位及兩張四人枱，但樓面卻站了三個人，令店面有點擁擠。當天不到晚上六時到達，當時只有兩名客人，店員安排我跟朋友坐在四人枱。這裡食物的選擇不算多，我們二人點了特濃豚骨沾麵、魚介豚骨沾麵、煎餃子及章魚燒。我點的是魚介豚骨沾麵，店員建議加點青檸汁以提味。呷了一口湯，實在鹹得緊要，基本上喝不到魚介湯味，全被過鹹的豚骨湯味覆蓋。朋友點的特濃豚骨沾麵湯底則一般，沒有魚介豚骨湯般鹹，就只是普普通通的豚骨湯底，味道亦不算香濃。麵條方面我選了凍麵，硬度選了較硬，因為硬的凍麵一向比較彈牙有咬口。可惜這裡的硬麵仍是軟軟的，跟朋友點的普通硬度差不多，口感欠佳之餘掛湯力也不足，有點麵和湯分開吃的感覺。要讚的是叉燒燒得香口，味道不錯；溏心蛋不會太生或太老，煮得剛好。我一向對拉麵舖的其他小食不會抱太大期望，這裡的煎餃子中規中矩，$25五隻餃子算是實惠。章魚燒熱辣辣，可惜燒得不夠，外皮過軟不夠挺身，內裡也吃不到章魚，只吃到整顆軟身麵團加醬汁，不建議點這道小食。整體來說，如果點特濃豚骨湯底的話還可一試，畢竟在香港吃拉麵沾麵消費不低，以這個價錢在香港吃沾麵的質素來說可接受，CP值算不錯。但

雲丹拉麵 $93雲丹係日本人對海膽既叫法 其實呢個係海膽豚骨拉麵🤩海膽預先炙燒過 新鮮甘香 完整一片片唔易鬆散 一啖麵加少少湯再加片海膽食好幸福😭💛湯底愈食會愈重海膽鮮味 而拉麵既掛湯力都好強 可能係因為拉麵偏幼身 但亦都因麵條煮得過淋而欠缺彈性評分：8/10.魚介豚骨沾麵 $73本身諗住魚介豚骨湯底味道會多層次啲 可惜呢碗既魚介粉唔夠 魚介味被豚骨味蓋過😕但湯底濃郁得黎唔會死鹹 亦可隨意落青檸汁吊味 沾麵麵條掛湯力還可以 可選冷/熱麵同軟硬度 小編認為麵質偏淋 想有韌勁啲可以揀偏硬💁🏻‍♀️半肥瘦既叉燒燒到帶焦香🤤不過溏心蛋就熟左少少唔夠流心啦🙁評分：7/10.煎餃子 $25煎餃一共有5隻 餃子皮偏乾硬 餡料胡椒味重 但食落唔係好juicy 睇黎都係專心食麵好啲🙈評分：5/10

本身約咗朋友食飯 但朋友臨時有嘢做甩底 咁放工之後就唯有獨食啦覓食既時候經過呢間舖頭 其實之前lunch經過已經想試下 但真係坐滿晒人所以就放棄 今次竟然冇咩人應該就係因為過咗晚飯時間 於是就決定一試啦店面非常細 位置唔算多 所以如果繁忙時間黎 應該都要等一段時間有幾款既拉麵同沾麵可以揀 咁我就揀咗白湯豚骨拉麵同埋煎餃子坐低左冇幾耐 碗熱辣辣既拉麵就黎啦一黎就試咗嗰湯底先 嗰湯底真係超超超濃味啊雖然食得多嘅話可能會覺得小小咸 但呢度好貼心 有提供水比客人自己斟嫁麵質我就揀咗標準嘅 幾好味唔錯唔錯 咁仲有叉燒 略嫌有啲肥 不過咁樣先好味總結黎講 幾推薦呢碗拉麵餃子就有啲普通 同埋覺得唔係好夠肉汁不過好彩碗拉麵補返數下次應該會再幫襯試下其他既麵

同事講起牛頭角得寶開左間拉麵店好似唔錯，誠邀我放工一齊去試，我當然唔會推啦!得寶商場細細地，原來都有唔少野食！我地去到餐廳已經見到有十多個人等緊位，咁應該真係幾好評，哈哈！餐廳好日本feel，有bar枱位同4人枱，約有十幾個位！等位期間，店員俾左張點餐紙我地先睇睇，有位就可以即時入單，咁就可以加快速度，快啲有得食，店員真係貼心！睇一睇menu ，原來有拉麵同沾麵選擇，又可以揀麵既硬度 (硬/標準/柔），仲可以選擇熱/凍，又幾好喎！ 名古屋二郎系拉麵，同濃香櫻蝦麵都好想食，望一望牆上，見餐廳推介松葉蟹沾麵，期間限定的啊！ 一於試呢個啦！我揀左標準硬度，熱食 （因為會比較香），再加叉燒，個麵一黎到就勁香，先試啖湯，湯底好濃郁！蟹肉鮮甜又豐滿，好食！連埋啲蟹子一齊食更加鮮味！至於個沾麵，其實我真係冇食過沾麵，今日試過先知原來沾麵係同湯分開，一啖麵一啖湯，真係幾好味！ 仲有半隻蛋，蛋味濃厚，一隻太多，半隻岩岩好，份量預得幾好！另加既叉燒，估唔到有四塊，只需加$12，真係好抵食！塊塊叉燒都幾厚身，咬落去軟淋淋，係我最鐘意既口感！正！仲叫左個煎餃子🥟，煎得幾好，幾脆口，好食！

曾經係得寶商場食過一次 ,一直好想再食, 今晚和BUDDY 係九龍灣行完街順便過去食晚飯。行完街已經7點半多, 去到時候已見到要排隊, 等左大約5分鐘就可以入座了。最後和BUDDY 點選了 :甜柚子拉麵 $73凍魚介豚肉沾麵 $68煎餃子 $25小店不設加一, 水是自助的, 欣賞是用檸檬水,職員亦會主動更換水樽。等了大約10分鐘便有拉麵了甜柚子拉麵見到隔離的拉麵有棉花糖咁吸睛, 所以我揀了這個拉麵,記得拉麵到左要馬上影相, 因為棉花糖好快會溶晒入湯啦 !湯底果真有柚子味而且仲有粒粒柚子肉, 感覺新鮮。而且味道又能配合。拉麵靭度適中, 最喜歡是兩片日式叉燒。長度有手掌大, 較出面厚,肥瘦適中, 好滑, 易入口。還有一隻流心蛋, 好香蛋味, 應該用上日本蛋才有這個味道。魚介豚肉沾麵沾麵的湯底是另上, 用意是食之前沾一沾湯, 湯味濃, 而且仲有數小片叉燒。沾麵亦有二片日式叉燒, BUDDY都不禁大讚叉燒好吃。煎餃子上次食過一次, 煎得無油又香口, 今次依然保持水準,而且價錢亦唔貴 $25 有5件。因為小店較小, 所以食飽大家都會自動自覺離座, 外面已站滿食客了,BUDDY 少食拉麵亦不禁大讚

德寶商場嘅食店越開越多,依家連拉麵店都有,依間店裏面嘅座位唔多,只有十幾個位,好彩早一步到,坐低唔夠10分鐘之後已經有好幾個人係等緊位。除左拉麵之外依到仲有沾麵,男朋友叫左碗白湯豚骨拉麵而我就揀碗濃香櫻蝦沾麵。白湯豚骨拉麵嘅麵條比較幼,軟硬度亦適中,湯底亦非常之濃,有少少黏口嘅感覺。溏心蛋嘅流心效果吾錯,叉燒亦夠淋。沾麵嘅麵質可以選擇硬度,因為我唔鍾意食淋嘅拉麵,所以我就揀左較硬嘅麵,上枱後見到沾麵嘅櫻花蝦湯底充滿着櫻花蝦,但相反沾麵嘅湯底比白豚骨拉麵嘅湯底更加稀,掛麵效果唔太理想,但櫻花蝦嘅香味依然突出。麵條帶有少少煙韌口感,整體黎講如果湯底再杰一D就好啦。餃子味道一般並無特別,但係幸好唔會煎得太油。

第一次食沾麵 頗滿意呢個辛辣沾麵唔太辣，我都接受到，湯底好濃郁😍，麵條掛汁力強👍🏻不足之處係湯唔夠熱叉燒韌，溏心蛋唔錯，如果再生少少就完美煎餃子朋友食的，好似好脆咁，而且一d都唔油，感覺不錯魚介豚骨沾麵唔太食得出有魚味同豬骨味 反正就係好濃味 呢個湯更熱 我就飲左幾啖湯都唔覺得口乾👍🏻叉燒有d韌 糖心蛋OK嘅 麵嘅份量都OK👍🏻鍾意拉麵嘅朋友我覺得值得試試 白湯豚骨拉麵 加左叉燒麵條冇沾麵嘅麵條好味，不過都ok，湯都好濃，好似有d騷，不過我反而覺得幾好，同沾麵個兩款湯有得比美

牛頭角得寶商場有一個牛下商城,入面有好多懷舊裝飾,影相行街真係唔錯,雖然係牛頭角,但搭港鐵係九龍灣站出, 行去大約10分鐘。今晚放工與同事去附近搵食, 之前已經見到開左一間新的拉麵店,未到晚飯時間,又無乜人,今晚一於去試下。小店叫, 坐位唔多, 有4人座位或面向廚房的位置, 我地選擇左4人座位, 小店裝修簡單。每人一張落單紙, 再有個餐牌比你睇清楚。小店餐牌內有拉麵和沾麵各有4款, 小食2款及飲品, 價錢唔貴。我地揀選了 :濃香櫻蝦油拉麵 $73麵的硬度揀左 一上枱,見到大量的櫻花蝦,小店完全唔孤寒,櫻蝦有少許鹽味,豚骨湯底好香亦好濃, 櫻蝦浸一浸湯再食,更加入味! 麵底選擇了, 夠彈牙又唔會過淋。魚介豚骨沾麵 $68選擇了 (熱底/不要荀/麵的硬度是標準)欣賞職員細心解釋沾麵食法, 以免方法錯誤, 今次麵底第一碗粗身, 叉燒有2片,雖然薄身但肉質不錯,份量亦好多。另外再要了2款小食 :煎餃子 $25 5隻餃子可以煎至無油, 唔會油膩, 我無沾醬油, 用來沾湯也不錯雞軟骨棒 $25有2支, 雞軟骨棒密度高, 啖啖有肉有軟骨成份, 表面放了京蔥及沙律醬更惹味。雖然店子小小, 座位不多,

普通拉麵就食得多，沾麵就第一次食，所以都滿有期待！我約晚上9點多去幫襯，由於店面細，只有十多個位，所以都要等等，不過好快就有位。今次試左特濃豬滑沾麵（熱食）同煎餃子。煎餃子、特濃豬骨沾麵的叉燒&溏心蛋都不錯。但更值一提嘅係呢度d 麵有得選擇軟硬程度，今次我揀左"標準"。熱辣辣的麵沾上特濃豬骨汁後，麵條就吸滿了特濃豬骨汁，味道食落比起平時食的湯拉麵更濃，更有咬口，更Juicy, 因為平時d 麵"浸"在熱湯內會好快淋。。。所以現在一邊同朋友吹水，一邊食都唔怕一生懸麵係小店經營，見兩位師傅密密手做，而坐落的牛下新城仲有好多其他小店，之後有機會會再次幫襯！