很久沒有吃過上海菜 家人們本身很喜歡中菜 所以難得地試了這一家 家上海 首先，這家店的服務態度不得不說真的很好👍🏻 服務員會主動詢問顧客的需求 亦作出適當的建議。收盤速度亦很快速。環境夠大，坐得舒適。 我們叫了四人的套餐，當中有拼盤，嫩雞煨麵，炒飯等等。。。 整體味道尚算不錯，適合喜歡清淡口味的朋友 另外，亦叫了蔥爆牛肉 鐵板式上菜 牛肉非常香口 雞煲就不過不失 額外叫了個酸辣湯，酸辣度適中 甜點亦有高力豆沙香蕉 不過豆沙蓉較少比較稀，味道較淡。

好耐之前同朋友排左成粒鐘都買吾到既布甸包 竟然比我偶然遇上機會買到 星期一至六 1630開始 只有150個名額可以買到 買番屋企後用番氣炸鍋整熱食，外脆內軟，布甸奶味夠重，中意飲奶既朋友仔會非常中意布甸包既奶香味 另外哩個抹茶紅豆麻糬既布甸包都非常好食😋抹茶味夠濃郁，紅豆🫘夠多又大粒 食過其他舖頭既布甸包都吾夠加多娜既好食，絕對值得排隊去買值得一試

好耐無食過台灣菜 系香港食普遍都系偏貴 無意中同朋友系附近搵野食搵到哩間台灣野 覺得圖片賣相好吸引就過左去食 發現原來下午茶餐都幾抵食 就選擇左入去坐低慢慢食 同朋友嗌左個鹽酥雞滷肉飯同鹽酥雞手工麵 （仲有個滷水溏心蛋無影到添 手工麵都幾大碗 下午餐好夠食 麵質煙韌 好易咬斷 仲有濃濃既牛肉湯底味 可稱非常入味 鹽酥雞排細細舊但份量岩哂 整體都有 另外加多左$24嗌左個紅油豬耳（跟餐嗌） 同平時譚仔食到既爽豬耳吾同 夠辣得黎軟軟的 入面仲有啲青瓜 調味好易入口 系一個開胃菜

作為將軍澳人，又點能錯過嘗試區內新開既食舖呢。 今次膽粗粗就同朋友入左黎食哩間四川既烤魚。 店內環境乾淨企理，周不時都會見到店員系到清枱拖地。所以入到去食野都好放心。 我地點左個絕品烤魚 $248 一邊系酸菜烤魚 一邊系青陽椒花椒烤魚 前者辣度無後者甘辣 食得譚仔3少辣既我都要瘋狂飲野 但魚肉好滑好入味 而配料我地嗌左土豆片、午餐肉、鴨血同萵筍片 土豆片無土土豆味吾重，鴨血亦一般，但萵筍片非常爽口好食 燒烤串串方面： 嗌左2串奪命肥腸（$26）、2串羊肉串（$32）、2串牛肉串（$26）同2串蝦串 吾知師傅系咪四川人，我地嗌個時已經特別地講少辣😂但食落都真系好辣 除左辣味我都食吾出其他味道 不過羊肉串既羊肉既羶味尚可接受 中意食羊既朋友可以一試。 另外，朋友叫左個烤生蠔同烤茄子，上面有蒜蓉辣椒香蔥吊味。 食完感覺上味精多左好易口乾 分別嗌左杯百香港茉莉綠茶同草莓番石榴乳酸蘇打 整體感覺 店是不錯的 但口味偏重 強烈建議食得辣既人先好食😂

同朋友好耐無見，相約一齊食大排檔。 路痴既我跟住地圖去，最後都搵到，一上到去就發現同平時食開既大排檔吾同。 平時都系地舖同埋環境無甘乾淨既。 但妹記比到一種好舒適既感覺比我。 幾條女一齊嗌左黑椒薯仔牛柳粒、椒鹽八爪魚咀、咕嚕雞球 、 魚香茄子煲、蠔仔粥、豉椒炒蜆、粟米班腩 同埋大肚婆炒飯 牛柳粒配薯仔真系一流 牛柳粒好煙靭容易咬開配上黑椒汁更加入味，側邊既薯仔更加系外脆內軟 椒鹽墨魚咀 吾系到到都有得食炸墨魚咀，心心念念之下叫左椒鹽味岩岩好。 魚香茄子煲 配飯一流粟米班腩 同出面大排檔食既普遍都一樣，不過班腩都系脆身既。 豉椒炒蜆 蜆肉多又無乜沙，絕對可以一試。

因疫情久久未能到韓國旅遊，非常掛念韓國的地道小食同食物。 不過響香港哩個美食之都入面，系絕對可以食到韓國菜既。 朋友拉左我黎食李家，聽聞啲炸雞好正，就即刻一試！ 有睇過來自星星的你既話一定知道炸雞配酒系一個絕配！ 同朋友嗌左幾樣野 雙拼無骨炸雞 甜辣+蜂蜜蒜蓉，芝士雞蛋卷同埋米酒，絕對2個人份量有多飽到食吾哂。 如果掛住韓國但又未可以開始去到旅行而又好掛住韓國炸雞既朋友絕對可以黎哩間一試，嘗試搵番去韓國旅行既感覺

身為神徒既我知道左哈欠系永順街39號既拍攝地就即刻黎左打卡啦 今次同朋友嗌左一樣既野食同飲品 重點系可以帶埋小動物入場哩杯鳳梨多多莫吉托 故名思意有益力多系入面 有好香甜既鳳梨味系入面 另外用雞尾酒既配搭真系幾好飲☺️ 另外我地嗌左個辣味蜆肉炒意粉 蜆肉系比較多沙 但整體上都好👌🏻👌🏻辣味適中 絕對系可以一試的Café，坐坐下仲聽到永順街39號 吾肯走添同埋記得記得搵番教主坐過既位影番張相打卡留念添啊❤️❤️

同朋友相約食飯，佢就話哩間好好食就介紹左比我 我地2人嗌左你秋刀魚刺身、豆腐魚仔沙律同埋一個定食。 秋刀魚刺身 朋友表示現時秋刀魚系當季，非常可口，食落口感有即溶感覺，亦無醒臭味反而口中帶住好香口的新鮮魚味，非常好食 另外，食左個豆腐魚仔沙律🥗平時好吾中意食魚仔 但哩個沙律食完之後完全吾覺自己食到好乾好硬既魚仔，豆腐亦夠滑吾會乾爭爭。 最後個定是系有牛同埋五花腩，燒到5成熟配埋日本粒粒飯，哩餐飯真系食得好滿足

同朋友行行下街 無意之中經過既茶店 甘岩又口渴 就比我見到吃茶三千 因為比佢個名同門面吸引左 加上見到店內有位置可以小坐一陣 系哩個驅使下 睇下有咩飲 休息下 誰不知見到有水蜜桃既手搖 對於桃控既我 絕對抵檔吾到 即刻嗌左杯香桃烏龍冰茶試試佢 哩杯 水蜜桃冰茶系有得揀甜度同冰度 我揀左微糖同少冰 入面有粒粒果肉 甜度岩岩好 適合吾好甜既朋友 而且仲有個免費既粉紅色杯套襯托 適合中意打卡既朋友仔添 中意飲廢水手搖既朋友絕對可以又飲又打卡 推薦

麻辣海蜇 $78
推薦
中意食辣既朋友絕對可以食，因為真系好辣😂😂😂 但佢無左我想像中食間海蜇既醋味 除左辣 覺得有點小伏


辣子雞 $159
推薦
價錢偏貴 但好好食 系少左啲雞肉 但整體味道而言絕對不錯 辣椒好多但吾系好辣 吾食得辣既人都可以食到


麻辣風雲炸饅頭 $58
推薦
味道與價錢算系甘 同海底撈炸饅頭有得揮 同埋有隻諸葛亮企系船上面既設計 打卡一流


酸菜魚 $268
推薦
魚夠多 又滑又好食 系薯粉比夠少要加$30追加
酸菜有得揀酸度 湯底有得揀辣度 好好食


酸辣土豆絲 $108
推薦
土豆絲配搭青陽辣椒🫑去炒 味道岩岩好 吾會太辣 好香薯仔味 又爽口 必食


秘製麻辣炒薯粉 $88
推薦
未見過薯粉可以炒 新奇下走左去試
炒完同炒烏冬一樣 但薯粉好煙韌彈牙 好有鑊氣味 好香 好味道

黑糖脆炸糍粑 $58
外脆內軟 不過黃豆粉有啲多 但都好好食