Espuma (M88) (已結業)

今日同閏蜜出去行街，行街之前當然要食左野先喇。我地就去去17樓既Espuma醫肚。我地諗住兩個女仔食小食加一個主菜，不過見到佢個甜品好吸引，就決定食個窩夫放棄主菜。<黑松露芝士薯條，$68>一見到個黑松露薯條已經嚇左一嚇，過勁大兜勁多，完全無諗過$68咁多...不過薯條炸得好香脆，唔會太油，配上黑松露好香好好食。<焦糖單骨雞翼，$68>然後呢個單骨雞翼，外脆內滑，加左蜜糖令到個雞翼好滋味。好值得讚既係個皮整到好脆之餘，亦可以令到啲肉好滑同保持到肉汁。<奧利奧朱古力布朗尼窩夫配雪糕(Full)，$128>一見到窩夫我地都哇左出聲。實在太大份!賣相係一流，好靚，影黎打卡唔錯。而且佢窩夫係配movenpick既雪糕，絕對有質素既保證。我地都唔太好個cream，覺得太膩，可能食其他味會無咁膩。不過窩夫本身好好食，外脆內軟。<招牌水果茶(Ice)，$48>我地仲一人點左一杯水果茶，味道普通，無特別好好飲，不過入面既蘋果都唔錯。整體而言，我都幾推介呢間餐廳，價錢合理，食物都唔錯，大家可以去試下。…查看更多

餐廳燈光柔和，設有多個座坐，可容納更多客人，感覺舒適。🥗牛油果蝦沙律配油醋汁 $98蝦肉質彈牙有鮮味，牛油果香滑，芒果香甜，沙律菜新鮮。加埋d芝士碎同醋汁調味，好好食👍🏻，令人胃口大開。🐔焦糖單骨雞翼 $68雞肉嫩滑多汁，但偏咸左少少，不過沾上糖漿食落香口惹味。🐂慢燉牛肋骨肉飯配牛肉燒汁 $238牛肋骨肉夠腍嫩，油花多，肉味濃郁。食落似牛腩都幾好食。米飯濕潤飽滿，可惜稍為硬左小小。餐牌所指係兩人分量，但我覺得係足夠三人食，為左唔浪費都努力清哂，真係飽到上心口😂。🍹金錢與浮雲 $45上面有一堆提子味爆珠，上層紫色係蝶豆花，下層黃色係芒果沙冰，賣相吸引。初初飲都尚可，但擺耐左芒果濃度高，變左偏甜。🍹你是女神 $45造型可愛別緻，一飲落去好有童年回憶，同細細個成日食既香芋味雪糕一樣味。上層士多啤梨沙冰，下層芋頭沙冰。初初入口芋頭味相對較重，後期士多啤梨味會較出，味道偏甜。🥚🍰焦糖流心焗蛋白 $78上碟既時候瞳孔放大😂，因為無諗過甘大個，成個5寸蛋糕甘闊。發起左既蛋白好軟，食落好似棉花糖甘，被燒過既部分會更好味。切開有焦糖流心好邪惡，下面係原味海綿蛋糕唔太特別。食到實在太飽，滿載而歸既感覺，整體味道滿意。…查看更多

Espuma已經不記得第幾次幫趁，以連鎖西餐廳來說，質素算穩定，價錢又不貴，所以久不久跟朋友飯聚想不到吃甚麼，都會到Espuma。已非中環人多年，現在來中環都是因為約了朋友食飯，是晚亦不例外，跟中環返工的舊同事聚舊，不想傷腦筋我們就選了Espuma。＊＊＊＊＊＊＊＊＊＊＊＊＊＊Espuma有多間分店，我分別去過尖沙咀和中環店，中環店是我頗喜歡的一間分店，因為一整排的落地玻璃，中午可看到忙碌有活力的中環，晚上又會變成酒不醉人人自醉的地方。雖然Espuma有晚餐供應，但因為今次想吃點特別的，所以即使套餐比較划算，我們都決定單點。焦糖單骨雞翼($68)焦糖單骨雞翼一客有五隻雞翼，每隻拆半。雞翼皮幾香脆，肉質亦juicy嫩滑，味道甜甜的幾好味。蟹肉西班牙奄列($78)蟹肉西班牙奄列直徑約有10cm，切開奄列，見到中間都有不少蟹肉，奄列都嚐到蛋香，入口不會過老過鞋，味道都不錯。炸魚柳配厚切薯條($108)炸魚薯條非常大份，旁邊佐以他他醬和沙律菜。炸魚炸得幾脆，不過炸粉略嫌過厚，但入面的魚柳都算滑。薯條份量都多，入口都幾脆。沙律菜上面已預先澆上醋汁，醋汁質地比較娑稠，所以能輕易掛在菜葉上。醬燒豬肋骨配薯條($168)豬肋骨有五條骨，外表被厚厚的醬汁包裹著，肉香四射。豬肋骨都入味，燒烤醬甜甜地好好味，唯一要挑剔是如果肉質再軟腍一點更好，因為吃到最後都會發現連著骨頭的肉都會黏在骨上。升級版奧利奧朱古力布朗尼窩夫雪糕－全份($128)窩夫除了朱古力味外，每天還會供應指定兩款不同口味，本來想試試其他口味，但當天的口味不太合我，所以都是選回朱古力。窩夫可選半份或全份，全份真是份量十足，放在直徑超過30cm的碟子上，足夠四人分吃。窩夫賣相吸引，碟邊看似隨意地放上布朗尼、Oreo餅碎和糖果。正糕是雲呢拿朱古力雪糕，口感幼滑不過甜。布朗尼朱古力味濃郁又不會過硬。窩夫下面還有朱古力醬，食窩夫時可塗上雪糕或朱古力醬佐食。窩夫外脆內軟，整體質素不錯。貴妃荔枝茉莉茶($43)貴妃荔枝茉莉茶內有兩三粒大荔枝，茶味濃而不澀，有茉莉和荔枝的清香味，不會只有糖水的死甜。朱古力泡沫咖啡($36)朱古力泡沫咖啡上面劃上可愛的貓貓圖案，朱古力味和咖啡味恰到好處，味道不會過於苦澀，但份量有點偏少，而且熱一點會更，但整體味道都可以。總結，食物整體質素不俗，份量非常多，基本上三個人點兩個主菜已經夠飽。…查看更多

仲記得2016年5月某一天，嗰日太陽都係由東面升起，我仍然都係起身返工，但真係好煩呀。直到依家，我仲記得好清楚，因為一年後嘅今日，我又要煩過。而我知道明年嘅今日，我都會好煩……呢日係咩日子？就係M佬嘅生日囉！我除咗要諗買咩生日禮物畀佢，又要諗同佢去邊度食飯慶祝啦……最慘係，我個人真係無咩idea，去邊度食好呢？！左搵右搵，突然記得佢講過，想食西餐，咁就一於去……中環蘭桂芳嘅Espuma啦！話晒又有靚景，嘢食好味又抵食！最重要係M佬鍾意食嘛。無嚟一排，原來menu又唔同咗，今次可以試吓新野喇！焦糖單骨雞翼：8隻單骨雞翼，隻隻都燒到少少燶，外皮又甜又脆，入面嘅雞肉就又嫩又滑。單骨雞翼食起上嚟除咗方便，仲非常入味㗎。白酒忌廉藍青口配蒜蓉多士：好……多……青……口……呀！用上鮮甜嘅藍青口，粒粒都大大隻，仲要索晒白酒忌廉汁！配埋脆到咯咯聲嘅蒜蓉包，真係唔夠喉呀！紙包焗石斑柳及雜菜配黑水欖汁：用紙包住石斑魚柳、青瓜、黃瓜、薯仔同車厘茄再放入焗爐焗，上枱時仲熱辣辣，打開張紙仲有好香好香嘅牛油味，兩大塊魚柳再加七彩雜菜，真係好靚呀！魚柳外皮烤到脆卜卜，魚肉非常嫩滑，最估唔到係啲配菜索晒石斑嘅精華，好好味呀！慢燉牛肋骨肉飯配牛肉燒汁：牛肋骨肉飯用鑊仔上，個牛肋骨成隻手臂咁長咁粗，好Man呀！用慢煮方法製作，所以牛肋骨肉好入味，又腍又滑，2個人食都食唔晒呀！至於米飯，除咗加入紅米之外，仲加入爽口嘅青蘋果粒，所以口感好特別，食多啲都唔會溜呀！招牌水果茶：以蠟燭保溫，配上好多好多生果，除咗夠Fresh，仲夠晒健康解渴！朱古力咖啡：陣陣咖啡香，配埋超香濃嘅朱古力，夜晚飲番杯都唔驚瞓唔著覺啦！…查看更多

中環的美食藏在大街小巷，只要用心尋找，必定不會使你失望。這次我倆到位於Wellington street的樓上餐館覓食，沒有失望之餘還帶有點驚喜。西班牙菜的特色來自國家的多類地型，多變氣候及多元民族。東部積雪，西部多雨，南部溫暖，中部炎熱。加上羅馬人，哥德人和阿拉伯人先後引進其飲食文化，善用琳瑯滿目的食材以及香料造做西班牙菜的特色。打開Espuma的菜單，首先檢閱製作每道菜是否符合西班牙菜的要求。果然沒有使我們失望。侍應也略能解答對所用食材的提問。我們在「退庭商議」後，決定了是次餐單:1. 黑松露醬芝士薯條 ($68)食用黑松露是在歐洲已有千年歷史，其中以法國，意大利和西班牙最為盛行。在古代黑松露更曾被認為是惡魔既化身。如今惡魔跌入凡間，成為西班牙菜的常用香料之一。Espuma懂得在金脆的幼身薯條上加上芝士碎，讓黑松露醬吸取芝士味後再反客為主，帶出香濃的菌味。2.  ($68)阿拉伯人愛用蜜糖入菜，西班牙菜也受其影響。單骨用鍋煎使雞骨四周的皮連肉也能充分受熱變得鬆脆。加上絲絲蜜糖，香甜同時去除油膩的感覺。3. 煙燻烤安格斯肉眼牛排 ($328)西班牙中部以烤肉著名。其烹調方多是用 大柴爐慢慢地烤。帶來驚喜的是Espuma竟然把這種烹調方式由遼闊的歐陸搬到狹小的中環。原塊肉眼牛排以烤箱熱呼呼送上。經過煙燻的洗禮，帶有脂肪的牛排肉變得軟嫩。灑上紅酒汁，更帶出牛排本身的鮮味。4. 西班牙黑毛豬薄餅 ($108)哥德人統治其間大量發展畜牧業，特別是豬的養殖。西班牙由此成為火腿的重要產國。火腿多以豬的後腿肉。而這道菜所用的是風乾黑毛豬。加上火箭菜和蕃茄等歐洲常用配菜，用薄皮薄餅包起來一口咬下去，口里盡是甘香的火腿肉和清爽蔬菜所給予的滿足。5. 水果茶 ($42)最後以西班牙人喜愛的特飲，水果茶作結。清新的酸味，一洗先前菜色留下的味道。結賑$614，在樓上買來了一餐齒頰留香的西班牙風情…查看更多

說到西班牙美食，相信最有名又為人熟悉的是西班牙海鮮飯，使用西班牙粳米加蕃紅花調味，加上各種海產、雞肉、蕃茄等，以文火慢煮，色香味俱全。但其實，西班牙飲食並非單一的風格型式，而是集羅馬、摩爾、法國和義大利等飲食文化交僧的產物。今次，BeautySearch 與友人來到位於中環威靈頓廣場M88，由於 BeautySearch 不熟悉中環區，地點是友人介紹，想不到威靈頓廣場M88也雲集了許多美食，而我倆就揀選了位於17樓的《Espuma》。餐廳燈光較昏暗，氣氛柔和浪漫，是情侶們談情的好地方，加上裝潢甚有格調，帶有異國風味，整體感覺舒服，其實與朋友慢慢食，傾談下，氣氛非常輕鬆！甫坐下， BeautySearch 始發現這裡感覺非常熟悉，原來，早前我曾在《Espuma》尖沙咀的分店度過萬勝節！還記得當時店內有不少食客正享用水果茶，但因當時我點選的萬勝節餐已包了兩杯飲品，所以今次到來，BeautySearch 第一時間點選了這裡的「招牌水果茶」來嚐嚐。 茶色清淡，香醇清幽的水果茶，茶面浮着幾片蘋果，邊呷邊吃，正好幫助去油消脂。先來一碟小吃「焦糖單骨雞翼」，雞翼是 BeautySearch 喜愛的小吃之一，而這裡的雞中翼是中間切開分，以單骨上碟，吃時份外方便。雞翼表面沾上香甜蜜糖，份量均勻，加上雞肉嫩滑多汁，十分滋味。主菜方面，我們揀選了「煙燻烤安格斯肉眼牛扒」，上桌時，以木盒盛載，非常有氣勢，打看盒子撲鼻而來陣陣迷迭香氣，還有輕煙散出，原來木盒的作用是把當中的煙薰味保存，當然，也是這道菜的賣點之一，配合手機先食的年代喔！我們點選的眼牛扒是六成熟，份量十足。呈現粉紅色的肉質，嫩腍，而且肉汁豐富，加上淡淡的迷迭香氣，煎烤味道香，搭配 Cream Cheese 而上，整體效果不錯。另一款主菜是「鵝肝黑松露意粉」，置於意粉上那片塊鵝肝大大片，煎得香口，入口即溶。意粉本身口感不太硬也不太腍，透出黑松露香氣，非常滋味。甜品方面，我們揀選了「4重甜品拼盤」，貪其可一次過品嚐四款風味，而且，每款份量不多。這甜品的外型不太討好，黑黑的令人聯想起... 「米 ‧ 田 ‧ 共」！原來是芝麻味的泡芙，芝麻味香，泡芙鬆軟，口感不錯喔！另一款則是栗子蛋糕，但內含酒味，而且酒的比例頗重，吃掉它的責任唯有交給朋友。還有焦糖燉蛋，雖然又肥又高脂，但那脆脆的焦糖糖衣，搭配軟滑燉蛋，及雲喱拿籽的香氣，永遠最令我著迷。…查看更多

我記得Ｅｓｐｕｍａ在尖沙咀開業時、天天排長龍、我亦嘗試過等但始終放棄了。一直耿耿於懷、為何要執著呢？始終吃不到葡萄是酸的理論卦。但今天終可得償所願。友人推介中環分店比較大、環境優雅還可望中環夜景。最重要是訂了位不用再等了。翻看餐牌選擇頗多、價錢比一般西餐廳合理。干邑龍蝦湯（＄58）湯底濃稠、海鮮味確是誘人、越飲越停不了。精選沙律（＄108）健康的一道沙律、最喜歡Vinaigrette Dressing、柔滑油香、入味活潑。另沙律菜生色不少。焦糖單骨雞翼（＄68）做得極好、細細件容易入口。面層焦糖的焦香己滲入雞肉、啖啖誘人！香辣橄欖蒜片意大利麵（＄88）淨看名字以為是簡簡單單的橄欖粒和蒜片炒的意粉、誰不知原來加入了西班牙辣肉腸。辣肉腸散發出濃厚的紅椒粉和油脂的香、有齒夾留香的感覺。意粉軟硬度適中、每條都帶有微辣、非常醒胃。煙燻烤安格斯肉眼牛扒（＄328）賣相己令人充滿信心。牛扒肉質非常軟腍鬆化、每口充滿煙燻的牛脂香、肉汁爆滿。從主角的肉眼牛扒至伴碟的薯角都是極美味的一道菜。西班牙油條（＄58）又名鬼老油炸鬼。可醮點朱古力醬、棉花糖粒、碎朱古力和杏仁片同吃。賣相精緻、但味道有點“油益“、有點失望。基本上整晚食物水準不錯、高潮迭起、有興奮愉快感覺。…查看更多

在中環蘭桂芳Street Food Festival逛了一下後，決定到附近尋覓晚餐。威靈頓廣場的食店，種類繁多；今晚決定到17樓「Espuma」已經第二次到此店。上次食tea 時已經覺得很舒適又可以遠眺中環景色。焦糖單骨雞翼$68 首先師傅將雞翼切開一半，客人不需要拆骨而且進食方便。焦糖雞翼經過單骨之後，焦糖味慢慢滲透在雞翼內，肉汁juicy ~ 香烤牛柳粒配黑醋汁$118 店員遞上這道菜是已經夠特別細細粒的牛柳粒配上黑醋甚開胃，令人津津有味。鵝肝黑松露醬意大利麵$128 鵝肝煎得夠香，入口即溶。意粉夠creamy，入口質感覺得好滑，硬度適中。同埋一d都唔乾，大量雜菌同埋黑松露既配合，味道得以再提升。即使食完，個味道都仲留係口腔！煙燻烤安格斯肉眼牛扒$328 安格斯牛扒上枱既時候利用盒子奉上。神秘感得來又有氣勢，仲會噴煙添。打開後安格斯肉眼牛扒都係好有份量上面放有牛油，令牛扒入口更滑溜。五成熟的關係，清晰可見肉質略帶紅。牛扒入口都幾淋身，咬既時候有肉汁流出，又夾雜著牛油香！ 招牌水果茶$42 招牌水果茶內含火龍果，青紅蘋果及橙，顏色已經相當鮮豔。而且味道不算太甜，利用小蠟燭令到水果茶保持熱度；細細杯恰到好處，的確不錯。 甜品朱古力慕絲$68此道甜品充滿驚喜 !!!!!!!!!!!!!!!店員遞上甜品時，以乾冰加水立即有煙霧的效果；外觀已經相當吸引！因為有乾冰在底下，令到朱古力慕絲保持冷凍效果。味道不算太甜，而且旁邊更有生果更加美觀又美味…查看更多

黑松露醬芝士薯條最先上的小食是黑松露醬芝士薯條，圖片睇落細細桶，其實份量異常地多，我覺得基本上係4人份量，所以我地兩個人食完餐飯都未食曬，最後放棄了。而我地堅持食到餐飯既原因係佢既味道真係幾好，薯條大小比一般快餐店粗小小，有更多薯蓉在里面，即叫即炸，好脆好熱，加上表面加左D芝士粉，令佢味道多了變化，而旁邊的黑松露醬更是重點所在，表面睇顏色較普通沙律醬深色，帶有好多一點點的松露碎，聞落有好濃的菌類香味，味道方面是小小咸味，也有齒甲留香的松露味，用薯條點它來吃就是會讓人食唔停口。焦糖單骨雞翼第二款小食係焦糖單骨雞翼，雞翼的做法是燒的，而且是一分為二地粉理，好處是既可以令每一條骨上的肉都熟得好均勻，又方便到食客用膳，真是體貼的做法。4隻雞翼分為8條，每一條的肉質都是外脆內嫩的，上面再淋上煮融了的焦糖，食落係幾痛快既，但略嫌焦糖落得重手了，有點太甜了，如果份量少一點，更能表示出雞翼本身的味道。煙燻烤安格斯肉眼牛扒今次的重點菜式之一，因為本人是牛肉愛好者，所以有由心而發的期待。上菜的時候是用一個大木盒上的，隨之飄來一陣煙燻的木香，打開後里面有一塊大木板，上面放著主菜與配菜。先講講配菜，有兩大塊薯角，不是炸的而似是焗熟的，質感似薯蓉，好腍好綿，可以連皮食。另外一邊放著一些蔬菜，全是輕輕灼熟的，味道清淡，如西蘭花、粟米芯、青瓜和紅椒片，會搶走主菜的風頭，加上幾朵玫瑰花裝飾，是十分精緻的構圖。說到主角就是一塊1.5隻手掌大小的安格斯肉眼牛扒，牛扒有一定厚度，上面有一羹cream cheese加上小小脆片，加強了牛扒本身的層次和味道。我order了七成熟，但切落去仍然是很腍，沒有什麼筋，邊邊位有一小條脂肪。味道方面好重牛肉味，cream cheese增加了其咸味和奶香，還加上小小煙燻味，咬落去不需要太多口的咀嚼，而且從圖片可以看見比一般烤牛扒濕潤，因此肉汁都幾豐富，最後，它的份量充足，食量不大的人要審慎點菜。香辣鮮茄藍青口天使麵這個天使麵的味道以蕃茄味為主，不是一般茄汁，而是新鮮蕃茄，因此除了甜味之外還會帶有微微的酸澀味，而且更加入了香草和洋蔥，給人一種清新的感覺，另外，里面小小的辣味會刺激食慾，是不吃辣的我也能接受和喜愛的程度。天使麵比較幼身，也不會煮得太腍，食落仍然保持到有少許彈牙，配合甜甜酸酸的醬汁一起吃特別可口，加上麵的份量不算太大，會令人感到意猶未盡。最後是藍青口，足足有6粒之多，雖然經過與濃味醬汁烹調，但本身青口應有的鮮味仍然能保持下來，食落肉質結實，不帶腥味，整體而言是可以一試的選擇。茉莉茶焦糖燉蛋這個甜品大概分為三層，最上面的是幾粒紅莓之類的生果，新鮮，水分飽滿充足，咬落去有在口中爆開的快感，雖然帶有小小酸味和澀味，但可以用作點綴和提升下面兩層較甜部分的味道。水果下面是一層薄薄的焦糖，金黃色的，整得好脆，而且焦糖味好濃縮，還可以增加口感。底層是厚厚的燉蛋，火侯剛好，蛋的質地十分嫩滑，不會太實又不會太稀，吃一啖之後，無論嗅覺定味覺都充滿一陣茉莉花的香味，一羹燉蛋里面包含小小脆焦糖，兩者在味道上混和得很好，濃郁與清新都可以從中吃得到。旁邊還有一小塊朱古力曲奇，好重朱古力味，好鬆化，既簡單又好吃。日式香芋麻糬窩夫伴香芋忌廉配雪糕(榛子味)甜品是即叫即做的，主要分成兩大部分，首先是左邊的香芋麻糬窩夫，有兩大塊呈心型的，里面包含了原味和微微的香芋味，窩夫本身不甜，甜味來自上面一堆黃色的醬，味道似是奶黃，而窩夫的口感好豐富，外面十分脆口，里面充滿煙韌的麻糬。如果覺得甜味仍然不夠的話，可以加入中間的幾樣配料一同進食，分別是香芋忌廉、豆沙和一小杯紫色的香芋味sauce。另外，此甜品配有一個雪糕，我選擇了榛子味，雪糕質地好柔滑，里面有很多花生和果仁碎粒，加上一個小小的脆筒，真的十分精緻。此甜品的窩夫和雪糕可以分別選擇不同味道，隨便揀自己喜歡的。…查看更多

自從農歷新年之後，香港既經濟開始慢慢走下波，整個中環都好似變得越黎越negative。或者大家都在搞austerity吧，呢區既酒吧餐廳開始越黎越容易搵位。不過既然我既「為食好同事」難得大力推介我去試Espuma呢個新menu，於是就襯星期五既晚上去睇一睇！喺中環打滾咁耐都係第一次喺夜晚黎呢間餐廳。或者係因為周末前夕，加上唔係同client食business lunch既關係，整體感覺都非常之relax，雖然中環既核心商業區只不過近在咫尺，但短短半個鐘之間那個日夜交替既繁華都市美景不知不覺間令我豁然開朗，平時辦公室既壓力頓時一掃而空！焦糖單骨雞翼 ($68)：因為雞翼全部一開二變晒單骨，所以非常容易入口，女士們絕對唔駛擔心會整烏糟佢地個靚嘴唇。由於加左焦糖既關係，整體感覺有D似食緊蜜汁叉燒或者燒排骨既感覺，唔錯！鵝肝黑松露醬意大利麵 ($128)：黑松露醬配意粉呢個組合能夠令到前者既香味可以平均滲入意粉裹面。因為個醬汁既關係，鵝肝入口時油膩感相對冇咁重，絕對適合怕食D油腍腍既食物既朋友！魷魚伴生姜銀魚柳飯 ($118)：用魷魚裝住銀魚柳飯呢個concept喺中式餐廳經常見到，呢次都係第一次試下西式食法！值得一讚既係魷魚燒到火喉十足，香口之餘又唔會太乾身能夠鎖住肉汁。可惜，美中不足既係魷魚裹面既飯味道偏濃同埋濕左少少，如果可以改善埋呢點就更好喇！煙燻烤安格斯肉眼牛扒 ($328)：等了又等今晚既主角終於出場！用木盒裝住肉眼扒呢個idea非常innovative，真係無辦法唔俾我既「相機食先」！雖然平時食開「medium rare」既我今晚因為作感冒而轉食「medium」，但整體感覺卻冇因為咁而compromise。牛既肉質非常鮮嫩，因為用煙燻而唔係煎既關係，牛扒能夠平均受熱所以冇生熟不均既情況，值得一讚！配菜方面亦都唔錯，蔬菜唔會overcook到無晒鮮味之餘仍然能夠keep到juicy既感覺，絕對稱得上係呢度既signature dish，不試不可！紫薯窩夫配雪糕 (Half) ($88)：呢度每晚都有特別既Daily Serve Waffles，而每款waffle都可以配雲呢拿、朱古力、榛子或者草莓味既Movenpick雪糕。真係冇諗過呢度既甜品俾main course更有驚喜！倒轉左既cone出奇地crispy，一D都唔似一早整定放左大半日，而最最最特別既驚喜係個Waffle裹面竟然係有紫薯涵料，非常少見，真係不試不可！坦白講，呢個價錢喺中環絕對唔能夠稱得上便宜，不過總算「交足功課」，above average既食物質素拍埋難得一見既中環都市醉人夜景同埋一個又一個既驚喜真係乜都值返晒啦！…查看更多

好友多年來耗掉了不少光陰於工作上，終於等到升職又加薪，高興的事當然要食飯慶祝一番。之前吃過灣仔的Espuma 很不錯，遷就好友放工，於是光顧中環的分店。食店位於威靈頓街M88的17樓，門面以深淺木圍身作裝飾，與灣仔店風格截然不同。距離聖誕節還有10日，門口已放有xmas 的餐牌。窗外的中環景色不錯，望著半山的夜景。還以為Blue Monday 光顧的人會比較小，怎料7點後座無虛席，非常熱鬧！Menu 跟灣仔分店的有點不同，雖然咸豬手非常好食，但今次是為了甜品 - 抹茶火鍋而來的，所以叫了些輕食類。這個甜品"甜之夢想曲"的造型非常吸引，以酒杯盛載的，好想一試，唯有留待下次再來！草莓烏龍茶 $38上次試了招牌水果茶，味道不錯，今次試試其他。同樣用玻璃茶壺盛載，紅色的一壺，不過生果只有士多啤梨和藍莓，不是太豐富。落單時有點猶豫士多啤梨味跟烏龍茶味會否合不來，喝下微甜的果香味，混和烏龍茶的茶香，味道又不錯喔！蜂蜜綠茶瑪奇朵 $38杯面的泡泡以為叫了杯啤酒，哈！這些泡泡帶焦糖香味，還加了點海鹽把味道提升，是將瑪奇朵打成泡泡嗎? 好好味的泡泡。將泡沫混入清香的綠茶，和香甜的蜜糖，甜度剛好不會太過火，不錯的一杯。焦糖單骨雞翼 $68一碟八隻的雞翼微微煎香了，金黃的外表帶點脆口，而且頗多肉汁。味道香香甜甜的，與其說是焦糖，應該是像用蜜糖帶出的惹味，好味道，推介！雞翼整成單骨，女生食得方便又不失禮。香辣橄欖油大蝦蒜片意大利麵 $88一碟有兩隻大蝦，新鮮度一般，蝦有點overcook，肉質有點'嚡'，不過香料彌補了味道。附有幾塊沙樂美腸，鹹香味不錯。意粉煮得彈牙，混上香口的蒜片吃，增加味道，但橄欖油落多了點，有點膩口。辣椒整條上，令不吃辣的人卻步，還是留作裝飾吧！西班牙黑毛豬火腿配西班牙蕃茄醬及多士 $188鹹香的黑毛豬火腿，脂肪不算太多，以為與蜜瓜一起食是最夾，原來捲上清新的蔬菜吃，味道口感都不錯，只是餡料的蔬菜較為乾身，如有些醬汁會更好味。切粒了的蕃茄加入乾蒜及洋蔥等，味道又辣又香濃，配上烘得鬆化且帶點甜味的多士吃，好好味，吃不停口！伴碟的蕃茄片少有地加上蒜粒，味道同樣出奇地好食！接著是重點: 甜品時間！茉莉茶焦糖燉蛋 $48賣相不錯，平時的焦糖燉蛋都是小小的，而這個燉蛋則是用杯上，真誇張！脆脆的焦糖面很可口，燉蛋有蛋香之餘，還帶茉莉茶的香味，味道不錯。不過可能因太大杯，火喉較難控制，以至質感偏實，有點敗筆。伴碟的朱古力餅，口感鬆脆，不過朱古力香味一般。抹茶火鍋 $88冬日限定，看餐牌的賣相很吸引的，朱古力火鍋吃得多，抹茶火鍋你又試過未? 兩個抹茶狂魔就是為了這個而來的！火鍋配料有窩夫，棉花糖，日式福餅，竹炭芝麻泡芙和鮮雜果。當中以窩夫與抹茶醬最配合，把窩夫浸腍後吸收滿了抹茶汁，非常滿足。其次是棉花糖和日式福餅，沾上抹茶醬令本身味道更豐富。士多啤梨跟抹茶是最好的配搭。抹茶醬帶抹茶的香濃，奶味不算太重，非常好味，抹茶狂魔最後把抹茶醬也喝光。吃罷這餐，好友不禁說職場上得到的認同也不及這無懈可擊的抹茶火鍋帶來的滿足!我也回她一句: 辛苦搵來自在食呢!…查看更多

Espuma推出冬季限定甜品！！因為本來就覺得Espuma的甜點精致好吃，身為甜品控的我當然不能錯過ヾ(●´∀｀●)！Espuma中環分店位於威靈頓街食廈M88裏面，非常好找。昨晚下雨外面冷風嗖嗖的，走進Espuma感覺整個人暖了很多，餐廳裏擺放了很多聖誕的裝飾，很有節日氣氛呢ヾ(✿❛◡❛ฺฺ)ノ之前來過Espuma但只吃過甜點，這次和朋友決定試試他們家的晚餐。第一個我們點了人氣的焦糖單骨雞翼。一共４只雞翼，分開一半所以是８個單邊雞翼一個疊一個上的。外面的焦糖不是火烤了一下變硬的那種，更像塗了一層厚厚的蜂蜜，可以從雞翼上流下來。我和好友都愛吃甜食，所以雞翼外層雖然甜我們還是覺得蠻好吃，雞肉裏面是鹹的，總體來說當前菜還是不錯的。因為主食點了豬手，所以一定要點沙律墊墊底綜合一下，感覺沒那麽胖哈哈。我們點的是黑毛豬凱撒沙律。黑毛豬是像那種喝紅酒的時候會吃到那種薄薄的不是很鹹很重味道的腌制薄黑毛豬片，配上新鮮沙律吃還蠻清淡，因為是caesar salad裏面沒有什麽沙律醬，在吃重口味的主食前清清腸胃還是不錯的選擇主食我們點了香脆鹹豬手。和名字一模一樣，豬手外皮很脆，有點焦糖的感覺吃下去有點粘牙，非常香！！豬皮下面有肥肉，吃起來更香。旁邊有醬料給我們沾豬手吃。本身豬手已經很鹹，我不是很喜歡吃鹹豬手所以就覺得這道菜還好咯。另外我們還點了黑松露薯條。薯條炸得每條都很脆，點著香濃的黑松露醬吃很贊！！！好了到冬日限定甜點了！我還是覺得Espuma做甜點比較好吃。冬日限定有４款甜點，我們點了其中兩款。第一款是茉莉茶焦糖燉蛋。我喜歡他們家甜點的原因是每一樣都不會太甜太膩！敲碎了表面的焦糖，燉蛋吃下去有種淡淡的茉莉茶香味道，不會太甜，配上上面的新鮮berries,酸酸甜甜的非常棒。燉蛋屬於蠻結實型的那種，吃了半杯就覺得很飽了哈哈。杯子旁邊還放了一塊巧克力曲奇。裏面還有杏仁片，同樣不會很甜，但很脆很好吃哦！另外一個甜點我們點的是紫薯火鍋。巧克力火鍋我就看得多，紫薯味道的還不是常常見到。而且‘湯底’很香很滑，不是那種非常濃稠的，可以直接喝也沒問題哈哈。而火鍋‘配料’有竹炭芝麻泡芙，棉花糖，日式福餅，窩夫和新鮮雜果。我最最喜歡的是這裏的窩夫！這邊的窩夫不是一大塊圓形的那種，而是像水滴型的，比較容易吃。特別的是外面是普通窩夫，裏面是麻薯做的，外脆內煙ｕｎ！！點上紫薯汁，熱熱的吃下去感覺整個身體都很暖和呢，超級好吃！福餅也很好吃，外皮很軟裏面很ｃｒｅａｍｙ，贊贊贊！愛吃甜點的不要錯過哦！♥…查看更多

上星期與朋友再訪中環espuma, 因為有新菜式嘛, 當然要試試、支持下.脆皮咸豬手是餐廳的新菜式，豬皮烤得好脆，肉質嫩滑，十分惹味香口，脂肪部份一點也不油膩，多餘的油份已在烤焗過程中被逼出，口感煙韌，份量夠兩至三人分享.盤上有燒汁及芥末, 沾些少在豬手上吃也很滋味, 唯酸菜味道不夠酸.單骨雞翼是超好的，說的是方便進食，一條骨放入口， 很容易把肉吃到. 焦糖單骨雞翼煎得剛好，雞翼還有肉汁，不會太乾身，加上甜蜜蜜的焦糖，是一道挺讚的小食.黑松露醬炒鮮雜菌寛條面 -黑松露醬香味很突出, 雜菌的份量亦非常多, 麵條的煙韌度掌握得很好, 咬下還有少少硬, 喜歡不太腍的質感. 朋友吃了大半碟啊~菠蘿甜品拼盤亦是新菜式之一, presentation一般啦~ 主角當然是置中的切片菠蘿, 其次是橙味啫喱及鮮雜果.菠蘿片本身已經好清甜, 加上冰凍的沙巴翁醬(即蛋白加砂糖), 以火槍把沙巴翁醬燒得微焦, 味道與菠蘿片很配合, 彷彿有股魔力讓人吃完一塊接一塊. 橙味啫喱及鮮雜果就沒甚麼特別.想不到要喝甚麼, 隨便地點了一杯熱latte, 五個心心加一片四葉草就拼湊出簡單的拉花.以$36一杯來說, 份量適中,奶泡夠綿密, 入口順滑, 但奶味有點蓋過咖啡味.…查看更多

忙裡偷閒，有時真係要食下好野慰勞下自己！依晚黎到朋友介紹環境和食物都不錯的Espuma試下 衝忙的收工。衝忙的趕到中環。依到架氣氛同音樂終於令我慢落黎。幸運的我們。可能因為有訂位。被安掛坐係窗邊位。望住窗外架景色，終於可以放空一下。放鬆心情食餐飽。先黎前菜醒下胃。叫左個黑白芝麻吞拿魚，好香芝麻味，配上芥茉味的沙律醬，好開胃 無雞翼不歡的我，去到邊都想試唔同煮法的雞翼，今次試左個焦糖單骨雞翼。睇相你就會見到，香脆的雞翼外層都沾有甜甜的焦糖，連唔食雞皮的我都偷偷咬左兩啖，岩哂鐘意又咸又甜的我。不過美中不足的係。單骨雞翼會令雞翼縮水，滿足唔到我鐘意啖啖肉的口感。跟住叫左兩個唔同風味架主菜。難得主打西班牙菜的餐廳竟然有亞洲風味。依個黑松露寬條麵。我同朋友都讚。一上枱已經好香黑松露醬味。食落Creamy但唔會溜。最鐘意係寬條麵架口感。略有咬口。依個主菜平凡得黎有驚喜。個喇沙比想像中大碗同有好多料。湯底好濃好好味。最愛索哂湯汁的豆卜。值得推介的一碗喇沙。不過唔係幾食得辣架我覺得其實都幾辣下。怕辣的人要叫定杯凍飲先頂得住。當然唔少得以甜品作完美的結束。叫左每天都供應的Oreo Brownies Waffle滿足一下。Waffle以一個大大的方碟上枱。好靚好吸引。暖暖脆脆的Waffle配上雪糕。正！最上面熊仔型的杏仁餅都好味。不過真係好大份。兩個人食好飽。見到隔離枱叫half size。Waffle以兩個心型上枱。都幾靚。又唔使咁飽。整體係滿足而又坐得好舒服的一晚。下次可以約多幾個朋友黎再試更多食物。特別係佢仲有幾款甜品我想試 …查看更多

Espuma 最近在中環威靈頓街落戶了、以西班牙式小食作主打。餐廳裝修舒適、有小小親民的感覺。向窗位置、可睇到中環夜色。在餐廳最後位置放了一個木架、擺放了一些特色小裝飾品作為裝飾牆。今日餐廳滿座，餐牌有不小西班牙小食供選購、但沒有想到是居然有馬來喇沙作特別推介！煙三文魚配西班牙蕃茄脆多士，三文魚夠油膩、唔腍身。入口時配以香脆多士、好配合、好快KO 佢。原先好想食黑松露醬薯條，但實在是太熱氣又惡毒了，只好放棄！唯有點焦糖單骨雞翼。雞翼被焦甜香脆糖包圍，可惜雞翼比較廋、入口唔滑偏甜了點。西班牙黑毛豬火腿凱撒沙律。無論是沙律汁及火腿都比較淡口。好在沙律菜夠新鮮、自己覺得比較普通。西班牙火腿菠菜奄列，出奇地超好食！蛋煎得好香、又唔過火、切開之後菜又多、又幼𣙙、小小香草味、大大啖入口好滿足！黑白芝麻呑拿魚！半生熟呑拿魚加上黑白芝麻配以蕃茄粒。吞拿魚混以芝麻及蕃茄入口食用、除了有魚味外、亦帶有芝麻香味及蕃茄味道。餐廳梳化與枱高比例有點差異、所以座在梳化用餐就比較唔太自然。餐廳都幾合適大夥人聚餐！…查看更多