The Wall Street Bar & Lounge

營業中

休息中

收咗工想同朋友邊飲番杯邊食飯，最好就係去酒吧餐廳開餐🍽位於尖沙咀金巴利道，正正有間樓上酒吧餐廳🥂裝修勁有情調，啱晒同朋友chill返下🫰🏻.甫入門口已經被華麗發光酒櫃吸引住😍樓底夠晒高，仲有個書櫃corner成個哈利波特咁🧙🏻‍♀️暗淡燈光配上柔和音樂，成個人即刻放鬆晒，可以盡情同朋友吹水食飯🤭.🍴黑松露薯條🍟💰$88黑松露薯條食得多，不過呢間真係零舍正💖薯條脆卜卜唔多講，最特別係黑松露蛋黃醬💕將黑松露與蛋黃醬撈勻後，輕輕一蘸已經勁香黑松露味😍本身蛋黃醬點都有少少膩，唔知係咪加咗檸檬汁所以入口帶微微檸檬酸味，酸味與蛋黃醬相映成趣🌟令你係咁食係咁食🤣.🍴鹽燒牛舌🐂💰$98牛舌超級厚切😍 香煎後灑點檸檬汁，香口之餘又重肉味，口感軟冧☺️.🍴烤澳洲安格斯草飼肉眼扒配沙律🥩💰$258牛扒有成12Oz，夠晒大份兩個人分都得👯‍♀️揀咗五成熟，生熟程度都啱啱好😌肉眼關係肉質較軟嫩，肉汁豐富😚旁邊仲有火箭菜沙律、薯條，以二百中嘅價位性價比都幾高.🍴焗蘋果批配雲呢拿雪糕🍎💰$68蘋果批即叫即焗熱辣辣呈上♨️同冰凍嘅雪糕造成一個強烈嘅對比，入口一熱一凍好正😆蘋果批酥皮好鬆脆，切開內裏全部蘋果蓉粒😚.一間非常適合

之前中午幫襯過呢幢大廈地下間燒肉店，仲發現樓上有唔少餐廳。我𥄫過吓位於一樓嘅「The Wall Street Bar & Lounge 」嘅餐牌，望落好似唔錯，就決定搵晚放工嚟試吓😛。餐廳環境好舒服同乾淨，樓底高、裝修靚，無一般酒吧咁嘈吵同污煙漳氣，其中仲有唔少打卡位添📸，不過就適合齋飲嘢多啲。大家留意返，由於呢度採用酒吧經營模式，所以入場係要持有快測結果㗎，但如果無，餐廳會以成本價發售，好貼心。每一位店員都好有禮貌，抵讚👍。四式芝士薄餅($128)，🍕Pizza呈長條形，感覺有啲似彼得包，並非好薄好脆嗰種，反而幾有咬口。芝士雖無拉絲效果，但鹹香十足，唔會過膩，四種芝士融為一體，包括Mozzarella、Mascarpone、Gran Moravia Hard同埋Blue Cheese。芝士莧菜焗大蝦($98)，呢道菜式比起4 Cheese Pizza有更多芝士🧀，更邪惡！佢有些少似芝士火鍋，有一大兜熱溶咗嘅芝士汁，如果配麵包蘸嚟食一流。芝士入面放咗BB菠菜同五隻大蝦🦐，蝦肉新鮮彈牙，菠菜多啲就完美喇。傳統意式卡邦尼意粉($148)，🍝意粉屬正常發揮，相對其他食物無咁驚艷。卡邦尼醬汁口

限聚令放寬一定係覓食好時機🎶今日可以同一班朋友嚟到呢間餐廳👍🏼第一個感覺就係好有格調，好氣氛，食嘢飲嘢打卡絕對係一流嘅選擇，以食物質素真心釋出誠意，飲品都係一個非常之高水準嘅餐廳，忍唔住要分享呢位調教飲品同事，服務都做得好好嘅Lemon哥哥俾大家認識一下，第一次嚟呢間餐廳認識到呢位咁特別嘅高手真係太開心！龍蝦🦞湯冇得輸唔係死咸嘅龍蝦湯， Creamy順滑亦有好多蝦喺裏面上盛嘅龍蝦湯❤️❤️😍😍❤️❤️❤️加拿大豬架呢段時間好多西餐廳都會用，而且佢唔使100%熟晒可以七成熟，令到個豬扒好Juicy唔會好靭，兼且食到好似有黑毛豬箇中感覺，而呢種質地嘅豬食落口會有少少爽口，所以係好特別，再加上個沙律菜同埋薯仔係令到你口感好豐富😍呢一個青口首先好大隻，而且平時都係白酒啦蒜蓉味呀，今次佢特登話加埋辣椒個汁，係超好味，蒜蓉、辣椒、白酒三樣嘢彼此冇話邊個搶邊個，係平均嘅口味而且加上超新鮮嘅青口材料，所以佢嘅鮮甜味同埋呢幾個三個配料真係做得非常之上盛，最重要你估唔到，旁邊嘅薯條都係好值得推介俾大家，因為嗰個薯條唔單只就係淨係咁炸，佢有少少一層薄薄嘅脆槳，令到個薯條更加脆口，後來都忍唔住嗌多份，加$10仲有黑松露