濟州燒肉食堂

營業中

休息中

今晚去了北角一間韓式餐廳「濟洲燒肉食堂」食晚飯，我們二個人叫了一個 2 至 3 人餐《濟州五花肉套餐 $588》，套餐包括 6 款不同種類嘅食物：1. 🐮 牛小排2. 🐷 濟州五花肉3. 🐖 醬油豬排骨肉4. 👅 豪快嚴選牛舌5. 🐙 大八爪魚鬚6. 🍝 韓式炒粉絲《飲品》梅子青檸梳打 $32、茘枝梳打 $32整體來講：份量足，味道相當唔錯，服務OK，價錢算合理，唔怪之得都幾多人食，好彩朋友預早訂定位；這間餐廳可以記下來，有機會會再幫襯

今日老婆黎港島接我收工我就同佢去呢間喺北角滙嘅濟州燒肉食堂撐下枱腳呢間燒肉唔book就真係冇位我哋就book早啲冇咁多人嘅時候嚟好彩又比我哋坐到窗邊位一邊睇住日落一邊睇住一邊韓燒幾咁浪漫呀揀緊野食既時候就已經上左餐前小食四小碟包括有芽菜、豆角、醃蘿白、泡菜另外仲有沙律全部都可以refill架～食得韓燒點會冇芝士粟米同泡菜煎蛋呢～我哋食呢個二至三人份量既濟州五花肉套餐$588分別有特選黑毛和牛上貝身肉味道最香濃就係呢個部份入口即溶特選五牛花肉質軟腍味道雖然冇黑毛和牛上貝身肉咁正但都好高質濟州五花肉五花肉當然有脂肪先係正啦燒到脆身就食得豪快嚴選牛舌食完都唔覺係食緊牛舌好似食緊牛肉咁好得意醃料味道甜甜地好味啊！醬油梅花肉同場加映：豪快蘋果醬油雞腿肉身較厚燒既時候要比D耐性記得較細個火咁就唔會燒燶啦三款醬料：大醬、海鹽、醬油最後仲有韓式炒粉絲 以牛肉、蘿白等作配菜味道微辣食韓燒熱辣辣緊係要飲返杯凍飲濟州特飲西柚配綠茶配搭新鮮梅子青檸梳打酸酸甜甜十分開胃

最近真係好鍾意食燒肉，今日又約咗個朋友一齊去試啲未試過嘅燒肉店，今次就揀咗濟州燒肉食堂。我哋都比較懶，最鍾意叫套餐，貪佢嘅份量預得啱啱好，所以就揀咗呢個2-3人份量嘅濟州五花肉套餐。講到食燒肉，我始終都係比較鍾意食韓式，因為韓式燒肉店通常都有唔同款式嘅前菜小碟，仲有爐邊嘅粟米芝士同泡菜雞蛋，而且全部都係無限添加，包你一定食得又飽又滿足！濟州五花肉套餐總共包咗五款唔同嘅肉類，其中四款放喺同一碟上嘅分別係特選黑毛和牛上貝身肉、特選牛五花、豪快嚴選牛舌和醬油梅花肉。另外有一碟獨立奉上，份量十足嘅就係濟州五花肉。特選牛五花燒之前見到雪花分布平均，兩邊簡單燒大概1分鐘就食得，因為牛肉非常優質，所以基本上唔使點任何醬汁食都已經好好味。特選黑毛和牛上貝身肉切成不規則形狀，正因如此，所以更加能夠燒得香口得來又唔會過熟，簡直係外脆內嫩，口感一流！之前試過喺另一間韓式燒肉店食過濟州五花肉，記得嗰次仲有店員親自主理，所以我今次就完全掌握到燒呢大塊五花肉嘅技巧，我能夠燒到排走咗多餘油脂，換來脆邊嘅口感，如果仍然覺得太油膩，可以用生菜包住嚟食，咁就更加好食啦！豪快嚴選牛舌食起上嚟唔似牛舌嘅口感，有啲似普通嘅牛肉

好耐無食韓燒，今日約左朋友去佢公司附近個商場食個晚餐。我哋懶得諗叫左個濟州五花肉套餐。首先上配菜，泡菜非常惹味，甜甜地，青瓜爽脆，沙律菜有埋醬汁配搭。個蛋就唔使多講，滑滑的帶點蛋焦，粟米加芝士好香濃幼滑。濟州五花腩，睇相都已經知道係靚野，又長又厚不特止，表面好有光澤。未食過室內既燒烤，可以係燒既過程入面已經有好強烈既豬油香味。食落口嘅時候，雖然好香口，但一啲都唔會覺得油膩。我覺得配上調配嘅辣醬非常相襯。雖然呢度主打食牛肉同豬肉，但係我都特別想推薦一下呢度嘅雞肉，十分嫩滑之外，呢度既醃製味道好特別，有一陣果香味，好入味。咁大舊墨魚，係視覺上真係非常震驚。不過佢絕對唔係得個大字，因為我雖然燒得有少少太耐，但佢嘅質地仲非常爽口， 十分多汁，特別係啲鬚。黑毛和牛上貝身肉，唔使整太熟，好鮮嫩易入口。牛舌最怕就係奀，呢度牛舌厚度岩岩好。其實我都唔係好知要燒幾耐，決定燒3分鐘左右，結果出嚟都爽口，而且佢獨家調配嘅醬汁同呢塊牛舌非常襯，再加少少鹽，味道一流。大醬湯香噴噴兼熱辣辣，材料好豐富，主要有豆腐牛肉冬菇翠玉瓜蜆，個湯勁濃郁，有啲醬油嘅味道同有啲似麵豉湯，豆腐好滑好入味、牛肉嫩滑、蜆都好鮮。濟州特

淘小姐第一次去韓國就係去左濟洲個一個星期食既美食隔左差不多十年時間都仲記憶猶新淘小姐今晚去左北角匯既濟洲燒肉食堂回憶返晒黎！職員好細心為我地介紹餐牌上既食物再遞上四款前菜：泡菜、蘿蔔、蒜芯、番茄泡菜絕對不少得未試過食蒜芯微微的辣味帶出佢獨有既香氣蘿蔔味道較特別並非酸酸甜甜個種相反係帶點淡淡既醬油味道放心，番茄唔係辣既口感好像煮過有趣另外仲有新鮮沙律爐邊仲有泡菜雞蛋同芝士粟米以上全部都可以任添包保吃到飽！醬汁有豉油、炒過既海鹽同韓式大醬還有可以包住燒肉食既新鮮蔬菜好爽甜架～主餐我地揀左 濟州五花肉套餐 （ 二至三人) $588 裡面有特選黑毛和牛上貝身肉、特選牛五花、豪快嚴選牛舌、濟州五花肉、醬油梅花肉 特選黑毛和牛上貝身肉 想不到韓烤都有和牛每邊燒兩秒就食得和牛特別香濃既味道絕對會令你明白可謂齒頰留香入口即溶令你想再來一片特選牛五花豪快嚴選牛舌牛舌口感嫩滑似食緊牛肉多D～濟州五花肉職員特地為我地既爐由網轉為鐵板並解釋因為鐵板讓食物受熱較為均勻快熟之餘又能鎖緊肉汁呢塊五花肉有點爽口加上鹽花很好味醬油五花肉 大大的一塊五花肉 燒好之後無須加上醬汁包菜食就已經好好味配有韓式炒粉絲或者大醬湯