Seoulmate (MONTEREY Place)

營業中

休息中

有一次自己一個人喺將軍澳做完嘢，有啲時間諗住行去澳南海岸嗰邊Chill吓睇吓有咩食，喺網上search到呢間韓國菜，見佢啲lunch set喺呢區嚟講唔算好貴，所以就去試吓！試咗個韓式炸雞和炸紫菜飯卷配薯條炸雞夠脆 質感好食不過較乾身 本身以為韓式炸雞會有啲甜辣醬之醬反而紫菜飯卷有驚喜 調味幾好午餐加配特飲可以有減$20優惠我就叫咗一杯烙茶和特濃朱古力奶蓋雪山🏔️ 啲奶蓋好厚好邪惡😈 不過我略嫌唔夠咸味/芝士味～焙茶味夠濃唔錯 不過再加埋朱古力 飲落好杰身😅 感覺可以溝多一倍鮮奶落去都得😂 又可以飲耐啲

Holiday到將軍澳走走，訪一家韓式FUSION餐廳———Seoulmate👒店內位置寬敞，木系桌椅感覺和諧，喜歡打卡可以選鞦韆座位，而牆上有十分可愛的壁畫，仲有招牌菜火山同雲的創意圖畫呢 ☁️今次無試招牌菜，隨感覺點了2款美食💕焙茶和特濃朱古力雪山🤍呢邊嘅雪山無由忌廉芝士製成的濃厚鹹香芝士奶蓋，焙茶和特濃朱古力沒有過甜的味道，舖上滿滿的芝士奶蓋後，好似一個甜品，好好飲呢‼️泡菜麻辣牛肉溫泉蛋蓋飯🐂平常有點怕辣味食物只有辣味，但呢個蓋飯嘅泡菜和麻辣是有層次的，辣味不會蓋過牛肉汁和溫泉蛋的鮮，加上足料鮮甜牛肉和溫泉蛋拌一起，令整個飯鮮香甜俱全‼️泡菜煙三文魚他他配酥炸脆球🐟酥炸脆球好像是尼泊爾食物，今次放入另一種餡料，估不到泡菜同煙三文魚嘅配搭係咁清新，他他醬酸酸地好開胃呀‼

疫情期間真係好少出街，離不開都係去下將軍澳海濱行下感受下海邊，行下行下又肚餓就求其入左間餐廳食晏晝。紅燒牛肋條湯配稻亭烏冬 $88男朋友叫左個烏冬，紅燒牛肋條湯比預想中好味，好重牛肉味道而唔會好重味精湯感覺。再加上男朋友最愛食嘅稻亭烏冬，真係一流，湯都飲曬。火灸柚子三文魚、青檸荷蘭汁水波蛋 配窩芙 $118我就叫左打卡精選，柚子汁三文魚加埋青檸荷蘭汁嘅水波蛋食落相當開胃，酸度cover左三文魚同水波蛋嘅膩感。雖然夾埋窩芙應該係好食，一個幾唔錯嘅配搭，但係窩芙有啲硬身左少少，感覺似係凍左嘅硬身，所以口感差咁啲，不過都好食嘅。Ice Americano 焙茶和特濃朱古力雪山 好靚嘅一杯野飲，但係要快手影完相就飲啦，因為旁邊都流到落底同埋中間會塌左落去。Overall黎講食物都唔錯，但係上菜速度真係有待改善，男朋友個烏冬同埋野飲上左接近15分鐘個窩芙都未出到，不過食物質素同打卡質素都唔錯。

將軍澳近海傍真係有超多好西食🤤 今次就翻兜黎左seoulmate，之前喺銅鑼灣既時候都食過覺得幾好，所以就有啲掛住 haha 呢道既裝修行簡單既木調🪵，有兩張鞦韆椅，仲有好多擺設，包括同招牌火山飯🥘相得益彰既火山🌋燈😜，亦都有唔少得意既公仔🧸，令人感覺好舒服，又可以係咁打卡📷～ 不論係同另一半、屋企人定係fd黎都啱😌 野食方面難得呢個價錢都做到fusion菜，出面韓國菜🇰🇷亦都唔多同西餐🍴crossover, 今次食得出每樣野都有花過心思，而且味道上都幾好，值得同重要既seoulmate一齊黎😎(5 😍 係滿分，🤩係半分）烏卒卒火山忌廉蟹肉蘑菇飯 🌋🦀️🥘 - $158 (好味指數：😍😍😍😍)呢個真係好得意，連個表情都好盞鬼😜 望到都覺得好開心，同個火山🌋燈真係好襯～ 表皮係由蛋白同竹炭整成，焗完連火山🌋既裂紋都有埋😂 有蛋白🥚所以質地輕盈，有啲似梳乎厘既口感，用叉整開個外皮上面既蛋黃🟠就可以留埋入個飯🥘入面，真係好睇好挽又好食😋😂 裡面有一絲絲既蟹肉🦀️，都幾鮮甜，如果份量可以多到有一梳梳口感同鮮味就更加突出啦～ 另外仲有蘑菇粒🍄同紅蘿蔔粒🥕，層次幾多有咬口，另外個飯🥘既濕度岩岩好，因為

𝕊𝕖𝕠𝕦𝕝𝕞𝕒𝕥𝕖🇰🇷煙三文魚三文魚子粉紅雪山飯 ($148)泡菜煙三文魚他他配酥炸脆球 ($88) 焙茶和特濃朱古力雪山 ($48)又黎到將軍澳海邊食飯期間限定嘅粉紅煙三文魚飯面頭嘅芝士醬配上三文魚子向下流，視覺效果唔錯飯入面有每啖都有煙三文魚，幸好唔會因而太鹹，加上有蕃茄醬嘅酸甜中和番，味道唔錯另一期間限定嘅泡菜煙三文魚他他配酥炸脆球一上菜就有一陣清新嘅檸檬香氣，原來係中間嘅檸檬乳酪，即刻醒神又開胃可惜係泡菜嘅味道蓋過左煙三文魚可以改善下個比例至於飲品就當然一試招牌嘅雪山，揀左焙茶和特濃朱古力🗻甘香嘅焙茶配上濃郁嘅朱古力，仲有厚厚嘅鹹香芝士，飲落清香不膩可惜芝士唔夠厚，無左一湧而下嘅感覺只有薄薄一層，略為唔夠吸晴🤭

近來將軍澳海邊越來越多新餐廳，今次就揀咗間韓式fusion餐廳試一試。餐廳內裏空間寬敞，牆上有以香港為主題嘅壁畫，仲有兩張鞦韆座位，打卡一流📸煙 三 文 魚 三 文 魚 子 粉 紅 雪 山 飯 ($148)本來想試餐廳招牌烏卒卒火山飯，可惜要一點後先有，所以揀左期間限定嘅粉紅煙三文魚飯。賣相就如雪山一樣，上面嘅芝士醬配上三文魚子慢慢向下流，飯入面有滿滿嘅煙三文魚，加上蕃茄嘅甜酸味，味道十分配搭唔錯唔會過鹹。泡 菜 煙 三 文 魚 他 他 配 酥 炸 脆 球 ($88) 呢個係另一期間限定菜式，泡菜同三文魚呢個配搭幾新穎，而中間嘅檸檬乳酪，亦為呢道冷盤加添左清新嘅味道。焙 茶 和 特 濃 朱 古 力 雪 山 ($48)雪山賣相固然吸睛，味道亦有水準。甘香嘅焙茶配上濃郁嘅朱古力，再加上厚厚嘅鹹香芝士，飲落帶點清香甜而不膩。若然芝士能夠似瀑布咁一湧而下，相信會更加吸引🤩

星期日約左朋友去將軍澳，11點左右早左去到所以搵間cafe試，碌ig見到呢間好似唔錯就黎試下。餐廳幾大，坐位都唔會好逼，鐘意佢木系裝修同埋有好可愛既壁畫😍，仲有啲韆鞦位坐好過癮，幾適合打卡😚。原本想叫個火山飯打卡，但太早食唔落飯就無叫到🙈。🔅香煎帶子炸醬蔥油拌麵 ($138)拌麵份量同配菜都幾多，除左帶子仲有少少蝦同墨魚仔等等既海鮮，幾豐富。帶子煎得幾香脆，鐘意濃味人士可以一試。麵就偏腍，個人都鐘意腍啲既麵。汁就偏水，將海鮮撈多啲汁食又幾方便🤣。 🔅卡邦尼炒韓式年糕 ($88)卡邦尼年糕喺第二間韓式餐廳試過，呢間就個汁比較濃稠，芝士粉味濃。隻蛋似日本蛋，篤穿隻蛋啲蛋味就出晒黎，如果鐘意芝士味濃啲就唔建議篤穿隻蛋😂。個人提議可以加埋粉絲就perfect 🤤。🔅焙茶和特濃朱古力雪山 ($48)因為無食火山飯就叫左雪山飲品打卡😋。賣相一流，奶蓋滿瀉😍，超正！唔攪勻就咁飲就比較淡，應該因為係朱古力醬都喺底，所以攪番勻就好濃焙茶味，mix埋朱古力味好好飲！誠意推介🖖。🔅韓國米酒意式芝士蛋糕 ($58)Tiramisu賣相都唔錯，比較特別既係佢同平時既tiramisu唔同，用左韓式米酒浸，幾特別😋

之前係銅鑼灣打響名堂嘅”Seoulmate”進駐左將軍澳海濱！佢哋一直出名食物賣相精緻，未食都已經影相影到飽😂再加上創新嘅食物配搭，所以Seoulmate都累積左一定嘅回頭客架！今次搬左入嚟將軍澳海濱，餐廳裝修同周邊環境令成個感覺更進一個檔次添！更加重要嘅係價錢真係唔貴，性價比好高呀。。。🔘韓式醬油燒腩肉拌飯配糖心蛋 | $64評分: 🌕🌕🌕🌕🌑評語: 每次去一間新餐廳我都鍾意試下佢哋最基本嘅菜式，因為越基本有時候越考功夫，韓式拌飯絕對係其中一種。Seoulmate嘅拌飯十分足料，所有韓式伴菜都有，而最大分別係佢哋用左大量泡菜去取代一般餐廳所用嘅韓式辣醬，口感即刻豐富晒！而半肥瘦嘅燒腩仔醃到夠晒入味，每一啖都好好食。。。🔘韓燒牛肉炒飯 | $68評分: 🌕🌕🌕🌕🌑評語: 牛肉用韓燒嘅烹調方式燒過，然後將醬油加入白飯同牛肉中炒，未食已經一陣飄香。醃過嘅牛肉再用鐵板燒過，入味得嚟又帶一陣焦香。炒飯搭成一個桶狀，係上面沐上芝士醬汁，一個本身好普通嘅炒飯都整到色香味俱全🤤。。🔘甜辣炸雞 | $30評分: 🌕🌕🌕🌕🌑評語: 炸雞肉比較細嚿，但炸得香脆可口，而內𥚃依然鎖有肉汁。炸雞面頭淋上甜辣醬汁

餐廳由銅鑼灣搬到將軍澳 座位感覺上更大更寬敞😆亦設有韆鞦座位 可以一邊當韆鞦入邊食飯 都係第一次😛 座位旁更放有公仔啱哂打卡😜▫️烏卒卒火山忌廉蟹肉蘑菇飯 ($158)Cute爆嘅烏卒卒火山要爆發啦🌋流心蛋黃係兩邊不斷流出🤣 火山嘅外層係由蛋白整成 食落口感似疏乎厘😝 飯嘅份量都算幾多 蟹肉🦀同蘑菇🍄都算幾足料 如果忌廉汁可以creamy啲就Perfect啦🙊▪️韓式炸雞($158）總共有9種味可以揀 今次我地揀左BBQ同蜜糖牛油味🍯 兩種口味各有6-8件 炸雞炸到外脆內嫩 雞嘅肉汁能夠鎖住🍗 BBQ醬十分惹味 蜜糖牛油醬嘅比例剛好 兩種口味各有特色都十分推介👍🏻▫️奧利奧奶昔不敵大白兔糖味棉花糖火山 ($62)飲品加上咁大舊棉花糖都係第一次見😍棉花糖係淡淡嘅大白兔糖味好特別🤓配上Oreo奶昔 味道香濃而不膩😋▪️焙茶和特濃朱古力雪山($48）賣相真係幾似雪山🗻 奶蓋嘅鹹香味唔算好重亦冇咁漏 焙茶嘅味道較朱古力🍫突出 所以唔會太甜☺️