本家韓國料理

營業中

休息中

今日朋友請食飯，剛好佢提議食呢間韓國嘢，之前亦都有朋友介紹過，不過一路都未有時間去食，所以佢一講起即刻舉腳贊成👍我哋嗌咗出名嘅醬油蟹～一碟兩有大只，而且隻隻都爆膏，跟蟹仲有一碗紫菜飯！店員很細心地，幫我哋將兩隻蟹蓋嘅膏同兩嚿蟹肉加入D飯度撈勻，然後再釀返入蟹蓋度俾我哋食！入口的一剎那，每粒飯都滲入蟹膏蟹肉同紫菜嘅鮮味，又不會過鹹，鮮味充斥着整個味蕾，簡直人間美味😋韓國淡水鳗魚～店員幫我哋燒到有少許金黃色，然後就剪成一塊塊，排好煎香四邊！每片到金黃色，點上少許店家的鰻魚汁同一篇醃製過的紫蘇葉同食，果真有提鮮的效果，鰻魚煎過的皮香脆肉質爽口彈牙，非常新鮮！呢碟烤豬腩肉就失策，食落去好硬，並唔好食，可能我哋叫咗美國五花腩而唔係濟州五花腩，下次再食真係唔可以貪平！炸醬撈麵係我至愛嘅味道，甜甜地不太鹹，撈勻Q彈的麵條同吃，實在滿足😋朋友擔心我哋唔夠飽，再加多一個海鮮蔥餅，煎餅材料豐富，咬落外脆內軟軟，很有層次感，雖然大家已經食得很飽，但我哋每人都食多兩片，實在太好食😋

疫情久久不能飛韓國，心心念念韓國既醬油蟹。終於同朋友約的成有聽過本家出名既醬油蟹，食完吾會屙仲可以encore就黎左試啦～（腸胃比較差好少食生野今次嗌左部隊鍋、炸醬麵同3隻醬油蟹。前菜有七樣芽菜 茄子 薯仔 泡菜 海帶 泡菇 蒟蒻部隊鍋 - $350配料有腸仔 五花肉 五花腩 年糕 金菇 茄汁豆 豆腐 牛餐肉 翠玉瓜 泡菜同埋吾少得既韓國拉麵（最後飽得滯無落麵拎左番屋企湯底偏辣（平時食開譚仔三小因部隊鍋都系易煮既野所以都吾會難食炸醬麵 - $100本人最中意食炸醬麵，由其系韓國食過弦大梨花手工炸醬麵，香港麵質幼身啲 但味道一流 不過一碗入面麵比較少 餸就多啲 仲食到啲瘦肉醬油蟹 - $520 +$260（加多一隻）連蟹糕飯（不用額外收費整晚的主角，是為了醬油蟹而來的。醬油蟹非常新鮮（蟹糕有點小醒），入口一咬蟹肉融化於口中，啖啖蟹肉，味道鮮甜。阿豬媽會幫手整蟹糕飯，蟹糕飯一流，十分好食😋整體感覺，可翻食的店，雖少貴，但食物水準在線，有點兒去韓國旅行既感覺（很想念韓國啊😢

舖頭有唔同國籍嘅待應，韓國/東南亞國家嘅都有，有時講英文都溝通唔到，手腳亦唔夠利落。佢提供熱牛蒡茶，非常特別，飲落有啲似麥茶。*前菜前菜只有一套，冇得添加，非常可惜，因為佢比好多韓國餐廳整得好食，而且好多種類。辣泡菜：酸辣泡菜，比平時食開嘅前菜辣好多醬油茄子：偏向日式調味，但茄子纖維感重甜薯仔：成塊連中間都非常甜，非常軟腍辣脆肉瓜：6種入面最辣嘅前菜，但好惹味醬油豆腐：日式鹹醬油硬豆腐，豆香帶啲啲辣冷拌菠菜芽菜：最平實嘅前菜，比較單調淡味炸醬麵 $65份量正常size，麵底唔係公仔麵嘅麵，質感偏腍。炸醬有洋蔥薯仔脆肉瓜粒，份量多，反而冇乜豬五花肉。炸醬夠撈晒成個麵，我覺得略為有啲張口。炸醬鹹得嚟比較單調，醬汁本身冇咗啲一齊炒醬嘅肉同菜味。冷麵 $65原本好靚，但係佢會幫你剪斷啲麵。配菜有半隻熟烚蛋，幾片爽脆青瓜醃蘿蔔雪梨，仲有兩片韌又冇晒牛味嘅牛展。麵底份量多，係標準韓式蕎麥麵，細身煙韌，過咗冷河去外面層澱粉，非常彈牙，唔剪斷唔得。牛骨湯夠凍，清甜唔油膩，加埋醋，酸酸鹹鹹，非常開胃，透心涼。

岩岩入到去已經聽到好多韓文隔離坐住個枱都係韓國人🤣 勁有去咗韓國嘅感覺! 超地道咁!🔖 前菜泡菜、蜜糖薯仔、菠菜、芽菜、茄子、蒟蒻每人都會奉送免費前菜 超好食不能ᴍɪss🙃🔖海鮮煎餅原來韓國年節時 會準備各式一口sɪᴢᴇ嘅圓形煎餅以泡菜同海鮮煎餅最常見☺️ 後尾就成為咗韓式小菜煎得脆卜卜 超足料 大量嘅韭菜、魷魚仔、辣椒絲 口感豐富🔖 炸醬麵暫時係香港食過最好食嘅炸醬麵٩(*´꒳`*)۶次次食完個口都會烏卒卒 因為加入咗黑豆醬呢個炸醬麵味道濃郁 不會偏甜 調味剛剛好將麵條與加入了洋蔥、薯仔、紅蘿蔔等烹調成韓式炸醬拌勻一齊食就可 簡單又滋味 好吃的更加難得❤️

尖沙咀有太多韓國餐廳，有時真的唔知揀邊間好？之前見一位朋友常常都食同一間韓國餐廳，經他介紹完之下都忍唔住黎試試。打開menu一看，菜色頗多元化，除了一般的燒肉之外，還有好多傳統韓食，而且仲有罕有的燒鱔‼️這並非很多韓國餐廳都有架，難怪朋友超推介食呢個😆因為太多唔知點揀好，阿豬媽就建議我地揀set餐，又有得燒肉又有韓食，好 唔使煩。雖然set餐無炸醬麵，而我又特別想食，於是阿豬媽就幫我將原本的炒粉絲轉為炸醬麵(只需補差價，肉類都可以的)。這體貼位 加分👍🏻-前菜小食: 我認為食韓食，前菜都幾重要架！😙而呢間餐廳就滿足到我，款式多，而且有些在其他餐廳比較少見，如茄子，蘆薈(圖1左下角的綠色小碟)。-燒肉: 一牛一五花肉相對地略為遜色，由於阿豬媽service非常好，他們會主動地幫客人燒，甘好service當然開心，但變相會少咗自己燒肉嘅樂趣。而且佢哋一次過幫你燒好晒，牛肉燒得有點過熟，加上會容易變凍，令到有啲浪費咗嘅感覺☹️-韓食: 炸醬麵&泡菜豆腐湯呢間餐廳的韓食很道地，很正宗👍🏻尤其是炸醬麵，本人認為係香港比較難搵到好食嘅炸醬麵，因為普遍都係偏甜，但呢個炸醬麵甜度適中，加上帶有微辣，意想