Urban Coffee Roaster (碧仙桃路)

營業中

休息中

餐廳環境幾有氣氛，燈光就偏向暗小小嘅。六點半就黎到嘅我地呢，好好彩今日唔需要等位就入得啦！裡面已經有三四台客食緊野！ 但係都幾寧靜！黎到Urban Coffee Roaster，點左杯DIRTY and 普通chocolate黎飲。頭盤叫左個紐西蘭青口配辣肉腸黎食！好多隻！青口都幾鮮！真係啖啖肉，配埋洋蔥碎同忌廉汁，好正！之後喺pasta同飯之間揀左個意大利飯。南瓜蓉蟹肉烤虎蝦意大利飯南瓜味都ok出！個虎蝦有驚喜！好彈牙！哩個飯都幾飽肚！好適合開心share!由於得我地無肉不歡，咁就叫多個主菜。烤和牛腹肉，下面果啲係燒汁黎。先講個肉，好易入口，唔好睇佢個樣好似好生咁，其實真係岩岩好！唔似出面餐廳咁咬都咬唔郁！個牛味好正！加埋燒汁呢又另一番風味！最後叫埋個甜品。好特別有樣野真係未見過！咖啡煮啤梨佢入面其實有球雪糕，下面果啲就係曲奇碎黎嘅。唔好睇佢好怪咁，食落去幾得意！酸酸地又食到出係啤梨！裡面個雪糕一啲都唔hea!好好味架都！另外想講，哩度服務態度不錯，上菜速度都幾快！值得再黎！

今次嚟到Urban Coffee Roaster搵食！ 朋友一直推薦的餐廳～今天終於有機會來朝聖～餐廳以金屬風裝潢～牆壁、吊燈、桌椅都是特別的風格～就連餐牌～也以厚典典的書本夾著厚厚的書內其實餐牌只有4頁～種類不多但每一様都很吸引！Green  Tea  Latte （$36）喜歡到小店喝熱飲因為可以欣賞到師父拉花～一口就喝到濃濃的抹茶味～看著拉花被拉長真是有趣之後攪拌了就感受到多點奶味～不會太甜～不錯的選擇！紐西蘭青口（$108）青口的配搭有2種選擇～分別有茴香+羅勒+意大利蕃茄+茴香酒汁或西班牙辣肉腸+時羅+洋蔥碎+忌廉汁～因為怕第一個太重香草味～所以選了忌廉汁的！青口蠻大隻的～而且份量很多！香濃的忌廉汁跟青口真夾～南瓜蟹肉意大利飯（$168）西餐類別～意大利飯算是我數一數二喜歡的項目！因為青口已選了白汁～這次就選南瓜base的意大利飯～雖然它叫蟹肉意大利飯～但還有虎蝦！虎蝦雖然沒平時燒烤用的大隻～但蝦味極濃～蟹肉跟南瓜則是跟飯粒融合甜甜的南瓜引發食欲～但又不會太膩烤M4和牛腹肉（$178）價格相宜的和牛～本來期望不大一上台～漂亮的鮮紅色！！食下去又沒有想像中的血淋淋～但肉質柔軟～

白色情人節，男仔定女仔要回禮都唔緊要，但二人世界食餐好的就走唔甩。尖沙咀其實都幾多隱世美食，今次就俾我搵到間係K11隔離，一睇餐廳的格調就知係食西餐XD，暗地裡有微微的燈和燭光夠晒浪漫，菜單選擇雖然唔算多，只可以單點無套餐，但勝在非常岩我胃口，搞到我地都三心二意。海鮮永遠都係我地既首選，呢道紐西蘭青口本身已經好鮮味，香草洋蔥增添青口的香氣，忌廉汁令青口更creamy，一粒粒的辣肉腸增加味道層次及咬口，很好的配合。出街食燒味飯通常D飯都乾爭爭一定要叫多汁，食意大利飯就無呢個問題，飯creamy得黎唔會軟腍腍，好正宗，用南瓜蓉同蟹肉做base，帶有少少鮮甜味，同火箭菜的濃味一齊食岩岩好。再配煎香了的虎蝦啖啖肉一流。叫主菜的時候店員無問我們要幾成熟，其實食材點樣處理先最好食廚師一定心中有數，最後果然無令我失望，望落去血淋淋以為得3－4成熟（雖然我都接受到：P）但實際食落去上有7成熟，能夠做到首要條件一定要新鮮，牛腹肉夠嫩而且多肉汁，用了少許岩鹽吊味，牛肉味濃郁，勁讚！甜品亦好驚喜，整個啤梨都帶有咖啡香但依然保留住啤梨的甜味，啤梨係凍的，果肉軟腍腍好多汁，內裡仲有雲呢拿雪糕，黐埋朱古力同開心果

喜歡尋找一些自己未去過的咖啡店，在網上便搵到這間在尖沙咀的Urban Coffee，門面看上去有外國的感覺，放工便去尋寶了！餐廳裡頭佈置得有種懷舊氣息的感覺，水泥地、深啡色的檯椅和牆壁，簡單的貼上一些可愛掛畫。其後店員給了我們一本黑色封面的信？打開後真的是一本書，密密麻麻的英文，但原來內有乾坤，書的中間便是這咖啡店的餐牌啊，有趣有趣！餐點有分沙律及湯、小食、意粉及意大利飯、主菜和甜品等，當然有少不了的咖啡和酒類。（餐牌在文末）甘筍湯 (本日精選餐湯，每日不同) $32湯的質感打得細滑，有陣陣甘筍香，連怕甘筍味的小妹都飲光，確實不錯！紐西蘭青口配西班牙辣肉腸 $108這裡的青口可自選喜歡的醬汁煮法，選擇可多了。有茴香/羅勒/洋蔥碎/意大利蕃茄/辣肉腸等等共八款醬汁，選某些醬汁只是 $98有幾款醬汁會貴多$10。自選醬汁揀左辣肉腸，平時食開清酒或白酒煮青口，估唔到加左辣肉腸係會咁夾架。青口本身味道較青淡，除食其鮮味外，需靠醬汁帶起味道，搭配上辣肉腸的鹹香後，完全是另一番味道，小妹食唔停口，因為堅惹味，鹹香味頗重，岩晒重口味的我。南瓜蓉蟹肉意大利飯 $168呈黃色的南瓜意大利飯賣相吸引，面頭

早幾天約了妹妹到尖沙咀行街，難得兩姐妹一起共度晚餐，所以在尖沙咀走了好一會兒才選擇這間餐廳。門店有歐式咖啡店的感覺，用木作裝潢的主調，我很喜歡這個風格。我們叫了一個兩人set，有前菜，主餐，甜品等選擇。首先，我們叫了兩杯不同的咖啡，我叫了一杯mocha，妹妹的是焦糖咖啡。想不到會有拉花賣相十分細緻，味道也十分不錯，咖啡味較出。接著是前菜，我地配了下面忌廉汁的配搭，十分驚喜首先，以頭盤來說，這個份量十分足夠。有7,8隻的青口，每一隻的青口肉都很飽滿，食下去的時候啖啖肉。忌廉汁香滑的味道，配上洋蔥碎和肉腸點啜，令青口生色不少。主菜是烤和牛腹肉。肉質十分軟滑，超容易就可以咬開。可能是和牛肉的關係，加上廚師控制熟度十分出色，令肉質都這麼軟。雖然沒有很多的醬汁，有出牛肉的鮮味。連薯仔和茄子都帶有少許牛肉都味道。之後是黑松露意大利飯。這個飯的黑松露味道適中，而且濃濃的忌廉味，令人很有飽足感。加上香菜令這個飯有有新鮮的感覺。不過，它的飯質偏軟，不是我喜愛的意大利飯質地。但整體也是不錯的。我本身以為是美式芝士蛋糕的蛋糕質地，想不到是日式芝士 蛋糕的質地，而且味道一點也不普通，底下的蛋糕是十分軟熟的質地

尖沙咀K11連鎖式咖啡店對面嘅碧仙桃路，街名係由英語發音而嚟，字面意思都幾有詩意。呢晚我哋嚟到街上嘅Urban Coffee Roaster，入面燈光柔和。加上人流唔多，嚟食下飯、傾下偈都唔錯。啲位上面嘅咕o臣圖案好得意。佢哋用啲好舊嘅書本做餐牌，玩味十足。晚上都係散叫為主，由西湯、沙律、前菜、主菜到甜品，每款類別皆有數款至十數款不等供選擇，以咖啡店嚟講可算全面。呢次我哋從中揀咗幾款食物試試。紐西蘭青口，中型大小嘅青口爽脆鮮味，切成方丁粒嘅西班牙辣肉腸有咬口，洋蔥粒同時蘿令忌廉汁更香甜惹味，如果能夠提供麵包嚟蘸汁就好喇。黑松露野菌意大利飯，飯身係迎合港人口味較濕潤軟身嗰種，混有菇菌粒同芝士增加口感，黑松露味唔算突出，但味道唔錯。烤M4和牛腹肉，擺盤精美。切開數片上碟，外層帶焦香，肉質軟滑易嚼，睇落好生，食落就無血淋淋嘅感覺，主要用鹽調味，同埋有輕甜嘅燒汁，加埋大蔥、火箭菜、意大利青瓜同新薯一齊食，成件事幾夾。咖啡煮啤梨，有別於其他餐廳嘅紅酒煮啤梨，呢度係用咗咖啡入饌嘅。啡黑色嘅啤梨放晌脆口嘅朱古力金寶同開心果仁碎之中，再加小小蔬菜點綴，好似泥土同植物咁，旁邊仲有奶泡，賣相非常吸引。烹調