影片
附加資料
設有堂食
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
早前相約女友人WK噚晚（4-10-2024 Fri）晚嚟我屋企食晚飯解愁，由於WK仍然行動𣎴便，所以要叫外賣送嘢食嚟，喺Deliveroo搵到Dough Bros Pizza & Doughnuts(https://www.openrice.com/zh/hongkong/r-dough-bros-pizza-doughnuts-%E8%8D%83%E7%81%A3-%E6%84%8F%E5%A4%A7%E5%88%A9%E8%8F%9C-%E8%96%84%E9%A4%85-r817323)，好有興趣想試，可惜Deliveroo同Food Panda都冇服務送嚟，我記得芝味鳥好似有外賣服務，於是上嚟睇吓，果然係，而且原來係舊年我同老公，亞姨喺喥食過（食評係2023年12月10日刊登嘅呢篇：https://www.openrice.com/zh/hongkong/review/%E5%87%BA%E8%89%B2pizza-e5173729），咁我哋睇menu揀定嘢食先喇。我哋上網睇menu，原本要返教會嘅老公都join，於是原本揀二人份$166.00嘅輕便套餐，變成要$198.00叫啱三人食嘅芝味超值餐，pizza我就揀蜜桃鴨胸，焗飯小食類WK就揀海鮮闊條麵，最後餐飲，沙律類，我就揀清新雜菜沙律。我同WK返到我屋企先，就打電話嚟落單，對方問我係咪可以即送定要約時間送嚟？佢話預半個鐘做好晒。於是我話即送。之後佢哋都準時送到，我哋就等埋老公返嚟食得，由於開咗冷氣，所以我哋食咗原本熱騰騰嘅pizza先，打開睇，鴨胸得嗰8片，因為佢哋切開8件，每件有1片鴨胸，乜鴨胸好貴咩？咁我哋自己買包煙鴨胸整熱加上就得啦。切開，呢個係厚批，食落，都係我鍾意嘅千島醬，當中材料都有蘑菇，菠蘿同粟米粒，但蘑菇就多啲，後面嗰兩樣唔多；而一路食，一路都覺得鹹咗啲同膩。2.7分然後食海鮮闊條麵，呢個都有焗過，海鮮有蟹柳，墨魚，蜆肉，成過味道同口感都正常冇問題。3分最後至食清新雜菜沙律，睇到有羅馬生菜，夾起後睇，墊底嘅係普通生菜，而佢哋係俾黑醋，呢個都正常冇問題啦。3分服務係2.9分 抵食係2.6分
繼續閱讀
菜式評價：- **開心套餐**：我品嘗了芝味鳥的開心套餐，其中包括一片薄餅、一塊炸雞、幾條薯條和洋蔥圈。所有的食物都非常酥脆美味，因為這家餐廳在我們下單後立即烹製。每一樣食物都熱騰騰、新鮮出爐，讓人感受到了美食的現場鮮活。薄餅上的醬料搭配恰到好處，炸雞外酥內嫩，薯條和洋蔥圈也一樣香脆可口，給人一種無比滿足的感覺。飲品配搭：除了美味的主菜外，我還點了一杯可口可樂。可口可樂的爽口氣泡與開心套餐的鹹香食物相得益彰，為整餐帶來了更加豐富的味覺體驗。清涼的可樂讓我在品嚐美食的同時，感受到了一絲絲的解渴和舒爽。
繼續閱讀
收工之後同一大班朋友聚餐飲酒，諗唔到食乜嘢，於是諗起之前喺芝味鳥拎咗一張外賣紙，叫左兩個pizza🍕🍕 我哋一大班人是但叫咗一個環遊世界、一個墨西哥香辣，外賣非常快，大約半個鐘左右就到🛵Pizza另外仲有配個飯同埋一啲小食，初初以為我都覺得唔夠食，但原來份量都算多，我哋有7-8個人都食唔晒🫃🫃環遊世界同埋墨西哥香辣味道都比較相似，可能因為大家都有洋蔥、辣肉腸、牛肉，但後者嘅芝士份量會比較多，如果你係芝士控又喜歡食肉，就一定要嗌墨西哥香辣👍🤤
繼續閱讀
是咁的。我日日係荃灣返工的。一星期五日有三日下午都會食。因為又近又唔使搭隊。咁有時放工趕巴士。人有三急。會去借廁所。佢哋幾次都會借。而有一日又人有三急諗住借廁所。有個應該係老闆定經理。我入去話吾好意思想借廁所。我行入去。佢問我係咪拎野食。佢以為我送外賣。我話係借廁所。佢話吾係係度消費吾設外借廁所。我話吓。我成日下午都落黎食。有幾次又係收工借廁所。d員工都俾借。佢話邊個借俾我。我話你地d員工。佢仲係吾俾去。咁我咪比返鎖匙佢囉。我急住尿跑返去搭巴士。個疑似老闆個人仲話咩我自出自入。好似跌我整爛佢廁所咁。我真係以後以後都吾會幫襯呢間店
繼續閱讀
屋企人生日，屋企人超鍾意食炸雞、PIZZA，即刻諗起呢間套裝都幾抵，套裝叫8人份，可以有24隻雞，每4隻一個味道，我地鍾情於蜜糖芥末同奶油味。不過真係要預多D時間叫，因為外賣送到都要幾長時間~講返炸雞，蜜糖芥末味道好好，雞脾都嫩口，不過雞胸就high D肉un D。牛油味道會比較重油，肥膩少少，不過還好，都好香牛油味。PIZZA叫左BBQ味，汁料都重，材料都平均分佈，芝士都岩岩好，包都唔會話好硬，都熱既，所以整體來說都可以。8個人$598都可以，幾抵食。
繼續閱讀