Mini Friday (The Wave)

Book左位同朋友食晚餐星期日既夜晚無想像中咁多人去到wave 要搭lift 先可以上到3樓搭電梯只可以上到2樓2樓既職員都好友善咁提醒我地上到3樓原來有分米走雞同mini fridayMini friday環境大氣氛好店員都友善有禮一開始會上一小盤脆餅？先點埋醬好好味😋之後好快就黎左雞翼 $78好似叫柚子蜜糖雞翼雖然$78 4隻偏貴但非常入味 蜜糖唔會好多好甜醬既份量剛剛好 推薦之後輪到炸薯條配黑松露醬 $78薯條比較偏短同碎但份量好多亦都係因為咁 放耐左少少就淋哂飲品系列左邊係草莓牛奶沙冰$78右邊係椰香菠蘿沙冰$78熱辣辣既天氣飲真係冰涼入心整體都唔錯 偏甜重頭戲既dinner set 碳燒紐西蘭頂級牛柳拼龍蝦 $348牛柳真係好好味有少少入口融化既感覺而個醬都好岩點牛柳龍蝦超多膏 都好好味最後係千島海鮮薄餅 $198薄餅皮好薄好脆料都好足 但唔會話好飽我一個人都可以食6塊😂最尾2個人食左800幾唔可以話好抵食但我覺得食物環境氣氛黎講價錢都算係可以接受既範圍會再去

上次同朋友食過銅鑼灣分店，感覺都唔錯，所以今次同男朋友試試呢間觀塘分店😊我地六點去到，啱啱開晚市，未係好多人，所以比咗個好闊嘅卡位我哋坐😆一坐低店員就比咗餐前小食我哋，係一啲脆片配千島醬，開一開胃先🤣第一樣叫嘅係炸薯條配黑松露醬 ($58)🍟一見到嚇咗一嚇，冇諗過咁大份，呢度嘅薯條係扁形嘅薯條，可以食到好多薯肉😌個醬有明顯嘅黑松露味，不過我覺得佢沙律醬味更加出。之後叫咗個意式辣肉腸帕爾馬火腿薄餅 ($158)🍕上面啲菜係火箭菜嚟，pizza有濃濃嘅芝士，配埋辣肉腸同火腿味道唔會太鹹，加埋啲火箭菜味道好有層次😌不過有啲位焗得有啲燶，有少少苦，都冇咩大問題嘅😆我哋再叫咗一個主菜，燒美國頂級肉眼扒 ($268)🥩牛扒都幾大塊，叫medium真係啱啱好，好有牛味，而且都仲有肉汁😆而配菜有啲蔬菜同青豆薯蓉，男朋友就麻麻地陣青豆味喇🤣嘢飲方面，我哋叫咗一jar Flamingo ($88)🍹雖然顏色係cranberry咁嘅色，但主要係飲到菠蘿味🤣喺openrice book位主餐牌有88折，變相免加一，埋單係$560，所以我覺得價錢都好相宜👍🏻呢度真係坐得好舒服，我哋呢晚餐廳大約八成滿，又唔會太嘈

經過辛勞嘅一星期工作，終於到放假嘅日子，梗係要食餐好嘅，所以happy Friday去Mini Friday食好西休息下🤣觀塘分店好大，仲同一間火鍋店連埋一齊，所以入去嘅時候都要行番去岩嘅門口先得🤪一坐低，侍應就擺底左份薄脆，雖然已經唔係非常脆，但係點吓芝士食都幾滋味🙋🏻‍♀️❣️黃到金雞翼（鹹蛋黃雞翼）$58一共有四大隻雞翼，每一隻都佈滿鹹蛋黃碎，而且係熱辣辣炸起，雞翼咬落好多汁，但價錢係比較貴🤑❣️千島海鮮薄餅 $168真正嘅薄批pizza，批邊好似薯片咁脆，而且有大量嘅芝士同配料，重點係每一塊Pizza都有一隻大蝦，蝦身咬落都非常彈牙，值得一試😋❣️DIY Pasta $158呢個係一個dinner set ，配有田園沙律、餐湯同餐飲，加$1 仲有埋甜品，沙律特別之處就係有啲好似魚子嘅粒粒，但其實係果汁嘅爆珠，食落都幾得意，而主食可以自選醬汁、麵底同配料各一款，組合成呢一個蒜片欖油煙肉意大利粉，蒜片爆香後令成個意大利粉都充滿蒜頭嘅香味，煙肉嘅份量都相當多，唯一不足之處係略嫌成個意粉都係好多油，食幾啖就有啲膩🌚，甜品就係一個敗筆，完全唔知自己食緊蛋糕🤣，似食緊一嚿魚膠粉糕多啲❣️炸薯條配黑松

是日一行4人勁openrice訂座，完全唔洗等，直接入得。佢一開始張枱會放左啲墨西哥薄脆加芝士醬俾人做前菜。睇左陣餐牌，叫左香草燒法國春雞，龍蝦西班牙海鮮飯，自選意粉同炸薯條配黑松露醬，我餐飲揀左艾丁格黑麥啤酒。先講杯餐飲艾丁格黑麥啤酒，好濃麥味，完全冇苦味，好順口，同薯條超夾，超好飲。之後到果小食炸薯條配黑松露醬，係粗薯條黎，炸得夠脆夠熱，果醬好香，同薯條好夾。自選意粉係可自選汁，粉同配料，我地揀左辣汁茄汁，意大利粉同埋雞柳，果然好食，意粉軟硬度適中，唔會太乾或太濕，汁好夠味，雞柳岩岩好唔會太鞋口。龍蝦西班牙海鮮飯令人幾失望，啲海鮮麻麻地，都係冰鮮海鮮，所以有啲唔新鮮，朋友話果龍蝦好霉，我見到甘黑都唔想食了，果飯完全冇西班牙海鮮飯既味，好乾又油。終極失望一定係呢個香草燒法國春雞，簡單黎講就係好鞋口，又冇味，好似食柴甘，完全浪費左隻雞。整體黎講，食物質素有啲浮，一啲好味，但一啲就令人失望，所以打過和啦！服務正常既，店員們反應都快。