芝味鳥

營業中

休息中

凍冰冰唔想出去，又忽然間想食炸雞同Pizza，就諗起Pizza Bird嘅起值餐，$168有一個大Pizza、3件炸雞同6件蒜蓉包，都算抵食啦！落order到送到嚟大概50分鐘，時間catch得幾好。首先試試佢哋個蒜蓉包，唔熱唔脆冇蒜蓉味，下次應該唔會再叫。跟住Pizza上場，我哋叫一個超級夏威夷大批，料都算足（菠蘿+莎樂美腸），但可能外送關係，雖然夠熱但個邊邊已經淋咗。最後炸雞就非常熱不過太過油，明白炸物一定多油但好似油浸咁就比較遜色了，好在內𥚃雞肉尚算滑。全個餐依然有一定嘅進步空間~

基本上這間店我們常常光顧, 但每次水準也很不穩定, 尤其是豬仔骨及炸雞, 每次我們也會 order 套餐, 只會選炸雞及另加 HK$10 轉豬仔骨, 如當日他們水準能保持, 那炸雞是很脆的, 真是很好味, 另那豬仔骨也是很腍的, 而 Pizza也是相當不錯, 只可惜是他們水準未能保持, 像每次去也是碰當日運氣, 否則真是極力推介,  3 人套餐有 Pizza 普通批一個炸雞3 件法式豬仔骨+薯條一碟3杯飲品/湯只是 HK$138

曾幾何時對香車街這邊非常有興趣,李太餃子及這家芝味鳥都是我的目標,只是自己懶惰的不想從港鐵站那邊走來而告吹,誰知天意安排我這一年在沙咀道這邊工作,李太餃子及芝味鳥每天最少路經2次,反而光顧次數卻數得出的少,又是慣見也平常的例子。行人天橋下的芝味鳥在午餐時間多數沒位置堂食,為何今天卻完全沒有客人??!!難道是未營業或是預備裝修???心口掛個勇字的入內一問:原來是正在營業的,只是當天的確沒有客人,奇怪?!不過又即時造就我來個熱氣午餐啦。每天都有的$35優惠套餐,可以選擇炸雞/PIZZA/炸薯角作小食+焗飯或意粉一客連飲品,在附近的茶記吃個頹飯都是相若價位的日子,這份套餐也算值得了。點菜及付款後自行到雪櫃取飲品,不用多想就是冰凍的藍色可樂!!想當年為了LESLIE這廣告代言人,這藍色可樂成了我幾年間的主打飲料!無論是紅色或藍色,個人認為都是炸雞的超級好拍檔。喝著很久沒嚐的藍色可樂又打打機,女店員先送來一件炸雞,還是雞腿來耶!只是我想吃雞胸多一點。剛炸起的雞腿熱氣迫人,只是晾油未完全做好,有點油份關係令本應香脆的外層變得油潤,如脆片的漿粉層因而未算乾身,吃來也未夠十足香脆;脆皮內的雞肉熱得冒煙

間中都想食得簡單些，老婆又想食pizza和炸雞，睇完戲就去買回家食；入到舖內，見到他們的pizza餅底是特厚外來貨兼放在汽水雪柜傋用，到有客order就取去廚房放上材料焗，可想象其效果有幾好，連老婆都無膽試這pizza，但既然來了，又不需食得太多，就賣了四件炸雞和一份葡汁焗四疏回家食。炸雞份量也算大件，炸漿夠脆，雞肉尚算嫩滑，皮脆肉嫩，味道也適中，不太咸，不錯。葡汁焗四疏，打開見份糧很少，汁多菜小，汁的顏色已不像樣，完全無葡汁的香，入口只感到是芝士奶味，菜也只有西蘭花，小甘筍和椰菜，只是三疏，不是四疏，菜算是沒有焗過火，但味道就一般了。似乎這店暫時只可食他的炸雞吧！

一個人呢頭真係唔知食咩好，又唔想去快餐店食。情願行遠小小，行到過黎車房呢頭食。始終都係呢度好，三十幾蚊既lunch有炸雞、飯同野飲真係算幾抵。而且十二點幾都唔使同人迫，唔嫌遠既黎呢度開飯都唔錯架。炸雞一向覺得呢度既炸雞幾好食，當然我第一個order點都係即炸既。新鮮既炸雞寧舍好食，皮脆肉嫩唔在講啦。而且個炸雞唔會太乾，食落真係夠juicy多汁。同其他連鎖快餐店既炸雞無得比。此外，雞肉真係鮮嫩無比，加上辣椒仔就真係滋味無窮。牛油汁雞扒飯呢個都算係是日之選，姑且莫論牛油汁既味道。其實俾我既感覺會係忌廉汁，而我既推論都正確既。除左有忌廉之外，都有小小牛油。呢個配搭點都唔會難食既，再加上份量頗多既雞扒。呢個配搭都算唔錯，食完真係好飽。而個雞扒同炸雞一樣咁嫩滑，呢個算係可取之處。個飯都無令我失望。個汁既份量都幾多，飯又唔會太乾。好。都算簡單既一個午餐，都只係三十幾蚊。而且食得好舒服，又唔使同人迫。唔介意既，呢度都係一個開飯選擇。

落左堂同個同學，就過左黎呢度食。不過呢日就真係搞笑，居然只有大批。個二人餐就可以加20蚊就可以轉大批，咁樣真係幾抵。所以就無乜所謂啦。炸雞呢個係次次必食既，炸雞唔會炸到過火。雞肉好鮮嫩，而且肉質唔鞋口。真係好食過KXC既好多倍。其實加辣椒仔就好好食，真係好正。泰式辣香雞pizza轉左大批就八件，即係一人四件。個芝士既份量都幾多，而且配料都幾多，而且個pizza好脆口。好食過必勝客好多，個pizza真係好正。真係食到好飽，一人四件真係太多了。香辣海鮮炒飯呢個炒飯都唔差架，海鮮既份量都好多。而且個飯炒得好爽口，真係唔錯架。不過要彈既係，汁既份量太少，所以有時飯無汁就唔係太好啦。但我覺得呢個價位都算係咁啦，唔可以要求太多。其實，佢地好多野都要自動波。例如：餐具要自已拿，而落單要出去收銀落等等。不過，咁樣可以有更美味既美食。其實都值得既，一分錢一分貨嘛。

呢篇食評都算幾耐下啦，咁在考試之前。就黎呢度食個午餐吧，是日所見都唔係特別多人既。好容易就搵到位，呢個實在太好啦。龍蝦湯雖然話就係龍蝦湯，但一隻細細隻既蝦仔都無。不過都算有龍蝦既鮮味，算幾好飲。都算係有小小驚喜。炸雞一向都覺得好好食既野，雞肉皮脆肉嫩。我已經好滿足，而且我好鍾意食佢既雞皮，好脆口呀。粟米烤雞焗飯個焗飯好重忌廉味，而且個飯既質地算幾煙韌。對我黎講，今日呢個飯已經算好飽啦。呢度既食物都算唔錯，雖然好多野都要自已黎。不過咁既價錢都差唔多啦。

食得多 hut 記 box 記, 知道呢間店既炸雞幾出名, 近近地荃灣有間就去試下...間野係車房區, 都唔係好易搵, 入到去揀完野食要自己去櫃檯買飛之後等佢送餐.兩個人食左個2人餐,都幾多野食, 來個簡評:粟米忌廉湯: 濃郁都幾多粟米粒啖啖肉 6寸 pizza: 厚批; 熱辣, 餅脆, 料多炸雞: 好多人講好吃, 不過我唔覺得好吃, 係夠熱,不過乾左d同無乜香料味焗海鮮飯: 正正常常, 好多青口仔

放左學之後，點都要搵野食下。呢次又唔知點解想黎呢度食，就行過黎呢度啦。好彩，都唔係太多人。龍柳焗飯都唔錯既，龍柳都算幾大塊既，又香又好味。個汁就差小小啦，係好似罐頭既粟米汁一樣。太稠。炸雞一向都覺得好正，皮脆肉滑。而且多汁，好juicy。基本上每次黎都會食呢個架啦。價錢唔太貴，野食又唔錯。

我同我男朋友見食評咁多good，於是就係試下。間嘢勁偏僻，搵咗好耐囉 = = 不過佢咁平，係咁口架啦！入度到，嘩！冇咩裝修，同埋間嘢勁細，得十零張枱。啲枱仲要抹得麻麻地，有油的 不過我哋已經好肚餓，算啦！食完就返屋企。我哋點咗個兩人套餐:有6吋pizza — 我哋點咗環遊世界，勁難食，包ge皮勁厚，同埋冇芝士 炸雞—如我所料，好多汁，一咬漏出嚟，冇連鎖店KXC咁難食，最滿意！千里香豬仔骨配薯條—麻麻，又咸又整到燶哂，同埋啲肉好肥，我男朋友食咗一件已經唔想食。雖然好大件，好抵，但我寧願質素高啲，好過大件唔好食。 龍蝦湯—ok 啦，我覺得咸咗少少，寧願好似我男朋友咁飲coke 好過。整體嚟講，我哋係食唔哂個餐，而且麻麻地鍾意，不過佢真係得個抵字，同埋炸雞係好味ge，所以最好係叫外賣，唔使响店裏咁頹。

呢一日同幾個同學黎呢度食飯，雖然行左都幾遠。但都係值得既，因為真係好平好好食。可能係放飯時間，就比較多學生食啦，坐得比較迫。而且餐具、野飲都係自已拿既。忌廉湯雖則好普通既湯，但都好足料。有幾多幾多既蘑菇。墨西哥香辣pizza個pizza係13吋，好大好大個。個pizza好多料，芝士又多，真係好正。最正係個pizza辣辣地，好開胃。三文魚焗飯三文魚無過熟既，都係咁新鮮好味。而個焗飯係炒飯底，所以好正。又炒得夠乾身，呢先係焗飯。除左三文魚，仲有好多海鮮個飯到。炸雞呢個次次都食既，炸雞皮脆肉嫩。好juicy，而且又辣辣地，又唔會太油。百里香豬仔骨呢個就第一次食，味道都唔錯架。個豬骨啖啖肉，好有香草既味，好清新好好食。雖然好多好多野都要自已黎，但食物質素咁好。又有乜問題呀？實有下次既，四個人食咁多野一人都係四十幾蚊。

叫左個大胃A餐$135,五個人食。雖然接線生說要1hr15mins,之後大約45mins送到。特色燒烤薄餅(燒烤汁,洋蔥,青椒,粟米,雞肉)：普通size,有六件,咁size先合理ma!好似「P H」的,mini mini…..唉….。燒烤汁好正!因為佢批厚,感覺餡小,唔係咁夠味。蒜香牛肉長通粉, o個朕芝士汁+香蒜,估唔到的好食!牛肉粒腍腍,五香味呢~~蒜蓉包,襯熱都幾香蒜,不過好快變韌了。炸雞三件, 超脆皮雞件,不用再說,皇牌!鍾意佢既餐,所提供的選擇,唔一定焗你要汽水(飲品/蒜蓉包/餐湯)。老實說,叫外送,屋企都有野飲啦,而家可揀蒜蓉包幾好~

近期迷上了看快樂女聲，雖然成都唱區的唐寧和南京選手退出，加上包小柏老師不滿結果憤然離場，令這音樂比賽的公信力大減，但我對此節目仍然不離不棄。為了看快樂女聲，推掉了飯局，盡快歸家。不外出用膳，但晚餐始終要食。搵一搵屋企既外賣紙，喜見有Pizza & Chicken的，馬上看吃什麼pizza。佢有一個套餐，是包一個薄餅和三件炸雞，$95，相當抵食。就要了這餐，薄餅要「黃金海岸」。廿分鐘左右，聽到門聆聲，有得食了，算幾快手。炸雞有兩隻雞鎚和一件雞胸，肯定是即叫即炸，熱辣辣的，甚至燙口得無法即時食，外賣能做到這個效果，真是無可挑剔。唯有先吃pizza，批底不錯，香脆又乾身，上面鋪著吞拿魚、菠蘿、火腿、粟米粒等餡料，足料又好味道，亦不會太濕，水準比起某連鎖店確實要高一大截。Pizza已經唔錯，但原來真正好吃的還在後頭。外觀有點像大型炸雞連鎖店的出品，實際當然唔止咁簡單。雞皮脆而不硬，雞肉是真正的有雞味，雞鎚肯定是肉嫩可口，即使連雞胸也沒有絲毫嚡口，配上薄薄的調味，好吃得不得了。肚皮幾乎要爆的我，也冒險再吃多件。又炸雞又薄餅，水準仲要咁高，都只係$95，相信不久的將來又會翻兜。

同事們愛在這裡叫外賣，有一次試了一件炸雞，覺得很好味，於是喂男友去吃一回。雖然二人餐是很抵，可惜是日我們都沒多大胃口，所以都是點兩個比較light的餐好了。我的餐有海鮮闊麵+炸雞一件和汽水，男友的餐有一小件pizza、炸雞一件、薯角和炸雞件配汽水，兩個餐好像共六十多元。海鮮闊麵味道很淡，比pizza hut的差多了，所以要下不少辣椒仔去調味。而炸雞十分好味，連平時不大好熱氣食物的我也吃個精光。Pizza比麵包還厚，我沒有興趣試，男友對其評價也不太好。薯角脆卜卜很好味，雞件就是麥樂雞罷了。店子小小，但無論外賣和堂食都不少人呢，要有等的心理準備。

本來今日想去薩利亞到食，點知連pizza都無得賣，就走過來呢度解決個lunch。都十二點幾，所以人都ok多，但好彩既係都未坐滿。我地今次食二人套餐，都唔錯既。炸雞保持高水準，好食過KFC之餘。皮脆肉滑。肉質鮮嫩，我覺得炸雞只要肉質juicy，又唔好炸到太乾已經太好。香辣pizza都係咁好食，又多料。芝士又拉到好長，而且辣度又夠。雖然份量唔算太大，但我覺得已經好夠食。香辣海鮮意粉我唔覺得好辣，要加辣椒仔先叫做辣小小。呢個意粉好多海鮮，果然係平靚正。食完今餐，實有下次既。好食既野果然要付出先有收穫既。